萬發海鮮火鍋菜館

营业中

休息中

去完大角咀想搵個地邊食飯食中菜。。朋友提議去萬發。。4個人去到叫左幾個餸。。有薯仔牛柳，薯仔係好味既。牛有少少咸燒鵝，冇乜肉既，肥膏都多👎蒜蓉蒸聖子，黎到好驚訝一d豉油都冇。個阿姐話已經夠味。食落去，d蒜蓉唔知點解係酸，聖子4隻有一隻係臭，我食果隻係硬到應該係死左後先比人劏薑蔥蠔，出黎好香既，出到黎個煲仲有聲。味道正常。雞蛋魚腸，我自己唔係好識欣賞椒鹽九肚魚，好細條，感覺食粉多d。同以前食既真係差好遠。

這食店一向生意不錯，這晚也是顧客眾多。這晚我們點了：海蜇燻蹄（小食） ：海蜇爽口彈牙，燻蹄的肉質也可以，但是兩者的味道都偏淡，附上的白醋太甜，而且酸味不足。北菇扒時蔬：這小菜味道不錯，而且份量頗大，但是北菇不夠柔軟。蒸南非鮑魚：鮑魚算是大隻，但是沒什麼鮮味。蒸蟶子王：蟶子皇也頗大隻，但同樣鮮味不足。龍仔蒸田雞飯：蒸籠大得嚇了我們一跳，但是結果卻吃剩了一大半。因為田雞沒有鮮味，田雞上面的芡汁更是過鹹。以前也曾光顧這菜館，印象頗佳，可是這晚卻令我們失望。

屋企人book左2圍纓紅宴，到達時職員比左張菜單我地。我地揀左$2050果圍，落左單，過左一輪。有個操鄉音著西裝既女職員過黎，話個價唔岩，係$2350。本身呢件事好小事，但佢行過黎態度勁差咁：張菜單唔係我比你地！機價$2350就收$2350！ 而家係我地欠左你？ 定我地無錢比？食纓紅宴已經成枱都心情差😡仲要黎撩交嗌？跟住就同佢講，咁無菜單$2050，你話機價$2350，咁你係咪應該態度好d,佢話唔關佢事，佢無比過菜單！ 跟住問佢你知唔知你比左菜單個價同你最後收個價唔同係違反商品說明條例？ 佢就不例反駛話我地咁野蠻 咩人黎😡 跟住當我地想影低菜單，佢就推開我屋企人搶返張菜單（如圖）我地黎食飯定打交？咩事要比你推？跟住追住佢出cashier 佢死都唔肯比返我地 跟住嘈左一輪 佢d同事推走佢講sorry，有個cashier女人認左係佢比菜單我地，唔係佢講既：無人比過你地！ 我地住附近其實之前成日黎食，男經理同野食都好好。係呢個女職員真係態度超惡劣。

以前食呢間嘢，覺得好好食又夠鑊氣。但係今日同班舊同事麻甩之夜實在相當失望。首先前菜個豬手，我覺得似煲湯豬手點豉油。個椒鹽魷魚鬚粉薄肉厚但無味。個薑蔥蠔，啲味完全入唔到隻蠔裏邊，好清楚食到出邊層漿粉有味裏面隻蠔無鮮味。個羊腩煲真係唔想講，自己炆嘅話都有層次過佢。個蒜蓉開邊蝦$28両，很相個度係一斤woo~啲肉都仲有少少梅，俾呢啲貨色，佢真係賺得好盡。小炒王啲腰果係Lam嘅，可能喺廚房做咗吸濕大笨象好耐。個炸大腸，唔知係咪想僻味，個底味醃到死喊。燒腩仔啲皮好似隔夜咁淋，同埋肥膏多個肉，唔好話我屈睇相就見到。比較正常少少係最後叫個麻辣脆豆腐同埋青島啤酒。啲質素咁差都全場爆滿，可唔可以話俾我聽呢間野吸引力喺邊度？仲要個啲冷氣開到好似雪房咁凍，我真係戥你老細條電費數擔心。

自携大閘蟹，收加工費……燒鵝真係名不虛傳👍🏻👍🏻啖啖肉，堅好食😋😋10個人食，人人有份，永不落空🎊🎊在對比下，乳豬就比下去，味道仍然好食，皮脆🥳豬大腸是邪惡的美食，份量足夠，遲來的朋友在凍食下也讚😝😝我們人多分😂🤣😂石頭鍋菜香又熱，不重味精😍😍加碟普通炒菜是為食素既朋友而叫☺️一定要叫必食招牌菜….薯仔牛柳粒，堅好味😋薯仔🥔大細一口剛好，好味程度連主角獨自食左半碟，仲有無影相的樽裝汽水🥤

