一風堂 (朗豪坊) (已結業)

今日經過旺角朗豪坊搵lunch食，結果就去咗一風堂😗一望餐牌見到 白丸元味拉麵($58)，呢個價錢食到日式拉麵緊係要試試佢😎我揀咗普通硬度嘅麵，同埋要卷腩叉燒！(呢度原來有得揀要 卷腩叉燒 或者 慢煮豬柳叉燒😛👍🏻) 個拉麵嚟到啦～卷腩叉燒係偏簿身嘅嗰款，而個拉麵麵條係偏幼，硬度適中，份量就一般偏少，豬骨湯味濃郁，不過麵條都好掛湯！所以啖啖都有豬骨味😋😋而今次我同朋友配咗個一風堂餃子餐(+$18)同迷你豚肉飯餐 (+$28)～餃子好細粒，得3粒，不過佢落咗超大pat薑同蔥，所以食落真係幾香！但餃子本身入面餡料唔多～迷你豚肉飯有驚喜呀！雖然真係好迷你，我諗五啖食晒🤣不過每粒豚肉都好有炭燒嘅味道，配埋面頭啲京蔥，成碗飯好香口！值得一試！

星期日晚係朗豪坊行街，周圍都人山人海，連food court 都要等位🤥 一風堂咁岩只要等兩張飛，又唔洗同人併枱坐👌🏻 🔆著數Tips: 如用支付寶登記消費券，可領取$200-$25禮券優惠 (都係之後先發現🥲 希望大家唔好錯過)-💛 白丸元味 配慢煮豬柳叉燒 💰58 (好味道: 💛💛💛)拉麵🍜揀咗普通硬度，感覺比起一蘭拉麵硬啲，下次可以試軟一點，可能會吸湯一點🤏🏻 慢煮豬柳叉燒係全瘦肉，食落會有啲乾身，但都唔會韌👌🏻-💛 赤丸新味 配卷腩叉燒 💰62 (好味道: 💛💛💛)以為赤丸湯底會有辣味，原來只係多咗少少辣椒醬，但唔算得上有辣味，反而係咸香味👌🏻 卷腩叉燒半肥瘦，肉質好滑，肥肉位有彈口👍🏻-💛加底 +💰5正常一個拉麵夠女仔一人份，建議男仔加底！加底個麵係同原本拉麵個份量一樣😮 好抵加❗️記得留返湯汁，因為加麵底係另上，唔包湯汁的🤫 加完底包食到飽👍🏻-💛唐揚海老 💰48 (好味道: 💛💛💛💛)好香蝦味！用嚟送酒一流😆 做小食好香口～不過略嫌炸得唔夠脆口，記住要襯熱食！-💛 芝麻菠菜+汽水 加配💰18 (好味道: 💛💛💛)芝麻味好香，菠菜係切碎咗，小口小口食，配埋魚乾仔同七味粉，惹

黑咖喱拉麵 ($118)湯底採用墨魚汁淆製而成，所以咖喱色調非常獨特！啱曬鍾意嚐試新奇有趣食物嘅你！同時店方細心地提供即棄圍巾以免湯汁濺到衣服。*件衫比湯汁沾到真係好難洗 (唔好問我點解咁肯定)佢地湯汁亦用咗特製味噌、咖喱、豚骨淆製而成，個人認為湯底頗為濃郁，咖喱味亦可以再突出啲，辣度適中，唔太食得辣都可以嚐試。———————————拉麵隨小食奉上1)香烤黑安格斯牛肩胛肉肉質不會過硬，建議放入湯中浸暖先食2)粟米芝士法包食得出粟米清甜，再配上芝士，惹味！個人覺得如果法包再脆多少少，就可以做到畫龍點晴嘅效果！3)半熟溏心蛋 (半隻)味道同外觀不過不失！

打完疫苗，就跟我家老大到四樓慰問一下胃，沒吃過她家，我之愛鰻魚飯～，香嫩滑，但分量好迷你，我就可以。老大叫的特製白雲丸味麵～賣相不錯，但老大説豬肉味道有點怪怪的，吃不慣，我嘗一嘗感覺一般特飲～荔枝蘇打總體來說嘛，環境不錯，

