三代目 (愉景新城)

营业中

休息中

之前買過呢度既外賣便當返公司食，雖然價錢唔算平，但味道都唔錯😋今次就同埋公司嘅同事試吓坐低食個lunch啦！未夠一點已經坐滿晒人，呢度都幾旺場喎😆🌀三盛燒肉丼有齊牛舌、五花肉、煙燻雞，三款肉都烤得幾好夠哂Juicy，又大大塊，飯量都夠多，珍珠米軟綿綿，拌埋飯底嘅汁黎食真係幾好味😋🌀彩虹凱撒沙律材料好豐富份量十足，面頭有大大隻溫泉蛋，有爽甜新鮮蔬菜、秋葵、新鮮粟米、紅黃椒、南瓜，將溫泉蛋汁混和一齊食滋味無窮呀🥰🌀海之天婦羅呢個天婦籃子有蝦、黑松露帶子、2塊鯛魚、2個墨魚、紫蘇葉，鍾意佢哋嘅天婦羅脆漿炸得好薄身好香脆，唔會好厚，我最喜歡大大隻蝦同黑松露帶子，好香😋好好食呀！🌀豚肩叉燒拉麵首先碗拉麵同埋個湯底味道都可以嘅！但一上枱嘅時候見到碗拉麵好似水浸咁🤣淨係見到隻蛋同埋半舊肉浮咗響面，美觀程度零分-0，唔知係咪佢哋嘅風格係咁嘅呢😅不過好彩味道尚可，麵質正常發揮，叉燒尚算軟腍，不過不失

時時經過由荃灣港鐵通去愉景新城的室內天橋, 被廣告燈箱吸引去試食的.燒雞泡魚乾: 正常水準.燒一口牛: 我要分兩啖, 所以好足料, 肉汁充足, 唔干唔過熟.燒雞肉京蔥: 也不錯.五花豚串: 好味~串燒份量夠, 堅係啖啖肉的, 不會是縮水版, 不會干柴, 肉汁多的.辛七味燒蓮藕: 是廚師推介中選項, 所以我點了來試, 都是可以的.

紫蘇燒豚梅肉拉麵鍾意食拉麵嘅你，一定要嚟試吓呢間！我要荃灣嘅呢間餐廳，一睇Menu就睇中呢個豚肉拉麵啦！豚肉雖然就係湯底，但係一樣保留咗佢本身嘅質感，好易入口，又唔會太腍！兩隻半熟嘅蛋，令呢個面更加可口！最鍾意就係佢嘅湯味，唔會太濃唔會太鹹，又唔會太淡！無論係鍾意食濃味嘅味，或者係鍾意淡味嘅味，都好適合食呢個面！地點真係好方便，非常之近荃灣地鐵站，交通方便之餘環境仲好舒適，想黎relax下，或者想體驗吓新食物嘅你，一定要黎！

響附近開工, 見呢間日式餐廳有外賣便當, 款式好似幾多選擇, 價錢唔算平, 但係都叫黎試下.便當內容都幾豐富, 有沙律, 前菜, 支豆等等, D沙律菜都算乾淨新鮮, 前菜D味道都算OK.個便當除左飯之外仲比多個烏冬, 正常冷伴無咩特別, 唔係特別彈牙.而個飯唔算多汁, 豚肉果幾片都煎得幾香口, 係比較薄D同細舊D, 如果多返幾片肉感覺會好D.味道普普通通唔算特別, 價錢要成百蚊, 應該唔會成日食. 

一到午飯時間，呢間餐廳都會坐滿人，要早d去甘就吾駛排隊😆 呢度既lunch set 好多選擇，有拉麵，定食，仲有魚生飯，食拉麵既仲有前菜擇，我地叫左個拉麵同一個丼飯😋 ⭐️豚梅肉拉麵拉麵上枱時熱辣辣，有2塊燒豬肉，1隻流心多同有d荀。塊燒豬肉真係好好味！半肥瘦燒到好香口👍隻蛋半流心，好食 ，如果個湯底濃郁d會更好。前菜有幾舊蓮藕，紅蘿蔔，好入味。⭐️三盛豚肉丼定食呢款岩曬中意食豬既我！有齊3款部位既豬肉，有燒汁拌飯，但豬肉都係拉麵果塊豬正d, hahaha🤣🤣

呢間紅黑型格風嘅拉麵居酒屋有幾間分店，今次去咗荃灣分店食晚餐，整體用餐感覺幾良好，環境舒適，店員服務態度都幾好👍🏻 食物選擇有沙律、拉麵、丼飯、串燒、鍋物等，味道幾好，總有嘢啱食！🔸美國安格斯牛肉鯛魚湯鍋 $298份量有二人份，滿滿一鍋！但如果係比較大食，份量就未必夠啦😂 跟埋個烏冬會更加好！牛肉係安格斯肉質唔錯幾嫩，鯛魚湯底好清甜，唔會太濃味，幾好味！海鮮有墨魚2件、鯛魚2件同蜆4隻，份量唔多，但味道幾好，墨魚好彈牙！鯛魚幾軟腍～仲有超滑日本豆腐，同雜菌野菜～ 加配廣島蠔4隻$58，都幾肥美！淥一陣就食得，好鮮味嫩滑😋🔸彩虹凱撒沙律 $68推介！沙律菜非常新鮮！而且除咗大路嘅沙律菜外，仲有粟米、南瓜同橙，好清新開胃🤤 加咗大量芝士粉，好好味！仲有隻溫泉蛋撈埋一齊食，更加滋味！🔸柚子蜜燒手羽 $38料理長推介menu見到就試吓～ 味道係幾好嘅，但兩隻雞翼size差太遠，見到笑咗🤣

