一點心 (通菜街)

营业中

休息中

今次是第二次來一點心,上次來未曾試多些種類,這次可以再叫其他嘗試.所叫的點心有:-1.例湯 - 清補涼煲螺頭,猪骨等.是很夠火路沒有味精,和自家煲的內火湯差不多,每人一盅可以喝完.2. 煎蛋牛肉飯 - 一般水準,沒有特別.3. 棉花雞 - 所用的魚肚和冬菇很不錯,厚厚的,不是紙一樣薄,充滿雞汁,也有香味反而雞肉一般,但可以接受.4. 雞扎 - 像棉花雞,魚肚不錯,其餘一般.5. 油菜 - 所選的是生菜,份量也多,很普通.6. 馬蹄糕 - 是煎的和在最後再加,這樣才可以吃到熱辣辣的美味,這點心在其他食肆很難找到這樣好食的馬蹄糕.7. 菜亁咸骨粥 - 也是很夠火路,沒甚味精,份量足夠.8. 馬拉糕 - 應該是用蔗糖造, 不太甜,很香的雞蛋味.

阿媽帶我去食米之連食店。。哈哈。。７：００ＰＭ去到，　唔洗等好耐。。好彩。食物：綿花雞：估唔到，　都幾好味。炸雲吞：唔ＯＫ，　炸得好硬（Ｄ皮）。菜苗餃：唔得，　皮厚、菜苗好乾。叉燒腸：一般。鳳找排骨飯：一般。馬拉糕：好味，　夠熱，　甜味適中。ｏｖｅｒａｌｌ，　都ＯＫ啦。不過如果需要等好耐就唔好了。

全部野食都似交貨黎，應該無c fu自制香港要食好點心，真係有好多選擇，呢間，門都沒有佢如果去左德國，意大利做中式點心，應該會叫好食，香港就稱唔得上okbtw, 可能夜左，好幾種野都無我地叫左十幾款，但因為太麻麻，我無晒心機影成晚得個芥蘭好甜，其他讚唔落個流心包流到爆，我u時個中菜廳好食過佢so disappointed不過，5條友勁叫，每人都係$50宵夜無乜選擇可以，但唔好因為米米蓮特登去試，waste time

本身我媽咪就係附近返工，成日都見個度好多人排隊，而我媽咪亦好鍾意飲茶的，所以就話搵日去試下﹗我地去食既時候係未評什麼一星的，而估不到隔了幾個星期後見到報紙說評了一星，所以我才有衝動去寫這一篇食評﹗因為一次就夠了﹗我本身就好喜歡食盅頭飯的，一定會叫鳳爪排骨飯，可惜試完之後完全係水準之下，d飯太爛，沒口感，鳳爪及排骨也是一般般而已，很失望﹗腸粉也太淋，不好食﹗其他點心也是一般而已，沒有什麼印象了。真不明白為什麼這間店可以評得上一星，好過它的店或酒樓真係多不勝數，就附近而言，鳳城、京華已經好幾千倍了，難道就因為它是食店而不是酒樓就可以評上一星嗎？評星不是以食物的質量來評定的嗎？可能是外國人的口味不一樣吧﹗外國人評中國點心，可以不理了﹗

慕米芝蓮之名而來, 天寒地凍等30mins本來唔係問題, 但慘在食物質素遠不符預期蝦餃 - 味道係一般酒樓貨色, 餃皮手工不一雞絲粉卷 - 幾好雞扎 - 可以咸魚肉片飯 - 肉片唔夠滑, 係一般過一般ge盅頭飯韮黃鮮蝦腸 - 蝦"拿"到好爽但冇哂蝦味, 一條腸粉可能得1條韮黃, 點少d鼓油都冇味燒賣 - 燒賣面頭隻蝦係臭ge 結論: 可能以前係幾好食甚至好好食, 但以今次黎講, 比同區另一間米芝蓮一星點心店整體水準差太遠, 唔會再去

北菇雞飯幾好味...不過唔係話好特別叉燒腸粉好滑, 幾足料, 唔錯^^鮮蝦豆苗餃唔錯, 不過食唔出佢有蝦-__-奶黃包好好味!!! 唔係流沙, 不過有好多奶黃, 好香^^馬拉糕好大舊, 好味黑椒牛仔骨, 好入味唔記得佢叫乜不過幾好味好似有d魚湯之類ge野蝦米腸粉有好多條!!@@都係好滑3個人食咗10樣野, 埋單先around$150好味又經濟

