一粥麵 (黃埔天地奇妙坊(第1期))

营业中

休息中

開學優惠穿校服9折加餐飲免費升級紅豆冰～咁就食過下午茶先下午茶有台式刈包、魚蛋粉麵、鮮蝦雲吞麵、粥腸粉可以選擇～比較適合長者叫咗細碗鮮蝦雲吞麵配蜜糖雞翼跟餐飲～可以免費升級紅豆冰鮮蝦雲吞麵細碗有3大粒～隻蝦都幾大粒～彈口鮮味～唔係冰鮮貨～麵重味個人不太喜愛～湯底白白地色偏淡蜜糖雞翼賣相吸引～甜甜地幾好味～都有D肉可以食下～有汁唔會乾跟餐飲品升級紅豆冰走冰～大大杯唔會好甜～紅豆都多～椰奶香口唔會好水

昨日和家人去了一粥麵度吃了他的花膠濃湯雲吞雞鍋和牛坑腩麵，花膠雲吞雞鍋係可以配搭咕嚕肉或者福建炒飯， 我哋揀咗咕嚕肉會配搭一碗飯的，裏面都好足料，有一隻全雞，四粒雲吞和幾粒花膠，全部嘢都煮得剛剛好軟硬適中， 同埋啲湯都唔係好油膩，咕嚕肉都係新鮮炸起脆卜卜，另外我們點的牛坑腩麵，牛腩真的很林，好入味，牙齒不太好的朋友仔都可以試下!另外花膠雲吞雞鍋都是很快會售賣完畢，同埋這個款式係期間限定，如果想試嘅朋友仔就早啲去試下啦😉😋

在網上見到一粥麵推出了$38雲吞牛肚麵套餐，看似吸引，今日就來試一試。牛肚雲吞河餐($38)跟預計一樣份量不會很大，跟配一杯餐飲。雲吞有兩粒，餡料有蝦肉和豬肉，味道正常，但是雲吞皮卻有一股明顯的鹼水味，搶去了應有的味道。牛肚大大小小都有五件，可是牛肚的製作方法只是簡單地灼熟，沒有經過炆燉或汁煮，因此牛肚的質地偏韌味道淡，真是少一點牙力都很難咬。麵底我跟配了河粉，她們的河粉是幼身的，吃起來會輕盈一點沒有那麼膩。餐飲方面我跟配了熱奶茶，味道香濃好飲，那怪不少人都特意加錢升級或加配冰鎮奶茶啦。附近沒有港式粉麵店的話這裡也是一個選擇，不過不要期望過高，或者點一些比較安全例如魚蛋、魚片等的食材會好一點。

喺12期搬走咗之後就冇再幫襯因為唔係好就腳。今日星期日特登行過去一期試吓。食物方面都係大家樂出品，正正常常冇乜特別出色。去得一粥麵，比呢個價錢，咁當然唔會係諗住食半島出品。要提一提 D 阿姐啲服務態度，同12期嘅時候一模一樣 - 劣！keep到水準喎！都係咁差成日寸啲客！例如我叫冰鎮奶茶要加冰，見到張單打住走冰，咪問吓佢係咪真係會加冰，咁佢就好惡咁話走冰即係加冰囉你唔明咩！咁囉。咁我又真係唔明喎。跟住去攞嘢食，隔離位男士問佢點解一set海南雞飯要分開兩個tray。咁食物櫃檯嗰位阿姐又係冇禮貌地講話 = 因為一個tray放唔落。咁一來我又覺得唔使咁冇禮貌嘅，你解釋比個客聽咪得囉話晒都係客人。咁之後男食客就無奈地先攞一tray，轉頭再攞另一盤啦。咁我就喺度等緊嘅，就聽到食物櫃檯阿姐話你咁叻咪一次過攞晒囉。位男士就聽唔到嘅不過我聽到囉！係咪真係要用咁嘅態度對食客呢？

方便快捷比較唔差嘅一種快餐選擇，早餐午餐晚餐各有特色，有粥有飯有意粉有煲仔飯。我覺得佢嘅雲吞麵都唔差，佢嘅煲仔飯都唔差成日唔知食咩就食喺嗰度食晚餐。最簡單，最方便。

凍冰冰想食碗熱辣辣既粥，見到瑋粥麵社文平台有紅菜頭腸粉，賣相材料好吸引！$42 有生蠔🦪滑雞粥，仲有一碟腸粉，加埋碟咁菜都只係$50. 抵啦生蠔滑雞粥d蠔雖然只有三小粒,但成碗粥好鮮蠔味，雞件都好滑，粥底又夠綿，有薑、花生同蔥增鮮，正櫻花蝦紅菜頭腸粉粉紅色好靚、腸粉面有粒粒櫻花蝦&栗米，食落感覺健康又好味等候時間係耐少少，不過明白即點即製，即係新鮮，等一陣都好合理，加上三款出品夠晒熱辣辣，味道賣相都好好，抵等啦

总共来过两次，就算顾客唔多，都要等30分钟才送餐。点过一次猪手菜饭套餐，猪手，菜饭肯定事先整定，唔知点解需要咁耐。野食送到过黎唔热都算了，菜饭仲系酸臭好浓，一开盖戴住口罩都闻到，即刻无晒胃口。送餐完全靠职员喊号，电子号牌完全无定位作用，仲怪我地冇听到叫号。黎佐两次，两次都要自己去柜台催单。点餐个阵唔话俾人听卖晒，等佐半个钟先黎同客讲话无。红磡咁多间食肆，随便都搵到更加平靓正的餐厅，唔会再来了。。。。

屋企人買咗一粥麵嘅$300coupon，所以得閒就過嚟食下一粥麵。平時我都食細蓉，今次就想試吓其他嘢，叫咗個乾炒牛河配紅豆沙，$42，一食就知賴嘢。首先講吓個紅豆沙先，其實都唔使講，一睇張圖就知，水同紅豆嘅比例大概係9:1，我諗應該係廚房剩低最尾嗰啲，因為見其他人嗰啲都唔係咁。之後正餐乾炒牛河，本身睇落以為都OK，色澤都唔錯，食落又知賴嘢，零鑊氣，就好似食緊豉油河粉，又炒到好濕，食到好辛苦。唯一可取嘅就係啲牛唔算好韌，下次真係千祈唔好喺度食乾炒牛河。

今日同屋企人嚟咗一粥麵食tea ，屋企人叫咗細蓉加凍檸茶($27)，我就叫咗生炸無骨雞髀、豉油王炒麵同紅豆冰($37)。細蓉雖然份量有啲少，但係都有幾隻雲吞，湯底亦帶有一啲蝦味，以$27仲包嘢飲來講真係超級抵。另外雞髀亦有驚喜，肉嫩。豉油王炒麵就不過不失，冇乜特別。新店環境好舒服，好光猛，闊落。