三小漁 (已改名) 查看

I visited this shop because I had a fantastic dining experience at their Kwun Tong location.Although the shop in Central is smaller, it offers a better view and more sunlight, creating a superior ambiance compared to the one in Kwun Tong.As for the food, this restaurant never fails to impress. I ordered the lobster, East Star Trout fish, dessert, and their tea, Pu’rr with Tangerine, which was the perfect way to start and end the meal.The service provided by the three managers was exceptional. Th

中式菜烹調方法不少，簡單家常烹調已經有煎炒煮炸燉蒸烤焗燘燴涼拌，還有其他烹調方式還沒提及，十分講究。三小漁就可以品嚐到中菜之中以烹調功架，所煮出各地美味菜式。在觀塘區三小漁已經品嚐過，甚有名氣，最近在中環開了新店，都想去一試，能否保留其烹調功架。******************************中環店的三小漁位於大廈之内，從電梯而出，全層都是三小漁吃飯的地方。餐廳裝潢帶著中國氣息，茶具都用上水墨畫，多優美。餐牌之中有不同地方名菜散點，還有時令海鮮、小食、湯羹、炒飯、甜品和套餐選擇。飲品除了茗茶，還有自家製養生飲品、汽水和酒水等，想品嚐多點菜式，最好相約更多朋友一同飯聚。茗茶 HKD15，可選上陳皮普洱、大紅袍、桂花烏龍、碧螺春或鳳凰單欉，個人較愛大紅獨有茶香帶點甘香味道，又可解除食物油膩感。十年陳皮魚茸羹 HKD78/位，雖然是夜燉湯是舞茸雞湯，但魚茸羹確實不多地方可以品嚐，還是點選來一客。湯羹之中有魚肉、薑絲、陳皮絲、黃耳絲、葱花和非常爽口羊肚耳煮成，滿有魚鮮味又帶著陳皮香，用上珍菌切絲，口感豐富，這道順德湯羹，確實吸引。小河蝦油渣野菜粉絲煲 HKD138，單是油渣油香已經

呢度嘅環境一流，可以喺落地玻璃睇到夜景，而且裝修整體感覺十分舒服，又幽靜，配合埋高級中菜式，好適合一家人黎聚餐。我哋同行嘅老一輩個個都讚不絕口。蕎麥茶烘焙嘅味道好濃同好香，而且冇咖啡因，夜晚飲都好舒服。手作糖山冰鎮咕嚕肉：喺依家呢啲咁熱嘅天氣，呢道冰鎮咕嚕肉令我感到清涼愜意，加埋菠蘿嘅酸甜，成個感覺好夏日。佢外冷內熱嘅溫度做得好分明，令到口感十分豐富，而且一啲油膩感都有，是一道很好的開胃菜，鮮菠蘿芥末蝦球：這道菜將炸蝦球和芥末沙律醬結合在一起，將炸野嘅油膩感抹去之餘仲有一啲刺激。蝦球炸得金黃酥脆，蝦肉結實厚肉，咬落去唔會啖啖粉。黑磚豆腐：呢個一定係我食過最脆嘅炸豆腐！佢個炸皮真係好好食，驚艷左全張枱。佢完美演繹外酥內軟，咬開之後入面嘅豆腐係滑到爭啲跣咗出嚟。呢個黑白配嘅顏色都好有神秘感，就咁睇佢外表完全唔會估到佢係炸豆腐。小炒皇：炒得十分香口，又多材料，絕對係一道下飯的好菜，一口接一口停唔到落黎。干煎鮮沙薑走地雞：雞肉軟嫩多汁，啲雞油係煎嘅過程入面爆哂出黎，再加埋沙薑，有咩可能會唔香？佢下面仲要墊住好多洋蔥同蒜頭去吸味，吸收哂啲雞嘅精華，所以呢啲輔料都通通俾我食哂。炸蠔餅：我發覺佢呢度