今晚約友人响太子食飯，五點幾差唔多六點到，得番一張枱...坐住等朋友黎點咗皮蛋瘦肉粥 --- 粥底好軟綿綿，皮蛋同瘦肉份量適中，好味馬拉糕 --- 樣子唔太討好，見隔離枱果件變曬形，但確實好味! 熱辣辣仲有陣黑糖既味道! 义燒腸 --- 有點兒乾同唔太滑，比較遜色棉花雞 --- 魚肚勁厚，都算入味，不錯菜苗餃 --- 皮厚而且有咬口，好好味! 可惜中間摺位未熟仲見到成舊白色粉團，同waitress講完即刻拎入去蒸熟俾我哋，其實係好味既服務尚算勤快有禮，可惜d waitress連自己果舖有咩點心都唔係好知，問多兩句就話唔太清楚...呢方面要再教育一下下次去第間米芝蓮點心舖食下比較下先得!，不過我諗我會為咗件馬拉糕再黎既

自從一點心得了米芝連之後 排隊的人更加多 來排隊的人比起入面坐的人還要多 上次排不了 今日早了一個小時來 終於可以一嘗我點了六款食品 土魷肉餅飯 叉燒包x2 燒賣 濃湯鮮竹卷 油菜(菜心) 蝦腸 油菜:我覺得不太好 因為他們沒有蠔油的 燒賣:美味可口 略嫌「的式」土魷肉餅飯:肉餅美味 又沒飯焦 好食蝦腸:腸粉入口嫩口無比 鮮蝦彈牙 比起任何大酒樓濃湯鮮竹卷: 只有兩舊 但size勝在夠大 香濃味美 叉燒包:不愧為鎮店之寶 好吃得不得了 我也忍不住點了兩竉 最重要的是價錢相宜 堂食又不設加一 今餐只是104元 可以的話一定會再去

因為米芝蓮的推薦而特意來這裏試食. 外面站著長長的人龍, 應該是跟我一樣吧.格局跟添好運差不多, 茶位兩塊, 主攻點心, 但上一次添好運的經驗告訴我米芝蓮的推介並不可信. 所以這一次也是小心點.看到外面的雜誌評語說腸粉不錯, 試了一下, 是很滑, 但一夾便散, 其餘的點心一般吧, 普通吃飯還可以. 但跟蓮香樓相距甚遠.

人就是這樣怪的，以前這間餐廳在屋企附近沒有米芝蓮推介就沒有留意，又唔需要排隊就可以食到，現在是米芝蓮一星時要排大隊時才來試試，心中又害怕有很多食店一出名之後人客多了，水準不但低了而且有些鋪的業主加租令食店消失，心中就在這種又愛又驚的情況下來了。是日閒日是開上午十一時，諗住早一二個字來到點都會有位的，點知已經排了一條十多人的隊了，二話不說就去排隊，店員在十一時正出來派籌，見是18號籌，心想應該可以食到第一輪的，但當放人入食店內時發現原來店內的位子唔多，心中驚要食第兩輪時要等半個小時時，發現原來還有兩個位子，我們的籌是最後一張有位的，真是好運到極點，希望好運能伸延到食物上。店內的佈置簡單潔淨，只有兩排位子，近旁邊的是梳化而枱是一張張獨立的細枱可以視乎需要而整合的，位子之間的空間是不足的令私隱度大減，在環境方面是比較焗促的。餐牌是放在枱上的餐紙，種類都有四五十種，大約分成中點、盅頭飯、腸粉、酥點和蔬菜類等等，種類的選擇都幾多的。茶是用茶粉開的，不過茶錢每位是$2就算了吧。 坐下望了一望餐牌，就叫了蔥花蝦米腸、鳳爪排骨飯、菜乾咸骨粥、薑蔥牛柏葉和北菇棉花雞。蔥花蝦米腸($15)第一個來的就是這

