三家村水產 (已結業)

全港獨有，在小屋邊嘆海景邊享受美食，老闆娘性格豪爽，Nice，在裝潢方面非常花心思，黃昏最正，可以欣賞日落美景！食材新鮮，出品滿意，想吃其他東西需要提前預約，推薦，嘻嘻！

天氣涼，聖誕到，朋友約去三家村水產食浜燒🔥朋友已經預訂四人套餐，超級🈵️足頭盤係 魚生沙律🥗令人胃口大開浜燒新鮮海鮮，包括龍蝦🦞，鮑魚，蠔🦪，青口…超級無敵美味龍蝦和鮑魚不停喺度跳舞我哋就不停影相📸️ 加上我嘅最愛日本生蠔🦪超鍾意❤️浜燒鷄冀、豬肉、和－夜干．．燒到無停手配清酒🍶一流浜燒日本年糕，飯團🍙和菜．．已經吃到手手停口停 最後蛋糕🍰和果茶🍵雖然仲未有得去日本🇯🇵 吃浜燒都開心

千3蚊食完都唔飽，重要成晚有隻烏蠅飛來飛去海膽唔算好新鮮，唔值呢個價錢海膽同蠔選其一刺身6人份量擺埋一碟，睇落好多咁，其實每人得一片，真係好識做生意，想有回頭客都幾難揀左蠔就冇海膽，生蠔都算大隻既呢舊蘿蔔最呃錢，唔知自己食左啲咩又係6人份量既鮑片雜菇，就咁睇我諗只有兩隻鮑魚切到勁薄加埋啲雜菇睇落好多咁呢個餐龍蝦同和牛只可選其一，因為我哋六個人所以我就食到兩樣嘢，而呢一碟係2人份量呢個所謂吞拿魚蓉卷物超級普通又係揀左有和牛就冇龍蝦，味道肉質可接受但呢個係4人份量係咪少左啲呢龍蝦粥跟餐，又係唔知食緊乜成個餐最正係呢個瓜，食完全唔覺飽性價比極低

原來三家村碼頭附近有間日式料理🍶三家村水產🦀為咗慶祝朋友生日，我哋乘船由西灣河碼頭去三家村碼頭⛵️全程風景好靚🎏落咗船就即刻見到三家村水產啦🌟三家村水產經理告訴我們換咗食Omakase, 我哋就試吓啦🥢經理介紹咗好多日本直送嘅食物俾我哋，我哋個個都覺得好好食🐞特別係壽星女👩🏻‍🦰佢仲讚不絕口👍🏻我就覺得最好食嘅係日本海膽和生蠔🦪好Creamy👍🏻👍🏻Tempura 日本蠔非常之香口🤩一啲都唔油👍🏻👍🏻👍🏻服務親切和好多日本直送sake 選擇👍🏻👍🏻👍🏻👍🏻食物有特色同埋新鮮👍🏻👍🏻👍🏻👍🏻👍🏻Omakae 每種食物都可以品嚐到😍好開心🥰好似去咗日本旅行🧳最緊要大家開心渡過快樂時光⋯⋯祝壽星女心想事成☘️下次我哋會早啲嚟Happu Hour 欣賞海景和日落🌆

聽講這間三家村水產換咗主理人，就約埋朋友第一時間去試吓，一入去就見到個無敵大海景，安排好坐位後就點餐，食物末到這段時間，就行出個室外露天坐位欣賞吓維港景色叫杯酒打吓卡先啦！真係好Chill，坐咗一陣，我地order既食物就到，真係要讚吓個前菜，海膽、魚子醬伴豆腐，真係好新鮮，下面仲用片脆卜卜嘅紫菜喺底，夾住食，真係好好味，仲有隻生蠔，超級新鮮，好海水味，跟住就到炸物，薄薄嘅炸漿，完全唔油膩，最後就係個冷烏冬，口感煙韌，好正！，總括嚟講無論環境、食物、招呼，都好滿意👍🏻

