三希樓 (已結業)

睇到呢幅圖諗起啲咩？一個字痛，菊花痛 #我唔係Hehe架老字號三希樓位於半山，超過20年歷史屹立不倒，最近去lunch time都係三兩檯都正常，晚上會有靚景1️⃣水煮魚 - 佢呢度滑到岩岩好熟完全唔似外面食到嘅桂花魚，上菜時用會細心幫你剩走多餘嘅辣椒，辣得來有層次2️⃣辣子雞 - 斬得碎左啲雖然都係定律，好香口食到最後都仲係熱辣辣，腰果勁香勁脆3️⃣干煸四季豆 - 連配菜都好用心切碎去炒，不是太多餐廳會用油炸而非貪快烚左就算，沒有懸念，好吃4️⃣夫妻肺片 - 好吃- 📍 三希樓 (半山)半山花園道51號科達中心22樓

吃四川菜就會想起半山的三希樓。但太耐沒吃了。Missya! 前菜點了蒜泥白肉，蒜泥好好食，薄透的五花肉夾一片青瓜，配上醬油、辣椒油，吃水煮魚時太刺激，又會吃一口蒜泥白肉，簡直唔想食完，正!!不二之選水煮桂花魚，餐廳很細心，上桌時先將辣椒撈起，方便進食，桂花魚新鮮嫩滑之外，薯粉、荀、芽菜等等都好惹味。辣野刺激，真係會上癮干扁四季豆很乾身，炒得很香。最最最驚喜的是白菜豬肺湯!!! 估唔到吧! 簡直想encore再encore~ 今次晚餐值得推介，回味中！

有一段時間冇嚟，今晚再食，四川麻辣火鍋超級失望！首先湯底完全同以前唔同，一啲都唔麻，得個辣字！又冇薯粉，芽菜，乜實都冇！食物質量差過之前好多！牛丸、墨魚丸、魚蛋一啲都唔彈牙，肉質差！得個牛肉還可以。最重要係服務超差！同以前好唔同！以後唔會再嚟！

水準能夠保持高企⠀🤩⠀⠀一直都是三希樓擁躉，除了覺得價錢比較昂貴之外，其他都沒有可挑剔的地方😅⠀⠀【水煮桂花魚⠀（大）$498】⠀-⠀可以稱得上完美演繹色、香、味俱全，紅椒顏色艷麗誘人，鮮香麻辣的味道撲鼻而來，魚肉則鮮嫩，香味濃郁，成功俘獲了我的味蕾！⠀⠀【蒜泥白肉$118】⠀-⠀一開初看到價錢也嚇了一跳，但吃過它的蒜泥，就會明白其中價值！蒜味濃厚，口感濃稠，肥而不膩。薄透的五花肉配上醬油、辣椒油和大蒜，當中的香味直撲鼻端，令人食慾大振。⠀【洒釀桂花小湯圓⠀$36】⠀-⠀甜酒釀的酒香與桂花的清香完美融合，配上口感軟糯的小丸子，堪稱一絕，而且性價比非常非常高！⠀

突然很想吃四川菜， 就選了在半山 的三希樓。 在這裏因疫情關係。會員有八折所以相當抵食。菜式方面我們點了 出名的水煮桂花魚， 再加一隻口水雞， 以及一個 瓦罉胡椒海蝦。口水鷄 非常 惹味！ 雞亦很滑！ 這個很得分！至於水煮魚我也覺得非常之好。 兩個都 差不多滿分！ 相比之下 口水雞更出色！至於胡椒蝦 吃起來一粒粒胡椒在面，吃起來 有少少麻煩。但味道很好！之後再加了一個咕嚕肉， 及一客紅油抄手。咕嚕肉 炸得很脆， 肉質也很好， 至於紅油抄手就稍為遜色 味道 一般。整體而言， 今次晚餐是非常之好吃 ，值得推介！

這間位於麥當勞道的三希樓環境不錯，窗外能夠看見高樓大廈的美景，因為朋友是會員於是我們便一起來嘗試。雪山叉燒包表面的脆皮很香，西式的叉燒包的餡料也多，很好吃。豬膶燒賣這在香港的酒家已很少能夠吃得到，好吃的就少之又少了。這一家的豬潤做得很嫩，還有少少酒香，很是推介。麻辣雜拼這點心內有魚蛋、牛丸、魷魚、牛柏葉、配上了麻辣汁，相信喜歡吃四川麻辣的朋友一定喜歡。但我其中一位朋友只是吃了少少，便辣得立刻喝水。炸墨魚餅墨魚滑當中加了粟米粒，增加了口感，墨魚滑也彈牙，美味。xo醬炒腸粉腸粉加上了XO醬一起炒，加上了芽菜，味道不錯。蝦餃這裏的蝦餃比一般的酒樓要少，卻有五件，哈味濃郁，很好吃。

有無美少女們都好中意食辣呢？我地就真係有條癮⋯⋯一見面就想食辣野刺激下💗💗半山呢間川菜好耐冇食😋我地都有少少掛住佢。桂花水煮魚，魚肉好滑，配菜方面最中意薯粉。口水雞，秘製醬汁好味。呢兩款招牌菜係一定會叫！

Always want to crave for spicy foodDefinitely a must go in hongkongFirst time to try out tofu mix spicy fish sliceThe strong spicy flavour is toned down by the tofu so you can have one bowl after another Don’t miss out the appetisers they are all very unique and with layers of texture

