影片
港铁鰂鱼涌站 A 出口, 步行约4分钟
继续阅读
电话号码
25639388
开饭介绍
由台灣人開設的台式小店, 位於小巷內但不少食客慕名而來。菜式富地道風味,有不少食材及調味料都是台灣運來。必吃鹽酥雞、肉燥飯及三杯雞。
继续阅读
营业时间
今日营业
11:30 - 15:00
18:00 - 21:45
星期一至日
11:30 - 15:00
18:00 - 21:45
公众假期
11:30 - 15:30
18:00 - 21:45
公众假期前夕
11:30 - 15:00
18:00 - 21:45
以上资料只供参考，请与餐厅确认详情
有陣時百無聊賴…捐窿捐罅～都會發掘到新嘢～🥰今日同老細過嚟鰂魚湧探店，響芬尼街見到一間台式料理，時間尚早冇乜人，一於試下！！台灣麵係我倆嘅喜愛之一，有湯麵，又有拌麵～口味非常夾我地！！擔擔麵跟炸雞扒：好似夜市嘅大雞排一樣，炸得香脆juicy，而且配個甜辣汁好美味～個擔擔麵湯底非常獨特！😍😋第一啖飲落去…～除咗花生醬之外，我好似感覺到有啲茶香😅🤭麵質都好滑～古早味肉燥拌麵：用嘅係粗麵，麵質都好爽口～佢個肉燥食落有好獨特嘅味道，原來係加咗櫻花，同埋台式蔥油～🥰😋啲葱爆到好香口，配埋櫻花蝦，‘濃濃香香嘅味道，令到呢碗拌麵嘅層次倍升！👍🏻😍拌麵配炸豬扒：件豬扒好厚實，但係又炸得好香口～我最鍾意嘅係佢完全唔油膩，亦都唔會有好厚嘅炸漿索曬啲油！拍青瓜拼雲耳：青瓜同雲耳都好爽脆多汁，十分清爽，平衡返兩碗麵嘅濃鬱口味～🥰佢呢度除咗台式奶茶之外，仲有幾款冷泡茶，我叫咗嗰個桂花金萱冷泡茶，非常之香！😋又大大支！真係滿足的一餐！！♥️🥰👍🏻
继续阅读
一葉台灣料理鰂魚涌芬尼街13號得發大廈地下B舖一啲連鎖嘅台式餐廳就食得多，菜式都比較常見，但台式鄉土料理就真係少有，間鋪頭位於一條巷仔入邊，裝修簡約，雖然細細間但有三個卡位！菜式都好特別！~古早味家鄉拌麵配豬排面質好有咬勁，面底有一定份量嘅酸梅菜，家鄉特色名符其實！豬排炸得好靚，肉厚但唔會太韌，對比日式佢嘅炸粉冇咁多，真材實料。~肉燥飯實實在在嘅肉粒，份量幾乎可以覆蓋成碗飯，如果打算叫小食可以叫一碗嚟配搭。~台式菜脯煎蛋一上枱已經聞到陣蛋香味，一瞬間諗起有一次去台南鄉下地方探望個朋友佢屋企用自家蛋煎嘅菜脯蛋，如果中意住家菜風格就好推薦！
继续阅读
呢間台式餐廳好有台灣感覺，坐得好舒服，真係好似去左台灣咁。紅燒牛肉麵 $72大大舊滷牛肉好足料，牛肉湯唔會死咸，濃郁牛肉香味，配上煙韌寛面，好味。手工雞肉玉米水餃 $56足料到好似自己屋企包的水餃一樣，玉米好清甜新鮮，雞肉無豬肉咁油膩，好清新的配搭。拍青瓜拼小木耳 $55小食試左青瓜，滿滿蒜香味，香口又青新，如果食炸雞扒搭配佢就搭哂。珍珠奶茶 ＆ 冬瓜茶檸檬食台灣野一定要飲台式飲品，呢度的台式飲品更似台灣餐廳提供的飲品，唔係全部芋泥麻糬的配料，但就係台灣風味滿滿。
继续阅读
今日放咗工約咗同事行街，行街前同事話肚餓，於是我哋就周圍搵嘢食，行過見到呢間餐廳係食台灣料理，見到佢哋門口嘅餐牌嘢食好吸引，於是我哋就入咗嚟食。餐廳地方唔算大，但座位好舒適，店員服務殷勤，有禮貌，我哋叫店員落單，叫咗以下食物。1）肉燥飯～$28: 一上台就已經聞到好香嘅肉燥味，豬肉肥瘦適中，肉燥汁夠香濃，肉燥配埋白飯一齊食，簡直完美配搭。2）台式炒米粉～$68: 配料十分豐富，裡面有埋肉燥，食落非常惹味，同埋佢哋炒出嚟嘅米粉唔油膩。3）手工雞肉玉米水餃～$56:脹卜卜嘅水餃，皮薄餡多，粟米香甜，雞肉嫩滑，一口一啖非常滿足。4）凍珍珠奶茶～$20:一粒粒圓滑嘅珍珠，口感Q彈有嚼勁，加埋茶味香濃嘅絲滑奶茶，令人一口接著一口飲不停。5）凍冬瓜茶檸檬～$20:甜甜酸酸好清爽。
继续阅读
去找朋友，佢帶我來這間台灣店食撈麵，真正第一次知道原來可以咁樣食☺️價錢又唔係貴勁平又飽肚。簡單點了2份台式撈麵🍜麵底煙韌彈牙，滷肉味做汁，不會感覺乾身，汁量剛剛好，2款肉都不會炸得太乾。古早味家鄉拌麵配豬排麵底比較清，有傳統台灣古早滷肉味，充滿台灣色彩，豬排好厚切酥脆。雞扒蔥油拌麵蔥油很香口，拌麵彈牙雞肉滑嫩。珍珠奶茶和冬瓜茶檸檬台式傳統珍珠奶茶，跟香港真的完全不同，奶茶香不會很甜。冬瓜茶中和檸檬酸味，幾清新。
继续阅读