七重天餐廳

营业中

休息中

$65蚊有咁多野食真係好抵，仲要係午飯時間，唔係下午茶。佢係一個餐嚟有紅白湯揀，我揀左紅湯，湯有啲太濃茄膏味，都開胃。蒜蓉包有烘過的要趁熱食先會脆。牛排有得揀配意粉定薯菜，我揀左意粉，意粉味道還可以。牛排🥩煎得幾霖，有少少筋比較難咬，但黑椒汁味道都ok。奶茶幾好飲。整體來講唔錯，可以再encore 試佢其他午餐。#七重天餐廳 #黑椒牛扒意粉 #羅宋湯 #蒜蓉包 #奶茶 #午餐 #抵食

Went to this resto in Quarry Bay with my dad and my sis to have afternoon tea after my medical appointment. .All of us ordered the Afternoon Tea Set. I selected Fried Egg and Sausages with Instant Noodles. The sunny-side-up fried eggs presented an intact egg yolk. The sausages were my favourite chicken franks from the brand Valley Chef. Adding some sesame oil to the instant noodles made them more aromatic. My dad got Crispy Bun with Condensed Milk and Gillette Fish Fillets. The bun was topped wi

中午喺附近搵地方食Lunch，見到呢間主打平民西餐嘅小店，價錢合理，氣氛輕鬆，又方便快捷，於是決定試一試！餐湯選咗忌廉湯，質地濃稠順滑。主菜試咗黑椒德國咸豬手，主食可以揀飯、意粉或者薯菜，我揀咗薯菜。不過豬手係烚嘅版本，唔係傳統德國鹹豬手嘅香脆外皮，少咗少少期待嘅煙韌感，整體味道麻麻地。淋上嘅黑椒汁濃郁而不過鹹。至於薯菜嘅份量偏少，對於食量較大嘅人可能會唔夠飽，建議可以改配飯或者意粉，更加飽肚。呢間小店作為平民西餐嘅代表，價錢合理，蒜蓉牛油多士令人印象深刻，主菜則有改善空間。不過以呢個價錢嚟講，已經係午餐嘅不錯選擇，快捷又方便，適合追求簡單實惠嘅人。

鰂魚涌附近來講最難食又貴的早餐，比之前的水準差一大截，難食到絕對無下次。牛脷粒又係難食，味道好奇怪。連兩個餐包都忘記比。奶茶、咖啡都唔好飲，我同事佢地飲咗幾啖已經話放棄。

大家好，跟大家講吓我喺《七重天餐廳》嘅食物體驗！第一啖嘅扒包，鬆軟厚實。食落去，層層蒜香喺口腔爆炸嘅感覺，真係得喎🤤 湯頭夠濃，運入一啖忌廉湯，微微的甜意，暖笠笠真係過癮！黎到重頭戲牛扒，老實講，處理得幾好嘅，medium rare嘅香濃血色，真係啖啖肉嘅享受。同埋仲有薯條伴隨，啲薯條外脆內軟，係咁薯味十足！係「七重天」，食物總會帶畀你驚喜。哈，仲有嘅，服務唔錯㗎，落單之後好快就得到食物，一個愉快嘅午餐時光就係咁簡單！到底我食咗啲咩嘅？簡單！開始係一份軟熟嘅蒜蓉包，跟住係喺奶油湯當中遊嘅啲脆皮麵包屑—手作蒜蓉包夠香，啖啖蒜味，令人停唔到口👍 然後有碗熱辣辣嘅濃湯熏得我暖笠笠。啲牛扒肉啲啲嘅，入口即化，外層煎得啱啱好，保留咗肉嘅汁水同精華。飲品方面，我點咗餐廳嘅自家特調。飲時清新解渴，配餐嚟講係咁啱哋！無論係環境抑或係服務都做得幾好，嗰種親民嘅感覺浸淫係每一個細節之中。總結一句—喺「七重天」食一頓又平又正嘅西餐，真係令人心情好到飛起！🎉

