三多炸肶 (已結業)

兩隻手掌咁大嘅炸肶🤭 係生炸雞髀黎，即叫即炸，一拎上手係十分熱！一咬落去好脆，佢係用木槺黎做皮，所以雞髀皮會好脆好好食，可以自己揀辣度，我就揀咗小辣，好惹味好好食😛 雞髀好多肉汁，肉質好滑。

大埔三多炸雞脾🍗一直都係人氣米豬蓮👍🏻本身都係三多fans😂❤️❤️❤️原來佢開到尼元朗yoho mall即刻試試元朗三多水準先首先雞脾🍗好似無大埔甘大隻🤔辣粉好似吾同左，大埔係倒係表面但元朗無得只叫炸脾大埔一隻炸脾廿幾蚊可以單叫元朗店要套餐入面有炸脾+薯條🍟+可樂一杯炸脾水準good,一樣皮鬆脆內軟又juice 重點三多炸雞🍗脾個皮炸得好鬆5會成口粉又5會炸到好硬真係精髓係炸雞🍗脾皮😂😂😂好邪惡既美食😋😋😋薯條好咸😞5好食可樂一般可樂如果大家無食過三多炸雞🍗脾可以試但建議可以去老店大埔店叫單隻炸雞🍗脾就得😚😚😚但yoho mall 三多環境係舒服過大埔大埔地點無甘靚係街鋪夜晚要坐係路邊食🙈🙈🙈d枱放馬路邊食港式港味🤪🤪🤪————————————————滿分5🔆🏝環境🔆🔆🔆🔆🔆🛋服務🔆🔆🔆🔆💲價錢🔆🔆😋食物質素🔆🔆🔆🔆💥翻兜指數🔆🔆🔆🔆————————————————📍餐廳名稱：三多📍地點：yoho mall

慕名去試下三多嘅炸脾，去到見到環境好污糟，不過算，小食拎走當睇唔到。睇一睇個餐牌，小食店嚟講佢都算想話你聽冇咩賣。見佢有套餐，就叫左炸脾加爆檸。叫大大杯爆檸，老老實實，一啲都唔大大杯，一啲都唔爆多或者識爆炸嘅檸。定係佢爆其他意思？結果收多$$19，不如飲可樂，平過佢又好飲過佢。炸脾就唔錯，係外脆內嫩，用鹽淹過，淹得均衡又唔過咸。又真係熱辣辣，但入面好多油，如果佢嘅炸油唔靚真係唔好成日食，而且賣$30一隻，真係算貴。

大學最後一個SEM Break，與其博命搵工翻part-time，不如抽少少時間去行吓山，遠離塵囂，感受一吓大自然嘅氣息。今次去元朗大棠睇紅葉，可惜接近尾水，大部分楓香都顯得有啲光禿。好在平日去唔算多人，可以俾自己一個寧靜嘅空間呼吸自由嘅空氣。毛仔好日都唔行一次山，為咗獎勵自己，落咗山決定去三多整隻炸髀補一補對腳。講翻嘢食先，三多嘅炸髀無疑係毛仔心目中嘅top 5小食。每次入元朗都必定會整翻隻先走。生炸雞髀 （$30）即叫即炸，拎上手仲冒緊煙、滴緊油。外皮金黃，偏向日式串揚炸法。一啖齒開，層皮好薄亦好酥脆，塊皮脆到好似食緊薯片咁。佢同其他炸雞髀最大嘅分別就係層皮唔會刮口，同埋食到成口油淋淋。雞肉尚算嫩滑，但好似比以前薄身咗，似食雞排多過雞髀，兩三啖就食完。調味方面，今次揀咗唔辣，食落都算入味，唔會過鹹。惟略嫌肉汁唔夠，未算好juicy，但又未至於坊間小食店嗰啲皮厚肉柴嘅雞肉味擦膠。整體嚟講，毛仔覺得三多炸髀大致上都保持到水準，不過就好似無之前咁好食。賣相：8/10口感：7/10味道：7/10價錢：3/10 （$30/隻，算幾貴）【完~~~~~~】

