三洋餐廳 (已結業)

到深水埗看跌打順便到三洋食一個快lunch.明白lunch time 很多人,已嘗試用極速食完個特歺,但D阿姐不知所謂,未食完我已差不多被驅趕...不知所謂！冷言冷語!!!做生意我明白但不可以這樣!我不會再去三洋! 食物質素差, 態度差! 以後也不去!

其實一直都很喜歡食三洋湯飯，今日因為老公入醫院，就諗住食得清清地去三洋買湯飯，一入去就有d卻步，因為櫃臺阿姐是呼喝地問：食咩呀，講啦....態度真的好惡劣，講真，咁既態度，幾好食，都唔會再黎，咁當然，其他三洋都會去食

一月最後的一晚, 同太座經過這店, 入去只是叫兩個晚餐填飽個肚吧! 沒有太多要求, 只係無諗過這店有這類型嘅員工而己, 睇過餐牌後落單一個晚餐:蟲草花杞子百福豆腐蒸班片$78, 另一個叫咗焗牛利飯, 但同落單阿姐講嘅時候佢知吾以對咁回應, 真的唔知佢聽唔聽到明咁, 我們感覺佢好似唔多妥咁, 想同另一些員工講叫佢地查清楚有無落啱柯打, 但其他員工不在附近, 咁啱太座個位直望收銀個位師奶, 揚手叫佢過來問問啦, 點知佢掛住扒飯睇到都當睇唔到, 再大動作一點揚手吧, 佢都只係大聲問: 咩事? 始終唔行過嚟! 但佢似乎意識到我地想問張柯打, 因為佢同時間去找枱面嘅落單紙仔, 太座問佢那個員工係咪落咗: 焗牛利飯, 佢話無牛利只有牛肉!!! 佢表情係好理所當然咁, 咁太座當然係話無無牛利點解唔講返俾客人聽, 餐牌有印即使無貨咪同客人講等客人決定要定唔要架嘛, 唔可以夾硬來, 佢已經立即叫停廚房唔好做牛肉飯, 而後尾當我們食到一半時, 另一個年紀長一點的阿姊行埋嚟解釋返件事, 按佢解釋廚房的備貨唔係樣樣都有齊, 有時午餐有做牛利嗰日就會有, 這些事情我們能理解, 但現在係那個戴眼鏡師奶沒有將客人當

話說今朝九點幾唔記得咗食早餐所以有啲肚餓,所以咪求其搵咗間茶餐廳食囉...... 一睇餐牌發現佢價錢有少少貴，不過算啦嘢食ok就得啦， 所以咪嗌咗一個牛肉公仔麵同埋兩個包。嗌完嘢食之後等咗大概15分鐘左右先有嘢食， 個公仔麵都算ok， 不過個包個豬扒勁硬，係成個咬唔旭咁誇張，自己覺得唔值呢個價……不過份量都都算多......不過啲碗真係有啲污糟員工啲服務態度真係唔係太好成日響度大叫下次唔會再響呢度嗌咁貴嘅嘢囉

第一次走進這間餐廳用餐入到去可以自由揀位我同朋友揀左卡位坐比較舒適，寬敞一點有多款套餐有特餐感覺好滿足我點了芝士煙肉茸洋蔥印度薄餅一個手掌🖐️的大小，不會因為有其他餡料在上面而軟化薄餅依然很脆口 鮮茹肉崧薯仔螺絲粉大大碗有很多配料，洋蔥，紅蘿白羅宋湯底還點了餐飲熱華田不用額外加糖已經有足夠既甜度每日都有不同的選擇碟頭飯都算抵食比較油利一點有中湯飲，不加味精待應態度很多，上菜都好快唔知粗聲粗氣係咪茶餐廳既特色

是日因為下午放假，所以乘機約準備下午開工的好友到佢經常到的其中一餐茶餐廳午餐，好友總愛某幾間茶餐廳輪流食，始終家中長輩極少煮飯，所以佢唔會去定某一間茶餐廳午餐呢間茶餐廳會列明星期一至五的餐牌，如果星期一食，咁就可以知道未來幾日食d乜而我跟好友不約而同點了A餐的煙肉汁石班帶子，其實正名應該係白汁煙肉魚柳炸帶子，煙肉見到有切條，魚柳肉不錯，好過食大家樂，炸帶子唔太乾，諗起很久沒有去急凍食品店買來自煮（細細個時老媽成日煮給我吃）整體算是不錯，我叫了凍檸水，但好耐冇到，催促下才出現，餐牌冇寫明凍飲加3蚊，好在我有sense，埋單共81蚊（好友飲熱飲）

三洋都算係街坊餐廳，基本上每個週末都會去食下早餐。今日如常都係叫個麵，雞扒配煎蛋麵。先前其實試過一次食雞扒餐（唔係麵），已覺雞扒味道帶酸，姑且諗住一次半次咁岩姐，所以今次都試。點知都係酸嘅都唔敢再食淨係食埋個麵走人。俾錢果陣同收銀的女職員（定老闆娘？）講，問係味醃料本身係咁嘅味，令雞扒帶酸。女職員反應冷淡，淨係眼都唔望求其應左句：「係咩」就算。當下真心覺得唔洗再黎食。無要求換無話要退錢，淨係好心講一句食物質素有問題，竟然可以當無聽到，非常厲害👍🏻

