一風堂 (奧海城) (已結業)

諗起一風堂, 最鐘意既唔係佢既拉麵, 而係佢d芽菜🤣夜晚約左個friend係奧海城交收, 見仲有少少時間, 諗住食個快飯, 就食一風堂啦!叫左一碗赤丸一碗豚骨雞白湯拉麵, d叉燒燒得好香, 碗拉麵就正常啦, 不過不失, 但佢今次d芽菜辣到我痴左線😂

一風堂嘅拉麵就食得多啦，唔知大家有無試過佢地嘅午餐便當呢？其實都係我媽媽介紹先知佢地推出個我覺得幾抵食嘅set! 堂食$78，外賣有折$66左右，首先有豚仔洋蔥井飯、另外有兩隻燒雞翼、兩舊甜蛋、筍前菜，仲要有埋燒粟米三條，個人認為都算係抗疫價，$100蚊有找，而且仲要幾好味！日整筍不嬲都好味，另外要推介嘅係佢係甜蛋，做得幾有層次，唔hea人，雞翼係全翼，少少脆口，食到我幾滋味！如果比較一風堂外賣飯份量比拉麵大，更划算！

自2019年成為一風堂會員，生日月份，手機 App收到電子優惠卷，享１次全單８折優惠！不能浪費，趕在電子優惠卷到期當日使用，星期日下午１時半，不用等位，直接入座，安排了卡位，客人不多，保持合適social distancing，吃得放心！點了以下的：#鮮蜆煮干雞白拉麵，期間限定，新鮮蜆、秘制雞肉丸、薄切低溫豬柳叉燒、魚乾、北魚乾粉，材料豐富，湯底濃厚帶鮮味，好吃！#牛油煮蜆，也是期間限定，份量比預期多，抵食！#宮崎蜜柑梳打，新品，酸酸甜甜，開胃！#芝麻菠菜，涼菜，加了麻油，挺香的！

今日想食拉麵🍜本來見到大食代有就去睇下，點知去到搵唔到，可能係我眼大睇過龍啦🤦🏻‍♀️所以出返嚟去咗隔離嘅一風堂，入到去我包咗場咁🙈佢哋依家🈚️下午茶餐，就叫咗一碗白玉拉麵🍜因為依家會員有一張免費炸雞券，所以就再加一份炸雞🍗一份炸雞得三件，份量真係比較少🙈不過就肉質幾juicy又唔會好厚炸粉，味道係🆗嘅～而拉麵湯底都幾濃郁，叉燒嘅份量都比較足，有4塊咁多😍整體來講正正常常不過不失，不過價錢偏貴，性價比唔夠高😆

早前用OpenRice 上網買外賣，之後到舖自取時，回到家中才發現一風堂執漏咗包拉麵湯。大家如果買外賣時一定要點清楚才離開,費事又要再拆返，又要解釋一輪，非常之麻煩。

好耐無食拉麵，路過一風堂，老公就話去食下1:30到唔駛等位叫左個期間限定，鮮蜆煮干雞白湯拉麵蜆正常，大約有8粒魚干超硬雞肉丸入面啲軟骨硬到咬唔開湯，好咸另外仲有叫左個餃子，其實可以改名叫半口餃😨Um......應該短時間內唔會再黎

我成日去呢間分店，其實係我個仔鍾意食所以我成日會同佢去。平時都冇乜特別，但係今日我覺得唔肚餓，所以去到我冇叫麵，我哋一行3人，總共叫咗以下：兩碗面，$25加雞翼同埋飲品，另外再加咗份叉燒同埋鳴門卷，找數$200幾。加個兩隻雞翼我食咗，然後我聽到有一個男職員，同埋一個女職員，大大聲喺度講話：「三個人剩係得兩個人食，有一個冇食嘢。」喺我身邊講咗幾次，我覺得非常冇禮貌，乜唔係應該計人均消費嘅咩？一定要叫麵？呢兩個職員喺度做咗好耐，平時都已經覺得佢哋冇乜禮貌，不過估唔到冇禮貌到咁樣。

今日lunch想食拉麵，見奧海城咁啱有間拉麵店就試下，點知就中咗伏，食到尾真係嬲咗。因為比較餓，所以就追加咗麵，本身自己唔係個太飲湯嘅人，只係飲咗一兩啖。食完第一個麵，碗湯得返3 4啖，已經知道應該唔夠湯食第2個麵。就諗住加完個麵再睇下啲湯去到邊個位就加一碗湯。加完個麵好明顯就變咗個日式印尼撈麵😂咪問店員加湯，點知原來無得加。其實店員係咪應該知自己店舖嘅湯係唔夠2個麵架呢？點解唔預早同客人講返聲？宜家我嗌咗唔食又會浪費，食我又覺得好難食。間鋪整體真係唔太差，係尼個位差咗，其實比碗湯係咪真係咁難呢？希望會改善返。下次如果會再食，會記得提自己唔好加麵。

話說要去Uniqlo買d貼身用品，咁就去咗奧海城嘅一風堂度食拉麵，去到叫咗碗特制白丸元味，加25蚊叫咗碟炸紫菜墨魚鬚同埋一支葡萄混合汁。碗拉麵嘅湯底，豬骨味好濃，飲落去好好味，完全冇口渴嘅感覺。碟炸紫菜墨魚鬚，炸得相當脆口，沾埋蟹籽沙律醬，簡直係一流嘅小食😋

