影片
开饭介绍
年輕時尚的任飲任食火鍋店，每日以60斤豬骨熬煮湯底，並供應十多款口味；另外自助區設有多款火鍋配料、飲品等。
继续阅读
营业时间
今日营业
11:00 - 01:00
星期一至四
11:30 - 01:00
星期五至日
11:00 - 01:00
公众假期
11:00 - 01:00
公众假期前夕
11:00 - 01:00
以上资料只供参考，请与餐厅确认详情
有关奖赏计划
相关文章
[ 一鍋堂 ]都一段時間無食呢間港式火鍋放題，原來晚市今個月轉咗新餐牌🆕：有新款式湯底，自助吧加入凍海鮮、特式熱食，仲有任飲生啤、茶酒。晚市有4款火鍋套餐任食2小時，最平每人$178起。✿ D餐 日本黑毛和牛A4+ 成人$338/位 (正價時段)、長者$258/位、小童$218/位湯底🍲十款自家製湯底，新加入🆕蝦米瑤柱冬瓜鍋、金湯椰子雞鍋。另外麻辣鴨血豆腐鍋、咸菜胡椒豬肚雞鍋 都好吸引好足料。火鍋配料🥩🦐呢款套餐任食 日本A4黑毛和牛，和牛油花分布均勻，油脂感剛好唔會太膩👌。另外有澳洲M6和牛牛腹肉、美國特選安格斯牛肉等。牛肉以外有 西班牙豬梅肉片、紐西蘭羊卷肉等，食肉獸不能錯過👍。任食海鮮有 鮮甜桶蠔、原隻鮑魚、帆立貝、海蝦、沙白、白鱔片等，款式算多味道新鮮。其他推薦配料有 黑毛肚、墨魚鮮蝦滑、爆膏鵝腸、大埔振興瀨尿牛丸、花膠、鴨血等數十款，多到試唔哂。熟食🥘當晚自助吧有冬天限定「雙冬枝竹羊腩煲」，羊腩大大嚿仲要任食👍。凍海鮮有海蝦、青口、翡翠螺；涼拌小食 麻辣豬耳、麻辣雞腎 都係推薦做開胃前菜。飲品🍺任飲 自家製樽裝茶飲、紙包/罐裝飲品。任飲酒精飲品有 生啤、自家製季節茶酒、罐裝啤酒等，款式夠多。甜品🍨有軟雪糕、水果等選擇。總結🫦 除咗新餐牌，一鍋堂 推出全新🆕會員優惠，有會員迎新着數優惠，仲有積分升級。而且每月定期回贈會員，有現金卷、折扣卷、食物卷、延長時間券。會員制度：「黃卡」免費入會，每月有9折優惠券「金卡」每月有85折優惠券「白金卡」每月有8折優惠券✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿一鍋堂 地址：荃灣眾安街55號大鴻輝(荃灣)中心19樓電話：2408 3771✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
继续阅读
天氣開始凍 打邊爐最好不過勒! 荃灣呢間分店裝修好舒服又乾淨 地方好大! 餐廳既員工服務都好好 適時會幫我地清理D碗碟!Level 3 - 120分鐘晚市火鍋( 特選安格斯牛肉 + 海鮮 )放題任食多款湯底選揀 怕熱氣所以叫左個限定既金湯椰子雞湯底 又滋潤又養顏! 湯底真係夠哂清甜 材料足本!!!!!多款牛肉可以任點任食 有特選安格斯牛肉、封門柳、牛脷心、牛板腱等等，我地不停Reorder 特選安格斯牛肉 - 牛味濃油花靚 軟林又JUICY!海鮮類有海蝦、水魷、白鱔、鮮貝、花膠等等，款款新鮮好精神 由其海蝦 好爽甜!!有好多手工食物必須要試下 例如蝦膠釀油條、蟹子鮮蝦滑、黑松露墨魚膠、菠菜韮菜餃等等，係出面火鍋店係比較少見 黎到呢度真係要試多D!出面既前菜區、小食區、醬料區、飲品區 ，選擇非常多又夠齊! 總括而言 餐廳性價比好高 而家餐廳仲做緊優惠 晚市 21:00後入座 每位即減$20, 仲可以食多30分鐘添牙!