今日去砵蘭街睇完裝修物料，行到腳都跛，一個人想食得舒服啲，去朗豪坊周圍望吓。行過呢間，門口個女仔點晒頭咁，好似服務唔錯，所以就入去坐低啦😀我叫咗呢個最基本版嘅拉麵，唔辣嘅，個湯夠香濃，夠熱，我揀咗幼麵，要軟身，佢又真係有跟足（出邊好多tick紙仔嘅，好似好多嘢俾你揀，但係麵嘅質地做出嚟未必同我揀嘅一樣但係呢度冇令我失望）😇日式叉燒都唔錯，唔肥唔瘦啱啱好✌🏻很到熱辣辣，想飲凍野，叫咗荔枝梳打，好多粒荔枝肉啊！😋😋😋😋最後再要讚一讚，呢間啲服務態度真係唔錯，會同朋友再嚟😊

迎新優惠券減$20。即試外賣自取（買番公司食）特製白丸元味湯底，獨立一包熱辣辣的，麵底同叉燒分隔放，方便晒係公司自己處理。紫菜都係獨立分開包（有2片）減咗$20就$45.6。超值。用OpenRice 落單，10分鐘左右就拎得。

今日去朗豪坊，突然間想食拉麵，就去咗一風堂食，聽講都幾好食😋-我就叫咗碗白丸元味，湯底清清哋，麵就揀咗硬嘅。幼麵，都唔錯，煙煙靭靭，啱我口味💗-不過有樣唔好，啲叉燒太靭，腍返啲就好食😚

另收+1，提供探熱和酒精搓手液，環境舒適#銅鑼燒 #黑豆 #抹茶布丁銅鑼燒 #🍮 #抹茶布丁 #紅豆銅鑼燒 #甜品 #dessert $28兩塊乾乾的銅鑼燒夾住小小硬的抹茶布丁，裏面有甜甜的紅豆蓉和忌廉。小小甜左d,都可以試下#白丸元味 #白丸拉麵 #🍜 $68 有大中小分量選，不同價錢。秘製豬骨濃湯，😋有新的拉麵媲美一蘭～也是可以選擇麵質的軟硬度。好吃#特製雞醬油 #雞醬油拉麵 #🍜 $92 這款面質比較粗軟，不像平時吃一風堂的直身拉麵。雞湯沒有那麼濃郁。慢煮叉燒幾香不錯👍🏻#明太子雞翼 #明太子釀雞翼 +$35 麻麻哋，冇乜雞味，少少辣ᶘ ᵒᴥᵒᶅ個人口味評分：8.5/10

疫情情況有所放緩，下午理髮過後，再逛逛街，午飯很快便消化掉，帶著餓意的我們在朗豪坊商場看見一風堂拉麵，愛吃拉麵的我便拉着朋友入內，一同吃個遲遲的下午茶，當作是晚餐。牛舌黑醬油拉麵牛舌黑醬油拉麵是新推出的季節限定產品，上桌可見拉麵湯底色澤呈現烏黑，入口只有豉油的味道，沒有平常的豬骨湯味，而且味道過鹹。麵條使用蛋黃曲麵，口感煙韌彈牙，掛湯力高。配料方面有牛舌、溏心蛋、帆立貝、叉燒。牛舌色澤啡黑，只得兩小塊，而且較為薄身沒有口感，牛味亦不夠濃郁，被醬油味幾乎覆蓋。溏心蛋是使用日本蛋，色澤可見較為深橙色，雖然蛋黃製作不算流心狀，但入口蛋味香濃，稠密緻滑。即燒日本產帆立貝外型厚身飽滿，表面輕微煎製過，入口味道濃郁，鮮味十足，口感外層香脆，內裏嫩滑。叉燒是店內的主打，入口軟腍嫩滑，肉味濃郁。雪糕飲品雪糕飲品底層我選擇了可樂，其餘還可以選擇雪碧、芬達等，碳酸飲料的可樂氣泡入口冰涼爽口，味道香甜，頂層的雪糕則是雲呢拿味道，口感順滑即化，香濃甜美。整體而言，裝潢以木材爲主元素，配上柔和的燈光，富有日本風味，但食材製作及味道實在有待加強，期望下次光顧可有所改善。

今天在朗豪坊工作，工作到9時多就近近地在朗豪坊搵食。今次我地就去了人少少既一風堂吃拉麵。因為工作完，個肚很餓，很幸運看到加$2 就可以替玉(加一個拉麵)。我就點了辣肉醬拉麵，有得選大中小辣，我最愛吃辣就點了大辣， 真的幾辣辣很開胃。叉燒切得薄薄的，但吃落又不會太乾，好吃。不過當放第二個麵時，就發現湯不太夠，可能是放湯不多，我經常在日本吃，替玉1-2個都沒有這個問題，有點美中不足，不過$2 還是抵吃的。小吃就點了10只煎餃子，餃子細細只，不過就比較一般，餃子煎得麻麻地，不太好吃。另外朋友們就點了鰻魚飯，鰻魚份量很足，但飯就很少，女仔吃就剛剛好，男仔吃就未必夠飽了。P.S 如果替玉能加點湯就更好了。