放假就係要嘆一下邪惡食品，辛苦搵來志在食，所以放假就會比自己放縱一下～今日星期六，下午茶揀咗三多雞髀，真係超級邪惡得來又好吸引嘅選擇。同男朋友叫咗個二人套餐，有兩隻炸雞脾，同埋豉油炒腸粉，仲有每人有一罐可樂，夠晒邪惡啊！每次食三多，都係嗌佢嘅炸雞脾，真係搵次要試吓豉油比先得～好彩早左幾分鐘入嚟，落左單之後就陸陸續續多人，我係第一張單都等左10分鐘。雞脾嗌咗小辣，辣粉非常惹味，而且外皮真係炸到香脆，正～豉油炒腸粉其實都幾好食，不過略嫌冇蔥花，如果加埋蔥花咁就真係Perfect啦～

是日午餐，由於假日實在太多車，揸車出元朗簡直就係受罪，搵到個吉位就即刻放低架車喺附近食，所以就決定試下三多嘅套餐！95個大洋，兩隻炸髀，一份豉油肉醉炒腸粉，兩罐汽水，價錢合理👍🏻出名在食炸雞髀嘅三多，隻炸髀事實上係好正，皮脆肉嫩，肉汁多，啖啖肉，落咗少少辣粉，配合得非常之好！不過謹記，剛剛炸起時十分熱，大家食時就小心！至於份腸粉，帶點微辣，配料有肉碎同芽菜，食落都唔錯！個人意見就加點蔥花應該會更香同惹味😋等候時間大約10分鐘，不過之後越嚟越多人，見到後面有人要等20分鐘左右，好彩嚟得早。

又新街出名多野食，行入少少見到間炸雞專門店。平時見佢冇咩人，但係突然想食啲香口既小食，就決定入去試吓啦！-門面-餐牌呢間鋪頭主要賣炸物同炒既食物-叫左個香辣肉碎炒腸粉即叫即炒，等左大約10分鐘左右都幾大份，一個人可以當lunch食一餐了雖然賣相一般，但辣度適中，炒得好入味，又有獲氣！讚👍🏻中式豉油味醬汁，芽菜炒得好軟，肉碎既肉肥瘦平均，味道完全入哂腸粉入面，腸粉硬度適中，唔會散開。餐廳裡有七味粉，不過唔建議落腸粉裏面啦，唔太岩味埋單$35，外賣、堂食同價

今日走進元朗街頭搵食大埔馳名的三多炸脾都已經開進元朗今日買了一隻中辣和一隻唔辣的炸脾選中辣時店員會提醒中辣很辣幸好友人食得辣中辣對佢黎講恰到好處值得一及既係店內另有辣粉提供拎外賣時記得放些少辣粉調一調味辣粉辣度亦非常高唔食得辣既朋友記住適可而止或者先準備解辣飲品外賣拎到返屋企都唔算凍曬簡單焗爐加熱後就開餐喇炸脾肉質香嫩生炸雞脾果然有 d 料到三多炸脾店內有句口號"食雞脾唔食皮係一種罪"睇完之後我都乖乖地食曬 d 皮

自從荃灣店三多結業後，要山長水遠去到元朗、大埔三多店才可品嚐，剛12月頭星期日去開元朗，一定去品嚐我至愛的炸脾，中午12點左右人流未算最多，但店內兩排長櫈已坐滿客人，付款後等了約15分鐘炸脾、爆檸涷飲送到手上，剛好又有位坐，在店內新鮮熱辣品嚐炸脾，剛炸好的雞脾皮脆肉嫩，雞皮炸得香脆不太油膩，雞肉有肉汁又滑，連骨都想食埋，大大隻食一隻脾已飽肚，真係好好味 反而飲品爆檸沒甚特別，檸茶比較淡，加了點爆珠，但食完雞脾加涷飲好爽，值得回味的炸脾

一直好想試吓好出名嘅三多，終於嚟到元朗，第一次食三多炸雞脾，好大隻，仲真係好juicy。雞髀即叫即炸，所以要等一陣。咬落去外脆內軟，d肉夠滑，超級惹味，會想一試再試！

