一風堂 (馬鞍山廣場)

营业中

休息中

知道一風堂出了期間限定的鴨肉拉麵，今晚放工自私食！個麵幾抵食，不過追加3片鴨胸要$18，最後只係加了一份餃子。講真，連鎖店唔會要求太高，不過鴨胸確係抵讚！軟腍冇渣鴨味十足，湯底正正常常，有衝想飲多啖，麵都烚得幾好，唔會太腍。可能我自己加咗蒜蓉同高菜，配合番自己嘅口味，覺得碗嘢零舍好食！餃子呢？就真係驚唔夠食飽先嗌，質素就係平時超市買嗰啲囉！疫情通關後不停返深圳，真係冇諗過去日本，好懷念之前喺東京食嘅鴨肉醬油蕎麥麵⋯⋯一風堂可以止吓咳！👍🏼👍🏼👍🏼

唔想返屋企食飯，而且又有少少心癢癢掛住日本，就搵咗朋友陪我去咗馬鞍山一風堂品嚐美食。 餐廳門面設計以黑色為主，內裡木桌木椅，環境尚算寬敞、整潔，玻璃後還可以看到廚師在工作。 😋餐廳使用QR code落單，是日選擇：1️⃣蟹味噌拉麵 🍽豚骨湯底加入蟹味噌製作，麵條掛湯彈牙，吸收湯底的風味，主角是鮮甜牛油蟹鉗，還有蟹膏牛油、醬油粟米及炙燒卷腩叉燒 ，配料豐富多樣，而蟹膏牛油隨著時間溶化，令湯底更濃厚，整體給人一種滿足感。 2️⃣鰻魚飯🍽鰻魚肉質鮮嫩，惹味的鰻魚醬汁滲入米飯中，增加了米飯的口感和風味。3️⃣一風堂餃子🍽熱辣辣，細細粒，皮薄，餡料滿滿，忍唔住一口接一口。4️⃣炸雞翼🍽外層金黃，內裡肉質不會太乾，不錯！5️⃣青森蘋果汁🍽飯後飲，爽！

放假黎到新港城市中心行街💃🏻💃🏻自從商場翻新咗之後，大量連續餐廳進駐，馬鞍山正式擺脫左「美食沙漠」🏜️ 🏝️呢個美名。今日想食日本料理，經過一風堂見到性價比相當唔錯，就決定試一試。🍜湯頭濃厚，濃濃既豬骨味🐖，咸鮮撲耳。🍜拉麵方面，選擇比較硬身既麵質，可以食到麵的勁度👊🏻👊🏻，相對有咬口。🍜叉燒方面，係慢煮豬柳叉燒，有另於一般拉麵叉燒，慢煮能保留豬肉既汁水，而且非常粉嫩☺️☺️🍜糖心蛋，拉麵指定配菜之一。蛋黃為橙黃色，蛋味濃郁🐣🐥，而且糊口，可以增加拉麵既濃厚度

近1點去，等左5分鐘左右入得～環境正常舒服嘅～四人枱有兩位入左都唔會再放多啲人同你迫。白丸元味$ 58白丸特制 $ 85特別多料啲，湯底無分別。味道係可以嘅～都對得住佢個品牌～雖然唔會有太大驚喜～但係想食拉麵嘅話，都唔會失敗嘅～唔好有咁大期望就可😆

近1點去，等左5分鐘左右入得～環境正常舒服嘅～四人枱有兩位入左都唔會再放多啲人同你迫。白丸58蚊特制白丸85蚊味道係可以嘅～唔會太濃，適合大眾口味嘅人～我就習慣飲晒啲湯佢～後尾唔會特別口喝～但都飲左3杯水咁🥹麵質都係可以自行選擇軟硬度～如果想要芽菜、生蒜、高菜呢類係免費order～但我1點左右時就沒有芽菜～係出晒？定一早沒整、就唔知了～

今次我試咗一碗特製白丸元味拉麵，香港黎講，幾好食🍜🍥首先，拉麵的湯底濃郁香醇，充滿了鮮味。一啖下去，令人心曠神怡！😋🌟慢煮豬柳是這碗拉麵的亮點之一！滑嫩又肥〇美，入口即化，真係太美味！🍥💯叉燒的味道與湯底完美結合，相得益彰，每一口都能夠享受到豐富的風味！🌟👍拉麵的麵條彈牙有嚼勁，口感細緻。它完美地吸收了湯底的味道，帶來了無比的滿足感！🍜配料方面，拉麵上還有其他豐富的配菜，例如雞蛋、海苔、木耳等，為整碗拉麵增添了豐富的口感和層次感！🍳🥬如果你係附近，這碗拉麵絕對是您不容錯過的選擇！🍜😍🌟星期一至四的二人餐會較為抵食！希望大家都能夠品嚐到同樣美味的特製白丸元味拉麵，一起享受這份美食的美好！Bon appétit！😄🍥🍜

