一肥貓古祖味蛋糕 (已結業)

買完野，正打算到交通廣場拎車，咁岩見到呢間店開始排隊。抬頭一望，這家不就是老婆大人想吃的蛋糕嘛🍰之前在fb看到蠻多人討論想買來吃的，雜誌也有寫到這間店。正好遇上芝士蛋糕出爐，就排隊拎籌想買一個回去邀功。這間店由於3種蛋糕口味（原味$55/起司$65/肉鬆$75)出爐時間太近，引致排隊人潮有點混亂，1點出的是芝士，1點3出的是原味。有些客人想2種口味都買，但店家稱買了芝士蛋糕的，就需重新到隊尾再排過而引發爭執。亦有些排到前位的明明是等原味出爐，後面想買芝士的顧客須醒目走上前。店哥哥好自豪甘話星期六日，好多人為左買齊3種口味而冒住大雨重複排幾個鐘等出爐🤭覺得這安排沒問題。其實只須將3種口味以至少隔一小時分別出爐/每日供應不同口味便可以解決，客人排隊也排得安寧。四四方方的芝士蛋糕🧀️鬆軟綿密既蛋糕，充滿蛋香味食得出既足料，芝士塊不是拉絲或是會溶的那種，因此有漿住口腔的感覺，有d奇怪。若有緣再遇上出爐的話，會買原味的吃好了。

見網上熱賣梗係要嚟朝聖一下，第一次嚟時見到一條長龍，但條龍又唔點郁於是冇排，今日食了午餐行過即管排下，見到要攞籌，排咗一陣有職員派籌而係派緊原味，啱晒我喇，我就係要原味，一人只可攞兩個籌，一個籌代表一盒，排隊時已聞到陣陣蛋糕香味，好重蛋香味，而好多老人家都唔點賣乜都排埋一份買埋一份，排了十五分鐘內已買到，返到嚟試，食落蛋味香濃，蛋糕夠軟綿綿，但有點乾嘅感覺，可能即買即食會好一點，下次如果撞啱時間的話，我會買芝士味蛋糕嚟試，希望唔會失望啦！^ ^ 🍰😋😀👍