影片
港铁尖沙咀/尖東站 B2 出口, 步行约3分钟
继续阅读
电话号码
21161735
98517951 (WhatsApp)
开饭介绍
由日本借主厨坐镇的铁板烧餐厅，为多款海鲜及肉类食材自家调配多款独特的汁酱，并配上各款清酒给你极尚的和食体验。铁板烧炉置于店中，让你近距离观赏厨师的烹调技术。
继续阅读
营业时间
今日营业
12:00 - 15:00
18:00 - 22:00
星期一至日
12:00 - 15:00
18:00 - 22:00
以上资料只供参考，请与餐厅确认详情
有关奖赏计划
相关文章
朋友約食飯，安排左一餐鐵板餐，都安排好喇！唔使諗,一於跟佢去🤭三日月位於尖沙咀金馬倫道23號金馬倫廣場2樓B號舖。地方都幾容易搵，地方都算大，環境都幾舒服，可以選擇坐吧檯，見住廚師為你準備美食！店員服務都非常好，廚師每做好一樣菜，店員都會講解食材，服務到好位！三日月一人前鐵板餐：前菜：沙律+三小點火龍果雜菜沙律，清新開胃！三小點分別有牛蒡，日式豆腐，雞肉刺身,作為一個開胃菜都唔錯，幾有特色！極上刺身,有赤身魚，魷魚，油甘魚，口感細緻，肉質鮮嫩！廣島蠔,肉質肥美，帶有淡淡嘅海水味！鮮活南非鮑魚：未煮嘅時候好新鮮，喺度掙扎，煮熟咗，入口肉質鮮嫩彈牙，配埋紫菜昆布口感更上一層！茶碗蒸：一開蓋陣陣黑松露香味，蛋蒸得好嫩滑，魚籽，木耳絲令到蛋嘅層次多咗！深海野生白鱈魚：擺盤精緻，魚肉鮮甜，肉質嫩滑，加上白汁，蔬菜汁，入口味道更豐富！帝王虎蝦：見住師傅將蝦拆件煎，上菜時再砌返好，呢個過程都係一種享受，蝦肉彈牙，蝦鬚鬆脆,唔錯！鹿兒島黑毛豬肩：擺盤好有意境，肉質juicy惹味，油脂越食越香！加埋蒜片簡直一流！鹿兒島黑毛豬薄燒卷：黑毛豬卷住雜菜雜菇，口感豐富！鐵板炒飯：一個有生命嘅炒飯，因為放咗木魚絲，飯嘅熱力令到木魚絲鬱嚟鬱去，好有畫面！味噌湯,入口濃郁，唔會太鹹，湯啱啱好！甜品：紅豆綠茶大福,甜度適中！呢個做呢一餐噶收尾剛好！
继续阅读
因為慶祝朋友升職，揀咗佢最鍾意嘅鐵板燒同佢食😘日式鐵板燒以新鮮食材同精湛技藝而聞名，所以今次專登揀咗bar枱位置，同朋友一齊欣賞師傅嘅廚藝。師傅係日本人，擁有多年嘅鐵板燒煮食經驗，呢個亦都係我哋放心預約呢一間餐廳嘅其中一個原因！去到嘅時候師傅亦都非常細心問我哋有冇嘢唔食，呢個位真係非常值得加分！坐喺呢度簡直就係好似見到師傅表演咁，每一個餸菜嘅擺盤都非常有心思！🤍時令生蠔餐廳用咗日本最出名嘅廣島蠔，新鮮的生蠔口感滑嫩，十分清甜。餐廳仲特登搭配自家製嘅汁，提升咗鮮味。🤍極上刺身，最鍾意食佢嘅牡丹蝦，喺香港唔係好多地方食到呢一個質素嘅牡丹蝦，味道嚟講非常出色，而且非常鮮甜，大大隻同埋好甜美！