係公司附近有間三家村水產，最近見重開翻，仲有九折優惠近近哋試下先門口睇餐單中午比以前豐富咗抵咗，＄88～160都有選擇，全部定食。食當日天氣熱熱哋，叫咗角切刺身飯定食＄118，有前菜，主食，味噌湯同甜品。起初以為全部係碎上D刺身碎，估唔到有一大塊海膽，蝦，元貝海膽真係正，係鮮美，唔係咩尿味海膽；味噌湯有少少咸，所以拌飯食先啱口味；綠茶雪糕有驚喜，本來無乜特別期望，一食好香綠茶味，又有奶味，又唔會過甜，啱啱好！九折後係免加一，近近哋可以再試

一定要再去的日式餐廳。轉手後，現在是酒店廚房班底，對食物質素和服務要求極高。Omakasai 海膽豆腐，龍蝦天婦羅，魚生新鮮，和牛入口溶化，食材名貴，絕不慳料，由頭食到尾，嘩聲不絕，連送酒的漬物也非常美味。侍應介紹菜式仔細，有禮，上菜速度啱啱好。人多可包房，私隱度高。最好黃昏前到，在露臺可看到鹹蛋黃日落海景，有各式酒類，抽口雪茄仲正。門口可以停車，鯉魚門市政大樓和附近樓盤也有很多停車場，油塘地鐵站A出口，行大概10分鐘也可以到，住港島的客人可以搭西灣河渡輪過海，上碼頭即到。

估唔到香港有咁嘅地方，有少少似日本😂，之前聽朋友推介呢度嘅海鮮套餐相當吸引，咁我，就同fd 就去試吓啦，我哋當日就喺油塘搭的士去鯉魚門食海鮮🤣今次我哋就叫咗匠心海之盛宴套餐（4人份量），首先職員會將一盤今日會煮嘅海鮮放喺枱上面介紹一次俾客人聽，然後比大家去影相打卡😂，之後就會攞去煮，大家都好期待😝首先就係生蠔🦪，生蠔上面仲有啲海膽同埋黑鱘龍魚籽，生蠔好肥美，海膽好新鮮，仲有啲魚籽點綴下😋湯霜季節龍蝦，小編都對係第一次將隻龍蝦咁樣去煮來食😂，用啲熱湯煮去兩成熟，在厚切放喺冰上面，食嗰陣點下啲柚子汁豉油，真係好爽好鮮味🙂季節活魚薄切，感覺就好似普通刺身咁，不過食得出都好新鮮嘅🤣鮑魚天婦羅配白松露醬，就係將鮑魚用天婦羅嘅方法去煮，我都係第一次食，再配上黑松露醬，簡直食唔停口😊炸魚頭骨腩同Shake Shake 慢煮活波士頓龍蝦，小編就鍾意啖啖肉，所以依兩道菜都冇乜肉可以食，不過味道都唔錯鴨骨上湯浸時令貝，個湯好鮮甜，啲，d蜆都大大隻，唔會剩係得啲殼😂日式牛油蒜蓉大蔥炒龍蝦頭配烏冬，烏冬充滿牛油蒜蓉汁，另外仲會有鍋巴一齊食，口感層次更豐富。小編就覺得整體感覺都唔錯，而且個環境都好特別，望住個海

景同野食一般，都係食下啲鮑魚、蠔、海鮮粥，價錢set得高，最誇張係$138一杯普通Asahi生啤？！我有冇睇錯？餐牌上話Asahi $48，埋單伙記話生啤Asahi唔同價，餐牌係冇寫嘅，得電腦出單先有價錢，成件事令人覺得被人騙！伙記只係sorry一聲…算啦當係試吓新嘢，但係一定唔會再來，亦唔會recommend任何人來，雖然要睇住海景（西灣河）食日式海鮮餐預咗會唔平，但係以同一價錢：- 食海鮮真係大把地方好過佢- 食日本野真係大把地方好過佢- 睇海景大把地方靚過佢起碼以上三樣有一樣出色過人先得囉⋯⋯亦唔想朋友比人搵笨Ps 唔該清潔下支滅蚊燈… 未見過一盞滅蚊燈係可以有咁多死烏蠅喺入面嘅……