同朋友喺中環行完街就睇睇食咩, 咁岩大家都想食中菜, 就喺附近睇睇有咩食啦～ 就嚟咗呢間試試地點都幾方便, 中環街市行前多幾步就到。我哋得兩個人, 所以就叫咗1個前菜, 1個餸同1個湯飯, 3個都好有水準 <<黑磚豆腐 $18/ 件>>賣相一流, 擺盤好有心思 味道方面, 炸到外脆內滑, 好有蒜香味, 而且好有重量, 食完一個就會想食第二個, 絕對有誠意之作～<<川味脆牛腩 $138>>唔係好辣, 辣同麻都啱啱好, 唔會蓋過牛味, 而且炸出來牛腩都唔會好嚡, 鐘意食牛腩嘅人都可以試試 <<鮮魚湯海皇芹香脆米泡飯 $188>>好好味, 湯好好飲, 好有鮮味, 食完好舒服, 有好多蠔同帶子, 非常足料, 配埋脆米真係一流 一鍋夠3-4人食, 我同朋友2個食唔哂～下次絕對會再嗌多啲人一齊過嚟食, 可以試多幾款唔同嘅菜式

好友帶我去中環食餐好, 今次帶我嚟到L Square 食”三小漁”。一入到餐廳, 就覺得啲裝修好靚, 低調嘅奢華風, 特別鍾意淺藍色嘅雲石枱, 好特別。我哋叫咗: 手作糖山冰鎮咕嚕肉, 艇家醬香炒蜆, 蓮藕蜜椒骨, 單叢茶手作糖山冰鎮咕嚕肉($198): 冰鎮咕嚕賣相一流, 咕嚕肉炸得酥軟, 因為有冰鎮嘅關係, 所以咕嚕肉係外脆內軟,仲有新鮮菠蘿, 酸酸甜甜, 超開胃, 高度推介 艇家醬香炒蜆($128): 炒蜆份量好多, 醬汁帶點輕微嘅辣味, 仲有加入好多豆豉, 紫洋蔥, 切得好細粒嘅紅椒, 綠椒, 超香口, 主角嘅蜆肉質非常鮮甜, 火喉剛剛好, 絕對物超所值, 鍾意食蜆嘅朋友真係一定要點呢碟炒蜆蓮藕蜜椒骨($138): 炸排骨沾上蜜糖, 無乜黑椒味道, 整體偏甜。切得好薄嘅炸蓮藕片, 好似薯片咁, 幾好味單叢茶 (茶芥每位$15): 單叢芳香撲鼻, 好友非常欣賞另外, 要讚侍應嘅服務好好, 因為我地食蜆, 侍應不停幫我地換新碟, 又介紹菜式特點, 好親切殷勤

L Place 新開左一間樓上中菜，本來以為樓上鋪會冇乜人知，但係12:15上到去，已經差唔多滿座,所以記得book 位！呢度每日午餐都有唔同嘅選擇，食個日兩道菜都有驚喜，未試過呢個combination 都可以咁夾😍芝香焗西施豆腐龍躉球，用咗少少藍芝士，豆腐同龍躉球都好鮮嫩，送飯一流。意大利陳醋火龍粒粒骨，陳醋有酸味味嘅感覺，是火龍果就有清新嘅口感，好啱夏天食！最後加咗個紅棗糕，煙煙韌韌，紅棗味十足，為午餐畫上完美句號😋꧁☬小編食左咩☬꧂✅芝香焗西施豆腐龍躉球✅意大利陳醋火龍粒粒骨✅紅棗糕(◔◡◔) ♥ 人均傷害💰： $120 ♥

今日出左中環交收，之後再去左食飯我最鍾意去新餐廳，見到The L place 有間好新開好靚粵菜，餐廳除左新淨，餐具都好靚，感覺好有氣派兩個人食得吾多，點左2個菜鮮魚湯海皇芹香脆米泡飯勁大份，可以分地8碗，我地每人食左4碗，真係好飽有蠔仔，脹卜卜，鮮蝦，魷魚，芫荽，香芹，脆米，口感好豐富干煎鮮沙薑走地雞熱辣辣，好多蒜頭乾蔥鋪底，雞煎到皮帶焦黃，香氣撲鼻，好惹味值得一提呢度d茶好靚我地點左碧螺春，茶湯清翠，茶色明亮，香味清幽

在中環有一間幾有heart既餐廳，食過之後覺得幾好！menu幾多唔同種類既菜式，創新又幾特別，店員服務好好又細心，茶都好好飲，桂花烏龍茶滲出清香，解暑解膩。酥炸蜂巢蠔餅，外層的炸漿非常香脆，裡面的蠔肉也非常鮮嫩。，蠔肉的鮮味和酥皮的香味，非常吸引又唔會太油膩！海皇小茴香海鮮炒米粉，口感非常豐富，用料夠多，蝦粒，魷魚，洋葱，芽菜等，米粉爽彈有質感，小茴香的香氣也很濃郁，師傅炒出鑊氣，非常開胃。最後是脆皮風沙雞半隻份量都幾足，外層的皮非常脆身，裡面的雞肉亦夠嫩滑重雞香。 雞肉的鮮味和皮的香味帶出陣陣焦香味，味道都非常豐富，值得一試。最後點了手工豆腐糖水，一絲絲既豆腐在糖水上浮起，非常考手工！

