三哥廚房擔擔麵菜飯專門店

营业中

休息中

呢間係馬鞍山少有好食既上海菜😙雖然佢既位置其實唔易搵，但早期開張既時候都大排長龍架😀計計吓都好似開咗一段時間，最近食都算保持到水準😆😋雞絲粉皮粉皮夠彈牙😀仲有唔會太嚡嘅雞絲，加埋清新爽口嘅青瓜，仲有麻醬撈埋一齊食🤗😋口水豬手對於平時食開10小辣既我黎講，係有啲刺激嘅，所以提提大家落單嘅時候可以叫小辣☺️花生亦都可以另上😙豬手入味好淋口感不錯😚舔舔脷指數👉🏻6😋/10😋滿分 可以一試😋

📍三哥廚房擔擔麵菜飯專門店🐷三哥排骨配菜飯（豬手汁）菜飯粒粒分明份量好多 炸排咸香脆口有肉汁 調味亦剛剛好 每次都要食曬擔擔麵同菜飯先至滿足🫶🏻係馬鞍山美食沙漠中有溫度有味道既小店 質素多年來都好穩定 係一間好驚佢消失既餐廳(睬!)🥹 十多款餸同主食可以自由配搭 非常flexible! 丫 鎮江骨 醉豬手 口水雞都好好吃！！！

📍三哥廚房擔擔麵菜飯專門店🐤花雕醉雞擔擔麵擔擔麵濃而不膩 有大量磨成糊既花生碎令湯底非常濃郁 幼身上海麵滑身掛汁軟硬度岩岩好 仲有蝦米炸菜菜脯碎係面花雕醉雞肉質嫩滑入味 帶有淡淡既花雕酒味 微微冷唔係尷尬室溫！濃味既麵配清新(!?)既醉雞冇得輸！

住馬鞍山，幫襯多年，近來食物質素已逐漸下降，今日儘管俾多一個機會佢。中午外賣Deliveroo 送到，炸雞翼中間係全生的，完全煮唔透真係極度失望！以後唔會再幫襯！

成日幫襯三哥，都未寫過食評平時我多數叫嫩雞煨麵同埋醉雞好耐無食其他菜式今次外賣叫咗下面嗰三樣雞絲粉皮、鎮江骨菜飯、三哥排骨擔擔麵$186.00雞絲粉皮其實食過好多次，但係今次食覺得好淡，青瓜絲係多咗，呢個係正嘅，但麻醬真係唔夠。三樣嚟講我最鍾意係鎮江骨，非常之腍，甜甜酸酸，份量足夠。至於擔擔麵依舊好濃郁，但外賣嚟到個湯底唔夠熱用黎整散個面底，再熱啲就好啦。至於塊豬扒就非常夠熱，用紙袋分開放，所以個脆漿仍然好脆，份量都夠👍🏻

呢一日是參加完小朋友活動之後要食晚餐，馬鞍山朋友推介呢間餐廳。呢一餐飯本身由我入座之前少少唔高興，變咗最後感覺到滿滿嘅溫暖，所以特登寫咗篇長文讚賞呢間小店。本身見到有六人枱只係坐咗兩個客人，餐廳都唔俾我哋入去，有少少唔高興😕，因為六人枱明明係可以分拆到三張二人枱分開坐。餐廳有解釋原因係因為流感高峰期盡量唔好坐咁埋，餐廳有話好快有枱㗎啦，請等多一陣，態度都OK。我估可能嗰度係通道位置，所以打橫6人枱唔可以分拆開啲枱。晚市6點開，我哋3位6:15去到要等，以為起碼都要等到7點，點知6:30真係有位🤣，香港人食嘢真係快。朋友介紹要食豬手麵，所以叫咗個豬手麵，酸辣麵同埋餃子，仲有大杯熱豆醬 。個麵係我鍾意食嗰啲軟腍腍嘅麵，湯底唔會咸又好夠味，我飲了半碗。餃子都都好好食，唔係嗰啲急凍餃子。本身想叫個菜，點知豬手麵同埋餃子入邊已經有好多好多生菜，完全唔需要叫多一個菜食。喺我哋食嘢途中，我估係老闆娘，聽到佢同個老人家傾偈，送咗個小食請老人家食，話係做多咗唔好浪費(一聽就知呢啲係氹老人家嘅說話🫶🏻)。老闆娘之後上菜去到另一枱，同一班後生仔女傾談，問下佢哋外地返學點樣之類。臨走買單嘅時候，我同老闆娘都傾

