三哥麵廚

营业中

休息中

星期六下午兩點後去試三哥麵廚唔使等有位即刻可以入去坐低，期間都不斷有人入去一入去聞到好香嘅湯底味星期六日冇套餐，麵嘅選擇唔算多特色魚蛋麵$36 問咗佢唔係一粒粒嘅魚蛋，係魚片頭，有d失望，不過都試吓啦🫢🫢有4舊如果佢改名做魚片頭麵會好少少麵質都算硬，夠彈牙👍🏻份量唔算多傳統雲吞麵$36五粒雲吞喺底，傳統做法，配埋韭黃都幾香一樣份量都唔算係大碗，雲吞細粒，所以有五粒，可能冇乜豬肉餡，所以細粒咬口唔算勁，蝦香味唔重，蝦都爽口😀湯底都算好飲👍🏻👍🏻總結：呢個價錢唔算係好抵食，可以過下口癮

此店由來不多説了，有興趣知道上網翻看吧。因為網上一直評語不好也確實讓我推遲光顧。直到今天因下大雨不想多走，就草草這裡坐下了，也算是機緣吧。很多人寫食評都叫上一大堆食物，忽視了食肆往往不會精於所有食材食物。一碗簡單的雲吞麵，往往就是粥麵店的試金石。跟傳統都是雲吞置底麵置面。麵身爽咬落帶點煙韌，沒有堿水味。不是我最喜歡的一種但無疑是高品質的貨色。雲吞包得緊緻，餡料有兩隻蝦和一些豬肉。入口鬆脆鮮美。大地魚湯清且鮮，入口即滿咀甘香，十分滋味。聽事頭婆向廚房嗌三哥，原來三哥坐陣，是個父妻檔。店鋪沒什麽特別，間格合理，即棄筷子很衛生。豬手也馳名，有機會再來試。

🏮老字號雲吞麵🏮由當年旺角龍記麵家的三哥打理重出江湖後繼續賣當年的人氣招牌如炸醬豉油王撈河、鳳爪、豬手等傳統港式口味鳳城水餃麵 $34招牌炸醬豉油王撈麵 $48白菜仔 $15傳統既雲吞麵舖份量比較細，就係所謂既細蓉個湯底好清，重大地魚味😋鳳城水餃🥟有蝦🍤木耳，皮薄足料👍🏻撈粗麵個汁重口味，豉油味好出炸醬都好正，仲有啲冬菇絲呢一間雲吞麵舖我一定會再幫襯雖然細細碗，一個男仔未必食得飽，可能要嗌兩碗但係對女仔來講，一碗麵再加一碟油菜就已經啱啱好，又健康

見到網上宣傳所以就過去一試點知會出現人生中其中一次最差嘅用膳體驗總共等成35分鐘先食到首先頭廿分鐘有另一台比我遲落單嘅食客指責另一台更遲入座嘅四人食客食物比佢早到樓面話食物跟單，耐心等待點知過咗五分鐘後，投訴嘅食客同四人食客嘅食物到曬我即刻起火，又話跟單號？其實係大聲就有得食先咁我惟有都同樓面開聲最後都要等多十分鐘先有等到食物上枱時，投訴果位已經食完走人食物方面比普通質素好，但同區米芝連就明顯高質啲所以試過一次就算未試就唔好浪費時間，除非人生有太多個35分鐘

上次因為人多，所以經過影咗幾張相就走咗lu……今日終於有機會試吓，同仔仔分別叫咗辣牛筋撈麵，蠔油雲吞撈麵加咗兩個油菜，同埋佢哋新賣嘅燒賣……我一直都好鍾意食牛筋，見佢寫明辣牛筋，就一於試下啦！食落又真係好開胃 ，再加埋佢哋自製嘅辣椒油黎撈麵，就啱啱好👍🏼仔仔食既係雲吞撈麵，咁大碟麵佢竟然食曬😃連湯都清埋！不過佢哋個湯有大地魚嘅香味，又真係好好味既！！諗住燒賣都只不過係一般嘅燒賣，但竟然真係食到魚肉味喎！！一個餐都只不過係三十幾至四十幾蚊就有個麵，嘢飲或者油菜，正常價錢。呢一餐我哋都覺得唔錯，下次再有機會嚟試下其他嘢先😋

門口見到都見到有唔少花牌，睇落都應該有番咁上下咁岩有朋友邀請之下，所以就入左去食入到去覺得環境乾淨舒服，服務誠懇有禮，有住家式既感覺上菜速度幾好，碗麵新鮮熱辣辣，送到面前個陣幾吸引一試之下覺得牛筋爽口味濃、雲吞水餃鮮味十足、湯底味美不咸，食完齒甲留香，有想再次回味的感覺！原來佢地係旺角帶入黎既老字號，本身係旺角黑布街龍記麵家，咁岩係元朗新開張！今日無試到佢地最出名既榨醬撈麵同埋牛筋牛腩撈麵，湯麵我自己覺得幾好，下次有機會一定會試埋。價錢亦都好公道合理元朗人又多一個選擇！其實麵食競爭好大，好味同埋服務好真係好重要！