「優惠期-第二彈 24/6 - 30/6」呢個6月真係少左去留意拉麵店，因為食得拉麵去得呢啲大型啲既拉麵店都一定有番咁上下價錢，由於小編最近5月幾6月無工番，所以食得比較慳住慳住，完全錯過左 一風堂 搞既拉麵優惠🤦🏻‍♂️本身優惠期分成如下3段時段:1. 第一彈 17/6 - 23/6 <白丸元味>2. 第二彈 24/6 - 30/6 <赤丸新味>3. 第三彈 1/7 - 7/7 <一風堂辣肉味噌>大家如果同我一樣錯過左第一彈，第二彈既辣味拉麵，同第三彈既辣肉拉麵都仲有得食，鍾意食拉麵又想平啲既千奇唔好錯過啦😅🤣🤣p.s. 以前入座枱枱都有一兜芽菜架，依家收埋曬，不過一問就有一大兜啦🤭

今日去行朗豪坊，諗住求其去food court 食啲野，見到好多間鋪都唔使等，一風堂竟然要等位，所以去睇下，原來有會員半價拉麵，都等左一陣，其實入面有位，但佢人手唔夠，執枱執唔切😅赤丸拉麵 $36 拉麵湯底好緊要，呢個拉麵湯底好濃郁，有少少辣味但屬於bb 微微辣，麵條我叫左硬啲，我覺得啱啱好，叉燒入味同好淋，唯一係我唔記得左叫走芽菜，下次再食要記住😎我地窮食，無叫野飲無叫小食，下午茶，平平地，兩個人total 90蚊都唔使🤑🤑🤑

我唔明白加＄2多一個麵，問可唔可以多加少少湯，話得加麵服務，無加湯服務，我想請問個拉麵無湯點食？個麵叫適中，硬到根本食唔到，結果個麵食咗兩啖無再食，超級難食！PS:本身個麵已經唔夠湯

好味又超抵食，鍾意食日本拉麵嘅朋友唔好錯過啦！真係共渡時艱，超值優惠，去日本食都冇咁平呀！抵抵抵！This is amazing Japanese noodle restaurant! Food serve fast & efficient, good service, all up to standard even special discount price!Not like other place when said discount try to minimize the size but this is Original Size and keeping everything standard just discount half price! Super good value, highly recommend!

雞醬油拉麵（3.5）特製赤丸新味（3.5）首先講下個雞醬油拉麵先～麵嘅軟硬度我都係揀咗普通，所以都正正常常。配菜方面都係嗰啲嘢，竹筍、海帶、嗚門卷，因為呢個係雞醬油拉麵，所以除咗兩塊豚肉之外，佢仲有比三塊薄嘅雞肉，佢係雞胸肉嚟嘅，唔算Juicy得黎仲有少少乾柴，塊雞又冇乜味，豚肉就好少少嘅，起碼肥瘦適中啦～但係味道都係唔算重，個糖心蛋嘅味道都係不過不失，唔夠入味。呢個拉麵嘅重點就係個湯啦，因為平時比較少見雞湯拉麵，所以先嗌咗佢，佢個湯底係用清雞湯同埋魚介湯混合嘅湯，味道偏淡，我本身預計佢個味係會濃厚少少，但係佢味道偏淡得來又冇乜層次感，有少少失望～另外嗰個特製赤丸新味拉麵，有嘅配料都係最基本拉麵嘅配料，豚肉都係同雞醬油拉麵入面嘅豚肉一樣，不過不失。赤丸麵嘅湯底係豬骨湯底，啲湯略嫌有啲少，唔夠多，不過啲湯就咁飲咗啖都唔錯、幾濃郁，不過上面嘅辣醬有啲少、又唔夠辣，撈完之後覺得成碗野同原味冇乜太大分別，如果有多啲醬嘅話，相信會更加試到佢赤丸拉麵嘅味道環境方面，因為佢係處於朗豪坊入面嘅，唔算係獨立門店，舖頭出面果條路係可以通往food court嘅，所以都多人喺度行嚟行去，位置坐得舒服嘅，但係