三星台菜食堂 (新城市廣場一期) (已結業)

突然想吃點熱食，朋友推薦沙田新城市有一家快靚正的台灣牛肉麵。我們兩個女生點了紅燒三星麵，豬耳和燙青菜。燙青菜有兩款。一款是魯肉燙青菜，另一種是普通燙青菜。三星麵有牛腱，牛肚和牛筋。湯底偏甜，牛肉質嫩滑入味，非常好吃。而且價錢不貴。兩個女生分享剛剛好。如果不夠，可以點珍寶三星麵。豬耳是我朋友點的，我本人不太喜歡豬耳，所以沒有吃，但看上去還不錯。提提大家繁忙時間用餐規定在60 分鐘。相信我會再去光顧^_^

今日同老公睇完早場阿拉丁，喺返工前就喺新城市廣場搵嘢食，最後搵左呢間三星，我就叫咗一份紅燒牛肉麵，二老公就叫咗一份酥炸排骨肉操飯。紅燒牛肉麵湯底好味帶少許辣，食完碗麵會好想飲埋啲湯。而酥炸排骨排骨肉好厚，好有口感。環境又幾舒服好味的一餐午餐

冇去台灣一排，好突然好想食台灣野😁，咁就search 吓附近有冇台灣野食啦，比我search到有一間，D野食賣相都好吸引😍，咁就去試吓啦。好在去到見到唔係太多人等位，大概等左15分鐘就可以入坐啦。我地叫左碗三星麵，裡面D牛肚好入味，好正。再叫一個現炸沖繩大魷魚，真係好香口，食到唔停得口😋。仲有溏心蛋，因為我朋友好鍾意食蛋，所以一定要叫，都好味。滷大腸，D汁好好味。當晚我飲左烏梅汁， 酸酸尾尾超好飲。

紅燒三星麵牛展，牛筋，牛肚牛筋是咬勁那種 不算入味牛肚咬不開，要整塊食 味道不錯牛展不是平常薄片 是一大舊的 麵條偏軟一點點 湯味濃 好吃蕃茄牛肉麵有牛味，易咬蕃茄湯是有風味的鹽酥雞一放上桌已經超香了少少一粒 味道香酥珍珠奶茶沒有選甜度 味道還好的能喝到茶香，珍珠有兩種顏色而都是輕甜 煙煙靭靭香芋拿鐵像溶掉的香芋雪糕質地很厚十分好喝

今日突然好想食台灣菜、行過幾次都想試但因為多人排隊所以冇去，今次早左小小6點左右到，唔洗等位緊係試下啦坐底左緊係有理冇理叫左個牛肉麵先再叫多個干扁四季豆同埋炸大腸. 今次試左個花雕湯底，花雕味濃郁，但又冇搶到牛肉本身既味道，牛肉好林，仲有我最鐘意既牛肚😍😍😍😍 牛肉麵個麵身有小小硬，個人比較鐘意林小小既. 但整體來講好味既.另外，四季豆有小小渣，但好夠味，啱哂鐘意濃味既人. 整體來講吾錯嘅，牛肉麵值得一試。

自從小王牛肉麵退出新城市廣場，我也減少了來這裡吃東西的次數。一次，偶然發現附近開了一家名為三星台菜。沖着好加心，這次來嘗嘗，又可以吃牛肉麵啦。我們點了三樣餸：紅燒三星麵（牛筋，牛肚，牛腩），沖繩炸魷魚，涼拌肉鬆皮蛋豆腐。首先上菜係三星麵，材料唔算太多，牛筋、牛肚，牛腩各一塊，湯汁偏辣，麵的軟韌度適中。味道還可以。接著，上炸魷魚，廚師好細心送上剪刀和食物夾，讓你可以剪成一小塊食，又唔會弄髒手。貼心舉動值得一讚。最後涼拌豆腐也到了，肉鬆和皮蛋讓本來無味的豆腐增添了肉香，蛋味，口感很豐富。

之前見過有網上介紹所以諗住去試一試，怎知道那次人太多，由於小朋友等得不耐煩所以到最後也沒有吃，這次剛剛路過的時候是下午茶時段，看見人不多所以就進去，有小童餐椅，店員也不會催你快點點菜，因為帶咗小朋友始終要先安頓好他才可以點菜，因為我不太肚餓，所以點了一個甜點就是芋圓甜湯，我是超級喜歡吃芋圓，除了芋圓，還加了地瓜圓，粉圓，紅豆和愛玉，可熱食或凍食，點了熱食，所有材料都很彈牙，QQ的，唯一是甜湯太甜了，所以只吃完全部材料，另外，魯肉飯也很好吃，是一小片一小片的，不是肉燥，總括來說也相當好吃。