平日夜晚去食，叫佐個粉絲蝦米節瓜煲，諗住俾粉絲小朋友食，點知全煲加埋得10條粉絲。問黑衫啊姐態度惡劣話係正常。連最好食嘅薯仔牛仔粒都唔再好食，話換佐師父。下次唔會再呢啦，失望！主要係態度極差！

今次同朋友揀咗呢一間菜館食晚飯3個人嗌咗3碟餸加2個白飯每碟餸都大大碟，賣相亦相當好黑椒薯仔牛柳粒🥔🥔 必食之選！！！口感豐富，香氣四溢，牛肉嫩滑，馬鈴薯爽口，黑胡椒的辛辣味道和香味為整道菜增添了一份獨特的風味。蒜香魚塊朋友話想試呢道魚塊外皮煎得好鬆脆，蒜香亦非常之香加埋佢配左既醬汁一齊食，口感加分！魚香茄子煲！！🍆🍆茄子軟嫩，豬肉鮮嫩，魚香味濃郁，讓人垂涎欲滴🤤總括而言，菜館嘅小菜都非常之惹味可口不過略嫌偏鹹，食完飯真係要飲番幾杯水🤣

唔想出街食飯唯有叫外賣，成日都幫襯依間中菜館，D小菜夠鑊氣，就算外賣都好好食，賣相又靚，朋友未食過都話好食。豉椒鵝腸$118好惹味，鵝腸肥美爽口，送啤酒一流。瑤柱琵琶豆腐$118 原來琵琶豆腐係魚肉加豆腐再炸再打芡，芡汁加左好多瑤柱，份量好多好抵食。萬發小炒皇 $128炒得好香唔油，入面有脆卜卜既腰果、蝦乾、鮮魷、菜脯，送啤酒一流。梅子蒸排骨$118梅子酸may may好開胃，排骨蒸到啱啱好唔會韌好淋，好多肉。酥炸南乳骨$118好香南乳味，炸到好脆仲有肉汁唔會乾，送飯一流。金銀蒜蒸勝瓜$88面頭有好香既炸蒜，勝瓜超多汁好有味。

有日啲朋友介紹左呢間萬發，原來開左好多年架喇又一直好出名（但我一直唔知😂）。仲記得果晚黎都依然咁多人，仲要係星期中果啲時間黎噃～最記得個黑椒牛柳粒炒薯仔，朋友一坐低就即嗌左，我本身以為有咩咁巴閉呀都係牛柳薯粒啫～點知一食落口即刻明果種特別！係勁香架同完全係食到不能形容嘅鑊氣！呢碟簡簡單單但極推介要嗌！另一樣餸都深刻嘅係蒜香開邊蝦，雖然啲蝦係細細隻，但肉質quality絕對唔差，只係真係有啲唔夠喉🤪

🐮 黑椒薯仔牛柳粒 $138知道呢個係佢哋招牌菜所以特登叫，果然冇令到我地失望，依然保持到水準，薯仔外皮香甜焦脆，內裏軟熟，做到外脆內軟，牛柳粒冇任何筋，啖啖肉而且肉質結實，菜式除咗有黑椒味，亦有蒜香同蜜味，味道唔錯。🍲 石頭啫啫通菜煲 $78本身對通菜冇特別大興趣，欣賞佢地用石頭煲，能夠一直保持通菜溫度，而且配上蝦米同肉碎等材料令通菜煲口感更豐富，而且味道都幾濃郁，調味方面都做得幾好，唔會話死鹹。🦐 薑蔥粉絲蟹煲 $188鯊仔一直都係粉絲煲愛好者，粉絲煲都唔錯，蝦肉都算大隻，而且肉質唔散，肉質都算結實，如果加返更多調味，粉絲會更惹味，略嫌調味差少少，但整體都幾夠鑊氣。

#叫餸食飯你會食乜 #薯仔牛柳粒我最愛🍹🍹🍹🍹🍹🍹🍹🍹🍹🍹好耐冇叫餸食飯😀人多食先好🤣可以叫多幾個餸🫣今次食萬發！依間嘅環境唔錯，比較乾淨企理😋今次食返我最鍾意既薯仔牛柳粒呢1️⃣薯仔牛柳粒 $138 薯仔帶點脆身，外脆內綿🥰超級正～牛柳粒好軟身，而且味道好足😋甜甜鹹鹹，越食越惹味2️⃣椒鹽白飯魚 $118脆脆地🫣又係超級邪惡之物！食落唔會過於油膩😋好香口3️⃣西檸雞 $128酸味適中，雞肉滑身，又係送飯佳品4️⃣石鍋啫啫通菜 $78 食菜是必須的💚石鍋上嘅好處係，熱辣辣🥰🥰聽到啲啫啫聲，都特別開胃！翠綠嘅通菜，鹹香味十足