去愉景新城逛街，找了這店食晚飯。間舖有兩部分，閒日竟也坐滿人，厲害！天氣很冷，所以叫了個壽喜燒牛肉鍋，內有美國安格斯牛肉，日本雞蛋，雜菌野菜豆腐，逐樣慢慢煮，熱辣辣，好好味。加埋烏東，大滿足！另外叫了些串燒，燒開邊手羽、燒秋葵，飽魚，味道及份量也不錯。其實佢本身有個二人餐，有晒這個鍋、一些串燒、兩米飯/烏東，也$500 也找，超抵食。可惜今晚我們不餓，食不晒，所以無叫，但見附近很多人叫了，超抵食！我們下次也要叫多一兩人嚟試試這餐！

北角嗰間三代目就食過幾次，唔知愉景新城呢間嘅水準有冇唔同。早幾日同朋友去試，叫咗碗辛燒豚梅肉拉麵、味噌甲羅燒同幾款唔同嘅串燒嚟送酒。嗰碗拉麵好有水準，湯底好濃，加上小小辛辣味，豚肉又煮得唔鞋，拉麵仲係幾彈牙添。至於味噌甲羅燒就好新穎，可以慢慢將各樣嘢撈埋一齊食，味道都好鮮甜。串燒都好多選擇，上枱時仲幾熱，好過其他店舖咁放咗陣間先出嚟，食完又叫多幾款。如果想食啲具水準嘅居酒屋食物，三代目係一個唔錯嘅選擇。

店內環境清幽，人不算多， 不會被 催趕交枱， 可以慢慢與朋友傾計食飯，環境不錯。 是次點了一個‘’宮廷六品性盛‘’，能一次過滿足六個味覺，包括 ：前菜沙律，前菜鮑魚漬，迷你蔥吞拿魚丼飯，海膽丼飯，蔬菜天婦羅，海鮮天婦羅（蝦，魚及魷魚各一），每樣都非常美味，雖然每樣份量不多， 但加起來份量不少了，且能一次過滿足六個味覺， 以這個價格來說， 算是抵食，再加上午市有‘’四人同行一人免費‘’的優惠，則性價比超高，真心推介！

很久沒有和老公撐枱腳，我們第一次食荃灣愉景新城的三代目，服務員態度友善，回應迅速，被安排入座卡位，舒適寬敞，而且餐廳清靜，食具潔淨，環境衛生不錯。我們點了冬日之鍋餐牌上的美國安格斯牛肉鯛魚湯鍋，湯底味道濃郁而不油膩，我們在還沒放牛肉前多喝幾口湯，感覺很鮮甜。海鮮拼盤選擇不錯，有墨魚2件，硯4隻，鯛魚2件，魷魚件件都是厚切，質素好，本人非常喜愛。我們還追加了牛肉，是以克計算，肉質新鮮和嫩滑，感覺質素很不錯。素菜配料亦很足夠，特別是菇菌種類多，最後我們還追加廣島蠔，肥美大隻，味道鮮甜。如果是二人前行，如：情侶、閨密，很值得推介這個冬日之鍋，份量很足夠二人享用。

行過繁忙嘅市區，我朕咗入三代目一試。啱啱坐低，擺上枱嘅鹽燒牛舌丼，熱氣騰騰，一眼望去，啲牛舌片得嚟又厚又軟熟。嘗一口，嘩！個牛舌味美滋滋，啖啖肉油香溢出，真係過癮！蒲燒鰻魚飯嘅鰻魚又滑又煙韌，甜甜醬汁好夠味，配飯正🍚！再講講個味噌甲羅燒，蟹膏味濃郁，散發出海鮮嘅鮮味，一試難忘。每樣小菜都保持得好有層次，入口即溶，心情都跟住開朗起嚟。各位想食日式料理，嚟三代目絕對值得！（食評佔去200字）