下午時間來到沙田搵嘢食兼去博物館和小孩做功課，周圍食肆仍排長龍，惟這間台式小菜只等五張檯，我們便很快坐下了。周圍其實都幾嘈因為food court 式經營，無圍板，加上周日出邊有人唱歌，呢個價錢要加一，其實比較貴，不過小食方面算大碟。如果一碗牛肉麵要百幾蚊，但係又想叫小食兩三個人只可以叫一款就夠了。我哋坐低一下子叫咗四款小食、一碗魯肉撈麵加珍珠奶茶，本來又叫多一碗牛肉麵後來就cancel左。牛肚切得比較厚，如果細切啲會滋味啲。小食各方面都用重蒜，炸雞小食算細緻香脆。珍珠奶茶方面茶底夠濃，珍珠有嚼勁。整體來講可以接受如果座位舒適一啲，或者環境冇咁嘈就好好啦。

兩個人lunch 去食下台灣面，我地order 花鵰面、ktv 香腸、麻辣牛肉冬粉。同一位女侍應落單，已經指住個圖話要ktv 香腸，佢第一句話一份炸大腸，我話唔係，係香腸，跟住佢九唔撘八話"我地香腸係炸", 我強調多次要ktv 香腸，佢就話OK。 點知俾左張單我地睇，佢落左炸大腸，我又同佢講都話唔係炸大腸，指埋個menu 幅圖同佢講，佢仲堅持話係香腸。我話兩個價錢唔同，佢先問佢同事先知炸大腸唔係香腸，佢話以為同一樣野跟住佢地就同我改單，點知改完本來係麻辣牛肉冬粉，變左麻辣三星面我搵第二個侍應改單，建議佢train 下嗰位女侍應先。其實個menu 已經唔多選擇，睇住圖都落錯單。 90幾蚊碗面，份量又少。

我今次一心係打算黎食佢個海膽飯😭點知黎到已經賣哂😭可能我太夜黎食啦(大約8:30)，唯有試下其他菜式，點知都幾有驚喜！-🔹三星威士忌麵($188)其實係門口等入座時見到人地食🔥見到好壯觀，即刻又叫黎試下😆店員會首先將鋪面既牛肉燒熟然後燒熱整枝威士忌🥃再淋上碗麵成碗麵都幾豐富幾多料，除左牛肉，仲有牛𦟌、牛筋、牛肚🐮無飲開酒既我，食完碗麵都即刻面紅紅😳因為酒味都幾勁-🔹阿嬤魯肉飯($52)呢個超抵食，$52蚊有咁大碗，而且魯肉好慷慨👍🏻魯肉有肥有瘦，仲有半隻溏心蛋😍-🔹椒鹽四季豆($46)🌟🌟🌟我對四季豆既愛，係文字都不能形容😚椒鹽超正，好香口又爽口，有少少辣，超惹味！食到停唔到口呀🤤🔹花枝丸($52)有5粒，每粒開半👌🏻份量幾好，可以過下口癮，不過價錢略貴

1️⃣威士忌🥃麵🍜 ($188) 從來都未見過呢種麵，一於試下😃一開始個店員就俾左五支威士忌我哋揀，我哋話等佢決定，因為其實都唔係好熟悉唔同牌子嘅威士忌有咩分別🤣揀完之後，佢就開始用火槍去燒熟放喺麵上嘅牛，睇住啲牛肉變熟，有啲流口水🤤 然後店員就開始用火槍去燒一殼威士忌，燒到起晒火，就倒落碗麵度，畫面都幾震撼☺️好似睇咗場表演咁😝依家湯底嘅味道就變得充滿酒香味，相信鍾意飲酒嘅朋友會鍾意食😝如果你鍾意新鮮感，呢個麵都好啱你啊😚最值得讚嘅係佢啲牛做得好出色👍🏻👍🏻👍🏻牛肚好厚身，夠腍😽牛筋、牛腩同牛肉都唔錯，份量都好足！相信就咁嗌佢嘅三星麵都會食得好滿足！😁2️⃣第一鹽酥雞 🐣($58) 份量好多！☺️最特別係有炸左嘅生蒜喺上面～3️⃣肉鬆黑白配($52) 其實即係肉鬆豆腐加皮蛋，個皮蛋好好食架，如果多一隻就正啦！😃4️⃣魯肉飯🍚($52) 啲魯肉偏肥，啱撈飯食🥢5️⃣芝士綠妍($29) 少甜少冰佢嘅奶蓋超好味，好creamy!!! 🤩🤩🤩茶底就可以濃郁啲6️⃣香芋拿鐵($31) 少甜少冰唔錯喎！有童年回憶，味道似係雀巢嘅香芋雪糕🍦7️⃣青菜🥬($36)油麥菜食咗咁多嘢，成餐都只係 $491，又要捧住個大肚腩返屋企🙈