七重天餐廳位於香港殯儀館不遠之地，旁邊商舖多是和殯儀有關的，餐廳門口絕𣎴顯眼，的確很難令人有幫趁的意欲。最近星期日去了兩次午膳，覺得食物很不錯，但人客數量頗為不足。價錢亦算合理，午餐由$60-$70，包括湯、麵包、主菜及飲品，端到桌上食物是熱氣騰騰的，味道也對胃口，真心推薦。看過之前的食評，很多都是針對女服務員的態度，我也身歴其中，吃完了食物的盤子很快便被收去了，這個真是感到有點催逼的，但觀察所見，該店員是鐵板一塊，做事很有原則的類型，不覺得帶著怒氣，明白了是她性格使然，所以並不含反感。而且我是星期日非繁忙的時間去到，少人幫趁令她工作量不多，可能因此而沒有其他人說的態度問題吧。

每次幫襯服務待客欠奉，人地食物未食完就趕住收碟，外面冇人等位又大把剩餘枱，令食客感覺不安有壓力。另外，有位女侍應禮貌完全差到極點，對客服務態度大声呼呼喝喝，尤其幫客人落單態度十分惡劣，示意我未講完未落完單未輪到你就唔好出聲。幫襯食個晏好似受罪感覺，永無下次再光顧這似受罪充满施壓令人感覺不安既餐廳。

行山前黎想食個早餐增加能量，朋友仔搵到呢間茶餐廳嘅早餐時間去到11:30👍🏻所以就嚟咗呢度食早餐。當日叫左個沙嗲牛肉一丁，配牛乳炒蛋、腸仔、加咗兩蚊將餐包轉做奶油豬，熱朱古力。沙嗲牛肉個樣雖然望落嘛嘛哋好似唔係咁濃味咁，不過食落味道都ok。炒蛋正常，腸仔正常廚師腸。奶油豬外脆內軟，唔會焗到裏面乾晒，好味道🤓熱朱古力正常。同行友人叫咗羅宋湯牛脷粒扭扭粉，我見到都幾足料，但佢話冇乜味🤔早餐C 沙嗲牛肉一丁，配牛乳炒蛋、腸仔、餐包 $38 轉奶油豬+$2

因為喜歡呢個地方同埋呢度嘅人 好多次就算住得唔近都專登走去呢間餐廳食早餐 早餐供應還有 我問個女人拎餐牌睇 佢答我無早餐要我叫午餐之後走咗 我好後悔無一早走 好聲好氣提出早餐還未完 希望食到個早餐 佢一句「快小小啦」丟個餐牌落黎 態度可以好啲嗎？無下次

今日經過鰂漁涌七重天餐廳，突然想去試一下這店的早餐。內面環境十分清靜及很舒適，有著七八十年代的西餐廳的特色。見到餐牌內有多種早餐，而且價錢也很便宜。今次叫了沙嗲牛肉出前一丁及凍奶茶。不夠三分鐘凍奶茶已到了，凍奶茶味道也不錯。大約五分鐘早餐沙嗲牛肉出前一丁已到枱面，睇見熱辣辣，煙從湯內上升。今次見到最別的地方，是除了麵到後，再有一包出前一丁味粉和麻油附上。出前一丁軟硬適中，沙嗲汁濃郁，牛肉嫩滑沒有梳打粉味，熱辣辣湯底，味道不錯。整體也是食早餐的好去處。

呢間小餐廳嘅門面同裝潢普普通通咁🤨，但其實食物係高質素👍🏻！呢度中式🥢同西式🍴都有得食，我同朋友就食咗西式set lunch～·🔸 餐湯我揀咗 ，十分足料又胡椒味濃😍，飲得出唔係罐頭湯煮出嚟❌🥫(值得一提，呢度除咗常見嘅羅宋/忌廉湯之外，仲有洋蔥湯可以選擇咖)！·🔸 微熱又香脆，只係蒜味可以再多啲 (可能因為我係蒜怪😝)。.🔸 肉眼扒好香牛肉味又充滿肉汁，而且一啲都唔韌，啱曬成日被人笑無牙嘅我😆！.🔸 炸雞髀意粉🍝]隻炸雞髀超大隻🍗，外皮炸得酥脆，內裡保持肉嫩多汁😋！ .✨妹豬仔👧🏻💬: 食物好味高質，每個餐介乎都HK$60-65，仲要唔收加一服務費，非常抵食👍🏻！

