一風堂 (朗豪坊) (已結業)

朗豪坊嘅呢間一風堂裝修尚算可以接受，只係略嫌佢坐得比較迫不過食物質素先係重點損失唔少所以都諗左一段時間到最後我係點做一份黃金蜆貝醬油拉麵聽落去個名好把炮，食落去都真係唔錯。湯底唔係話好濃郁因為佢係用咗魚同埋雞去製造嘅幾鮮甜如果鍾意食重口味嘅朋友呢就未必啱啦。蜆肉嘅份量亦都唔少嘅不過就唔算大隻啲叉燒切得又唔算話好薄身，大大片呢個值得一讚， 整體來講我幾滿意

收工夜左就去左 #一風堂 食拉麵😝好彩唔洗點等位～新出既#黃金蜆貝醬油拉麵湯底用左雞上湯同魚上湯，清得黎冇咁油膩，蜆肉幾大隻，豚肉同雞肉都好吃😋而且係冇咩肥膏的～配料仲有糖心蛋💓.#拉麵 既湯底可以淋係鰻魚丼上，味道濃厚🍜鰻魚肉軟腍肥美，但份量可以多一點～叫左幾樣小食，其中既#Johnny唐揚雞 酥脆可口，啖啖肉，雞肉鮮嫩juicy，不錯💓💓.記住要用app儲印仔，1碗拉麵1個印，6個印就可以換拉麵🤣🤣.📸#一風堂地址：旺角亞皆老街8號朗豪坊4樓5號舖.

<跟女朋友吃飯系列•二十九>女朋友身體不適，喉嚨好痛，不可以吃辣野，煎炸野，只可以吃熱野！第一次吃一風堂，竟然品嚐到與別不同的味道。裝修方面餐廳內部十分精緻，侍應安排我們一個十分寧靜的空間進膳，或許今天是我跟寶寶幸運的一天吧！不知如何，現場環境十分好，有著日本的裝修風格！餐牌方面，圖文並茂，伴有中英日文，令我很容易了解不同食物。折騰了一陣子，就挑選了1)白丸拉麵；2）丼飯；3）限量供應的刈包。先來了白丸拉麵，其實跟其他店鋪的拉麵差不多，但其豬肉肉質十分好，十分滑，好像我女朋友的手！之後來了炙燒豚肉半熟玉子丼，這個豚肉，剛跟才比較，是經炙燒過來的，肉質因而硬了些少，但配合了温泉蛋和一粒粒大米飯，卻十分好吃！最後來了每日限量推出的濃厚玉子叉燒角包，組成部分是一塊大叉燒、温泉蛋和刈包！由於刈包很容易被温泉蛋的蛋汁弄濕而變得淋，所以效果不太良好。拉麵，丼飯，值得一吃！提一提讀者 如用恒生enjoy信用卡消費滿$200的話，可獲贈$20現金券，留待下次。

✨爆多蜆😍一風堂醬油拉麵🍜✨平時食拉麵食得多通常都係配叉燒 溏心蛋 紫菜呢款拉麵有齊哂以上配料 仲有好多蜆肉！🤤真係好吸引 料仲多過d麵🥰🍜-🍜黃金蜆貝醬油拉麵（$88）湯底用雞湯加魚湯熬製比起䐁骨湯多左種鮮香 亦冇咁油膩蜆肉多到滿瀉！叉燒有兩塊 肥瘦適中加埋溏心蛋同紫菜完全好滿足-🍣迷你鰻魚丼 ($22)食完拉麵個湯底唔好哂！淋上鰻魚飯食可以變日式茶漬飯估唔到兩樣又幾夾☺️飯吸哂蜆湯既味-🍗Johnny唐揚炸雞 ($45)熱辣辣 外層炸到酥脆 用秘製醬油醃製咬落肉質嫩滑 好香口好邪惡🤤

喺日本無時間去食一風堂返香港即去食～今日試左新出既「黃金蜆貝醬油拉麵 $88」- 湯底係用左魚上湯同雞上湯混合成特製，唔會太濃清清地～但喜歡香濃口味既朋友就可能不太覺得有驚喜了。蜆貝多但肉細，叉燒薄身不算大片，味道亦無驚喜。麵的軟硬度我選擇了「適中」，但出來的效果卻是淋身...食完拉麵，叫多碗「鰻魚丼 $22」就可以將拉麵既湯淋喺「鰻魚丼」上做成日式茶漬飯～～甘就唔使嘥左碗湯啦～但鰻魚是一小片再一開四十分吝嗇，見到會笑。醬油亦不多，不建議嘗試。這個聽聞有在日本獲獎的「Johnny唐揚雞」令人失望，跟日本的差太遠！不在日本製作的食品真的有差，可能油呀、材料呀、師傅的手勢都有差... 不會再吃。.

