一芳台灣水果茶 (T.O.P This is Our Place)

营业中

休息中

每次黎一芳，都係為左佢地既雞蛋糕，真係好好味！😋雞蛋糕有五款口味，原味、黑糖粉圓、卡士達、芋頭同埋麻糬芋頭同麻糬我都試過，個人偏好麻糬口味。即叫即整關係，落單後都需要等10分鐘左右，就會得到一包五件既熱辣辣雞蛋糕🥰 外形係相當可愛，形狀係一杯珍珠奶茶，外表金黃，外酥內軟，蛋味好香濃，麻糬份量都好多，可以拉絲，酥軟既雞蛋糕配上QQ既麻糬，甜度又恰到好處，真係令人食到唔停口🥰要注意既係並唔係每間分店都有雞蛋糕買，想食之前記得上網睇清楚😎

—————————【金鑽鳳梨綠 L size🍍🍵 】($34)(加寒天 $5)🐹: 🌕🌕🌕🌗🌑🐼: 🌕🌕🌕🌗🌑寒天好有咬口同埋唔會太甜，幾夾杯嘢飲💖💖 另外間唔中都會食到菠蘿粒🍍同冰菠蘿一樣凍凍地幾好食✨✨叫咗小糖但都好似有少少甜(?)🤏🏻，冰的話叫咗「正常冰」，但唔知點解得好少😂😂好快溶晒，飲耐咗可能會唔夠凍不過整體嚟講幾好飲，有種好清新嘅感覺，夏天飲一流☀️—————————

入到去無人，等咗陣都無人出嚟，之後見到台面有寫住有需要就撳鐘，我就撳咗一下，等咗陣個女員工出到嚟黑口黑面其實我真係唔知你洗緊嘢定整緊野飲俾上一位客人，佢可以同我講聲等等，俾我知道你知道有客係出面嘛，俾錢買難受😣

楊枝甘露🥭 L size ($45)果肉都幾多，西柚唔會太苦，愛民芒亦都夠晒甜🥭😋味道不過不失，亦都冇好cheap嗰隻膠膠哋嘅味😂😂 值得一讚嘅係就算啲冰融晒都唔會變到好淡👍🏻👍🏻夠晒真材實料

今日同大家分享一間台式飲品店：一芳台灣水果茶！今日同朋友行Top商場，入商場就聞到雞蛋糕味，跟住發現原來係一芳嗰新產品！我地今次淨係嗌左芋頭味嘅雞蛋糕無嗌嘢飲～❀ 芋頭味雞蛋糕佢地係即整嘅，所以到手後熱辣辣，雞蛋糕嘅味道超香！包裝都好靚啊！珍珠奶茶嘅圖，雞蛋糕都係珍珠奶茶嘅造型！好有心思！熱辣辣咬落去，雞蛋糕係好香嘅，但係入面嗰芋頭餡太甜啦，可能太甜所以芋頭味唔係好突出，所以整體黎講一般般啦，可能其他味會比較好食～

一芳最近推出咗全新嘅紅茶配方，茶味更濃、更甘。有四款產品都可以試到你個新配方，包括粉圓鮮奶茶、紅茶鮮奶、黑糖粉圓鮮奶茶、仙草凍奶茶。而令一款備受矚目嘅新產品就係芳脆雞蛋糕，除咗原味，仲有三款餡料可揀，即叫即製，外脆內軟。重點推介🔥👍 紅茶鮮奶新嘅紅茶配方令飲品嘅茶味更突出，同醇滑嘅鮮奶配搭，兩種味道相稱，唔會搶味。茶味回甘，縱然係配搭鮮奶都唔會滯。👍 芳脆雞蛋糕（芋頭）四款口味都好吸引，真係好難揀！最後揀咗好友台灣味道嘅芋頭💖嗌完大約等咗5分鐘就有得食啦！新鮮出爐熱辣辣，蛋糕外脆內軟，中間嘅餡料除咗污泥仲有芋頭粒，芋頭餡料甜度適中，口感充滿層次。📍一芳台灣水果茶 旺角彌敦道700號T.O.P This is Our Place地層G11號舖

響MK行完街好熱，決定買下野飲返歸。發現一芳新出左珍奶形雞蛋糕，真係好得意，一於試下新野先☺️>粉圓鮮奶茶：珍珠粉圓好煙韌Q彈，佢地既粉圓細細粒，都幾多粒，所以飲完幾飽。奶茶口感醇厚，充滿茶香，揀左微甜真係唔太甜😋>芋頭鮮奶：1/3杯都係芋泥，呢隻芋泥仲要係有芋泥粒粒，芋蓉綿滑，搞勻後芋頭味都幾濃，甜甜地好快就飲哂一杯。>芋頭雞蛋糕：Q版珍奶造型，打卡一流，蛋糕係似冇咁脆既雞蛋仔咁，充滿蛋香味，入面有芋蓉，味道唔太甜，食完唔覺太heavy，芋泥控既朋友應該都幾like！

