一樂燒臘飯店 (已結業)

去開呢頭有野做..咁就搵野食..係同友人都唔知去邊好,就入佐呢間一入到去都唔知食咩好 大家都志在食飽冇話特別,唔係特別好食 又唔係特別難食..普普通通...可能冇食到佢既招牌菜掛??P.S 佢D餐牌好難睇..........D字睇唔明XDD

是日又入大埔探親，驚見大埔墟食店變化之大，由細吃到大的老牌西餐＂凱旋門＂已結業一個月，還好一樂及陳漢記等還在。。。剛好是下午茶時段，便到老牌燒臘店一樂吃燒鵝瀨，店內裝修有些改變，但魚缸，熱帶魚及ＣＯＲＡＬ不變，店員服務十年如一日的一般差，但燒鵝的味道卻是幾十年都一樣咁美味，熱騰騰肥美的鵝肉及鵝油的香味令人食指大動，個人覺得這間的燒鵝可算是香港數一數二，瀨粉比較硬身彈牙，湯頭應是燒臘的頭頭尾尾所做，吃不到什麼味精的感覺，卻很鮮甜。一邊吃一邊看魚缸美景，真是一樂。在香港有此質數而平民化價錢的燒臘店已不多了，在此大力向大家推薦。

大埔的美食好像真的數不勝數，之前介紹過的阿婆豆腐花、林記點心、余曉記煎包和新明發，好像都只是大埔的在地人才會懂。當然還有質素每況越下的群記，紅到幾乎大埔人都吃不到。除了這些，還有一家隱隱在大埔墟，有人以為只是家普通燒臘店，卻是連discovery channel都有介紹過它的燒鵝的名店。跟大埔同事聊起來，他也是這家店的常客，可是每次都是外帶回來吃！說回來還沒有在店裏品嚐過燒鵝，西打也說好像只在店裏吃過一碗麵。湊合起來，就成了這個飯局。剛好西打快要生日，同事還硬要請吃飯，真的感謝！如果大家真的是西打部落格的粉絲，在這個blog成立初期，有寫過同名皂一樂燒臘，店在中環，那家是這店老闆弟弟開的分店。掛著差不多十隻燒鵝，如此狀觀的景況，不是名店也看不到。朋友先拿位子，西打那個時候....在轉角處看影碟放映..hahaha只得兩個人，戰鬥力不高，不敢亂點太多。同事好像瘋了的猛叫西打點甚麼點甚麼...很冷靜的...先來半隻燒鵝，先吃，再看情況。不知甚麼時候，燒臘店的燒鵝都是掛在大光燈下，待客人點菜後，便即斬，澆上醬汁，送到桌上，除了在效區的幾家店外，好像已經沒有當年烤好後，立時切好，熱呼呼的啃著吃

今晚很想吃燒臘飯,本來想去廣東燒臘,點之行錯路,見到已經有幾多食客的"一樂",於是,決定試試,那時,還未到晚上七時,而且是平日星期五,但已經有很多人,我和老公二人坐在最尾的卡位,雖然近住個大湯煲,但因冷氣很足夠凍,所以也不覺得熱店員服務態度很好,很快便過來招呼我地,我地睇到"招牌鵝",而且有很多食客也點了,所以也叫了一個例牌味道很好,不會太鹹,或油太多,皮好易咬,但肉唔夠厚,果然是招牌菜,值得推薦.另外,义燒油雞碟頭飯,就唔多好啦,义燒好普通,無味道,雞肉好"梅"就算鵝係招牌,其他也唔可以是是但但呢!店員送上兩大碗湯,可惜,都係味精湯,七時十五分,已經全滿了,希望可以改進些,始終是燒臘店,應該樣樣也好味,不應只得鵝好味,檢討檢討

