一虎 (已結業)

中環店e間拉麵，係我定時定侯都要黎幫襯嘅一間小店^_^ 裡面位置不多，但坐得舒服～食物方面自我感覺，比灣仔店好食d😄服務都好好，走時店員都會問我，新拉麵啱唔啱食😇好快再見🤤

中午飯點路過見到人並唔多，同朋友決定嚟呢度食lunch，裡面侍應都係日本人，感覺比較正宗，叫咗招牌白虎拉麵和黑虎拉麵，小食就揀咗日式煎餃和炸雞翼，白虎拉麵係豬骨湯底，好香濃，豚肉大塊厚身，味道算可以，黑虎拉麵係朋友揀的，加咗黑蒜油，聞到好香，與白虎相比有另一番風味，都一樣咁好食。

經常光顧呢間小巷裡的日式小店 拉麵同飯都食過 今次主要想寫下咖哩飯飯既選擇唔多 得炸豬排或炸雞揀 飯係採用珍珠米 做得出色既係咖哩sauce 咖哩味同一般係香港食到既唔同 唔係普遍標榜日式咖哩既偏甜 亦唔係印度咖哩既偏辣 係食落濃度剛剛好 好獨特既味道 咖哩汁不「杰」不稀 用來餸一碟飯岩岩好 同場加映 日式餃子 餃子皮包住既係juicy既豚肉 粒粒都飽滿 台面有醋 醬油 同芝麻可以伴食 對我而言 會經常掛住咖喱飯個味道 定時定候都要光顧下既鋪頭！

響中環返工食lunch看似好多選擇, 可惜事實係人又多又貴;係時候介紹下我會去食的另一間鋪頭 - 一虎.行到去剛剛好12點, 一開門牌都未轉我哋就即刻闖入去. 拉麵menu好簡單內外陳設都好日式, 連師傅都係日本人. 座位唔多, 30個內.冰水自助.推介一 : 白虎拉麵「豚骨湯」湯底味道濃厚, 仲好重蔥碎香味.叉燒大塊, 薄身而入味.麵質軟韌適中掛湯. 推介二:  唐揚炸雞脆醬薄而脆, 肉質嫩滑, 形成外脆內嫩.午市可配日式咖哩成咖哩唐揚雞飯.咖哩唔會太辣, 加入洋蔥蘑菇等配料.以中環lunch計, 價錢合理. 

I’d like a bowl if hot ramen from time to time, especially in this chilly weather🍜🍜I like the broth of their ramen, rich in flavour but not too oily or salty. The ramen noodles had a nice elastic texture which was delicious when soaked in the thick broth.

中環有幾間拉麵鋪頭，見呢間少少哋人就入咗去食。店舖裝修好友日本風， 店員會用日文同你溝通😂叫咗個招牌一虎拉麵 ($97)其實有少少貴，差唔多成$100湯底係豬骨湯，但係唔係好夠味，唔夠濃郁😩唔啱重口味嘅人食。。。糖心蛋太流心，好似未熟咁，不過都OK可以接受既🤭麵硬度適中，冇鹼水味👍🏻另外值得一讚嘅地方係，會有少少配菜比食客可以加上去，令到味道更加豐富！！整體來講，朋友同我都覺得太貴，唔係好值。

中午喺 蘇豪區睇緊有乜嘢食， 見到拉麵在openrice comment 不錯 。 menu簡單易明叫咗最多人叫嘅一虎拉麵， 大約五分鐘到嚟到啦。 份量都幾大湯底都唔錯，我自己都飲咗好多， 食完碗麵真係都幾飽。 中午$97蚊碗拉麵，唔係比其他特別出色，未食過可試一次.

位於窄巷內完全不起眼,不太容易找到由於星期六晚SOHO區大部分食肆都超級多人排隊,巧遇一虎竟然不用排隊,二話不說馬上入去食簡約的日式風格,環境乾淨企理拉麵爽口有彈性,而且非常掛湯,湯底濃厚好飲最重要係每碗麵都食得出日本老師傅既誠意一定會回頭再幫襯,支持一下用心既小店❤️

喺中環食晏唔使排隊已經令人垂涎欲滴，呢一間喺Soho區嘅拉麵一啲都唔起眼可能因為就係咁唔會有太多人排佢。行到入去你會發覺地方淺窄不過都係正常拉麵鋪頭格局，我坐咗係最尾個張枱座位都算闊落。拉麵湯底來講選擇都算多，小食亦都有幾款可以揀。我揀咗個白虎拉麵，湯底都算香又唔會太肥太油或者太鹹。我個人就好驚去食拉麵叉燒因為香港食親都會有臭豬味反而呢間就冇都算唔錯。餃子方面就好一般啦，反而個炸忌廉餅就唔錯不過我自己就麻麻哋炸野。

首先一入到店員都好好招待，感覺好似番左日本食野咁😂無論店裏的座位擺設、枱面上的餐具都跟足日式👍🏻跟住見到menu 內有唔少拉面揀，我就點左個白虎拉面，見到佢寫跟足日本獨門秘方去整，話用12小時將豬骨、新解蔬菜濃縮成湯底，就決定要食。由於我唔食木耳、筍，淨係揀左有肉同蔥，黎到時第一時間試淡湯，真係完全冇味精味，之後食完都完全冇口渴，味覺濃而精，係精華所在另外都叫左兩款拉面試下，捲曲面咬落勁彈牙，好爽身好好食，而直身面係另外個碗內個款，食落黏身少少，另一種口感。豬肉就食落個肉身好嫩好滑，而且唔會好肥。之後仲叫左個自家製餃皮，皮身唔會太厚或太薄，仲好夠肉汁，肉身方邊都好有鮮味，點埋醬汁會更加好食。

