一輪 (一門町市場)

-前排炭燒和牛漢堡扒店挽肉と米開張大受歡迎🥳 但係到依家都好難book 🥲 所以就食住呢間差唔多類型嘅餐廳😗 呢間都係主打和牛漢堡，全間有兩邊嘅吧枱圍繞住師傅即叫即燒漢堡扒，唔同嘅係唔係用炭爐🙈 餐牌有幾款選擇，可以揀和牛或者新出嘅豚肉/雞肉扒，漢堡有分兩塊($88-98)或者三塊 ($118)，口味就有原味/芝士🧀️/辣番茄🍅味😋 全部都包括套餐有湯、小菜同一飯溫泉蛋🍳一般食量兩塊都足夠😛漢堡有幾香嘅牛味，不過食落上唔夠濕潤juicy🥲 但係都好欣賞調味部分，芝士係溶左𣺉喺表面，再加芝士碎，幾吸引，芝士味都好濃🥰 辣蕃茄味幾惹味😉 原味嘅話可以自己配搭唔同嘅調味料，例如鹽、黑椒、mustard 同醬油，可以試到唔同味嘅配搭幾新鮮😋 我就鍾意配溫泉蛋醬油同鹽😛 📍一輪荃灣楊屋道18號荃新天地2地下一門町市場J36-38號舖

剛剛早左一步入餐廳，所以不用排隊，見無幾耐門口就現人龍了。成間餐廳得三款套餐叫，最平係$88 加一。我叫左原味漢堡扒餐，朋友叫曬三款口味。套餐入面有沙律，麵豉湯同飯。好飽漢堡扒係現場即叫即燒的原味漢堡扒配埋芥末醬味道不錯。另外朋友叫嘅香辣蕃茄醬漢堡扒味道都很好，好濃蕃茄味。但係個人覺得芝士醬口味就有點漏。整體餐廳食物味道不錯，都係第一次食席前即燒既漢堡扒，唔錯嘅體驗。可惜門口有人龍，食完之後都唔好意思再坐多一陣傾偈，所以如果至在同朋友食飯吹水就唔係一個好選擇！

服務太差啦。我好少寫食評但都要寫叫了set，3塊肉，芝士&原味&蕃茄。等了20分鐘上了兩塊肉先在我面前個燒烤盤到就行開，服務員完全唔會同你講係可以食得，或者點樣食。見佢幫緊其他人落芝士汁，就以為將會幫我倒。等咗5分鐘之後，唔對路，問佢食唔食得，已經Overcooked左，冇肉汁，非常難食。最後上了一塊芝士，即刻拎上黎食，得少少肉汁，無牛肉味。d飯煮得好難食，有啲硬有啲腍。店舖內除了煮牛肉個位師兄好忙之外，其他兩位服務員完全企喺度，唔會理你。完全唔會建議你用$130(加一服務費後)食，性價比低。建議同樣價錢，食中環嗰間挽肉，要排隊都要食，人地好服務同品質有保證。

大約排隊30分鐘就可以入座，店內有2個大圓形的吧枱，係可以一邊睇燒熟和牛漢堡過程，一邊享受美食，而且抽煙做得好，食完個身無咩味。餐牌有3個價錢，分別$88，98，118。原味配香辣蕃茄汁各一件就$88。兩款口味各一就$98。原味加兩款味各一就$118。和牛漢堡好多肉汁，牛味濃郁，燒得香口，唔太膩。香辣蕃茄汁和牛漢堡醬汁唔辣，個味係意粉醬味，麻麻地。幸好有溫泉蛋配牛肉同飯，超夾。溫泉蛋汁與和牛牛肉油脂混合，非常正。芝士汁和牛漢堡 車打芝士汁加即場刨芝士碎，視覺很好。芝士汁好濃郁，與和牛漢堡肉味夾，又唔會蓋過牛味，唔會好膩。中華沙律同螺肉，口感爽爽地，味道正常。飯同肉一齊上菜，係細心。可以再做好d，因為個湯凍哂好浪費，飯可任添。味噌湯一早就上菜，等10分鐘才上飯同肉，個湯要早d飲，唔係凍哂勁難飲。

