影片
港铁北角站 A4 出口, 步行约1分钟
继续阅读
电话号码
94621151
营业时间
今日营业
12:00 - 15:00
18:00 - 22:00
星期一
全日休息
星期二至日
12:00 - 15:00
18:00 - 22:00
以上资料只供参考，请与餐厅确认详情
有关奖赏计划
近排經過北角見到新開左間鐵板燒店，同朋友都不約而同決定入去試試🤪本來想坐吧枱不過當晚都好多人預訂所以坐table，揀左貴少少嘅788set，款式都多而且份量唔細，最後都好飽好滿足🥰鐵板一人前 $788師傅烹調前會比客人睇下今日既食材講到😳✨先付沙律酸酸地好開胃，仲有藍莓添🫐✨菊志の茶碗蒸茶碗蒸滑溜細膩，松露香氣剛剛好，蟹肉絲量都多🦀✨高知炙烤鰹魚稻草燒鰹魚，黑蒜油醋酸酸地好開胃🐟鰹魚肉質好腍，另外豆乳醬汁就好Creamy幾夾🤣✨幸の海洋 二品鐵板燒帆立貝煎得表皮微焦，里面嘅貝肉則半生軟軟質感😋醬汁都有帶出帆立貝嘅鮮味清酒煮蜆湯底酒味頗濃，同時滲透淡淡的蜆香味，蜆肉大大粒非常鮮甜😍蜆鮮味十足✨虎蝦濃郁嘅龍蝦汁完美包裹住虎蝦🦐虎蝦肉質彈牙，汁雖濃香但唔會掩蓋住虎蝦嘅原味👍🏻更有種食緊龍蝦嘅感覺😛✨鐵板香煎鵝肝鵝肝外層質感脆口，裏面軟腍，非常厚身✌🏻油脂感好足，焦糖蘋果，甜甜地可以解膩🥹✨和牛薄燒 & 京の野菜和牛薄燒配茄子蓉，帶有微微焦香，配上蔥蒜嘅香氣蒜，蔥，和牛油脂融合🤩入口軟嫩，肉汁豐富。🍄🟫菇超級juicy，爆哂汁，好香野菌味😌南瓜同翠肉瓜既熟度剛剛好，唔會太硬✨菊志炒飯菊志櫻花蝦炒飯松露，蔥花，蘿蔔碎，櫻花蝦，蛋碎每樣item都食得出佢既味道🤝🏻而且粒粒分明，層次豐富，鹹香適中😎✨湯品麵豉湯✨甜品芝麻雪糕，果仁碎，幾有口感
继续阅读
知道我朋友喜歡食日本菜，呢間位於北角馬寶道嘅日本鐵板燒人氣甚高，聽講平日每晚都幾乎滿座，所以今日特意帶她早點來試菜。今晚我哋叫咗兩個鐵板餐，每位$788，另外我朋友重開咗一支sake，呢支酒一啲都唔貴，而且好有米香味，絕對抵飲。➰先付Apetitizer雜菜沙律夠鮮嫰爽脆，配合陳醋和芝麻醬，胃口大開。➰ 茶碗蒸呢碗茶碗蒸夠晒熱辣辣，蛋羹上面鋪滿晒一條條嘅蟹肉絲，蟹肉夠鮮甜而且口感非常滑嫩。➰ 高知炙烤鰹魚用炙烤的方式使到鰹魚增添咗獨特嘅煙薰風味，而魚肉又能保持到細膩，配合埋黑蒜油和醋煮成嘅醬汁，口感夠曬清新。➰ 香煎帶子呢碟香煎帶子有兩款醬汁，一邊係枝豆醬，另一邊係羅勒醬，而帶子煎到外面微焦脆，而內部又能保持嫩滑嘅口感。➰ 虎蝦師傅用牛油把大虎蝦煎到好香口，而蝦肉夠晒鮮甜味美，醬汁方面就用咗牛油和蝦膏煮成，更能突顯蝦嘅鮮味。➰ 鐵板香煎鵝肝師傅把鵝肝煎到外焦里嫩，口感細膩，更用用上蘋果和焦糖做配菜，令到整個口感甜甜哋，更能中和鵝肝嘅膩感。➰ 和牛薄燒師傅把薄片和牛肉卷埋蔥再煎香，令到口感層次更豐富，味道夠香濃。➰清酒煮蜆湯清酒煮制更能凸顯蜆肉嘅鮮甜味，配合埋濃郁清酒嘅酒香，真係好好味。➰ 菊志炒飯呢個炒飯好多配料，包括有櫻花蝦、蔥粒、蛋等等，飯炒到好香口兼且夠乾身。➰ 甜品最後以香滑嘅芝麻雪糕作為呢次晚餐嘅終結。
继续阅读