📍黃金蜆貝醬油拉麵（$88）📍迷你鰻魚飯（$22）📍Johnny唐揚雞（$45）.去咗一風堂 試新出嘅黃金蜆貝醬油拉麵 🍜📍黃金蜆貝醬油拉麵（$88）📍迷你鰻魚飯（$22）📍Johnny唐揚雞（$45）湯底用魚同雞上湯混合而成，清得嚟幾好食，爽口唔會膩👅。幼麵幾掛湯，麵中仲有兩款叉燒🐖同溏心蛋🥚。叉燒應該係慢煮雞肉同豚肉，口感軟腍又唔乾，仲吸到湯底嘅味，零肥膏食落冇罪惡感☺️。反而蜆肉細細隻特色唔大🐚，溏心蛋流心但蛋味唔濃郁，又冇用味醂浸過表面，整體只屬一般。食完拉麵可以將湯底淋係鰻魚飯上，做成埋日式茶漬飯。其實碗飯真係好迷你🍚，食埋麵唔會過飽。鰻魚唔錯🐟，肥美軟嫰，多幾件就更好啦🤤。另外點咗款小食，堅好食🤤！Johnny唐揚雞 外層酥脆，雞肉嫩滑🐓，最正係新鮮炸起，係水準以上之作👍🏻😆。見餐牌寫住連續8屆「全國唐揚大賽—中日本醬油汁部門」中拎到「最高金賞」同「金賞」獎項🏆，拎過獎果然冇呃人呢❤️。

平時行朗豪坊太多嘢食都唔會特登去食拉麵本身諗住食元氣 點知好多人排隊就去咗食一風堂 好彩唔洗等之前喺日本食過覺得好好食 硬係覺得拉麵要冬天果陣係日本食特別好食今次都係第一次喺香港食 我哋唔太肚餓 所以叫咗特製白丸元味 share再加多個替玉 即係多個面底仲有博多一口餃子 細細舊 Size啱啱好重點就係呢個一風堂叉燒角包勁好味個包熱辣辣 軟淋淋配一啖肥而不膩嘅叉燒個醬汁又夾得好好 勁推介下次黎食都會黎食呢個包 起碼要每人兩個

5點既過去食，唔洗排隊都幾好，環境都算正常乾淨，點左一個特制百丸元味豚肉拉麵同特制赤丸新味，炸紫菜墨魚鬚同餃子🥟d豚肉好老😂，唔知係咪尼間既特色，還是真的老😂總之食唔落去啦😂其他都正正常常，唔會太難食都冇驚喜😂

一向好鐘意食蜆肉，見到一風堂有個新拉麵勁多蜆肉😍 忍唔住去試下～。湯底用左魚上湯及雞上湯製成，湯底幾濃郁，蜆具份量幾多又大隻😆 不過有幾隻唔夠新鮮🙊 麵身比較淋，個人鐘意硬少少，配料仲有兩塊唔同嘅叉燒，吸收左湯底嘅鮮味，都幾啖啖肉嘅～。另外加左碗迷你鰻魚飯，唔係就咁食架！食完拉麵，將拉麵嘅湯底淋係鰻魚飯上做成日式茶漬飯😋 一個湯底兩種食法，鮮味濃厚，食到最後都唔膩～ 不過份量真係比較細，岩細食嘅朋友仔

一風堂都算係比較出名既連鎖拉麵店，不過一直都無機會試，禁岩今日同同學一齊出旺角食野，大家都想食拉麵，咁就試下一風堂啦😋拉麵黎到第一時間緊係試下個湯先！豬骨唔算濃，但係唔咸，食完之後唔口渴，應該無加味噌，但係豬骨味可以再濃啲🤔🤔🤔木耳絲夠爽口，不錯！😋😋蔥亦都十分香。而日式豚肉偏薄，個人更喜歡薄豚🥰而且豚肉肥瘦均勻，食落去唔乾身，幾好味😋😋麵條偏硬，食落彈牙有咬口，係我愛既質感，整體黎講都唔錯，不過就唔稱得上好好味😳

同男友放工諗吾到食咩就入左去食...吾錯吾錯 雖然坐得好逼...但食物質素都幾高 不過價錢有小貴兩個人食左200幾蚊不過諗吾到食咩可以去試下餃子🥟就一般般 個人比較推薦拉麵😋😋😋下次都會再去食下其他野食