每次嚟到都唔使等位，直接入座。▶️赤丸新味配玉子 （炙燒卷腩叉燒）$72總係覺得一風堂係比較接近香港人口味，分量夠大，鍾意嚟呢度食係因為可以轉做炙燒叉燒。不過，湯底比較鹹和油，食完之後要飲好多水，間唔中個肚比較弱嘅日子食完會更加容易肚屙🫠▶️定食 唐揚雞（三件）$28上碟時已經唔係好熱，炸粉有點厚，而雞肉好多肥肉，整體而言好失望。▶️青森蘋果汁 $5紙包飲品，冇特別。眼見一風堂分店越來越少，應該與品質每況越下有關。

有時天氣咁熱，懶得外出都會叫外賣回家。但好多時候外賣的質素都會相對差，因為溫度問題，送到家中有機會麵太淋，食物太凍，甜品溶咗或炸物不夠脆。但我每次叫一風堂的拉麵、餃子外賣都沒有這個問題。因為湯和麵都分開包裝，送到家中的湯依然非常熱。麵質也不會因此而太淋。白丸元味配水煮野菜拉麵慢煮豬柳叉燒不錯 湯底也不俗厚切牛舌黑醬油拉麵牛古好食 拉麵又不怕太淋太咸鰻魚飯 味道一般 鰻魚不算好好食

加錢的小食真的很少小，與餐牌相片不符， （相片中的紫菜是有， 但牛肉的份量少得可憐）感覺不尊重食客， 如果是跟餐還可以， 加錢小食完全不值， 味道還可以，被餐牌的相欺騙了。

We like coming here and trying out their limited edition ramens. Last time the lobster soup one was completely out of this world. It was so amazing!This time the foie gras ramen was a bit too odd for my taste. The foie gras was good, but the corn soup for the noodles didn’t really go well together. The cold noodle was also too strong, you could barely taste anything after a few bites because all your taste buds are overloaded. Next time we will go back to ordering the normal ramen. The oyster ap

一入到去就見入面環境整潔 ， 就即刻同個職員叫咗可樂， 然後 見到 有 code 然後就scan咗佢 然後有得用手機訂單。 自己就嗌咗白丸拉麵， 有替玉， 同埋嗌咗一碟魷魚穌 極之推介魷魚鬚。ε٩(๑> ₃ <)7з

今次系第二次來一風堂～對上第一次食都十年前～今日又來同太太食晏～諗住去食元氣～但要等位～就過了隔離一風堂～吾使等位～白丸拉麵～我食完～無乜感想～炙燒豚肉半熟玉子飯～太太食哂～一粒飯都無剩～應該系好食一風堂餃子～好細粒

放工帶著疲累的身軀回家，通常都懶得煮飯，所以時不時都會經openrice order外賣自取！一風堂間唔中都會order，其食物味道和價格，個人覺得非常合理，衞生亦幾好！但係就經常漏單，今次就漏左俾木耳（已經不只一次，所以好嬲）！我知，我返轉頭你會俾返我，但我放工已經攰到X街，返屋企冲完涼先發現你「一風堂」犯低級錯誤漏單，而為你嘅錯誤我再行十九幾分鐘去攞「木耳」，你令會幫襯你嘅客人我十分氣憤！成日漏單，又唔見你漏收錢！

又係個句, 唔想諗食咩, 食個便當都唔錯, 一個飯盒入面有幾款野, 就算唔好食, 都睇得下啦.唔知個盒設計問題定咩, 拎到返屋企, 居然仲係好熱架喎, 掂一掂個底都辣手.個飯和風汁煮豚肉, 諗住佢D汁會浸死個飯,  點知一滴汁都無, D豬肉又無里色水, 抱住中伏既心態去食啦. 點知...真係不得了, 原來D汁係比D肉索晒入去, 舊肉仲要超級淋, 入口即溶咁, 完全唔係誇張, 不過就肥左少少, 可能就係因為哩D部位, 所以先會咁淋身.筍片都好濃味, 索晒醬油既味道, 送飯都係一流. 甜蛋係凍既, 雖然唔算好滑, 但係好甜. 芝麻炸雞翼都炸得好脆身, 但一D都唔油膩. 最削既係燒粟米, 雖然佢燒得幾靚, 但係一D粟米味都冇, 亦都零甜味. 整體個性價係高既, 可惜佢無送埋飲品, 唔係佢會更加高D.

返工久吾久都要出去充下電。。。食啲自己鍾意既美食😍每次都要欲雪糕可樂😋😋😋飲完心情都特別好😉🤞上次食過個碗期間限定完左😔只好食返餐牌內款式，店內坐位都多。。基本上未試等位