位於北角馬寶道嘅*三分熟.菊志*鐵板燒居酒屋🏮，地點相當方便，港鐵一出步行一分鐘時間已到。店鋪裝修日風簡樸，乾淨俐落。中庭是開放式廚房鐵板燒區，地方乾淨整齊。值得一讚，每道菜式廚師都精心擺盤，賞心悅目。鐵板晚餐一人前$598🥗沙律 - 新鮮沙律菜配搭微酸沙律醋，先打開胃口，為今晚美食打開序幕。🥢茶碗蒸 - 面層鋪滿一絲絲松葉蟹肉，滑蛋非常滑溜，配以蟹肉一併入口，增加鮮度及口感。🥢北海道帆立貝 - 外層燒得蕉香，入邊保持濕潤，肉質肥厚鮮甜，配以枝豆醬汁，清清爽爽，配搭唔錯。🥢南非鮑魚 - 南非鮑魚係珍貴鮑魚品種之一，鮑味濃郁鮮甜，肉質軟嫩腍滑，口感煙韌彈牙，配海苔醬感覺清新。🥢清酒煮蜆湯 - 蜆肉脹卜卜，略帶些小海水味道，非常新鮮鮮甜，蜆湯不但有鮮度，更帶有清酒清香。🥢鐵板燒鵝肝 - 上下面層燒得蕉香，入邊仍保持粉嫩絲滑，入口即蓉，鵝肝面層灑上青檸皮，配合蕉糖蘋果入口減去油膩感。🥢和牛薄燒 - 和牛薄燒作為今晚重頭戲，非常期待 ，3成熟，更能保持原味，入口即蓉嘅快感，油花充斥整個口腔，油花、蔥花、蒜香同時爆發，令味道更上一層😋，🥢櫻花蝦黑松露炒飯 - 炒得非常乾爽，令飯底粒粒分明，入口乾乾爽爽，滿鋪櫻花蝦令整個炒飯充滿鮮香，以炒飯作結尾，充滿飽腹感😋。🍦甜品係芝麻味雪糕，冰冰涼涼，清新番整個口腔，完美結尾。
继续阅读
香港之最！北角鐵板燒！今日食咗間鐵板燒$788/人真係由頭到尾都係視覺同味覺嘅享受！！！開場小菜先嚟個 蟹肉茶碗蒸，滑到似啫喱咁，味道清淡舒服，啖啖蟹肉，頭盤已經見到佢唔吝嗇。加個沙律好清咁樣開胃，感覺好期待後面嘅菜式。 菜式1. 菊志の茶腕蒸2. 高知炙烤鰹魚 3. 幸の海洋品（2款時令海鮮）3.1 帆立貝3.2 清酒牛油煮蜆4. 虎蝦5. 鐵板香煎鵝肝6. 和牛薄燒 7.鐵板燒野菜8. 菊志炒飯 - 鵝肝炒飯9. 清物（湯）10. 甜品 - 脆脆開心果雪糕每一樣都令我好驚喜滿足，好新奇既味道，每個配搭都好有驚喜。服務員態度好好，每一道菜都細心講解係點樣準備食材係啲咩。鐵板燒師傅10分專業，喺煮嘢食嘅時候佢只會問我哋對食物嘅要求，冇乜點同我哋講嘢，好專業咁樣煮嘢俾我哋食。剛到最後先再慢慢同我哋傾問我哋成餐覺得點，真係老實講呢間係我喺香港食過最好食最好服務嘅鐵板燒，性價比極強。基本上佢全部食物都好好食，煮得生熟啱啱好，唔會過老，又唔會太生唔敢食。重點係佢每道菜式都有少少嘅點綴，例如佢個鵝肝，係蘋果焦糖再加檸檬碎，會令到個鵝肝唔太油膩而入口，佢建議我哋每一口鵝肝都配搭蘋果去食。之後仲有例如佢個鵝肝炒飯粒粒都係好大，仲有個帆立貝佢個醬汁係枝豆肉再加白柱汁。真係好正。總括嚟講呢間嘢真係好正，入咗我香港十大食堂之選，下次再試
继续阅读
上星期朋友生日，預約了這間在北角的鐵板燒店，天氣好冷，入座後店員立即貼心地送上熱茶。我們叫了$788 一位的商務鐵板一人前，內容很豐富！▶️先付陳醋芝麻醬沙津，沙津菜很新鮮，調味剛剛好。▶️ 松葉蟹肉茶碗蒸蟹肉很多，蒸蛋火候控制得剛剛好，很嫩滑▶️高知炙烤鏗魚燒鏗魚用上稻草燒製，黑醋汁很開胃，魚肉軟淋，很不錯。▶️ 香煎帶子這款香煎帶子煎符剛剛好，再配上兩款醬汁-枝豆汁和羅勒醬，帶出帶子的鮮味。▶️ 香煎椿魚 這款香煎椿魚主廚把魚肉煎至7-8成熟，使魚肉妏得嫩漓，配搭青檸柚子醬可減輕魚油帶來的油膩感。▶️ 香濃龍蝦汁煎虎蝦虎蝦幔肉很彈牙，這裡很特別用香濃龍蝦汁來伴虎蝦，使整個菜品蝦味更加突出。▶️ 煎鵝肝伴焦糖蘋果煎鵝肝熟度剛好，焦糖蘋果甜甜脆脆，兩者很夾！▶️ 和牛薄燒和牛中間包著大量的香蔥和蒜，和牛的油香留在口腔中，使人非常回味。另外主廚配搭了，茄子慕絲、鹽和藤椒醬油，可解和牛的油膩。▶️ 菊志炒飯用上櫻花蝦配蛋炒飯，米飯炒得很乾身，粒粒分明。▶️ 開心果雪糕 這個雪糕的開心果味略略有點不足，配搭香芋脆脆，只吃到香芋味。總括而言，整個套餐食材都非常新鮮，份量十足，廚師有用心為每道食物花過心思，會再帶朋友來吃～📍 三分熟.菊志 北角馬寶道28號華匯中心地下6號舖
继续阅读