不好意思，實在忍不住要負評。是我第一次在openrice寫評。下午茶時間去到,見有不少位。他們的枱可移動，其實俾了我兩位都應沒問題,站住等了5分鐘（見有個男仔座在一6人枱的中間）。都算，到有6人枱的走了（是可分拆的枱），差不多執好期間，另有二人走（在四人枱）。我問可否座那二人走了的，侍應說執好先。到那6人枱執好了便叫我座埋去。我再示意可否座那四人枱，應是老闆娘說那邊要員工食飯。座下不久，有二人來，基本上無等過，就俾了那四人枱。重點是，其他的都不說，說甚麼員工食飯？！

我幾鍾意食呢間小店，餐廳環境開揚😀😀但位置唔多，成日都要大排長龍等位！我最鍾意嘅就係食佢嘅豬扒菜飯，豬扒煎得香香脆脆，味道適中，唔會太鹹，而菜飯就熱辣辣，配搭起上嚟都幾好味！有驚喜！😝😝😝

朋友定地點食飯, 初時只留意到"三哥"二字, 即去了一家名字相似的米線店, 後來再跟朋友溝通才知道擺了烏龍。這家食店位處馬鞍山警署對面, 若非住附近, 平日甚少會走這條路, 花了點時間才找到這家我從未光顧過的食店。入店內見到有個人風格, 有落本裝修的裝潢, 只是全店看來是英式裝修: 天花燈加壁燈照得一室潔白明亮, 復古PATTERN瓷磚, 放滿植物裝飾的層架, 碎花布等, 未看餐牌以為是西餐廳。餐牌放企在桌面, 餐廳實際上賣的是上海菜, 主打是菜飯和擔擔面, 主要是單點菜式, 個別日子有特定的套餐組合。朋友點了排骨菜飯, 飯和排骨分開上; 注意上海菜所指的"排骨"其實是猪排切件, 而不是盅頭飯或酒樓點心的排骨粒。三絲湯面湯面是大大碗陽春面, 湯底清甜, 三絲包括不肥不瘦的猪肉絲, 雞絲和火腿絲,  再加上女士們喜愛的足份量青菜, 整體用餐經驗令人愉悅。菜肉雲吞餐牌標明每碗有六粒雲吞, 貨真價實, 食客好作預算。單點雲吞同樣用足料湯底, 又有青菜, 較有特色的是上菜前才灑上的一小撮白芝蔴, 使進食時多一點點香口, 雲吞大大粒, 有咬口, 調味適中, 不會太鹹 。店員服務態度非常好, 奉餐

當我還是覺得馬鞍山是美食沙漠的時候, 三哥的住家川滬小菜令我感受到久旱逢甘霖之意義. 不是連鎖食肆, 即叫即製, 有溫度有心機的烹調, 簡單但並非必然. 就算現在當區出現不少新類型和風格的餐廳, 依然沒有減少對三哥的尊敬, 至少它做了一個恰如其分的開荒牛角色. 其菜飯就是以大量青菜粒作賣點, 飯身偏軟但並不糊化, 切粒的爽口感也比切絲的強, 配以酥香而口感軟熟的鴨胸, 和酸甜平均的黑醋醬汁, 就是簡單的美味.擔擔麵的湯底質感濃稠得如花生醬, 除了用上大量磨得如糊的花生外, 也有細碎的花生粒, 麵身沾上前兩者, 吃起來的堅果香味和甜味也是其他連鎖食肆不會做的. 配以炸得香脆, 內裏肉汁豐富而肉質保持嫩滑之炸豬扒, 大人小朋友也會喜歡. 三絲年糕醬汁濃香, 年糕口感煙韌, 略嫌油份多了一點, 有點膩.San Gor is one of the earliest independent restaurant without big company support at MOS with the excellent vegetable rice, deep fried pork chops a