舖頭外觀秉承日本文化風味，十足日本當地既鋪面，入到去待應都好熱情， 好有日本情懷。鋪內所有調味品都好齊全，有日本食既紅薑、白芝麻。咖哩豬扒飯日本辣咖哩， 唔會好辣， 怕食辣嘅人士都可以一試，同埋咖哩汁好多， 唔怕唔夠餸飯。豬排外硊內軟，吾會乾身同埋皮身吾會同肉分開，飯嘅份量適中，唔會覺得太飽肚，可以食到其他小食而吾會覺得溜。 日本煎餃子鋪頭自製之作，控火、 落油，煎得啱啱好。皮吾會煎得太油膩，加上皮亦都薄身， 食落去唔會太粉嘅感覺。肉餡有好濃既肉汁，配上醬油簡直絕配，鍾意食餃子嘅人士不妨可以試埋啲醬油一齊食，會有另一番口味。

大館有得免費對外!!!!身為偽毒偽文青，點會唔黎打下卡!?大館係一個area，包括中區警署，中央裁判司署同域多利監獄，經過馬會活化同保育仲加多左美術館同綜藝館!!!有興趣真係可以去睇下，值得一睇了解下香港歷史同文化行完肚餓搵野食，唔想行咁遠了~就係半山搵野食算一路上去先到間拉麵店，同朋友諗都無諗就入左去同普通拉麵屋一樣，餐廳都唔太大，整整齊齊。而聽佢地講野先知，兩個師傅都係日本人黎，幾驚佢聽唔明我地要咩，好彩店員係香港人餐廳主打既拉麵湯底都有d唔同，幾特別另外小食同追加都好吸引，原本諗住要蟹餅，但店員極力推薦佢地既餃子，一於信佢!!另外幾特別既係餐廳都賣便當，surprise!? 第一次見拉麵店做埋便當餐桌擺設簡簡單單，同傳統日式拉麵店一樣，都有冰水提供~一虎比較特別，平時去拉麵店見最多係辣菜，呢度係辣椰菜，辣韭菜同辣蒜蓉，真係第一次見辣湯，蒜油湯，豚骨湯都試得多，今次試下香油湯(褐虎)，食過其他拉麵店都冇呢款湯底，另外加左蛋!!香油未撈勻，未試兩啖豚骨湯，味道一流! 香濃但唔膩，湯底唔錯!將香油撈好之後變哂色飲落都係豚骨底味，但多左一陣甘甘地既焦香，個人黎講幾鍾意，而且第一次見另外值

Soho區太多西餐，對西餐沒有太大感覺的我還是想找其他菜式吃，都真係無意中見到啲紅色燈籠🏮而知道有間拉麵係巷仔入面。平日夜晚都算幾多人食，坐下坐下發覺佢滿左場～除左拉麵店家仲有咖啡飯同定食揀，我都爭扎左好奈要揀咩，但等一次黎就試下個拉麵先～叫左白虎同褐虎拉麵。白虎是原味豬骨湯，佢可以揀曲麵同幼麵，感覺幼麵會比較掛湯，所以兩碗都叫了幼麵～湯濃肉稔，果然很掛湯呀！褐虎是加入特製香油的豬骨湯底，個汁真係好香！帶點蒜香，又不會太咸，同塊肉好夾呀！店家貼心解釋3款配菜，最愛辣椰菜！在湯的油膩感之中刺激一下味蕾！

作為一個拉麵控，我好多時都會留意有甚麼拉麵未吃過，最近看到有這間拉麵食評，覺得都幾好，今晚就來到了。可能是下班時間，我們是第一枱。店內座位大約有廿幾個，而廚房由兩位日本上了年紀的男仕主持，令我放心了很多，而且給我一種去了日本的感覺。黑虎拉麵🍜$95，骰仔叉燒$12。黑虎拉麵選了捲曲麵，黑蒜油很香，湯底亦很滋味，配料選了豚叉燒、味付荀、爽口木耳、香蔥，豚叉燒沒有太多脂肪，味付荀非常爽口，捲曲麵麵質煙靭有嚼勁，我很喜歡💕。骰仔叉燒微暖，有醬油的香味，不會太肥。沙律虎拉麵$88，另加$20炸雞。沙律虎拉麵配料有蝦仁、生菜、粟米、叉燒、雞蛋、蕃茄，這個是季節限定，是非常適合夏天進食，因為拉麵是凍的，加上了自家製的胡麻醬，非常適合，不知不覺已經吃罷拉麵了。炸雞外脆內軟，肉汁豐富。

呢間拉麵店, 地點都算比較偏, 係半山區上面, 每季都會出d定期特別小小既拉麵!地方唔算細, 服務招待比較熱情! 平時我唔係蕃茄湯, 呢到蕃茄湯都算唔錯, 但好似主湯底唔係豬骨湯黎,蕃茄味都算濃, 小小帶甜. 清新既口味.佢地d豚肉, 係自己親身制作,可惜既係無得選塘心蛋食~呢碗反而有塘心蛋, 但又無左玉米,我建議可以俾客人選配料/硬度會更出色, 因為有d客中意食硬小小有d中意中等硬度.佢地d豬骨湯同出面個d有d唔同,味道上比較咸多小小應該係豬骨湯為主底,再加上其他野去調味所以顥得特別唔同, 比較新鮮既豬骨湯味.豚肉方面就比較鬆身, 口感帶小小硬硬地~ 整體價格唔算貴, 正常range!