三小漁新分店位於中上環The L. PLACE，餐廳裝修以高雅中式風格為主，並擺設各款盆景佈置環境，而天花的中式燈飾也很別緻。餐廳以特色海鮮粵菜為主，菜式設計和擺碟很有心思，讓食客吃得賞心悅目。服務員招呼有禮，主動為客人替換碟和斟茶。冰鎮咕嚕肉 $198擺盤非常吸睛，水晶玻璃碟上放滿冰格，冰鎮咕嚕肉和菠蘿。當冰格溶化時，水會自動流落至下層的碟內，這樣冰水就不會浸浸香脆的咕嚕肉，真的很有心思。咕嚕肉外脆，入口鬆化，菠蘿酸酸甜甜很醒胃。風沙走地雞 $188味微辛，炸蒜粒伴碟，再配有胡椒鹽。雞肉外皮炸到脆卜卜，肉質嫩滑，很美味。青梅酒香骨 $138酒味清香，排骨烹調入味，肉量其實也多。海皇小茴香海鮮炒米粉 $168海鮮炒米粉有蝦仁、魷魚、帶子和香芹，米粉幼如髮絲，材料豐富惹味。

朋友推介上環皇后大道中刚新開一間中式粵菜三小漁,餐廳主打粵式小炒,設計新穎菜式且擺款精美,而且款式撰擇豐富,餐廳設計簡約座位寬敞舒適,適合一家親朋戚友聯誼用餐的地方,侍應招乎非常到位,直得一讚。海皇小茴香海鮮炒米粉米粉份量都不小,上桌香噴噴,有帶子,蝦仁,芹菜和魷魚,米粉幼細兼入味。風沙走地雞廚師有花心思擺盤,以金蒜粒伴碟,,雞肉炸到皮脆肉嫩,肉質保持濕潤不韌,點埋胡椒鹽更惹味。冰鎮咕嚕肉冰鎮咕嚕肉係其中一款人氣菜式,,冰水吾會浸濕咕嚕肉,而流落下層的玻璃器皿,,咕嚕肉食落口感鬆化,菠蘿酸甜無渣。青梅酒香骨廚師煑香骨好入味,甚香口,越食越開胃。

呢間餐廳首店位於觀塘，之前住喺觀塘嘅朋友話好食，但係由於遠離屋企所以一直都未有機會試下，最近知道咗佢哋開咗中環分店，就即刻收工預約一試究竟。～🥣羊肚菌燉螺頭（$78/1位）燉湯非常足料，價錢唔算平但係滴滴都係精華，飲落去湯頭清甜，羊肚菌咬感十足，雞腳則燉得軟爛，連瘦肉都係肉味出眾，睇得出佢哋非常用心。～🐟沸騰魚（$268）熱辣辣嘅一兜沸騰魚，貌甚誘人，魚塊份量十足，加上飽滿爽甜鮮芽菜，令人一食愛上。魚肉鮮嫩，表面一層潤滑香油，咬落鮮味中又散發花椒獨特香氣，食完有種齒頰留香嘅感覺，好下飯。～🍵茗茶$15/位可以自選“桂花烏龍/碧螺春/陳皮普洱/大紅袍/鳳凰單欉“等等，選擇算好多，而且好多富特色少見嘅茶，個人喜愛清甜解膩嘅碧螺春。～三小漁 (中環)中環皇后大道中139號The L. Place 5樓

三小漁 中環皇后大道中139號The L. Place 5樓-----媽咪打牌無煮飯，同家姐二人世界行街街撐枱腳。晚餐選址呢間位於中環嘅中餐廳，位置就係中環中心隔離嘅L. Place。.家姐胃口細，呢度嘅餸望落幾大碟，我地就簡單叫咗兩個餸一個飯黎share。.#鮮菠蘿芥茉蝦球 $188 - 6隻#蓮藕蜜椒骨 $138#原盅砵仔蒸絲苗白飯 $15.鮮菠蘿🍍香甜多汁，蝦球爽彈飽滿，炸皮沒有過厚，芥末醬帶微微辛香，醬汁貌似有特意調製得偏向清淡，以免搶去蝦鮮味，無論係刻意定係無心插柳，反正就是調配得恰到好處，鮮香並存。.蓮藕蜜椒骨亦有驚喜，味道香香甜甜，排骨外層微微硬脆，中間則濕潤柔軟富肉香，下飯一流。

