影片
开饭介绍
三冠皇餐廳是以賽馬為主題的餐廳，命名「三冠皇」是因為它以爪皇凌雨做招牌。
继续阅读
附加资料
三冠皇餐廳以賽馬為主題的餐廳，命名「三冠皇」是因為它以爪皇凌雨做招牌。
营业时间
星期一至日
07:00 - 00:00
以上资料只供参考，请与餐厅确认详情
招牌菜
4月6日, 今日喺灣仔搵tea食, 喺漫無目的之下, 諗起有一間我地成日搭車經過都好想試嘅餐廳… 門面裝修得唔錯, 所以我地印象都幾深刻. 今日黎到, 見到又有啱我地嘅tea食, 終於可一嘗, 點知原來係自己攞黎衰…::: 碎蛋熱狗拼薯條 + 凍華田 ::: $26 + $2碎蛋熱狗賣相唔差, 有一堆碎蛋喺上面, 不過熱狗只係得碎蛋嗰d汁, 太乾, 熱狗腸又係只係’霎’熟咗而冇煎過, 唔香口… 薯條都算ok, 熱辣辣炸起, 亦係我鍾意嘅厚切, 唔錯~凍華田極其差, 完全冇華田味, 只有奶味, 好似飲奶水咁…::: 泰式沙嗲牛肉炒出前一丁 + 凍檸茶 ::: $28 + $2等咗勁耐先黎, 同隔離台個呀叔叫嘅香炒豬扒出前一丁一齊上台, 莫非佢等齊人order先起鑊?! 仲要個賣相係同人地個一模一樣, 但人地個係香炒, 我呢個係佢地有晒公仔又 “三皇冠推介”晒咁話泰式架wor! 何來泰式??? D牛肉, 無味但好霉. 成個公仔麵蘿蔔絲呀椰菜絲呀看似繽紛但完全無味. d公仔麵好淋, 一d沙爹味都無!!! 我未食過一個咁難食嘅炒一丁!!! 難食到我食咗1/4都無就停口…難食到我好大聲講咗N次好難食!!! 難食到我真係喊咗出黎!!! 真係好難食囉你整到個炒一丁!!! 無泰式無沙嗲味都算啦連普通公仔麵個味都5見咗真係好恐怖呀!!!估唔到, 又一間俾我地食到結業, 不過真係情有可原. 可能我地去食已經係差唔多結業, 員工服務懶散, 4,5個圍埋一堆自己傾計, 出餐次序又錯晒, 隔離台遲黎先上岸. 食物質素差劣, 真係俾個門面呃咗… 執得好呀抵你執架!!!
继续阅读
同事話三冠皇好好食~~ 於是今日去試下~~黑椒牛柳粒焗飯好好食, 料好足~!! 牛柳粒好腍, 個飯仲炒過底~~ 正!!!正當我地俾錢談論下次呢食咩咩個陣, 老板娘話: 「我地做埋今日ja唔做啦, 業主加租」omg!!!! 仲諗住多左間飯堂...................................點解好味既野要執希望佢係第二度搵到好舖位繼續開~~~ 如果都係灣仔又近我公司就啦.......
继续阅读
本宮叫o左個焗黑椒牛柳粒飯，以為叫焗o野就唔出事，點知... 黑椒辣到死，搞到本宮究竟係唔係食牛柳都唔知... 個飯冇炒底... 真係大鑊!!個羅宋湯淡而無味，咖啡一啖就知係雀巢貨...服務差，趕人走，話好多人等，行出去一個人都冇~ 唔通小二見到d我o地見唔到o既o野????http://hk.myblog.yahoo.com/ultrabearhk/article?mid=300
继续阅读
記得之前在開飯看過這餐廳有Egg Benedict早餐, 今早有空便來嚐嚐. 剛過了十點半, 早市人流已不多, 也好讓我安靜地嘆個早餐. 地方不是很大, 牆上掛滿了一幅幅賽馬的油畫, 難怪店名取其三冠皇, 老闆定必是個超級馬迷或馬主? 兩位店員啊姐仍忙着外賣早餐, 幫我寫好單不久就放下點菜牌及凍奶茶, 我較喜歡她們用不銹鋼杯裝凍飲, 比起一般膠杯或玻璃杯更能保持飲品冰凍! 茶和奶的份量適中, 算唔錯吧! 看看點菜牌裏寫了什麼, 原來我點的Egg Benedict 叫笨(賓)蛋! haha... 不一會笨蛋到了, 我也心急地拍完照便立即動手吃! 流心蛋做得唔錯, 配合微酸的Hollandaise sauce, 很味美! 火腿則普通了一點, 但不要忘記這裏不是五星酒店, 不可太強求吧! 墊底的只是普通多士(不是English Muffin), 烘得不夠脆, 腍了! 但整體上都已做得不錯, 若價錢略下調至$26, 再加$2為凍飲就較為合理了!畢竟, 笨蛋不是隨便的茶餐廳或連鎖快餐可吃得到的! 值得再來!
继续阅读
周六的下午，在灣仔無聊的遊走，突然有一絲餓意，剛好正在三冠皇餐廳門前，被其多款下午茶餐吸引著，最後腳還是不由自主地向內進。下午茶時段，餐廳客人不多，坐的是卡位，電視播的是「花師奶」卡通片，果真是一個悠閒周末。餐廳四周都掛上不少賽馬圖片，如沒記錯，相中的馬王應是爪皇凌雨，此良駒曾先後奪得香港打吡、香港冠軍暨遮打盃及香港盃等多個一級大賽，或者是餐廳命名為三冠皇的原因。下午茶餐眾多選擇中，最特別的莫過於英式賓尼蛋，其他的港式小吃也添加了泰菜特色，幾有新意，最後要了泰式沙爹牛肉出前一丁 ($22) 及牛丸魚蛋河 ($25)，餐飲凍奶茶 (+$2)。香噴噴的泰式沙爹牛肉出前一丁，麵條煮得過淋，幸清湯湯底加入了泰式沙爹後，味道多了一份甜，牛肉鮮嫩，感覺討好。至於牛丸魚蛋河，河粉疊埋一堆的，有點求其，奶白色的湯底則跟平常吃到的不同，入口有種中式老火湯的感覺，味道清甜得很，比配料更吸引。喜歡待在茶記歎下午茶，是懶洋洋的享受，總比去人來人往的星巴克或麥當勞好吧！
继续阅读