今晚嚟到朗豪坊行街睇吓買咩聖誕禮物，要搵嘢食之際周圍都咁多人，去到food court 人山人海真係唔知食咩好，呢個時候就見到一風堂啦，門口等位嘅人好少，等左一兩張飛就到我地啦，已經可以入座了！見到有個新餐牌，係期間限定嚟㗎！上面寫住有四倍大嘅紫菜同埋三倍增量嘅肉，一於試吓呢個拉麵先！而且$88 唔係特別貴～嘩，個拉麵塊紫菜真係大過我塊面呀，而且一大塊肉橫跨成個碗！湯底好濃郁呀！第二個拉麵我哋嗌左特製白丸元味，呢度所有嘅特製拉麵都係採用低溫豬柳叉燒嘅，而其他拉麵就係用卷腩同埋卷豬腩叉燒！呢款特製拉麵都係$88～呢款拉麵就同頭先嘅期間限定差好遠呀，感覺冇咁澎湃～佢嘅湯底同期間限定嘅湯底都係唔同㗎，豬柳叉燒就有4塊，份量都好夠！兩碗拉麵都配有半隻半熟蛋，仲有少少配料例如木耳絲同筍。另外，小食方面我哋就叫咗一客明太子雞翼，上碟嘅時候燒得好靚呀，仲配有檸檬可以俾我哋擠檸檬汁享用～明太子有少少辣，所以呢一個雞翼非常之惹味！呢度每一枱都有一壺茶俾我哋自己添加嘅！位置座落喺food court 外面，樓底空曠，係一個半室外嘅地方

係朗豪坊睇戲，見foodcourt 多人到傻左，於是轉戰望落冇咁多人排嘅一風堂。一風堂嘅拉麵無論品質味道一直幾穩定，係幾唔錯嘅連鎖拉麵店，加上價錢算合理，上菜又快，又有平價嘅細飯同餃子等等，睇戲前或者一個人趕時間都幾啱揀佢。新·橫濱家系豚肉 $88呢個係賣相好誇張嘅橫濱豚肉拉麵。橫濱家豚肉拉麵有一塊好大嘅燜豬腩肉，大到突曬出碗！除咗大大舊之外，豬肉肥瘦均勻，而且燜得入味又軟腍唔會老，但係比起一風堂其他特製拉麵嘅慢煮豬肉，感覺會相對孩d，有豬肉本身嘅質感。比較特別嘅係只有呢個橫濱豚肉拉麵係用粗麵，一風堂其他嘅拉麵都係幼麵。粗麵揀普通硬度就夠啦，因為佢本身都比較彈牙。湯底味道比較濃郁偏鹹d，但係幾香～其他配料仲有紫菜、醃竹筍、溏心蛋、蔥花同菜。一風堂除咗幼麵同慢煮豬肉，另一個特點係可以向店員要求加蔥、酸、辣芽菜等配料。個人最鍾意加辣芽菜，台面就有一盒，唔夠記得向職員提出啦～

香港一風堂嘅拉麵係我覺得水準比較穩定，味道有保證嘅一間連鎖拉麵店。尤其是佢嘅慢煮豬肉味道真係幾唔錯，唔同款嘅特製拉麵都幾好味～此外，佢嘅凍茶味道都幾特別同埋解膩～特製白丸（麵質：硬）$88除左一風堂特色幼麵同埋濃味豬骨湯底，仲有半隻流心溫泉蛋、紫菜兩塊、芽菜、蔥花、木耳絲同慢煮豬肉4片。麵嘅質地我揀左硬，因為硬嘅幼麵比較爽口有口感，慢慢食都唔會浸到軟爛，而且食落冇咁飽滯。特別要讚下佢嘅慢煮豬肉片，好嫩滑又入味，鹹鹹地～完全唔覺得係食緊豬肉！流心蛋好香，有鹽味，加埋麵食好正～一風堂仲有提供辣芽菜，係台面嘅盒仔度，辣芽菜唔係好辣，加落面度好惹味，唔夠仲仲可以問職員加。此外仲有蒜頭、蔥花等等可以另外問職員加㗎～

由於同朋友買左飛睇點半場，但我地去到朗豪坊已經一點，諗住食food court 但又見到太多人啦，所以就決定食一風堂啦!入到去已經一點三，我自己就叫左碗期間限定嘅橫濱拉麵，朋友就叫左碗白丸拉麵。好彩野食黎得夠快，呢碗新 • 橫濱家系豚骨拉麵嘅紫菜同埋厚切灸燒豚肉都有增量，紫菜比平時大四倍得黎保持到脆度，至於主角豚肉係用左豬腩肉既部位，比平時既叉燒大三陪，瘦肉同肥肉間隔分明，咬入口豐腴嘅油脂香同埋炭燒味令人食指大動，食完成舊都其實已經一半飽。而其他配菜有筍，蔥粒，椰菜同埋溏心蛋。溏心蛋略嫌住得熟左少少，但味道方便滷得入味👍至於湯底同拉麵，呢碗橫濱拉麵湯底係用左豚骨湯同埋雞白湯嘅精華淆制而成，構成左雙重層次味道，加上特製嘅中粗麵條，掛湯能力提高，每啖都感受到湯底嘅濃厚。總括嚟講，呢碗新出嘅新 • 橫濱家系豚骨拉麵性價比高，紫菜同叉燒增量之餘保持到應有水準，十分值得推介!!