看之前多個食評，各位食客對一樂作出多是負面的評語，但當我食過這個外賣飯盒，不如大家給予多一個機會吧！記得今「尾牙」時候，家人買了一樂嘅叉燒加料，味道普通甚至可說不太好食，大家都說麻麻。是日放工回家，很想吃燒味飯，只得一樂最近有得買，所以買了一盒叉鵝飯回家吃。很久沒有走進店子內，依舊有缸色彩斑斕嘅熱帶魚，店子看上去似大眾街坊食堂，吃得舒服。認得出落單的是老闆，記得某雜誌曾經訪問過，老闆禮貌周周，落單，pack返盒都很落力。回到家中，打開飯盒，雖然賣相不甚討好，但一口咬落叉燒，甚有驚喜，很軟，與上次比較真是差得遠，而燒鵝味道亦都很好。但是次食評想讚的是其飯，飯粒水分不多不少，拿捏得很準確，很有米香，配上美味叉燒，真的「一樂」也！

話說呢間燒味店陪我一同成長. 小時非常愛到此店事關那兒有個大魚缸, 望見就好開心 可惜, 日子久了, 這店變得愈來愈dirty. 員工咁多年黎都係差差差! d食物貴都算, 而家仲要變得唔好食!多番的失望後, 昨天又跟家人去try下, 可惜仲worst過以前多多聲!d雞-- 難食! 鵝-- cut到唔知點食..堂堂一間燒味間, d野都cut到唔知似乜...員工態度依然差, 十問九唔應. 個個苦口苦面.最好笑係, d碗碟, 十隻八隻都係崩的, 唔小心都會被介到...大魚缸變了小魚缸都算. 我諗最大問題係d員工個個都做得好唔開心...要我再幫襯? 好難喇, 食得貴唔好食, 又要受氣... 老街坊都咁話!!

今日同女朋友路過...見門口的燒鵝好似幾吸引~所以入去一試~女友叫左燒鵝瀨~~賣相幾好既~~不過真係好大問題~~瀨一d 都唔淋~硬左 d~都算~湯底好普通.而燒鵝都幾香.而我呢就叫左一碟乳豬加鵝肶飯~先講一講乳豬先~~未食咁難咬既乳豬要好好牙力先可食到~真失敗~~到燒鵝喇~對比我女友既鵝瀨~完全係2樣野黎~我諗是但搵個街市都搵到咁既燒鴨肶一d 特別都冇~未試午餐食碟頭飯同鵝瀨會過百蚊囉~~唔會再有下次

BB 又要開工, 我唯有自己食嘢囉!!見佢有時收工都去一樂食燒鵝飯, 就去食下有幾好食先!入到去, 好多 "佬", 單身女仔真係好小...怪怪地咁...阿姐可能見我生面口, 好 nice 咁問我食咩...我話食燒鵝飯, 佢又 sell 我食燒鵝腩仔飯, 話好好食, 比個例牌我喎, 我心唸都可能無下次.. (因為我住大埔咁耐都係第一次食), 又睇下佢有幾好食...??首先有個熱騰騰既例湯, 都幾好, 因為我飲到好勁既紅蘿蔔味!跟住比張單我...$50 呀...嘩....有幾好食呀????好笑既嘢開始發生!! 有個男人 (西裝友) 叫左同一樣嘢, 又係燒鵝腩仔飯, 不過佢叫 "燒鵝燒肉飯" , 張單係 $36 (我心想...嘩, 差咁多)???? 點知同一時間比我地...哈哈哈哈, 佢係咁望我張單囉...因為佢果 d...好似人地街市搭比人果d咁...我果碟, 又真係幾正喎!! 腩仔好好味, 又脆~ 唔錯!! 結果食哂d燒鵝腩仔...同埋個湯, 飯就無咩食過囉..最衰既係果度太多人, 同埋無咩女仔去囉....如果唔係, 都係一個開飯既好地方~

尋日同家姐去到呢間好耐都冇黎過既飯店...叫左個叉燒瀨...湯底都尚可接受...不過可惜d叉燒又瘦又難食d瀨粉一d都唔似瀨粉...同以前差好遠...唔知係咪換左瀨粉呢@@叫杯0茶...淡左小小..又多冰...環境方面...可能因為日子長遠...比較old左小小...服務質素又真係麻麻地...幾個侍應...3檯客...但係佢地都好似睇你唔到咁....叫勁耐先有人聽到...衛生方面都還可以既...起碼未見到有小強...

