一粥麵 (愉景新城)

营业中

休息中

我每次來一粥麵點餐我都淨係會食雲吞麵其實我好想佢有一個餐係正雲吞但係好可惜係冇，不過唔緊要佢啲面對一樣咁好食，以前呢間餐廳啱啱去嗰陣佢，啲面真係好大陣鹼水味，但係唔知係咪後來轉左師傅，啲面冇乜鹼水味而且咬落去幾彈牙，雲吞方面係我最滿意嘅地方，因為佢啲雲吞入邊嘅餡真係超級無敵好食，但係一碗雲吞麵一邊嘅雲吞數量真係如果再多啲嘅話就好啦，愉景新城冇乜雲吞食，如果要食嘅話都要行好遠嘅路出到去先有得食，如果你想食平價嘅雲吞就快啲入嚟試吓呢間餐廳呀！

傳統粥舖艇仔粥d料間間一樣，但一粥麵嘅艇仔粥就唔同，竟然有叉燒，又有魚片，但係就無傳統粥舖艇仔粥一定有嘅碎牛。雖然用料與眾不同，但都係不錯的粥款，只係可以不叫艇仔粥會好d。另外，腸粉都算滑，一點都不硬。

最近哥哥屋企付近個商場真係開咗好多連鎖快餐店，又一間一粥麵新開，種類都算多，有粥，粉，麵，飯樣樣賣幾款，冬天連保仔飯都有，今日去咗探阿哥，又無煮飯同咗阿爸阿哥去試今日第一次嚟試咗 臘腸花菇滑雞煲仔飯 $53另加魚湯時菜都係加$6，仲有熱飲跟不過個煲仔飯真係好差，首先啲飯係好濕，食落去唔夠飯粒分明，而個雞係醃到好霉，完全係唔合格，而杯餐茶又苦又澀，太濃了，個菜不過不失啦紅燒豬手菜飯 $48 一樣跟熱飲呢個餐漏咗單，食完個煲仔飯先有，嬲到都唔想影相

最初以為只係食粥，原來有得散叫同套餐，中午時段搵位確實頭痛，處處逼滿人，食慢些少都有啲唔好意思，好采已接近下午茶，見到粥又冇乜胃口，太綿又多味精，買返個牛河炸兩嘆下先，感覺麻麻，味道一般，可能中式嘢始終唔太啱我！

腸胃唔係幾好, 有日lunch好想食清清地,  一諗就諗到去一粥麵, 因為應該有粥食.午餐時間會有粥餐, 飯餐, 麵餐等等, 仲有咖啡奶茶可以加飲, 同普通快餐差唔多.諗定要食粥就要左皮蛋瘦肉粥+炒麵, 三十幾算OK. 粥幾大碗, 搞一搞個底好多粒皮蛋, 但瘦肉相對少. 粥幾綿, 加少少胡椒粉已夠晒味, 食完無口乾, 咁樣既粥最合格.而炒麵係較軟同腍身, 味唔重, 我又覺得唔錯, 因為有時響舊式粥鋪D炒麵凍左好鬼硬. 而且炒麵加左芝麻, 食落少少芝麻香味, 又唔會太咸, 感覺唔錯.

加班加到9點，經過一粥麵就決定試下宵夜餐啦…諗住少少地當食左野就算了，點知份量完全係一個正常晚餐鳳城水餃麵配午餐肉炒麵($29), 一個宵夜都可以有咁多野食，抵啦！水餃非常足料，有蝦，肉碎，冬菇，真心覺得好有口感! 午餐肉炒麵都好新穎，以為會係切絲，但原來整塊上既…而炒麵都係正常份量，而非小食，所以都真係好夠飽

星期日想揾飯食真難，間間餐廳都排長龍，唯獨一粥麵有位，看餐牌有冬瓜盅連菜膽上湯雞套餐，不用考慮了，因為我最喜愛這個消暑妙品。等了大約十分鐘後，有專人將食物送到枱，冬瓜盅大約有4至5吋直徑，這麼細的冬瓜實在很少見。清甜的湯內有蠔豉，蝦仁，蟹柳，瘦肉粒和少許素翅，刮去冬瓜旁的瓜蓉，確實清新好味。另外，菜膽上湯雞雖然件數不多，但肉質都很滑嫩，伴碟的小棠菜索了雞肉的汁就更加好味。 不要低估快餐店的水準，我覺得七十二元的一個套餐真的很抵。可惜白飯有點硬，不合我的胃口，而晚上我亦不會喝中國茶，如果能換其他飲品就更好。同行的太太點了一碟炸兩，當他加了甜醬麻醬和豉油後賣相確實不錯，只可惜吃下才發覺，油炸鬼實在太太太太太過腍，可算是失敗之作。

下午茶餐楊州炒飯配檸檬茶 ($34)楊州炒飯內有五隻蝦，外面彈牙但內裡有些腍， 相信是不太新鮮的雪藏蝦經過加工 .另外配料有蠟腸，火腿和 菜粒 ,尚算豐富. 可惜的是比較多油 , 而炒飯確有一粒粒的感覺 , 蠟腸和火腿鹹味十足，整體來說尚算不錯 , 說明是迷你版炒飯，分量當然也不算多，而作為下午茶也算不錯。