🤍南非鮑魚鮑魚真係非常新鮮，見到師傅原隻開出嚟，而且刀工10分精湛。食落feel到肉質厚實，加埋師傅特別調製嘅汁，真係想再食多隻🤍龍蝦🦞，肉質Q彈，食起黎口感亦都非常爽彈，證明餐廳來貨非常新鮮，師傅用咗龍蝦頭嘅部份，整咗做一個汁，再放返喺上邊，再配以簡單嘅調味，令到成個味道更加突出🤍鹿兒島黑毛豬肩：黑毛豬肩脂肪適中，肉質柔軟多汁，師傅烤到外焦內嫩，夾埋菇係入面非常美味。🤍餐廳會用返本身嘅龍蝦頭來做一個龍蝦麵豉湯，龍蝦麵豉湯味道非常濃郁，而且可以食龍蝦頭嘅肉同埋湯，配搭本身嘅昆布，口感亦都非常豐富，味道亦都rich!🤍櫻花蝦鐵板炒飯炒飯粒粒分明，櫻花蝦同埋師傅特別調製汁，酸酸地咁，增添咗獨特嘅香味，食到一半，店員會比另外一個湯，可以做一個茶漬飯，一飯可以兩食，真係非常好食！
继续阅读
🦞🥩係有龍蝦同美國prime肉眼高級食材嘅9道菜套餐呀🪄咁heavy 就最岩午餐食，留待消化😈😈每道菜都有專人介紹，服務態度超好，店員/師傅都好鍾意同大家傾偈。Appetizer 前菜3小點漬物/ ｜蒜頭漬｜味噌茄子｜煙燻雞肉｜3款分別唔同口感同味道。睇出廚師對前菜都好有心思。最喜愛蒜頭漬有驚喜食出有鰹魚湯味Salad 沙津/有火龍果、蕃茄、蜜蜂豆同沙津菜，好豐富。夾埋柚子醋汁，令人開胃Fresh live Australian Lobster 新鮮西澳龍蝦/｜龍蝦｜龍蝦膏｜羅勒醬｜乾蔥｜紫薯粉｜我最喜愛環節‼️真新鮮，未燒前上枱一望仲見到啲腳仔神經郁緊🙃另配龍蝦膏做醬汁，未食先期待。師傅烹調時間預得剛好，可夾炸蒜片/ 醬汁食用。龍蝦肉質緊致彈牙，唔點醬都好鮮。個人喜愛夾醬汁、乾蔥和紫薯粉入口🤤口感豐富又唔喧賓奪主👍🏻Chawanmushi 茶碗蒸/|日本蛋｜黑雲耳｜三文魚籽｜白松露油｜蛋好滑溜，松露油更將成個茶碗蒸提鮮咗Teppanyaki Grill Veggie 鐵板燒日本野菜/｜南瓜｜秋葵｜蓮藕｜不時不吃，就咁燒嚟食最考究食材鮮度，合格😈鍾意濃味嘅朋友都可以加佢三款醬汁：蒜汁面豉汁芝麻汁US Prime Ribeye Beef Roll 美國Prime肉眼薄燒卷/｜牛肉｜金菇｜白蔥｜蔥花｜係爆汁‼️表示1舊唔夠食，想encore 😭Teppan Fried Rice 鐵板炒飯｜日本米｜梅醬｜櫻花蝦｜白飯魚｜蔥｜食到呢度都好飽。好彩佢1物2食，可以食咗一半先，再倒茶，變茶漬飯，風味完全不同，幾特別。Lobster Miso Soup 龍蝦味噌湯｜龍蝦頭｜味噌湯｜最後上個湯，再度暖胃，頭湯清甜😌師傅用龍蝦頭煮湯，鮮味Caramel Toast 焦糖多士甜品擺設得好有心思🥰雖然只係多士，但都好好味，肉桂粉夾焦糖陣味冇得輸💁🏻♀️
继续阅读