愉景新城呢間日式餐廳幾高質啵！ 裝修幾靚，好有特色～ 牆身都係特別設計！ 冬天都係會想食下熱辣辣既野，所以叫左個牛肉壽喜燒鍋～ 份量岩岩好！ 供兩人食～ 有兩粒日本雞蛋😋可以就咁點生雞蛋食～ 入口多左層滑滑既口感～ 🥰 啲牛肉會事先擺晒入個鍋到，所以唔想一次過食晒熟牛，就會先拎起擺係碗到再慢慢一塊塊碌啦～～ 😋 鍋入面既配菜都幾多，好豐富😍 壽喜燒湯底好甜～ 👍🏻之後我哋叫左幾串唔同既串燒～ 有個牛之拼盤好似幾抵食，叫左個黎試下！ 拼盤有3串串燒 分別係一口牛、蘆筍牛肉同牛舌，全部都好好食！ 😋記得要襯熱食！ 🤤🤤啲牛既食材都好高質！ 燒到岩岩好又夠火喉又唔老！ 之後仲叫左燒菠蘿同柚子蜜燒雞翼！😍都係好正好高質～ 個人覺得呢間餐廳既師傅幾出色～ 食物整體都好好食～ 推👍🏻

呢晚喺荃灣搵食去咗想食好耐嘅三代目開咗一段時間一直深受歡迎 weekend行過都見到坐滿晒餐牌選擇都好多串燒、鍋物、丼飯、炸物天婦羅 想食咩都有冬天仲有冬日之鍋 係二人前份量一於叫個壽喜牛肉鍋試下入面有安格斯牛肉120g2隻雞蛋、大量野菌雜菜豆腐擺到滿滿 超級豐富 顏色又五顏六色夠晒吸睛牛肉肥瘦參半 嫩紅色 滾一下就食得肉質幾滑 牛味又夠濃郁 唔錯👍🏻豆腐滑捋捋 秋葵吸咗湯底好正汁燒五花豚丼五花肉睇落去好juicy 食落去一啲都唔鞋 幾嫩滑仲加咗$5溫泉蛋 熟度剛剛好好快就食晒成碗飯仲叫咗2款串燒 大推呢到嘅串燒！新鮮燒起 上枱仲係熱辣辣燒牛舌 好爽彈 牛油香湧晒出嚟 喺口入面久久不散燒開邊手羽 即係雞翼燒得外脆內嫩 又鎖住到肉汁 so good!

三代目外觀十分低調，但我真心偏愛這種低調的日式風格，而且三代目一直是走平民價的路線，是不少家庭、小資族用餐的好選擇，所以我和朋友偶爾平日下班都會來三代目用餐。鹽麴枝豆都是開胃的前菜，所以深受食客的歡迎，鹽麴枝豆粒粒飽滿，當枝豆遇到鹽麴十分對味，枝豆嚐起來全是天然的原味，飽水鮮甜，鹽麴枝豆絕對是最佳餐前小食良伴。松露紋甲墨魚處理得好，讓紋甲墨魚的海鮮味保存下來，新鮮脆口，厚實又彈牙，松露紋甲墨魚酸酸甜甜，松露香味直奔天際，使人胃口大開。辛燒豚梅肉拉麵紅通通的湯頭看起來攻擊性很強，但其實辣度大概只是小辣程度，屬於溫和的辛辣湯。拉麵的部份使用了幼麵，但吃起來意外的有彈性，麵條熟度抓得剛剛好，軟硬適中，也能完整地吸附上滿滿的辣湯。辛燒豚梅肉讓拉麵視覺上更加澎湃及增添豐富口感，肥瘦相間的辛燒豚梅肉厚度十足，看上來頗有份量。辛燒豚梅肉軟嫩多汁，不乾不柴不油膩，嚐得到自然肉香。糖心蛋蛋黃有著討喜的流心，吃起來有甘醇的醬油風味，鹹甜香俱佳的拉麵好配菜。我個人偏愛士多啤梨奶昔，整杯士多啤梨奶昔喝起來滿滿的士多啤梨果香與自然的甜度，邊喝時還可以吃到微微士多啤梨顆粒的咬感，重點是好喝，士多啤梨奶昔頗厲害的。

- 醉漬鮮鮑 一隻 $68：首先食咗個前菜先～雖然係凍食，但鮑魚已經係熟咗架啦～鮑魚滲出淡淡嘅當歸味，鮑魚的肉質好紮實，咬起嚟好有口感～而且甜甜哋，好鮮味！- 一口燒牛丼 $98：燒得香嫩多汁嘅牛肉鋪滿飯面，中間仲有隻溫泉蛋！搗爛咗隻溫泉蛋之後，用啲牛肉嚟沾蛋汁食，味道更香！！而且牛肉肉質好嫩，冇乜筋，真係啖啖肉🤤- 豚肩叉燒拉麵 $88：真係好鍾意個湯底～係香濃豬骨味，但唔會好咸！麵條好有彈性，叉燒肉質亦都好軟嫩～- 和風燒茄 $68：茄子開邊後原條上！上面仲鋪滿柴魚，令到茄子更香！茄子肉燒到好嫩，只要輕輕一夾，就已經可以成行夾起，連埋啲柴魚一齊食，味道一流！- 海膽天婦羅 $88：第一次食熟海膽！估唔到咁特別～首先天婦羅外皮勁酥脆，然後包住嘅海膽就好嫩滑，冇咗平時食海膽刺身嘅海水味手，但依然保留住海膽獨有香味，基本上連天婦羅汁都唔使沾，已經好好味！- 牛舌 $48：牛舌好爽口！烤至微焦，再淋上醬汁，好Juicy好香呀～～