練完波都成九點，換得衫來都已經九點半，出到來，大家拉隊去"搵食"，本來打算去路得圍食米線，點知經過商場，有波有見到這間，就入咗去了.....原因....因為呢間都係．．．．”大記”望完個menu.....心諗，都幾貴，一個粥都$25蚊，一個過廿蚊的粥，可以俾咩粥我？個人而言，我喜歡食白粥，但沒有這個選擇呢.....跟手見到個宵夜餐...九點半....宵夜...ok... $28,一個粥或者麵加小食,都算抵食了。唔想食麵,所以叫咗個皮蛋瘦肉粥.....至於咩小食?有炒麵,腸粉和生菜選......唔想食生菜,再加上佢...售罄.....炒麵有好多野我唔食,所以唯一選擇係腸粉....但不寄厚望......果然腸粉不存希望會比較好,個樣大碟,但原來內裏有另一個天地.....條長條短無所適從,唔滑,但熱算加返少少分,但敗筆卻是疑似名貴的XO醬.......俾你再貴都無用....簡單的腸粉從來就唔需要名貴的點綴。XO醬太油,和腸粉夾不上, 食不出豉油香, 上不到豉油那就是失敗中的失敗......個粥是食完腸粉才食,熱度剛剛好,但感覺都是味精粥.....米都算香....用料都好足,但感覺還是古老店好

平時食開粥鋪,今日行街行到3點幾行過商場見到有間一粥麵,於是坐低咗原來有唔同款的粥麵外,還有刈包,配合3選一之小食加飲品都係25元.這個刈包,未曾食過,所以小bike 吃了肉燥刈包,喳咋及檸檬茶包的樣貎好得意,好似叮噹個口袋.包很軟滑,內裏有些葱粒及花生碎,帶出肉碎旣鮮美,加埋肉汁一起吃,好好味,但肉碎若可多些少就更加滿足.椰汁渣咋,用料很足,有雞心豆,紅豆,綠豆,西米,花生,煲的時間很足,全部都很林,又不太甜,混和椰汁很香濃.最後飲埋一杯熱檸檬茶,都有4塊檸檬,無苦澀味,很好,又夠熱.所有疲倦都消失晒.

剛知道荃灣開了間一粥麵,和朋友逛完街後,去了“醫肚”,原來到了晚上8時半有宵夜時段,好抵食.因為是新開.所以地方很乾淨及濶落,有自助水吧及醬料區。今晚點了皮蛋瘦肉粥及腸粉,友人就叫了上海排骨菜飯及喳咋。雖然只是28元,但份量很多,皮蛋瘦肉粥,粥底很綿,用上豬肉絲,皮蛋切開4分1件,容易進食,足足有原隻皮蛋,面頭加上數粒脆脆花生,令全碗粥食落有不同的層次.xo醬腸粉,腸粉很綿,熱辣辣的,還可以在自助醬料吧自己任意加上芝麻,花生醬,麻醬,很開心,腸粉最緊要就係醬料,加上面頭的xo醬瑤柱絲,把全碟腸粉的味道都提升.我友人沒有叫宵夜套餐,他就叫了上海排骨菜飯餐,排骨有3件,但沒有特別驚喜,而且不是太熱.味道很淡,勝在很林,容易咬開只是加6元就有椰汁喳咋,有不同種類的豆,而且份量很多,煲得很淋,稀稠程度剛好,食得出豆和水是一起煲的.很超值.

一粥麵係愉景新城新開張既粥麵快餐店🍲 可能因為佢價錢唔算貴，所以都幾多人幫襯。呢一晚愛麗絲同屋企人就去試下，食個Dinner喇👨‍👩‍👧愛麗絲點既係魚蛋拼雲吞河。魚蛋有兩款，都好彈牙，而雲吞則係鮮蝦雲吞，有兩粒，咬落幾爽口，蝦肉都好香🍤 至於個河粉，個湯底係清湯加啲蔥粒同蒜粒，所以唔會話好濃好鹹，反而係清清地，加少少蒜調味，幾唔錯咖。爹啲就叫左茄子豬扒鍋，呢個鍋撈飯食一流，因為啲汁配埋洋蔥真係幾惹味👍🏻 茄子唔係話好淋，不過都好有洋蔥汁既味🍆 至於豬扒就好入味之餘，都好淋好易咬，口感唔錯，加上冬天食暖笠笠既鍋，特別有風味呀😎最後就係媽咪既鳯瓜排骨煲仔飯🍲 煲仔飯好淋，冇乜飯焦，而且冇一般煲仔飯既香味😟 所以反而係呢個菜有啲失手🤔 順帶一提係大部分既餐都會配例湯，而今次既湯係猴頭菇玉竹瘦肉湯，味道比較甘，會有少少苦味，不過都有果皮既味道Balance番既👍🏻