一碗小麵

营业中

休息中

第一次試，在門口或是店內的大部份是國內大學生(理工)。店鋪細細間，4人枱 X 3, 2人枱 X 2...所以要等, 而客人又食辣比較耐一點, 及國內文化不會太快果種!我和同事各點了招牌牛肉面(走辣)及至尊全牛面(小辣)，食材純正及口感好好...而辣得內又不會是那種刺激味蕾果種，反而是感到好香及由內至外那種( 好快出汗)所以值得推薦!!!!

我就係比佢門面寫住「馳名四川麻辣牛肉面」吸引左所以選擇了這家餐廳今次叫既係豬手麵，一上到台我都比佢成碗都係紅色的湯嚇親但我只係嗌左微辣，食落好彩唔算太辣！！面係陽春麵，豬手份量唔算好多，第兩三舊我就略覺得唔大大碗，一個足份量的麵餅，可以見到幼幼的麵條。食落唔太辣，有四川麻辣特有的麻的口味，!!!係好夠喉！！一大碗，面既份量都好足，食落唔太辣，有四川麻辣特有的麻的口味！！食到停唔到口！！我覺得下次可以挑戰中辣，因為我見隔離台食得好過癮哈哈，不過今次保守左D，唔敢哂咁辣

我每次不开心都会去吃一碗面，麻辣牛肉面。端上来的时候，不论颜色味道还是牛肉和面都让人好满足。红红的香香的，觉得料很足很正宗。老板的服务也很好，非常有耐心。吃完就有力气逛街了。

感覺這裡的好評真不可信，見有人讚就專情去試下，我點了牛肉麵，味道尚算可以，微辣程度有點過辣，似小辣程度。但從未食過咁多肥肉既牛肉麵，俾唔到咁多肉咪落多少菜充當夠份量，不要以肥肉瞞騙食客。

第一次黎呢間店, 因為我同同行同事都唔係好食得辣.所以入去前都問問係唔係可以走辣.店主說可以說入座了. 我地兩個都叫左招牌香辣牛肉麵 (走辣及小辣)先上同事的走辣, 雖說是走辣, 但都有紅色的辣椒.同事說有少少辣味.以下是我的, 小辣. 看起很多辣椒油及紅椒碎.但吃落是很麻辣的感覺.我要慢慢的吃才行.麵是幼麵, 不過是非常幼的, 麵一煮得過火就很淋了, 沒有口感. 太喜歡牛肉只有4小塊,而且有一塊是肥膏來的. 非常吝嗇= =碗中的油麥菜黏上辣油就很油膩...感覺吃完會肚子痛的.最後,吃了半碗就沒吃了.四川麻辣真不合我口味

好久不来的一碗小面，意外寻得大陆到处都有的冷锅串串。抱着试试的心态，在香港食到了好味道。老板说调料是辅以地道四川辣椒及小面独家配方，果然味道爽快，够劲儿。强烈推荐夜晚来一碗小面撸串儿。据说每天都是下午新鲜制作，而且晚上剩下的一些串串通常会送给熟客。

係open rice見到呢間小店評價吾錯，拖左個friend一齊去食。Lunch Time人多係正常，等左10分鐘，裏面邊個阿姨好客氣咁叫我地入去， 終於有得食啦。我自己唔係好食得辣，所以叫招牌豬手麵係微辣，而我個friend食得辣，但都係叫咗中辣，因為之後就係地道辣，佢驚頂唔順。等左5分鐘d面就到，見到中辣碗麵真係有啲嚇親，紅博博。碗麵有四至五舊牛腩，朋友話唔算好辣，相等於三哥譚x嘅4至5小辣，重點係個麻辣湯底，真係好香，因為我個人都鍾情於麻辣多酸辣啦，正中下懷。食完之後有啲一粒粒嘅花椒係個湯度，就係呢啲花椒為碗湯畫龍點睛！啲牛腩炆得好淋，肥瘦適中正！我碗豬手麵都唔弱，微辣對於我來講剛剛好，加埋三大嚿豬手份量真係好足，麵質好似日本拉麵同上海麵，軟硬拿捏得剛剛好，係一碗好麵。我同friend食完都好回味，呢種小店真係好有心，好味得來分量又足，價錢合理，平時食晏又可以多個選擇啦。

今晚食到一肚氣話說今晚係紅磡覓食，見到呢間一碗小麵啲好評同負評比例好似幾食得過，咁就俾佢呃左入黎鋪面都幾細下，不過都 ok 嘅侍應基本上剩係識講普通話(識講先好去呀咁呢我就叫左"一碗小麵加底"($55+9)同口水雞($38)佢好快就上左碟口水雞面頭全部辣椒黎底係一堆菜然後啲所謂嘅雞呢，佢竟然俾一堆骨我入面有雞腳，雞翼尖，雞頸，雞骨碎，雞肋骨一望到真係 o 哂咀講真，用38蚊買堆俾狗啃嘅骨?當我地係咩同個侍應嘈左陣，佢肯換碟新嘅俾我地見到真係得啖笑無錯係冇哂啲雞腳雞翼尖，不過俾我地嘅就係得一片仔肉嘅雞肋骨或者咁形容成碟野啲肉加埋仲少過一隻雞中翼再講碗麪，麵質同湯嘅稀稠度就似食擔擔麵湯底係真心唔錯嘅，不過食完會超級口渴(你懂的一句講哂啦，冇下次!!!!!