尋日朝早去左鰂魚涌，由於太早嘅關係，出門前跟本食唔切早餐，所以去到嗰邊先開餐醫肚仔😔原來呢邊嘅早餐都幾抵食喎，三十蚊左右有交易😃餐廳款式都幾多，我睇左陣menu，最終叫個D餐。呢個餐係雜菜湯配螺絲粉加1餸或者2餸，我間左1餸﹕魚餅。碗粉上到黎又幾大大碗喎😲原來碗粉都幾好味，個湯並唔係只有湯汁，原來佢係羅宋湯仲跟埋湯里邊嘅雜菜，本身已經大大碗，再配埋我order嘅魚餅😍魚餅味香濃，縱使湯嘅味道好濃沃都影響唔到魚餅嘅味道，正﹗雜菜煮到入晒味、腍晒，好味就不在話下。再加上螺絲粉嘅份量都好唔少，最后我都真係食唔晒😅跟埋杯熱咖啡，成個餐都係30蚊咋，真係抵食夾大碗

今日去開鰂魚涌，睇下有啲咩抵食之選，行下行下就見到呢間小店，門口黑蚊蚊咁，但係內裏都幾多野食七重天呢間餐廳午餐set都有好多，由A到H，每個餐都有湯，main，同埋飲品。湯全部西湯，紅白加個洋蔥湯。而main可以配薯菜、飯、意粉。我叫左個黑椒牛排意粉，真係好大碟，牛排又好大，意粉又好多，黑椒味略覺得唔夠味，周邊都有唔算少嘅蔬菜，平衡一下，都幾健康最後，叫左杯熱檸水，唔洗加錢（但係凍飲要$3），成個set咁多先係$60

#小秘書 已經係第二次嚟 七重天餐廳 - 鰂魚涌店 食晏🍽 大家單係聽個 #餐廳名 都應該估到佢幾有 #歷史🕸 門口裝修同旁邊嘅大廈極為不相襯🤪 不過都係嚟食嘢啫，只要間 #餐廳乾乾淨淨、#食物新鮮 就算㗎啦😅🤣仲記得上次嚟食飯，每枱都總有人嚟搭枱，成個感覺又熱又迫🥵 所以都有一段時間無嚟😅😅 不過呢日咁啱 #首領 要拎隻錶去附近整，就順路去 #七重天 懷舊吓🕺🏻呢日我揀咗 #羅宋湯 + #黑椒西冷扒意粉🍝 雖然擺明係 #豉油西餐🍽，但係味道絕對唔差㗎🤤 #羅宋湯 上枱嘅時候依然係 #熱辣辣 同 #噴哂煙 咁，味道好有 #蕃茄 🍅 嘅 #鮮味，配埋啲焗到 #金黃色 嘅 #蒜蓉多士 一齊食，諗起都口水流🤪 之後再嚟嘅係 #黑椒西冷意粉🍝 用 #黑椒汁 搭襯埋 #意粉 一齊食，#小秘書 特別鍾意🤤 至於件 #西冷扒 呢，大家都估到佢一定係 #雪肉 嚟㗎啦，不過 #廚師 處理 #凍肉 嘅手法都錯，起碼唔會有一大陣雪味，肉質又幾鬆化👍🏻 之後加埋杯 #凍檸茶 🍋 嚟降吓溫... Arrr perfect!

一至五係呢頭食午餐真係爭崩頭，難得有間茶餐廳有八個人位，所以我地諗都冇諗就行左入去。雖然都幾多客，坐得都幾逼，但員工係服務態度都唔錯，快快手手就落完單🤣🤣🤣🤣我揀左羅宋湯，都幾足料，幾多雜菜蘿蔔🥕加埋胡椒粉，一流！之後開始上主菜，洋蔥豬扒都唔錯，豬扒肉質唔會太乾太韌，洋蔥都好入味，唯一係多左啲肥膏🥴豬手大就幾大，但其實冇乜肉食，味道偏咸。意粉都比較軟身，感覺上冇過難行，麵身唔彈牙，加埋汁都偏淡🤢🤢