假期出街搵食，得知荃新天地二期地下食街開左近期大熱即席燒漢堡扒專門店「一輪」決定走去湊熱鬧。而港島個間人氣《挽肉と米》⌛️排最少數小時以上先可以食，真係無咁多時間排，而荃灣呢間排左半個鐘都可入座。「一輪」坐位不多大約容納二十人，可以選擇兩件或三件和牛漢堡套餐，用上北海道直送和牛。套餐B $98 (芝士汁和牛漢堡+原味和牛漢堡) 套餐C $118 (芝士汁和牛漢堡+原味和牛漢堡+香辣蕃茄汁和牛漢堡)套餐會包一碗麵豉湯，正正常常普通貨色、都有海帶豆腐腐皮，暖下胃。都會有個餐前小食係中華沙律同埋螺肉，大路貨。有隻溫泉蛋比你撈飯食。原味漢堡調味吾重手，幾乎食其底味，肉質比較鞋口，偶爾食到顆粒感，但質感似肉餅，沒有什麼驚艷位，要加鹽同黑椒令牛味更突出。因為要係大鐵板滋滋煎，煎至兩邊焦脆保持鎖緊肉汁，但烹煮需時最少等了半小時，點點肉汁溢出，一般。芝士🧀汁係我哋首選，店員會即席刨多啲多啲芝士碎係面而且有車打芝士汁做底，芝士香氣十足不錯。香辣蕃茄汁漢堡吾辣的，反而好重香草味，蕃茄汁底味酸甜好開胃，仲可以解膩，仲可以無限添加日本珍珠飯。正常食兩件漢堡已經開始膩，大多數人都叫A或B餐，但加$20有多個又好似

近期漢堡大熱，同樣嚟自日本嘅一輪，比《挽肉と米》更早響香港插旗，其實兩者食法唔同，一輪可以選擇兩件或三件和牛漢堡，而且有醬汁選擇，近期仲有期間限定嘅戶米豚x免治雞肉漢堡選擇，雖然我未試過《挽肉と米》，但論選擇及彈性度，似乎一輪更勝一籌。🥢套餐B $98 (芝士汁和牛漢堡+原味和牛漢堡) ⭐️⭐️⭐️⭐️🥢套餐C $118 (芝士汁和牛漢堡+原味和牛漢堡+香辣蕃茄汁和牛漢堡)⭐️⭐️⭐️⭐️芝士係我哋首選，所以叫咗B同C餐，漢堡係juicy嘅，原味漢堡加鹽同黑椒令牛味更突出；芝士控當然要試半溶芝士+即刨芝士漢堡，貪心嘅我要求店員刨多啲多啲芝士比我，而香辣蕃茄汁漢堡係唔辣嘅，唔識形容個味道但都唔錯，不過正常食兩件漢堡已經開始膩，所以目測所有人都叫A或B餐，但加$20有多個又好似幾抵咁喎！二人共消費：$238

早2個月前食過一次覺得都幾好不過今晚再去食食物質素明顯下降。 其實主打係漢堡不過我地2個人都覺得漢堡肉變得淡而無味, 🐮肉明顯溝多左其他野。湯同飯都正常。 應該不會再幫襯

一間餐廳淨係做一個菜式，和牛漢堡，係好大膽嘅，由日本帶到嚟香港，一般開呢啲餐廳都只會喺港島區或者尖沙咀。係個湯比較一般。同埋需要少少耐心等候煮食時間。荃灣多咗一間會會常嘅餐廳。性價比OK。