大角咀嘅呢間中式菜館非常經典 呢晚嚟食晚飯就明白點解餐廳可以屹立咁多年啦🤪薯仔牛柳粒呢個餸真係呢度嘅招牌菜🤓 牛柳同薯仔size都好適中 啱啱好一啖一粒 牛柳仲有好多肉汁 牛味香濃 肉質軟腍🐮 薯仔就煎得外脆內軟 外層嘅蜜糖味道同黑椒味好夾🍯名爐燒鵝(上庄)燒鵝嚟講呢度都算幾抵食 都幾厚肉 同埋個外皮好酥脆🪿 真係忍唔住食晒所有燒鵝皮🫢 我地食到一半 咁啱偷聽到廚房話今日賣晒 真係手快有手慢冇🙈 仲有附上酸梅醬 萬發小炒皇呢個小炒皇係用蒜芯炒嘅 蒜芯味道清甜 口感爽口 加上有其他蝦乾 魷魚 腰果 菜甫等惹味配菜🥰 呢碟餸飯都一流呀 而且非常大碟 好抵食萬發石頭飯石頭飯都好特別 上碟用一個燒熱咗嘅石鍋裝住🫢 石鍋底部嘅飯會變成飯焦 好似煲仔飯一樣惹味 呢個飯本身係一個炒飯嚟嘅 有大量雞粒同原隻蝦仁 味道唔會太鹹 飽肚得嚟又吸引😎整體每道菜式都有質素 仲夠晒大碟 我同友人都係最鍾意薯仔牛柳粒☺️ 果然係名不虛傳嘅招牌菜 嚟呢度一定要叫呀

菜式選擇非常多無論小炒或海鮮都一應俱全而且價錢好合理性價比好高！晚市座無虛席🔸蒜蓉粉絲蒸大元貝 $58/隻大元貝鮮甜嫩滑，粉絲都好好味，蒜蓉同豉油個味道好香濃，好開胃嘅感覺。啲菜色澤都好啱眼，好誘人，配埋飯一齊食就仲正😋🔸豉椒炒蜆 $108呢道菜用嘅係新鮮嘅蜆，加上豉椒同埋蒜蓉等調味料一齊炒熟，味道鹹香得嚟有少少辣。蜆肉鮮甜，同豉椒、蒜蓉嘅味道相互襯托，味道十分鮮美👅🔸金沙九肚魚 $118呢道菜係用新鮮嘅九肚魚嚟整，再淋上啲金沙去炸，真係色香味俱全！金沙九肚魚嘅口感非常好，外脆內嫩，肚魚嘅肉質十分鮮美，啲金沙同埋椒鹽味道都好香濃。成道菜都好靚，金黃色嘅外皮好吸睛，令人食慾大增🔸薯仔牛柳粒 $138呢道係餐廳嘅招牌菜。用上牛柳肉粒、紅椒同埋薯仔再加上啲蜜糖同埋黑椒炒成，味道醇厚，牛柳肉嫩滑，薯仔脆熟好好味。薯仔牛柳粒色澤金黃，口感豐富，滋味十足

萬發一直都係👧🏻一家嘅食堂，三間分店(深水埗九江街、深水埗福榮街同大角嘴)都食過唔少次。今次👧🏻就同屋企人就去咗大角嘴店食晚餐！🌟砵酒桶蠔桶蠔一份就有6大隻(真係超大隻！隻隻都大過手掌心🖐️)。砵酒味就唔算好濃郁，已經揮發曬，但蠔肉非常鮮甜滑口，炸衣又唔算厚。熱辣辣用鐵鍋上🔥，配埋洋蔥粒🧅，係令人好滿足嘅小菜！🌟薯仔牛柳粒講到萬發嘅皇牌，就唔少得佢地嘅薯仔牛柳粒！薯仔粒🥔外脆內裹非常綿軟，而牛肉粒就有走過油，又醃得入味又夠腍。精華所在就係用咗蜜糖調味，激似食緊牛油蜂蜜薯片🧈🍯。🌟黑糖叉燒皇（例）入餐廳前已經比佢地嘅燒味吸引到(以前成日見到燒豬真係流曬口水)！今次叫嘅叉燒皇🐷就真係超高分🤩！叉燒有輕輕嘅燶邊，沾滿蜜汁，不過黑糖味就唔太食得出!?! 叉燒正宗半肥瘦👍🏻，就算瘦肉嘅部分都係好柔軟，絕對唔會打柴！推介🥰！🌟蒜茸油麥菜油麥菜炒咗都幾滑身，蒜茸🧄都夠香！

好耐之前食過一次覺得唔錯，今晚同老公屋企人去食生日飯。叫左薯仔牛柳粒，蒜蓉粉絲蒸元貝，琵琶豆腐，脆皮雞，薑汁芥蘭，椒鹽九肚魚，爽滑魚皮。每碟餸都冇應有水準，連必食既薯仔牛柳粒都完全冇風味，質素差咗好多，冇樣嘢好食，好失望。