今日收工經朋友介紹嚟咗呢間餐廳，原先抱住試新嘢嘅心態，但食完之後覺得有驚喜！其中包括冰鎮菠蘿咕嚕肉、黑磚豆腐、脆皮風沙雞同芥菜魚肚湯。每一款都好有心思同好好味。手作糖山冰鎮菠蘿咕嚕肉： 呢款菠蘿咕嚕肉真係好正！一開始好怕佢會凍着上(冰鎮)，食嘅時候發現外凍內熱，味道超過癮！甜甜酸酸嘅味道好平衡。肉質鬆軟，外面裹嘅酥皮好脆，仲有啲鮮甜嘅菠蘿塊。醬汁酸酸甜甜，微微辣辣，好開胃。黑磚豆腐： 炸豆腐好簡單但好好食。以黑磚為賣點，外皮酥脆，內裡豆腐軟綿，口感好豐富。可以沾脆脆嘅炸蒜，亦都可以單食，味道都好出色。脆皮風沙雞(半隻)： 炸子雞真係好香脆好多汁。外皮炸得金黃酥脆，入口嘅時候肉汁四溢，配上香脆嘅炸蒜，帶出多層次嘅味道。香料調味得好啱口，令我同朋友食到停唔住口。鮮魚湯頂級魚肚芥菜煲： 芥菜魚肚湯熱住上。魚肚煮得剛剛好，湯汁鮮美。芥菜帶返啲微苦味，同湯汁一齊食好開胃。每一口都好舒服好鮮甜。總括而言，呢間餐廳喺有誠意同有驚喜嘅中菜館，下次經過中環/上環絕對會再食！

一家人出外晚飯，當然要搵間可以坐得舒服、高質、大家一定岩食既餐廳。新開既三小漁環境寬敞整潔、裝修骨子，經理同員工服務一流，兩老食得好開心手作糖山冰鎮咕嚕肉不論排場同氣勢，都絕對係冠絕同行。長彎型既玻璃船，後方立著真菠蘿和糖山，咕嚕肉鋪在前方的冰塊上。咕嚕肉一直保持冰涼脆脆，好特別，岩哂炎炎夏日。冰塊溶後，冰水會直接流到玻璃船既下層，唔會影響口感，非常細心。青梅酒香骨擺盤既碟充滿書卷氣息，酒香骨肉多，梅酸度剛好，要黎醒胃最好，實在好下飯。 脆皮風沙雞風沙雞皮脆，味道帶有輕微的辣，更加惹味。擺盤精美之外，更以雞肉同尖位砌成一隻翅膀，好有心思。海皇小茴香海鮮炒米粉炒米粉一上檯即聞到好香，食材挺多，份量好足真係食到超級飽!

之前朋友約我到觀塘三小漁食飯，點知要開會失約了，見佢哋俾返啲相我睇，好吸引🤩今日同女友去中環新開嘅分店試，一入去感覺好舒服，燈火通明，座位闊落👍就叫返朋友send過嚟嘅美食先鮮菠蘿芥末蝦球 $188賣相一流，女友不同角度，不停打卡影相🤪蝦球炸得外脆內軟，蝦肉仍保持住肉汁，亦爽口彈牙，新鮮是也😍芥末汁微辣，酸酸甜甜，醒胃👍伴碟嘅菠蘿既甜且嫩，好味😋三小漁小炒皇$168小炒皇材料好豐富：鮮魷、蝦乾、腰果、花生、韮菜花、芽菜再撒上香脆芝麻，口感一流，蔥味😍鮮魚湯頂級肚魚芥菜煲$168奶白色嘅湯頭，好鮮甜，好重胡椒味，好香👍魚肚好大舊，腍滑，索左啲魚湯好正😍難怪是頂級魚肚，不肥不膩，又吾腥，選料真係好重要。大芥菜腍香，絕配👍兩個人，兩餸一湯，食到捧住個肚，原本想試試特色甜品：金菊桃膠燉手工菊花豆腐，但真係已經太滿足，下次要叫多幾個朋友一齊試多幾款先得😅