本身見幾多好評 諗住試下 食落都覺得味道ok但係中大伏 尋日全日只食呢餐但係2點幾食完 5點幾就開始肚痛肚all到依家所以唔怕有腸胃炎都可以去試下既一碗小麵：湯底幾有麻香 但材料偏少 同埋唔夠辣口水雞：以為好大碟 但係全部都係雞骨 而且d雞愈食愈咸只係口水汁算調得ok我覺得93食呢個價錢 唔扺食

來吃很多次了才想起來寫食評。經常要的就是牛肉麵，辣度可選，最辣也不算太辣,但同時又很香，麵裡的牛肉爛軟入味，而且非常大塊，麵條是很細是正宗小麵的那種麵。總之在香港可以吃到這麼正宗的小麵真是滿足。溫馨提醒，晚上不要來太晚，有幾次下班後我想吃麵，八點多牛肉麵就賣完了，唉想吃要趁早！

見有好評就膽粗粗同朋友去試，一入到去好多蚊滋仔，都算，諗住試下個螺，點知冇，都算，我食小辣朋友食中辣，平時譚仔都係食呢個辣度，點知一試就中伏，一啲都唔辣試朋友個中辣連譚仔十小辣都不如，真心完全唔掂。

一碗小麵(牛肉, 豬手, 肥腸, 碗雜)Yvonnes Noodles (Beef, Pork feet, Fatty intestines) $50一碗小麵係呢度既招牌菜, 雖叫小麵, 但份量一d 都唔小😜豬手同腸都好入味. 叫左大辣, 辣度都夠😎 好惹味👍味道價錢份量都無咩好批評啦... 唯一可惜既係麵同牛肉overcooked 左... 麵偏淋, 唔係我expected 既彈牙🙈🙈 可能咁岩一時失手, 希望下次去麵有番水準啦

一碗小麵（豬手，肥腸和豌豆雜醬）～ 因不吃牛所以將原本包括在內的牛腩將之剔除，在店員建議之下選了麻辣湯底；辣度則選了小辣。這裡的麻辣香麻而不嗆喉，各樣配菜也都美味；尤其是肥腸，裡面有層薄薄的肥膏附著，甘香惹味，再吸了麻辣湯汁，不可能不好吃吧！豬手煮得軟熟，不知是否湯底關係，卻吃不到有什麼肉味。反而最意想不到的是那碗豆，那一粒粒軟淋淋的碗豆很有豆香，用來配搭這個麻辣麵竟然是這麼棒！招牌豬手麵（乾撈） ～ 這個豬手同樣煮得好淋，但依然是沒有什麼肉味，乾撈不是想像中的乾撈麵，醬汁份量比較多，食起來比較濕潤。麵質是屬於煙韌彈牙的質地，這個比較平平無奇，沒有上面的那般出色。

身為一個米線控，呢間嘢我想試好耐，但平時男友嫌佢小嘢揀嫌佢坐得辛苦，我惟有好好把握一個人嘅時候過嚟試吓。星期三晚上一撥開膠布入去，都幾full吓，為咗唔同人迫，我揀咗門口面𤩹自閉位。好快，操勁咸唔淡廣東話嘅大媽過嚟介紹菜式，我唔熟架步，諗住譚仔咁自由組合，但原來一定要揀個麵底，是但揀咗個牛筋底再加腐竹油麥菜。大媽不斷sell我叫小食同嘢飲，話會唔夠飽，與其飲支裝糖精酸梅湯，我叫咗zero。唔怪得之大媽怒 sell小食啦，呢碗堅係小麵，份量雙拼魚蛋雲吞河咁上下，一滴多餘嘅湯都冇。支竹係硬嘅，油麥菜同牛筋份量ok，酸辣湯底嘅麻酸辣亦做得平均，所謂小麵，係米粉咁上下粗嘅上海麵。大媽一直企喺我後面撥開膠布拉客，冇冷氣可言（怕熱嘅男友唔嚟係啱嘅）。而成間餐廳都係操國語嘅學生，唔通佢味道正宗？埋單承惠$66 (牛麵底50幾加兩餸加zero) 相同價錢我去三哥會開心好多囉。

一個人食飯食咩好個人來說 通常都離不開粉麵😂因為價錢比較相宜又唔會周圍都坐滿一對對情侶而覺得突兀🙈個人很喜歡吃辣所以睇openrice見到有間地道店舖係紅磡專食麻辣麵就黎一試😏第一次黎當然要食d招牌菜😏叫左一碗至尊全牛🐮麵（小辣）一碟口水雞🐔和酸梅湯至尊全牛🐮麵（小辣）（$50）麵條我選了小麵 小麵有點兒像陽春麵😋所言非虛的全牛🐮 有牛腩 牛肚 牛筋 牛舌 配料份量每款兩三件 以價錢來說其實份量有點兒太少😟牛肚和牛舌的味道比較普通 沒什麼驚喜😞不過值得一讚係牛腩牛筋炆得好淋☺️但牛腩肉質仍然保留其彈性👍🏻也頗入味😊可惜湯頭比我想像中油膩 😖第一層全是香油和辣油🤕🤕🤕但卻沒有外表看起來的辣😞我平常在譚仔喜歡吃小辣或中辣👻可是這裡的辣度卻不太夠或許要再叫辣一點🤔不過味道都算惹味😁口水雞🐔（$38）它們的雞主要是用雞胸肉去整雖然份量看似很多🤔但實際上有肉的雞卻不多😩😩😩但口水雞汁弄得不錯辣度也調得適宜😎Order的時候店員會熱烈地推銷酸梅湯或豆漿可是我沒想過是康師傅牌的酸梅湯（$8）👽👽👽原以為可能是自家製的...