係大埔墟唔知食咩好... 所以去左一樂媽媽話好好食好好食點知... 真係好失望$38叉燒瀨+凍飲... 媽咪係燒鵝瀨真係好難食... d叉燒勁肥.. 擺落口成口油... 食到我嘔燒鵝就相反瘦到冇肉又勁貴wor... 食魚蛋粉好過...

十一月廿三日(星期日)老公仔上我屋企食飯,老豆就買了他喜愛的一樂燒鵝吃了!買了半隻,都算大,份量多呢!香就香,不過略為肥了點,皮下脂肪多了點呢!!下次試試他們的小炒呢!

這裏的燒味很是有名，連於discovery travel and living channel的Anthony Bourdain都曾來訪並大讚。通常這類所謂的旅行美食家大多都會去名店如鏞記試菜，但這次他竟連遠至大埔的這裏也懂來，可見這兒的燒臘水準可能有番咁上下，再加上居於大埔的老友也曾說過類似的說話，那就真的不試不行....星期天，人多得很，幸運地只是一個人，很容易於大圓枱中就攝到一個位子...除了燒鵝外還想試試义燒，來碟义鵝肶飯就對路了....望上去，看見义燒顏色暗啞，上色不太勻循，已知水準不會太好。一吃之下果沒料錯，蜜味不重，肉且還有一點韌。莫說不能跟對面海的再興相比，就連近至沙田的义燒大王也定比這兒出色；主角的鵝其實吃落應該是鴨來的，皮並沒有如其他食家所說的脆，可能不是吃到剛出爐的；肉頗實淨而且不算肥得很，喜歡吃瘦的一定會愛上，但小弟吃燒鴨或燒鵝是比較愛吃帶點肥糕的，貪其豐脥油潤的口感。恕小弟不太懂得欣賞這兒的出品....看見掛牆TV不斷播着Anthony Bourdain的介紹，有點無奈....

睇下個門口 已經覺得入面唔係幾乾淨 不過都過到黎 就入黎食下喇叫左個叉雞飯 凍0茶先講叉燒 好肥 真係太肥 雞都還好凍0茶先特別 甜到同快餐連鎖店一樣心諗 有冇搞錯呀 一早就去大家樂食咪算囉失望既一餐

難得由新界西去新界東大埔大尾督，點都要試吓大埔嘅特色，回程時揀咗大明里，貪佢多選擇。同一條街有鵝、有東江雞、有粥麵、有焗飯、有法菜，只能揀一間，揀咗鵝，想試吓一樂，睇吓有冇元朗Ｄ鵝咁好味。真係好爆棚。叫咗四個菜：白灼芥蘭：Okay，正常。鵝肶叉燒飯：叉燒普通咗Ｄ但唔係差。我覺得有時係街市燒臘擋斬到條靚嘅半肥瘦都可以好過佢。燒鵝則真係好過深井嗰Ｄ，唔肥皮脆且入味，但講真同元朗天鴻比較，我認為後者優勝。乳豬例牌：$70，抵唔抵就好難講，皮唔太脆，印象中美心酒樓嗰Ｄ好Ｄ，至少後者會起晒Ｄ肥膏且皮薄兼脆口。鵝油撈麵：都成$22，麵底係普道蛋麵餅但比車仔麵嗰Ｄ好Ｄ、幼Ｄ，唔太食得出鵝油嘅特色，我都係鍾意好旺角嗰個豬油底多Ｄ。叫做試過大埔嘅招牌菜館，下次再去都唔知係幾多年後嘅事......

前陣子, 到訪中環一樂, 令我突然好有興趣, 走返黎大埔一樂老店, 食返由細食到大的叉燒, 燒鵝. 從小到中學仔, 不計食物, 吸引著一家的, 都是其魚缸, 千奇百怪的深海魚, 為其茶餐廳點綴.多年來, 馳名的燒鵝不變, 皮脆, 好肉. 好食既燒鵝, 是不用那個酸梅醬的, 所以不問, 不會俾. 說真, 是的確用不著, 這樣才食得出其原味.食完, 老闆親禿從廚房推出一車燒鵝, 剛燒起, 香味遍佈整個餐廳. 老街坊仿佛知道幾時出燒鵝, 已有人排隊, 成隻買.吃畢, 又要去準備去買BBQ, 之食物.