放工經過荃灣荃新天地，先知最近新開咗一間門町市場，係一個集多間餐廳嘅日式美食街嚟㗎！😋 當中最受歡迎嘅，就係近期好多人推介嘅即燒漢堡扒專門店，好彩早去唔駛排好耐，當我地食完之後見到門口已經好多人排隊！🤩🤩🤣 （芝士汁風味和牛漢堡 + 香辣番茄汁風味和牛漢堡）套餐B 售價$98🥗 前菜上得非常快速，可以自己揀沙律醬，不過個味增湯就真係平淡無味，但都有溫泉蛋喺度！飯🍚 會等到和牛漢堡扒上枱嗰陣時先送上，暖笠笠嘅，真係好貼心嘅服務呀！🥩和牛漢堡佢哋係用咗北海道和牛同M4澳洲和牛現場製作。再喺大鐵板上滋滋咁煎，煎到兩邊都好香脆，鎖住咗入面嘅肉汁同油脂，一切開真係漏哂肉汁出嚟，睇落去真係好肥美！🧀 芝士汁風味：淋上啲濃稠嘅芝士汁，再撒上滿滿嘅芝士粉🤭有一刻想問吓店員可唔可以再刨多啲🤣漢堡排係半肥瘦嘅絞肉整嘅，口感好有彈性，一食落口，飽滿嘅肉汁喺嘴裡面爆發，充滿香濃嘅芝士味！🍅 香辣番茄汁風味：其實佢冇乜香辣嘅味道，不過個番茄汁嘅酸甜味真係好開胃，又可以解膩，配埋香濃多汁嘅肉餅，令人食到停唔到口！因為係可以無限添日本珍珠飯🍚，所以我額外再加多咗半碗去撈呢個蕃茄汁😋下次去荃灣，一定要去試下呢間嘅漢堡

簡單生日飯話說呢期好興牛肉漢堡扒加日本米飯，好出名嗰間book唔到，趁着生日，我同太太就去另一間食相同食物嘅餐廳試一下餐廳環境方面大概分左兩張吧枱，每一張大概有10個位左右圍住個爐坐，每個位前面都有一塊鐵板用嚟暖住漢堡扒。餐廳只有一款漢堡扒一款食物，但係佢有分原味，蕃茄汁同埋芝士三款唔同口味，每一個套餐都有沙律，溫泉蛋，麵豉湯同白飯任裝。漢堡扒方面，唔算醃得好濃味，如果食原味嘅話，建議加少許鹽同黑椒會更加好食。茄汁漢堡扒，我哋覺得茄汁嘅味道有少許太重口味有少少搶咗漢堡扒嘅味道。芝士汁漢堡扒，店員會喺你面前加芝士汁同即磨嘅芝士，份量絕不手軟，非常igable! 雖然睇落去好似好heavy, 但食落一啲都唔heavy! 不過個人比較喜好原汁原味，原味係我嘅首選。 follow 社交平台仲有汽水送，兩個人加埋買單先$200左右，非常抵食。不過服務就麻麻哋，啲侍應生唔知係part-time定係太junior，好多時候搵佢哋幫手都，唔係好理你同埋因為餐廳嘅路線嘅問題，佢得吧枱高櫈，亦都無BB櫈，唔係咁適合有小朋友嘅家庭。

荃新天地二期早前開咗一門町餐廳，有好多新駐場嘅特色美食😍😍 一直都好想試一輪嘅和牛漢堡！每次經過都大排長龍😎 今次要試吓啦🤩🍴今次就試咗，套餐 A $88 同 B $98 😋每個餐都配有和風沙律、麵豉湯、仲有半熟溫泉蛋同飯，飯可以免費再添 😝套餐有2個漢堡，芝士漢堡就兩個餐都有，另一件就係原味 / 香辣番茄味 。芝士漢堡真係好正，所有漢堡現在即叫即烤上鐵板 👏🏻👏🏻 夠晒熱辣辣😍 仲即場淋上厚厚嘅芝士汁同手刨嘅車打芝士😍😍😍 超級推介😊 我個人最喜歡係，佢食落唔會成口油淋淋咁，得返好香口嘅和牛脂，而且鬆化，確實係唔錯👍🏻👍🏻 另一個口味就係香辣番茄味，但唔覺有辣度，怕辣嘅朋友唔駛擔心，反而番茄味好濃，都幾好味！🍴整體都覺得幾好食，坐係 Bar 枱有埋鐵板，熱辣辣漢堡確實係正🥰🥰