今日約咗朋友食午餐，想揀一間坐得舒服，可以慢慢食、傾吓偈嘅餐廳。於是我搵左一間樓上舖，好高級嘅日本料理，裝修簡約、清新，座位舒適、寬敞。而且午市套餐價錢合理。我哋一行二人，店員安排咗我哋坐吧枱，吧枱面對廚師，前面就係鐵板，可以睇住廚師烹調食材，上碟後即刻送到我面前。餐廳有提供午市套餐，一人套餐包含多款小食及菜式，好吸引。首先來一份「火龍果沙律」，夥計全菜嘅時候都會細心咁為我哋介紹每一味菜式，呢一個菜式係用日本火龍果製成，特別香甜。跟住廚師將食材攞俾我哋先過目，包括咗龍蝦、和牛。俾我哋影完相之後，廚師就喺我哋面前即刻煎。首先係「香煎龍蝦」配合蝦膏製成嘅醬汁，非常香口，充滿龍蝦膏嘅鮮味，龍蝦肉已經拆左殼，容易食用，而且肉質非常鮮嫩。店員保留龍蝦頭，留待放入麵豉湯入面，煲一煲，製作成濃郁嘅龍蝦麵豉湯。接着係牛扒厚切，配合海鹽同埋蒜頭片做配菜，蒜頭片切到好薄，再炸到脆卜卜，好香口。另外，牛扒薄切配合蔥花，卷成一條，蔥花帶出牛肉嘅鮮味，令食物更加豐富，味道更加有層次感。唔驚唔夠飽，因為仲有「日式蛋炒飯」，配合日式醬油，好香蛋味，飽肚又惹味。接着係「炒雜菜」，均衡飲食必備。套餐包括甜品「豆沙抹茶大福」，大福餅嘅糯米皮非常香滑，配合甜甜嘅豆沙餡料，好好味。鍾意食甜品嘅我，之後我哋仲叫多一份「焦糖多士」，都是配合焦糖，脆卜卜，非常推介。
继续阅读
今日唔使返工，兩個人出嚟行街，行到攰搵個地方食午餐，發現有間樓上舖，好高級嘅日本料理，裝修簡約、清新，座位舒適、寬敞。睇咗餐牌，見到午市套餐好特色，而且價錢合理，所以入咗去。我哋一行二人，夥計安排咗我哋坐吧枱，對住廚師，前面就係鐵板，可以睇住廚師處理食材、接着即刻喺鐵板上面燒俾我哋食。我哋分別叫咗兩款唔同嘅午市套餐share嚟食，諗住可以試多幾款菜式。首先來一份三色前菜，其中煙燻雞肉好特別，生雞肉經過煙燻處理，鹹鹹地，肉質鮮嫩，有少少似食緊三文魚刺身嘅感覺。接着有「火龍果沙律」，夥計全菜嘅時候都會細心咁為我哋介紹每一味菜式，呢一個菜式係用日本火龍果製成，特別香甜。跟住廚師將食材攞俾我哋先過目，包括咗龍蝦、和牛。俾我哋影完相之後，廚師就喺我哋面前即刻煎。首先係「香煎龍蝦」配合蝦膏製成嘅醬汁，好香口，龍蝦肉已經拆左殼，容易食用，而且肉質非常鮮嫩。接着係牛扒厚切、同埋牛扒薄切配合蔥花，造成卷狀狀。兩款牛扒都同樣好食，各有特色。伴碟有蒜頭片，脆卜卜，好香口。另外仲有「三文魚籽松露蒸水蛋」，入面有蜆肉同埋帆立貝，用料十足。最後係「櫻花蝦酸梅醬炒飯」配鰹魚湯，可以自行製成茶漬飯，酸梅汁令到炒飯顏色變成粉紅，味道清新可口，加咗鰹魚湯之後，酸梅味更加出眾，櫻花蝦炒到脆卜卜，好好味，而且好特色。
继续阅读
您可能会有兴趣的...