继续阅读
天氣咁凍，最適合就係食火鍋🙈呢日嚟到荃灣嘅一鍋堂，我哋叫咗Lv3，各種肉類同海鮮任食🥰而且晚市九點入座，仲會即減$20，以及增加30分鐘😎呢度醬料齊備，各種炸蒜辣椒、芝麻油沙茶醬都有齊，一定滿足到唔同口味🤪火鍋配料亦好豐富，唔同嘅丸類、廚師腸、炸魚皮同響鈴，仲有公仔麵，同米粉👍🏻另外點少得飲品呢？各種茶類，汽水啤酒都係任飲，一定盡興！我哋叫咗松葉蟹蕃茄黑胡椒湯底，真係大大隻松葉蟹腳，一路滾蕃茄味越嚟越香，湯底鮮甜🥰喺食嘢之前，仲有一個可愛嘅奶凍，甜甜滑溜，令人開胃😆特選安格斯牛肉，大大塊，肉味香濃，而且油花好靚好吸引👍🏻美國牛板腱，封門柳，非常嫩滑，只需要放落去淥一陣就可以即刻食🥰西班牙栗飼豬梅肉，口感鬆化，叫一份已經有好多塊，肉汁豐富😋海鮮同樣出色，有鮮鯇魚片及白鱔片，仲有新鮮嘅蜆及水魷，味道清甜☺️仲有蝦滑，八吋長蟹柳等等既豐富火鍋料任食🤤
继续阅读
去過一次【一鍋堂】之後，就從此對佢嘅火鍋念念不忘😉 今日特意帶埋老公再去食一次。呢個晚餐 Set B，實在係好豐富 🎁 裡面有好多種火鍋配料，不過！我哋今次主要係食下面幾款。🥩極上安格斯牛小排🥩首先係安格斯牛小排，每一塊牛排都磨得極光，烹調得都非常到位👏🏻 牛肉嫩滑唔燥，完全滿足到我對於牛排的所有期待。🐠手切牛脊肉🐠 跟住就係香氣四溢的手切牛脊肉。牛肉的口感真的無話可說，每一塊嘗起來都唔會過柴或者過軟，係真材實料。⭐🦀極品花雕浸安格斯牛肉🦀 這款用花雕酒浸過的安格斯牛肉入口鮮嫩，真的是好食到無法形容，花雕酒的香氣令牛肉更加提鮮👍🏻，真的是超出我哋的期待。最後，再講講油脂均勻的濃汁爽彈牛丸和有營南瓜墨魚滑，真係食完都想立即再點多盤！每一款材料，無論係口味定係口感，都係一流，併配上一鍋堂的湯底，絕對是你想像中的美食雲端。喺荃灣，想食火鍋就去【一鍋堂】，佢哋所提供的味覺和經驗一定能滿足你對火鍋的全部想像🌟 顧眼覺，味覺，心覺嘅話，總括來講，經驗上心頭。☺️成個過程就似食盡一整個美食世界咁，下次還會選擇呢度滿足自己嘅味蕾！😊🎉
继续阅读
五點吾洗排隊就可以入座入座後被安排坐窗口位置 見到有部分枱被拆，心諗無理由會拆？吾通經濟差成咁？之後見到有幾位師父不停搬枱枱櫈櫈，攞完醬料後，由於我地旁邊一列枱係無曬，突然師父搬曬啲枱係到，但吾安裝，員工就問師父依家吾裝好？今晚咪無得用？咁聽日呢？點知師父話，下，吾裝阿 聽日假期未必有人裝，我收工架啦。員工就好愕然，大聲同其他職員講，師傅話今日冇得用喎，咁點？隔咗10分鐘左右，另一位師傅就攞住電鑽鑽枱，正正就係我地隔離枱。😡😡😡我哋一路打邊爐，一路鑽，啲灰飄曬過黎，我哋即時向門口員工反映，明知要安裝枱櫈點會安排座位喺旁邊？員工只係冷漠問一句你坐邊張枱？完全吾覺得有咩問題。而當時另一位叫經理再三問我咩事？有無嗎幫到我？話一係同你換曬食物同湯底。其實無分別，一樣啲灰都會吹到周圍都係。試問有邊位客人接受到貴公司一邊安裝枱櫈，鑽枱既灰，一邊食嘢？明知仲安排入座旁邊？為左晚市接多幾枱客，就可以罔顧衛生問題？員工完全一啲吾好意思都無？今日今日仲咁做生意？真係吾怪點解經咁差，出面選擇咁多，大把選擇。
继续阅读