係我個 To eat list 好耐，但係要過海我又懶，見今日去開沙田探個朋友個B 就可以去食啦， yeah!三星噶瑪蘭威士忌牛肉麵 $188講到限量10碗，咁誇張每日只賣十碗，加埋呢個價錢$188一碗牛肉麵。其實真係貴，但係本著今日係白色情人節，同埋未試過呢呢個配搭 - 威士忌酒配牛肉麵，就等我睇下佢咩葫蘆賣咩藥。 首先唔好講佢嘅味道淨係佢成個presentation已經滿足咗你嘅眼睛，視覺上絕對攞滿分。  首先佢會拎住 一個木盒入面裝咗 五支 唔同口味威士忌畀你揀之後再拎住成盤嚟喺你面前做一場表演， 首先燒一燒啲 半生熟 牛肉再倒啲麥芽放喺牛肉上面燒， 最後會倒你揀咗嘅威士忌喺個殼上面再燒， 燒完之後倒返落去碗牛肉麵上面就食得啦。 一個普通牛肉麵變左一個精彩GE表演，先唔講味道，誠意已經超加分！ 講番個味道，酒味好濃再配埋牛肉湯一齊食 令到個牛肉湯變咗多咗一種特別既味道， 而牛肉係快火燒，肉好嫩滑，同好香牛味，真係食得又睇得GE一道菜，將食飯提升左去另一種層次。未試過真係試得過。紅燒三寶牛肉麵 $82三寶 指係牛展、牛肚同牛筋，呢3個部位都煮得好淋同入味。而佢地都同自家醃製酸菜味道

在新城市食晚餐，又想有點質素但又唔想食到好貴，所以選了三星牛肉麵。明星開的舖，確實會有點保障，因為他們應該不想破壞自己形象 朋友未曾食過，所以叫了一個麵一個飯，見到另一枱的豆腐皮蛋好像幾靚，又就叫了試試。牛肉麵的牛肉是厚厚的，唔會老，幾好味，紅燒湯底又夠味。魯肉飯上菜的賣相真的麻麻，感覺好像份量很少，但其實弄開了是正常的。我很喜歡飯上面的配料，酸菜好好味豆腐凍冰冰，滑的，但不是那種吃一口後會覺得超好食的。上菜後才醒起店員沒有問要粗定幼的麵，因為我覺得粗麵吃上去的感覺較好。

原來新開左間牛肉麵！除咗牛肉麵仲有滷肉飯㗎！正！一家大細都啱食！阿嬤滷肉飯$52阿媽見到溏心蛋發哂光！有蛋香，口感軟滑！滷肉好淋！好入味，小朋友都啱食！送飯一流！酸菜薇辣，紅色一條條嗰啲係甜甜地嘅，都幾好食溏心蛋$15因為太好味關係，所以我叫多咗隻！哈哈！超好味牛肉麵$75麵底可以選擇粗麵、幼麵、冬粉！湯底可以揀紅燒、番茄、麻辣！我哋揀咗幼麵，紅燒湯底！湯底幾清甜，牛肉好淋唔會黏牙！牛肉份量都幾多，我小朋友搶着要食！第一鹽酥雞$58炸得幾香脆喎！上面有啲蒜泥，味道再提升！細細粒容易入口，吹水小食一流！蒜泥白肉$48呢款啲肉有骨嘅，要吐骨～因為我懶，如果冇骨會更好！都夠味嘅～澎湖花枝丸$58好夠味呀！外脆內軟！一陣間清晒燙青菜$36正正常常，冇咩特別～土鳳梨茶王$31有菠蘿果肉，味道酸酸地，頭先食咁多野可以幫助消化！黑糖奶茶$24黑糖夠晒香甜！有茶味！不錯老細放工食大餐，叫到成枱都係！好彩張枱都夠大！仲有個炸百葉豆腐$52，外脆內軟，味道好香唔會太咸！一口接一口，食晒先記得冇影相，哈哈帶得小朋友黎食，梗係有BB椅啦，仲有兒童餐具我哋都幾大食！三大一小食左$487呢度有+1服務費，食到勁飽

一直都好想試吓名人傅珮嘉嘅台灣菜館，知道沙田開咗一間分店，今晚終於有機會去試吓。餐廳位於商場入面，揸車人士更可以方便泊車，而且飯堂門口開陽，喺商場嘅一個轉彎位入面。飯堂裝修簡約整潔，主要以木為主，感覺休閒清新。餐牌食物圖片圖文並茂，款式都幾多。食台灣菜當然要叫返一啲台式飲品爽一爽喉嚨，我就叫了健康嘅水果茶，朋友就叫了一杯凍嘅台式奶茶☕️。水果茶帶點茶味嘅苦澀，味道好清新，入面仲有好多一粒粒嘅果實同埋水果片，果然足料。見到珍寶紅燒三星麵咁有份量，就即管試吓。一碗$82，入面有牛筋、牛展同埋牛肚，一次過滿足我哋三個願望，而且呢一碗麵係鎮店之寶，湯底以大量牛骨、洋蔥、丁香等豐富材料熬製而成，難怪飲一啖湯底牛味香濃，散發出多種香料味道。而且麵非常入味，帶一點麻辣味道，好滋味。另外還有其他小食，包括炸百葉豆腐、大腸就是狂、椒鹽四季豆同埋炸沖繩大魷魚🦑都同樣新鮮美味。叫咗咁多嘢，食埋單都只係$500左右，位於沙田區屬於性價比高的一間台式餐廳。