ma on shan 有一個隱世美食，佢係屬於家庭式經營，所以店裏面嘅人都非常之有善，very nice！！ 最鍾意係食佢嘅口水雞同埋擔擔麵非常之好食，另一個花雕醉雞翼都不錯，佢嘅擔擔麵有好濃沃嘅芝麻醬香味

糖醋排骨變左糖醋浸豬軟骨。豬軟骨柴梅爛，糖醋汁過多碗上。完全想偷雞以現成貨出品。菜飯菜份量過少，連白飯都無供應。擔擔麵就水開咁稀基本掛汁都做唔到。只得花生味，連基本微甜帶辣完全做唔到。排骨柴硬明顯炸過龍。只可以讚少帶薑味尚算香口。最後善意提醒店家，仲同我講番應該主動叫濃湯。擔擔麵要主動叫先會有濃湯？Are you kidding me?唔識做唔緊要，但唔好將歪理當合理。希望店方正視，唔好諗住掛個名就當自己真係專門店。

馬鞍山上海街坊小店三哥排骨擔擔麵賣相大大碗又出色 食慾大增😋湯底夠稠又有花生香味，但唔會太漏加左大量蝦米榨菜菜莆碎係面麵質煮得剛好，爽口唔會好淋湯加麵一齊食 好惹味👍👍三哥排骨(豬扒) 醃製過 脆卜卜好香口肉質略嫌少少鞋同乾身左但味道唔差 有少少甜味豬扒加埋碗麵 份量都夠哂飽肚！另外Lunch set 包一杯飲品凍熱豆漿/六花茶/紅棗茶/紙包飲品我叫左熱豆漿，略嫌甜左少少🙈總括而言 馬鞍山黎講已經係好食既小店!!

喺附近住左咁多年都未食過呢間街坊小店，反而係最近搬入嚟嘅朋友介紹我試下，話呢間係佢喺沙漠搵到嘅正野，講到咁巴閉等我試一試。上海排骨菜飯嘅排骨炸得好脆，炸粉薄薄一層，豬扒都幾大塊又厚身，食落係juicy嘅。菜飯比想像中油左啲，但都算ok嘅，唔食菜飯印象中好似可以揀番白飯。擔擔麵我地揀左微辣版，湯底花生醬味好濃郁，係我鍾意嘅味道，麵條都幾彈牙，唔會好漿住個口。整體嚟講都幾好食，雖然唔係驚為天人，但的確喺馬鞍山嚟講算係唔錯。

地方小店，但水準一流😋招牌酸辣湯雲吞- 酸辣湯味道、稀杰拿捏得好👍但雲吞皮略厭厚左d😛菜肉餡不過不失。三哥醉拿手- 醉香濃；豬手夠哂入味；煮既程度岩岩好，軟身得黎夠爽口，每一啖都骨膠原滿瀉😚口水雞- 辣味足、香味夠；面頭花生炒得超香口；雞唔會肥，雞肉滑嫩👍南京牛肉麵- 湯底超香濃，牛肉入味夠腍，麵會掛湯，毫無破綻🤩招牌上海炒年糕- 年糕qq，菜呀菇呀超入味，收芡做得好，夠汁包住年糕夠哂滋味😋不過上海野始終比較重口味，食完都係好口渴，但無奈餐廳飲品選擇少🥲我要忍到離開先買野飲😅