朋友介紹話呢間餐廳四川菜整得都幾好食，一直推薦我試下，lunch time和同事經過呢附近就過來試下了，點咗個水煮桂花魚、酸菜豆花、咕嚕肉，桂花魚值得推介，雖然好多辣椒係裡面，但其實無現象中咁辣的，桂花魚新鮮嫩滑，口感味道都一流，豆花都好滑溜，加上酸菜味道好夾，咕嚕肉酸酸甜甜的，加上肉質口感唔錯，都係好食的。

又黎到開心星期五😍一行五位同事去食好西～當然又係辣野為首無得走四川同事負責嗌餸我乖乖負責食就夠毛血旺唔夠辣 但好大份 我自己麻麻地呢個酸菜魚好好食 魚好滑 無乜骨酸菜唔會話好大塊咁上 碎碎的我地連湯都飲埋金沙南瓜唔夠綿 但個南瓜都算甜既豆腦滑牛呢個係超好食！！！先“不”豆花 再將個滑牛羹撈落去一齊食超滑豆花 超夾味道個個食完都 嘩！好正呀然後停唔到口極力推介！！！其實仲有碟炒白菜但掛住食無影同事夾到條有幾條菜蟲既白菜同職員講 個話 咁咪即係証明無乜用農藥囉雖然我認同 但佢咁講出黎又有小小哪個😅

聽朋友介紹咗好耐， 今次終於第一次嚟試呢個水煮魚。 我覺得係我喺香港食過咁多間水煮魚裏面最好食的一間。 本人比較喜歡食麻辣， 一般係香港的四川菜麻味比較少， 平時喺國內食到的麻辣味喺香港好難食得到。 三希樓的水煮魚麻辣味道啱啱好， 非常之有水準。 啲魚嘅肉質亦都非常 嫩滑， 分量又多。 兩個人食得非常之滿足。。 不過今次只係得兩個人去食， 所以唔可以叫太多其他菜， 下次一定會叫埋其他friend 一齊去試埋其他菜式。 雖然地方遠咗啲， 唔係咁方便去到， 但係都值得的。

早前聽朋友講，三希樓食四川菜好美味，於是去半山來一個週末午餐。估唔到一入去幢大廈，感覺就好似返咗去超舊嘅80年代商廈，感覺係日久失修、殘夠、污糟。印象分大打折扣啦！入到餐廳，侍應們代客散漫，大部份係點心紙上嘅食物都冇供應，睇菜牌上邊差唔多，叫乜冇乜，直至叫佢哋最出名嘅水煮魚，咁就有得供應囉，此刻我已經好想離開！😭最後唯有買個白飯你送水煮魚、食咗個餃子，咁就急急腳走人啦！成餐飯超級失望，整間店嘅乾淨程度好低，仲以為半山區，餐廳質素一定有保證，最後人有三急，去買個洗手間先走，結果污糟得令我覺得毛骨悚然，次走咗入去啲好長久嘅小學咁。你間餐廳以後都唔幫襯！😱

上星期帶親朋戚友到山頂拍照，欣賞香港的風景，落山時順道去附近的三希樓吃個晚飯聚聚舊。先來三小碟，沙拉鮮笋、蜂蜜番茄、麻辣口水豬手，鮮笋配沙律滿特別，口感爽身，番茄切片，片片清甜，麻辣口水豬手，辣度不算太強，口感十足。酸菜豆花雖然菜式好像平平無奇，但卻相當美味，豆花滑溜，加上酸菜，令豆花提昇一個層次。三希吊燒雞雞皮脆口，肉質嫰滑，加一點醬汁更滋味。招牌咕嚕肉份量十足，酸酸甜甜更開胃，不知為何愛上這碟的薑，非常好味，薑味濃而不辣。水煮桂花魚最近經常吃的一道菜，份量十足，不算太辣，但魚肉十分滑嫰，裡面有薯粉粗身夠煙韌，還有芽菜、筍片、青瓜吸了麻辣精華更加惹味。山泉水即撞豆腐花豆腐花入口順滑，甜度及糖漿因應自己喜好加配。

一行四人慶祝姊妹生日飯，係中環搭的士上去大概30蚊，拎蛋糕入去店員已說明要一百蚊切餅費，算是合理吧，坐底叫野食，店員都好有禮貌，叫左出名既水煮魚，我本人馬馬食魚，但距應該用左桂花魚，好滑好好味、我馬馬地魚都食左好多舊仲有黃金蝦同荷葉飯都有滿分💯，黃金蝦好大隻又夠新鮮，同埋睇到用好多好多蛋黃，非常足料，除左要上半年山比較麻煩之外，野食水準好高 下次要約多d朋友上去食晚飯，因為我見到邊爐的配料都相當之吸引

號稱是川菜的招牌菜水煮桂花魚, 點了一個大的，上枱時有很震撼的感覺，紅油翻滾辣椒，香氣撲鼻, 魚片極滑嫰加上內裡的紅薯粉、竹荀等，超好吃, 算係食過水煮魚之中最難忘。麻辣火鍋那些辣椒看上去像紅棗, 香味不及水煮魚。本地手切肥牛大order，韌左少少,  牛味不太重。另外叫了響鈴卷、珊瑚蚌、手打墨魚滑、雪花肥牛。雪花肥牛比本地手切肥牛較香及腍身, 相對好吃。整體非常建議要來這裡吃水煮桂花魚, 而打邊爐，則不是每種食物都很出色, 下次可以食小菜。