👍🏻 仙草凍奶茶（微糖、走冰）聽講一芳推出左全新紅茶配方 所以特登買杯試吓☺️☺️感覺茶香同奶香味比以前更濃 而且質感更順滑 搭配仙草凍係我首選既配搭🙆‍♀️👍🏻 芳脆雞蛋糕（芋頭）本來簡簡單單嘅雞蛋糕已經可以深得我心 點知今次佢哋新推出嘅雞蛋糕仲以珍珠奶茶作為原型❤️超可愛啊！！因為即叫即製 所以到手時一定係熱辣辣 外酥內軟 蛋香味好濃郁🥚入面嘅芋頭蓉綿密幼滑 搭配奶茶正🫶🏻注意事項⚠️- 大部份飲品可以選擇甜度同冰度-雞蛋糕共有四種口味 分別係原味/黑糖粉圓/卡士達/芋頭👏🏻👏🏻每款我都想試吓

天氣越嚟越熱行吓街就想飲台式特飲☀️見到一芳推出全新紅茶配方嘅特飲，仲有造型可愛嘅雞蛋糕，就買來當tea time食下😆🔸 仙草凍奶茶（HK$38）夏天飲仙草配料嘅台式特飲特別涼爽👅奶茶都好順滑，唔會太甜～🔸雞蛋糕（HK$32/4件）即叫即製要等大約5分鐘到，一邊等一邊聞到好香嘅蛋味🥚分別有四個口味可以選擇，今次我就試咗芋頭味，珍珠奶茶嘅外型蛋糕好搞笑🤣入面有芋泥餡，熱辣辣咁食佩珠特飲都唔錯

我諗一芳平時大家都成日飲 所以我就唔介紹啲普通野了今次介紹吓佢嘅季節限定嘢估唔到又真係幾好食幾好飲喺旺中掃街 食完熱氣野飲返杯水果茶 幾舒服芳脆雞蛋糕(黑糖粉圓味) $28/4件 - 7/10完全啱晒俾人打卡 佢個外觀就做返一個珍奶杯嘅形狀🧋幾鬆軟有蛋味 有少少喺台灣食雞蛋糕嘅感覺 質感外脆內軟黑糖粉圓煙韌 我相信佢哋嘅黑糖鮮奶 應該都唔會太差?!粗略估計每舊蛋糕入邊平均有6-9粒黑糖珍珠黑糖味幾出但唔會過甜依種雞蛋糕係香港來講都算係幾高質 尤其係熱辣辣食就好好食完熟椪柑水果茶(微糖少冰)$38 - 6.5/10佢最低甜度係半糖 甜度啱啱好 唔會過甜 小編幾鍾意佢嘅味道似係一芳原本嘅水果茶 但係加重左柑嘅味道 飲完會回柑佢茶底用左松柏青茶 飲到少少佢本身嘅茶味 都幾甘香飲完喉嚨好舒服!整體都唔錯!Overall: 7/10會唔會再去: 值得支持 試吓啲季節限定嘅嘢

🐝🤍一芳都係開咗好耐嘅手搖飲料店，但係我就一直都未試過，因為朋友好鍾意一芳嘅水果茶，所以就同咗我一齊去買啦。ᕦʕ •ᴥ•ʔᕤ🤍我就揀咗冬瓜茶嚟飲，19蚊m size，買2杯仲有9折。(◍•ᴗ•◍)ゝ🤍因為冬瓜茶嘅甜度係固定咗嘅，所以只可以揀少冰，就冇得少甜。 然後飲落第一啖就發現真係好甜，不過啲茶味幾清，都唔錯嘅！19蚊嚟講好抵飲啊～ƪ(•̃͡ε•̃͡)∫🤍不過我雖然少左冰，但都係仲有半杯冰。。。(≖＿≖)✧🤍另外m size都幾大杯，最後我一個人都飲唔曬。(。’▽’。)♡🐝🐝

焫焫焫焫焫焫著~~天氣咁熱 出曬汗咁係時候整返杯野歎下先🥤- 愛文芒果西米露 M$36 -一芳平時最出名都係水果茶今次呢個一芳夏日限定都唔輸蝕下🔥🔥台灣愛文芒果加上粒粒西米露 完全係完美組合飲落勁似平時大家食開嘅芒果西米露甜品👀👀如果再啲多西柚嘅話 會係楊枝甘露❗️只要附近有間一芳就可以可以隨時隨地飲到🥭🌟唔只旺角分店嫁 全線都有售

前排發現我其中一間好鍾意飲嘅茶飲店"一芳台灣水果茶"聯乘鍾意飲嘅啤酒品牌Hoegaarden🍺, 推出咗2款期間限定嘅無酒精啤酒茶飲, 即刻試咗其中一款🍹百香莓果Mocktail🍹佢係用咗日月潭紅茶 + Hoegaarden紅桑子無酒精啤酒調配而成,加入大量百香果籽, 令口感層次更豐富!😍飲落酸酸甜甜, 後勁帶有紅桑子味同茶香,雖然冇得調教甜度, 但都岩岩好, 唔會太甜,加埋啤酒微氣嘅氣泡感，入口好清爽解渴, 夏天飲岩晒!☺️👍🏻👍🏻

係呢個肥仔水橫行既時代😂一日一杯已經係常態。可惜小妹無乜quota 一個月都係飲一兩杯，所以每次飲都要諗清楚飲咩🥲唔好浪費左個機會😂係芸芸既選擇中，小妹今次揀中左益力多冰茶❤️益力多既飲品每次都好吸引因為一定好refreshing 酸酸甜甜好易入口🤩今次都不例外😋佢既茶底清香微甜。同益力多既酸味互相融合整體感覺非常match！👍🏻岩晒食完燒肉，想解下膩既朋友仔！當然，想飲下清新野既大家就一定要試下喇！