一輪價錢💲: $118好味程度😋: 3.7/5服務🍴: 3.3/5環境🗾: 3.3/5性價比🥢: 4.3/5回頭率😚: 3.3/5-當個個都去食挽肉的時候，其實荃灣都有間類似的漢堡扒店，格局一樣，都係圍住坐係個爐前面望住店員整的。平日lunchtime去到稍微等左一陣就入得啦！位置唔多，大概只有20個。套餐只有$98/$118選擇，睇下你想要咩口味的漢堡扒。第一次去梗係要三種口味個一ga la！-漢堡扒用黑毛和牛同澳洲和牛搓成，但食落牛味唔係好濃郁，只係正常漢堡扒的味道🤔按壓落去都有肉汁咇出來既😌漢堡扒煎得焦脆，入面肉質唔會太實，合格的。但要突圍而出應該要靠個醬汁，芝士同辣🍅，我比較鍾意番茄味，酸酸甜甜中和到肉的膩。同埋佢的茄醬都算有層次，係有香草味+微微辛香，越食越開胃🤩-另一隻芝士就比較睇得。淋上芝士醬後，店員會即場係你面前刨芝士落舊肉到，畫面相當吸引😛但芝士醬味道唔濃，係靠面頭的芝士碎帶啲鹹香，呢個味道一般般。-呢個價錢都合格既。沙律、湯、同飯一般。漢堡扒一定要配飯食先得！另外想講講d餐具係有d污糟🙈 未book到挽肉就食呢個頂住先啦！- #piggyfoodiein荃灣

行過兩次，唔使排隊，見到有人流，咁就入去試吓啦，點知伏到一個點!!!!1) 入去坐低，個杯裏便有粒飯，豉油碟有啲菜渣．． 清潔衛生問題都幾嚴重喎2） 一個負責燒烤，三個侍應企喺度吹水，咩玩法？3）沙律湯都正常，但係重點嘅碗飯！ 明明係珍珠米嘅白飯，但係煲到好似軟飯王咁，仲要冇米味，冇牙都食到，不過冇味咁解⋯⋯4）主菜．．牛基本上兩舊肉係冇味嘅，唔好話和牛，連麥記塊漢堡都好食過佢，仲要淋到冇咬口純粹靠啲汁先食得落，唯一可取就係啲芝士，終於有啲芝士味。總結： 牛冇牛味，飯冇飯味！ 究竟我食緊啲乜？ 食完真係嬲㗎。

餐廳主要提供三個套餐A 原味漢堡 + 香辣蕃茄汁漢堡（$88）B 香辣蕃茄汁漢堡 + 芝士汁漢堡（$98）C 原味漢堡 + 香辣蕃茄汁漢堡 + 芝士汁漢堡（$118）今次叫咗 A & B 各一。套餐有沙律、麵豉湯、溫泉蛋、白飯（可任添）。漢堡扒用北海道十勝產黑毛和牛製成。漢堡煮好後會放上枱前的鐵板上熱住，漢堡尺寸唔算好大，但都有啲厚度，外層煎+烤得乾身，但裡面仍然有不少肉汁，肉味一般但調味不錯。香辣蕃茄汁漢堡有驚喜，酸酸辣辣好惹味，中和漢堡油膩感；芝士汁漢堡有兩重芝士，先淋上流質芝士，然後再刨芝士絲係面，芝士味都算濃，口感不錯，最重要唔係好漏。

六點左右去到唔使點排隊，就可以入去食。佢哋呢啲漢堡扒都係即刻煎，而漢堡扒嘅選擇就有三款，原味，辣蕃茄味，同埋芝士味。而我就選擇咗原味同辣蕃茄味。咁而跟餐就有一碗白飯，一個沙律，同埋一個麵豉湯。仲有一粒溫泉蛋。而沙律嘅醬就需要自己另外落，面前有三樽唔同嘅醬，可惜佢冇寫明係咩醬。食緊嘅時候職員就喺中間嘅位置喺度燒緊漢堡扒。可以邊食邊睇，好啱一個人食。燒完之後佢就會擺喺前面嘅一個熱嘅鐵盤上面繼續加熱。拿蕃茄味會有另外一個鐵兜裝住個漢堡扒同辣蕃茄汁。漢堡扒好有肉汁，頗為驚喜。試咗原味之後，再試辣蕃茄味，覺得辣蕃茄味好有驚喜。成件事冇咗咁漏。食到咁上下店員仲提醒，可以繼續添白飯。食到超級飽。食到咁上下已經見出面排緊長龍，唔想排隊嘅可以早少少過嚟食。