2個人，埋單$21xx，冇叫野飲，額外加左個牛，仲要食唔飽，可憐，如果講氣氛 & 可以長坐(因為冇咩人)，呢度都ok既，但對我黎講，禁既價錢 & 份量 一定冇下次 1. 叫左套餐，見圖片勁豐富好多野，點知上到黎得幾樣，問系咪黎齊？答系之後，我又冇特別追問 有點後悔2. 員工服務態度唔錯 首先show左比你睇 + 影相，後“棒”入去料理。龍蝦刺身：望落好似生雞肉，食落有肉感，淡味，冇咩鮮甜，要靠調味料。生蠔：肥美鲜甜，一大口海膽 & 魚子都好食，見其他枱話臭，店家都有提出解決方法。炸鮑魚：新鲜彈牙爽q，但厭松露醬太搶鮑魚鮮味，配鹽比較美味。冇沙，湯略咸，普通耗時最耐，其實得返好少肉，下面個d又唔知系咩，唔明點食法，食完d肉 & 旁邊油炸x蝦餅就88，汁系唔差，但食左 = 冇食禁額外加既牛，普通，又系好快ko左，想食埋d菜，但員工成日都好快走過黎問收5收得，，其實我想食埋佢，因為未飽，但又廢事，可惜。以上就系2個女人食既野，想問句，你地會飽嗎？定我大食？總括：冇下次。

呢間痴線野, 未食過咁垃圾! 10個餸二人餐兩千蚊! 1. 魚刺身 - 冰底都冇, 上檯暖既2. 龍蝦刺身-細西澳龍蝦一隻, 街市不過$1503. 花竹刺生 - 不過不失 (人頭各一)4. 日本生蠔 - 每人一隻, 有一隻臭既5. 堂灼鮑魚 - 全晚最好, 不過不失 (人頭各一)6. 牛油炒彩貝 - 9粒, 只有牛油味7. 清酒花甲 - 正常野, 幾粒8. 白灼馬刀貝 - 真正白灼, 兩隻9. 黃金波士頓龍蝦 - 正常野10. 龍蝦頭泡飯 - 係我面前用火槍燒隻龍蝦, d鬚燶晒, 龍蝦味出唔到黎! 只食到燶味! 垃圾中既垃圾!一杯可樂一杯啤酒!一個鐘上晒食完! 埋單二千二百幾蚊! 唔好食都算, 連d平野貝類都比得果幾隻? 咁孤寒?冇下次!

香港食海鮮，通常都係去西貢、南Y島、長洲、鯉魚門，而我本身住港島，鯉魚門係一個比較近同方便嘅選擇，只需要響西灣河搭船約7分鐘直達，不過大家小心同一個碼頭有船過觀塘，千祈唔好上錯船。《三家村水產》係一間日式料理餐廳，地點正正響碼頭，船一靠岸就見到，因為餐廳有個超正海景位，亦都係一個打卡賣點，但只得三張四人枱靠窗口位，記得訂座時要特別要求喎。<豪華海鮮盛 🐟🦪🦞$1980>🥢鯛魚刺身⭐️⭐️⭐️⭐️魚肉鮮甜爽口，有光澤，師傅刀工一流薄切精瑩通透🥢寶蠔刺身⭐️⭐️⭐️⭐️可選生食或熟食，生蠔超大隻爽口又鮮甜，仲帶有淡淡海水味🥢龍蝦刺身⭐️⭐️⭐️⭐️有三種口味食法，第一係原味但無乜味，第二係柚子醋加芥辣都好味，第三係蘸松露醬最特別又好味🥢白灼青口(追加一隻)⭐️⭐️⭐️⭐️好鮮甜青口味濃，大隻入口軟熟🥢白灼帆立貝(追加一隻)⭐️⭐️⭐️帆立貝同樣鮮甜，但無想像中咁大隻🥢白灼鮑魚(追加一隻)⭐️⭐️⭐️⭐️鮑魚口感剛好軟腍，不過size較細🥢清酒煮蕃薯蜆⭐️無乜清酒味，反而醬油味較重，而蜆味又較淡🥢牛油炒彩貝⭐️同蕃薯蜆一樣唔鮮味兼貝無味，只食到牛油味🥢黃金波士頓龍蝦⭐️⭐️⭐️⭐️呢個好香好好味，溶晒嘅咸蛋王佈滿每件龍蝦，肉夠爽彈又