炸云吞真係好好味~可惜食唔到叉燒餐包~因為9點幾去到已經賣晒~粉果皮薄...正!!雞扎夠晒入味~鳳瓜都好好味服務員都好好服務,唔似旺角某出名點心店態度惡劣

被一大籠精裝古法馬拉糕吸引了我...是日光顧這間也是拿了米芝蓮一粒星既點心店下午3點幾來到等了10分鐘就有位了食物質素與另一間, 在廣華街, 又係拎左米芝蓮一粒星既點心店不相佰仲但價錢就略高一點點不過呢度等位唔使好耐無廣華街果間多人等位多到咁誇張呢主角來了:精裝古法馬拉糕正宗古法庶糖味成個籠滿哂咁大件出面好少有架味道好, 夠鬆軟唔癡底唔會黏住張牛油紙架小提示: 店內有兩款馬拉糕: (精裝馬拉糕$14) vs (古法馬拉糕$12)後者古法馬拉糕應該無成個籠咁大件架精裝先係唔好叫錯布拉腸粉又是出色好滑, 好薄而且好大碟腸粉足足有成10條蝦米浸得夠軟夠淋加埋d蔥花好香鮮蝦菜苗餃好足料裡面有爽脆馬蹄,冬菇,爽中蝦,新鮮豆苗內涵一d都唔吝嗇外型精緻雖然店子得獎又多捧場客但店員一d都唔高傲服務態度保持好呢間真係值得推介又唔哂等好耐位效率又好

米記一星, 當然要去試試. 但有著添好運的珠玉在前, 一點心可以更佳嗎?牛肉腸粉: 普通過普通, 腸粉皮略厚, 料又唔多. 但好左也是新鮮, 不推薦鳳爪排骨飯: 比普通好半點, 讚賞位是在豉油做了手腳, 不是普通的生抽, 而用上加了工的熟豉油蛋散: 優良之選, 分了練奶及糖漿, 試了糖漿, 真的不錯. 夠散, 唔硬, 唔會太甜, 要食~馬拉糕: 優良之選, 鬆軟而有彈性, 不太油膩. 要試~腐皮煎蝦卷: 良品, 蝦大隻, 新鮮, 不太油膩菜苗餃: 良品, 可試原因是菜好新鮮~棉花雞: 良品, 棉花不錯~咖哩魷魚: 普通過普通, 如一般茶樓比添好運, 一點心選擇太多, 令到不夠精~比添好運, 一點心等待時間短, 只是3張檯, 5-10分鐘就ok~ 而且地方亦闊落不少

粉葛鯪魚湯$16叉燒腸粉$15沙薑雞腳$22油菜$12章魚肉餅飯$17炸疍散$13茶$2 x 2 合共$99.00佢個湯好足料，好住家feel，有添飲嘅衝動腸粉滑，皮不厚不薄雞腳好入味，沙薑醬惹味，食唔停口菜灼得過淋收你十幾元，肉餅都唔會係手挅，唔夠章魚味，飯有咬口疍散炸得鬆化，花生椰絲落得鬆手是日焗叉燒飽同馬拉糕冇貨，有啲失落，要嚟多次試埋去通常食完點心都口渴，呢度就唔覺

自米米 / 電視推介後, 都真係想試試一點心是否真的咁好味~~~ 話說, 當添好運未被米米發掘時, 我們已經油麻地添好運D點心真係幾精緻 ! 於是就抱著一顆祈望的心情去比較, 去嚐試 ~ 去前,已經預左會是超多人,起碼等一個鐘~~ok , finally 不足一個鐘就有位了, 坐位比添記好小小~ 添記真係好Q迫~~~ 2 個人叫左山竹牛肉, 糯米雞, 韮王鮮蝦腸,叉燒焗餐包, 馬拉糕,腐皮煎蝦卷, 鳳爪排骨飯 --- 7個點心 ($ 108 )山竹牛肉 <---- OK jer , 同酒樓冇太大分別, 合格囉~~~ 最差個薤王鮮蝦腸 < ---- 腸粉皮略粘厚,一D都不可以說精緻, 好在不硬 & 實, 這一點添記做得好好,添記做的是薄到透明 ,好精緻的, 我吃不到有韮王lorrrrr, 但最差最差的是用料, 蝦是腥是實的 , 搞錯 !!! 連普通到不普通的茶樓都做得好過佢 !! 叉燒焗餐包<---- 好普通, 普通的茶樓都做到 ! 煎蝦腐皮卷 <---- 佢係有用豬肉做餡料, 但是用了好韌, 咬不開, 原來是大大舊肥豬肉!!!! 仲有, D腐皮有小