一番屋

营业中

休息中

呢間係鴨脷洲西村巴士站對出嘅日本餐廳仔主要做外賣為主，店面細細但係好有多食物可以揀選，今日突然想食日本飯所以就走左去買。第一下行入去整體感覺好舒服，收錢員的態度都好友善，我買左個蒲燒鰻魚飯黎食，等嘅時間都吾洗太長，大概10分鐘就有得拎，都算好快👍🏻👍🏻👍🏻佢仲附送左個三文魚湯比我😊講下個飯先，2條蒲燒鰻魚真係無硬骨可以連骨食味道超好！吾想食到骨呢個真係好重要！！佢啲飯面頭仲會連埋啲紫菜碎比你做配搭，令到成個口感都提升左，好好食！份量又飽肚😊😊！十分推薦呢個飯

真係好抵食老闆呢仲送過嘢添喎加埋個和風牛肉飯呢個執好多比較好味個人認為仲好食過吉野家囉同埋呢好多牛肉都幾好㗎唔知點解，咁多多差評囉$48送埋嘢飲同餃子喎，其他嘢就爭啲囉

係外賣apps 見到評分唔差 啲相又靚靚仔仔就試左個刺身丼飯外貌係正常的，但係雖然啲飯係壽司飯，但係勁硬勁糊口，而且刺身亦唔算特別新鮮，啲刺身係冇味㗎🤢如果要我比百幾蚊食個呢個刺身丼 真係寧願食爭鮮冇咁嬲，爭鮮會仲好食🤦🏻‍♀️如果老闆見到我呢個留言嘅話，真心好希望你哋能夠第一件事換咗隻Wasabi。因為隻Wasabi真係太辣太攻鼻，辣到完全蓋過晒所有食物嘅味道，完全食唔到。。希望你哋可以換隻冇咁辣嘅Wasabi，成件事個整體感覺可能會可以加少少分。。

成棟點心紙咁放喺枱比人填紙落單，嗰次我填好之後比個四眼女人，結果打多咗樣牛肉飯，問返佢，佢話：「係你畫㗎喎！」我一睇，發現原來張紙原先已經比人畫花咗，我話呢樣唔係我畫，佢就開始發爛渣，鬧我點解唔睇清楚張紙就攞嚟用，擺喺度梗係會比人畫花㗎啦……咁話喎，我真係火都嚟，你作為老闆，比人畫花啲嘢都唔知係你管理出問題，點可以賴其他客人㗎？！而且佢啲嘢味道普通仲一啲都唔平，我寧願搭車出香港仔買，都唔會再幫襯佢。

自稱老闆短頭髮戴眼鏡個個女人，落單冇落錯，但個飯就俾錯我，同佢講你整錯，我唔係要呢個， 佢就話因為我拎咗張單走，整錯唔岀奇啦! 吓? 叫完外賣拎走張單好正常啦 整錯怪返落我度?? 仲要話咁你食唔食啊? 唔食咁走啦!完全係零歉意 整錯之如 仲要話返我轉頭 真係做梗生意??

經外賣送餐點咗兩款牛肉飯同一個什錦刺身飯，食物整體質素唔錯，又夠熱。點知衰係個手卷度，外觀味道也可以，誰不知食到第三，四啖都唔覺得有軟殼蟹，用力噤吓又撩開睇吓真係得番啲飯，乜都無，超呃錢😤

叫吞拿魚腩飯，黎到變左魚溶飯， 又酸又臭，打過去問，佢同我講吾關佢事，吾好同佢講， 少少歉意都無， 吾計外觀似狗糧， 色都肯定吾係吞拿魚， 試左一啖， 有酸同臭味， 之後開始肚痛

買咗幾件三文魚手握、芝麻八爪魚手卷及玉子燒，三文魚手握同百佳買的差不多，芝麻八爪魚手卷冇特別，玉子燒算幾好味，不過收銀個阿嬸態度好差，我一時冇為意張點餐紙比上手客人畫花咗，令佢落單落錯嘢，我都唔想㗎，佢將全部責任推落我度，仲教訓咗我一輪，粗聲粗氣咁叫我以後自己睇清楚（仲有以後咩？！），又暗寸我買得少，總之一肚氣啦。

話說考慮咗好耐先決定食呢間😂因為我阿媽一直都同我講「個鋪面望落好暗好似好污糟咁，食完因住肚痛啊」（神邏輯出沒注意），但係行入去都幾企利吖，於是就決定試一試我嗌左個魚生飯，個飯......普通啦，居然係熱嘅，所以我食之前擺入雪櫃雪左下，雪完之後都OK嘅；至於啲魚生......(其實我一啲都唔鍾意食魚我唔知點解我嗌咗呢個）（可能因為我expect緊會有蝦或者帶子之類但係事實證明我完全諗多咗）；仲有啲奇怪嘅青瓜係上面😂😂結論：我下次都係乖乖地食返熟食啦P.S 服務態度一流，絕對好過海怡其他食肆P.P.S 如果可以唔用咁頹嘅膠袋同飯盒裝住個飯會更加好

用料很少，不化算，比起其他外賣自取更少，但更貴，没有第二次。豉油給的太少，沒有餐具提供，芥辣也是一包起两包止。這樣的價錢可以在其他地方吃得更好更愉快，是一次差的體驗。