今日老細請食飯！老細一向話辛苦搵黎志在食，所以一向請大家食飯都唔會手軟，特登黎到鯉魚門，就係為咗黎食新鮮海鮮，今日黎到三家村水產，交俾老細拍板，佢叫咗：🦞龍蝦兩食 $1,088- 太平洋龍蝦刺身 - 勁鮮味- 龍頭泡飯 - 有龍蝦鮮味嘅泡飯，當然係零舍不同😁⚪️原條象拔蚌刺身$988 - 除了新鮮，就是新鮮，可惜好少🥲好快食晒🟤鵝肝多士$138 - 一向愛鵝肝，呢個當然係正！🌊海膽一板 $698 - 口感滑，海膽味濃又唔腥🐚海膽拖羅杯$199 - 海膽同拖羅勁夾，正上加正🦪岩手縣寶蠔刺身$98 - 有柚子醋，但我平時食蠔都唔鐘意點醋，因為鐘意食嗰陣海水味除咗海鮮，啲燒物都唔錯，除咗蝦一般外，其他都好出色🦐燒赤蝦$98 🐡燒味醂河豚乾$88🐥雞胸軟骨串燒$76🐥雞翼串燒$58🍍日式燒菠蘿$58另兩個熟食，都好唔錯！🐮安格斯牛肉扒$298🍤江戶前天婦羅拼盤$188三家村水產其實食物質素都唔錯，只係份量有啲少。黎得呢度食，就真係預咗大破慳囊，但辛苦搵黎志在食，有時對自己好少少都係必要嘅😁

疫情中整個鯉魚門一片蕭條，就連我們是當天唯一客人，它仍堅持營業，很難得！我們三個人當晚點了，魚子、活生蠔、魚生、魚頭骨做的魚湯、燒牛扒、 清酒蜆、牛舌爐端燒，全部都很美味，製作認真，擺盤精緻，與我們帶來的那支威士忌及現場點的清酒十分配合。可能是因為當晚只得我們一枱，老闆及老闆娘（？）經常與我們 介紹食材及烹調方法，長了不少知識！小小意見，餐廳用很優雅的竹製及木製家具，但老實說，很難保養及清潔，更何況餐廳有做爐端燒（如燒牛舌）及堂灼菜式（如清酒蜆），所以桌面及椅子不是十分清潔，連無敵大海景的大玻璃也不是十分清晰，有點失分。

星期三晚同老婆去咗鯉魚門三家村水產，一入到去員工態度非常有禮，而且解釋和介紹菜式也相當清楚和尊業，環境更是極為舒適，又有無敵海景，勁正！最後由老闆介紹我食咗以下美味食品：1.鱘龍魚籽馬蹄灣海胆多士～口感相當豐富；2.酥炸火箭魷魚～炸皮薄而脆魷魚爽口彈牙；3.怪物蠔～蠔身飽滿鮮甜；4.石垣鯛刺身～肉質爽口，厚薄適中；5.俄羅斯鱘龍魚籽薄脆～魚籽味濃且香，老闆話並非罐頭魚籽，係鮮魚籽；6.鯛魚豆腐湯～湯甜清新兼解膩；7.野生海黃油蟹王羹～蟹味濃郁，蟹肉和蟹膏勁多，好想再食；8.北海道赤崎蠔～蠔味和海水味較濃，也相當美味；9.清湯浸煮海貽貝～有一種清甜爽口的感覺；10.清蒸野生海膏蟹～超好味，約一斤重的深海野生膏蟹，蟹肉甜美，蟹膏飽滿，而且中間的蟹膏呈啫喱狀，不單香甜，更不會覺得膩滯，令人一試難忘！最好總結，每道美食都勁好食！我全晚的口感極之豐富而且複雜，值得推介👍🏻😋P. S. 有地方泊車，可揸車去，不怕抄牌