今日突然想食下日本野，於是就揀左一風堂試下，一進舖，店員好快招呼我，隨即就安排卡位就坐。茶餐市段餐牌如下：主要拉麵為主，不過我今天想食飯，就揀左個“沖繩風豚軟骨丼”平時食得雞軟骨多，估唔到豚軟骨口感都唔錯，不過就有少少肥肉係到，令到整體分數下跌，而最喜出望外就係配搭上十勝汁，完全令到整個飯既味道昇華不少。跟餐會有罐汽水飲。不過坐低時，店員都好快比左壺茶我，淨係壼茶都夠飲，汽水我就收埋自己返屋企遲d飲喇

要到商舖選購日用品，經過見食肆並不多人便進去試試!店舖成長成形，所以兩旁的座位分隔寬闊，感覺幾舒服。日式食肆的招待素來不錯，有消毒濕紙巾提供。白丸元味 (韌度選硬麵) 有數塊豚肉的拉麵，豚肉脂肪適中腍身，豚骨湯濃郁但味道溫和，半熟玉子滑溜好味!選韌度較硬的麵感覺會爽一點。KASANE 雞湯豚骨麵 (韌度選普通麵) 雞湯濃，豚骨肉腍入味，半熟玉子同樣滑溜好味，普通韌度的麵較軟身。小魚乾豆腐沙律配明太子醬 沙律份量還好，碟子是冷的，材料室溫並且新鮮，與調製的明太子醬一起吃依然清淡!一風堂餃子配黑松露汁 (六件) 餃子的特色是迷你形，食完也不覺食了，但令人深刻的是口感和味道，底部脆，皮薄，沾上黑松露汁令鮮味提昇，好好味!原本想點多份唐揚海老，與店員確認後海老件頭較精細，最後還是沒有下單。博多飯 (細份)豚肉燒得美麗，油脂明顯，肉質軟腍，將飯上的材料拌勻後跟飯一起吃不錯，再添餃子的黑松露汁更有鮮味!無論是服務、食物及味道都有一貫日式風格，煎或炸物偏向非常細件，真是小食多滋味!

今天約了友人到奧海城食晚飯，最後選了久違了的一風堂。-友人點了限定的濃厚牡犡醬油拉麵配迷你芝士牡犡飯🦪，而桃子點了每次必點的一風堂辣肉味增拉麵🍜。等了差不多15分鐘左右便上菜了，速度尚算可以。-兩碗拉麵的麵底份量正常，不算太少或太多。豬骨湯底非常濃郁，但不會太油。辣肉味增配上豬骨湯底非常惹味，但有點偏鹹。牡犡醬油湯底鮮味十足，喜歡吃海鮮的朋友們一定會喜歡。迷你飯有點太小了呢，但奶油汁還是挺香的。

今天和女友在奧海城二期逛街，中午肚子餓了我們決定食一風堂的拉麵。完全不用輪候就立即可以進店，服務員的態度非常友善和殷勤，店舖的外觀和食具都非常乾淨整齊，一走進店舖看見日和式的店舖設計風格，立刻令我們感覺到好像置身於日本的拉麵店一樣，不用乘飛機到日本也可以享受到日本人般的服務和食物質素，令我們非常高興和興奮。坐下來之後，我們各點了一碗拉麵(赤丸和白丸)，拉麵的湯底非常濃郁而拉麵的麵質非常有口感，下次有機會一定再嘗一嘗試其他湯底的味道。

喺附近上完堂， 搵間舖頭呢下肚先。 同學見到外面嘅poster ，有和牛拉麵好吸引 ，提議食呢間 。原來一風堂已經喺香港開咗八年， 我一次都未試過， 今日啱啱好，又唔使等，一於試下啦。三個人賣咗四樣嘢嚟食。大判和牛拉麵好大變和牛呀!油脂嘅分佈其實唔係好平均，中間嘅肉大概七成熟，而四周有些油脂包圍。喺呢個半熟嘅狀態底下 ，牛肉出奇地軟淋， 咬開有牛肉嘅香味滲透口裡面 ，即係肉質都有番咁上下水準。迷你和牛丼雖然飯上面嘅和牛唔算好多粒亦，都比較細，但佢做嘅醬汁係一流，同和牛、飯都係非常之夾。Kasane雞湯豚骨拉麵 想嘗試佢嘅雞湯 ，一嚟到就係飲佢雞湯先啦 。有濃濃嘅雞香味 ，而湯嘅質感係滑的，所以整體上就似飲緊忌廉雞湯加豚骨湯 。呢個湯底令我非常滿意 。雞肉呢，都係滑嘅，但我自己個人喜好就會偏好食叉燒多啲囉。特製白丸拉麵豚骨湯底亦都係合格有餘，再配有油溏心蛋同紫菜 ，兩塊叉燒。

一個人起奧海城唸唔倒食咩，因為好凍想食熱野，所以入左一風堂食拉麵，職員見我一位唔洗我拎飛等位就搵位我，幾好。好想食醬油湯底，但發現原來無，得豬骨湯底，唔緊要照哎左個特制赤丸新味拉麵。哎完3分鐘都無就到，岩哂肚餓的我。豬骨湯幾好，辣味無搶過豚味，低溫叉燒做得好出色，好薄好滑。隻蛋有點散同太淋，覺得一般。不過覺得碗麵細左d, 我女仔，當晚餐都覺得唔太夠飽，如果多番1/4會更好。最後覺得杯茶幾香，不過係凍茶，如果有熱茶揀會更好。