Order 完，收銀哥哥話要等15 分鐘，最後等10 分鐘。等下囉，又吾趕。其實一直吾知有間賣雞的。收銀哥哥係冇乜笑容，不過好好地將我果二隻滷水雞脾放好入我果食物環保袋裏面，（吾知隻雞脾甘大，個袋又有D細，不過見到佢好小心） ，對環保出左一份力💪🏻💪🏻（ 香港食市一般嫌麻煩）。買左二隻滷水雞脾，$30隻，本身自己不食炸野，所以order 滷水。 見個個入黎都炸脾，應該炸脾好好食，不過我隻雞脾，滷水好濃，好香，好入味，雞肉都好滑，又大隻，真係值得一試！👍🏻👍🏻

因為男朋友很愛吃炸雞，第一天來香港時因為太晚沒吃到，機場出來都快12點了，只好隔天再去.雖然有朋友覺的三多的炸雞脾（腿）🍗太乾，可是我覺得應該是一家家的分店問題（？）.我蠻喜歡這家的外皮比較脆，然後也比較濃味...（而且可以加辣🌶）😂😂.🐔雞軟骨會加很多炸蒜跟洋蔥，也可以自己加辣粉，半辣半不辣，各自吃自己的份兒～.唯一希望店家如果客人內用時可以改用比較環保的來盛菜，紙碟什麼的也可以，怎也比發泡膠盒來的好....

成日聽人講元朗三多雞髀好好食，但今次第一次去食，我一食落口真係外脆內軟，雞肉好滑，令我對雞髀有改觀，因為以前食親雞髀都覺得好老唔好食。見到店舖裏邊有波紋薯條，急不及待都叫咗碟，因為喺香港唔係好多地方有波紋薯條食，初時覺得$28一包好貴，但一攞到包薯條就覺得，嘩好大包即係食薯條都食飽，正

今日放假出元朗穩食，我本身喜歡食雞髀。不過唔鍾意炸因為多粉好難食，平時一般食油髀，但三多早有聽聞好正，所以特登同老婆仔去試試，叫左個二人套餐，一份油髀，一份中辣炸髀同一份香辣肉碎炒腸粉。哇，個炸髀一上來，真係好吸引D辣料舖滿曬。我咬完一啖又一啖，咬完兩淡又第三啖。咬完三啖又第./$，gakd，哎呀比我老婆仔搶左去食，Oh My God，趁佢集中係個炸髀既時候，油髀已經ready好比我大咬啦，我趁老婆仔不為意，快d咬多幾啖。甜甜地，好入味。，Juicy得黎d肉質地又嫩又滑，說時遲 那時快，又比老婆仔食曬，腸粉都同我講bye bye。 我還是愛著你，你還不留餘地，我還是愛著你，你卻吃光雞髀。

早幾日寫完三多嘅食評心入面心思思想再食三多今日咁岩經過元朗我記得三多之前開個幾間分店就姑且試吓元朗有冇三多啦上網一搵原來三多就係B仔涼粉隔離咁我就停低架車去試吓鋪頭比我想像中少人行到入去同個店員講話想要一隻雞髀佢竟然同我講話要等15分鐘我心裏面有啲猶豫究竟等唔等好呢最後都係放低左$30等15分鐘食三多雞髀15分鐘值唔值呢其實我心入面諗左好耐諗下諗下15分鐘都過去啦聽到佢嗌我個號數真係好開心見到隻雞髀仲開心一直以來我都對新店嘅食物質素好有保留但自從上次食咗旺角嘅衫多之後我覺得佢嘅水準keep得幾好見到呢隻雞髀熱辣辣係我面前我覺得呢15分鐘等得好值得佢嘅肉汁除咗係隻雞髀之外中流到成個合都係雖然隻雞比好熱熱到拎上手都覺得好辣手但係我都忍唔住要食佢咬落去嘅時候你感受到雞皮嘅精華今次除咗食雞之外我冇食到其他野但係仔細留意三多嘅餐牌原來都幾有心思三多有四杯好出名嘅飲品以前我都唔知係咩意思原來全部都有晒解釋今次終於留意到啦希望寫完呢篇食評之後我唔會再心思思又想去食三多啦