今天我要去深水埗買電腦零件所以到三洋茶餐廳吃午飯‧由於到達後只是一時許！所以找位子並不難。在那裡有很多款式的套餐可供選擇！起初叫䜴椒排骨河！轉頭就同我講排骨賣哂....最後叫了例湯+豉椒牛河+凍檸茶都係$50例湯是熱騰騰的西洋菜湯。湯的味道十分夠火喉，甜味很突出豉椒牛河賣相吸引雖然牛肉沒有肉味，但是配料和獻汁味都唔錯，好香口惹味。河粉夠哂滑...而且整碟河粉又炒得很有鑊氣，所以都幾好‧會有下次，但試下其他款

時間不多，就會幫襯茶餐廳，因為貪佢快靚正。今次就比佢個特餐吹引左入去。有得選就試左個豬仔包先，可惜唔夠脆口，烤或焗得唔夠耐，但個味係唔錯嘅。蕃茄肉碎薯仔螺絲粉，正，個湯底直頭係羅宋湯湯底。凍飲就衰在加$3，隔離茶餐廳都係加$2咋。仲叫左個鐵板餐，佢嘅湯居然係。。。。中湯。不過侍應話今日個湯煲“lon左”變左cheap cheap蛋花粟米湯。炸魚柳栗司華力腸鐵板餐，有埋薯條同跟意米粉或飯。都好大份飽肚。個魚柳好味，雖然司華力腸得半條 ，但整體都夠大份。可選洋蔥汁/黑椒汁/蒜蓉汁，呢個係洋蔥汁，有好多洋蔥。個意粉不過不失啦！個意粉都普通。整體都ok嘅，鐵板餐如係專食鐵板貴個double ，仲要質 素同味道可能唔差太遠。呢個都可以再幫襯嘅。

加班加到好夜，鋪頭都閂晒，老公話食呢一間所以就入咗去。跟住呢就揀咗個魚湯米線，價錢＄44。雖然價錢唔算平，但係個魚湯好好味。我叫左豬肉丸、冬菇、皮蛋。啲餸都好味。難得嘅係腌尖嘅老公都話啲豬肉丸OK。有下次。

中秋之夜，之後還有工程，這天，趁早外出，還有下午茶，近近地，反正沒有來過三洋，平日的午餐都不太吸引，三洋下午茶有焗飯，儘管一試。焗葡國雞扒飯，不算等得太久，應該大概10分鐘，焗飯就來了。以下午茶來說，體積不算太少，飯的份量，和午餐份量應該差不多。醬汁也不算太少，不會多得將飯淹死，醬汁份量剛剛好。雞扒兩大塊，切碎了，雞皮也不會太過肥膩，下面的肉也不太鞋口，不會焗到乾。碟邊還有一件西蘭花，以及一粒車厘茄。即使不算等得太久，焗飯還有應有的質素：一來，溫度夠熱；二來，上面有點兒芝士好像焗焦一樣，帶來陣陣燒香，實屬焗飯應有的質素茶走，味道好好通通，茶味不算濃郁，也不算太多，不會過甜，但是未至於茶味濃郁。店內員工不少，大家都熙來攘往，來來回回，辛勤工作。

嚟三洋食晚餐我通常都會揀每日精選套餐,因為佢地每一晚都會有小菜或西餐可選擇,價錢又唔貴。禽晚陪太太嚟食就揀咗兩個中餐,一個鱼香茄子海鲜煲,熱辣辣原煲上,茄子去皮,食落爽口,红洋葱又厚又甜,蝦應該係急凍貨,但肉質依然弹口,仲有d汁佐飯一流。再叫咗一個四季豆排骨煲,濃味適中,排骨又唔肥,加理碗木瓜例湯夠清甜,唔似一d餐廳加水翻煲淡而無味。

menu 寫明係鮮茄菠蘿焗豬扒飯但食落就冇菠蘿, 係咪唔記得加味道方面, 飯有炒底豬扒有切開一舊舊方便食  唔使一大塊茄醬有點油膩配菜有紅蘿蔔, 西蘭花, 甘旬整體唔錯, 比大家樂好食

我們兩個人來這店其中一個人例必叫湯米線, 另一個負責叫其他套餐或者小炒,二月來了兩次, 同樣模式, 06/Feb豬潤魚湯米線$44, 魚湯係呢間店嘅成名作, 豬潤剛熟魚湯有鮮魚的香甜,另一個係葡汁焗雞扒飯$51個爐面火比較猛又或者時間長咗個葡汁面有點燶不過亦可能廚師覺得少少燶至夠色都唔定, 飯就好乾, 份量係足夠一個成年男人有多,如果無個汁會好難食, 雞扒都算大件, 蔬菜算有d咁啦, 以呢個價錢算公道啦啦!14/Feb 金牌特餐$43 擇咗蒜茸厚多士 同沙嗲肥牛米線, 厚多士的方飽質地麻麻, 質地綿密得嚟無口感, 感覺到只係靠依士發出來的包, 沙嗲則是少辣不過食多幾啖都會感覺到辣辣地, 肥牛片就一定係好薄幾片就算啦, 另一個叫星洲炒米$46, 上色較金黃少辣, 有青椒絲, 肉都唔少, 蝦仁都係估得到嘅口感同乏味吧!呢度除咗卡位坐得舒服少少之外其他的圓枱位都係迫迫夾咁, 坐得唔算舒服, 不過招呼客人嘅阿姊態度尚算可以嘅! 

去旅行前都會出黎深水埗買電話卡買完順便搵間餐廳食個晚飯本來諗住去西九但諗起假日好多人等位就簡左係西九對面巷既三洋本身都無特別期望好好食點知水準都高過我預期叫左兩個晚餐《枝竹班腩煲》味道唔會好濃又夠味班腩質素唔錯 食落無雪藏味又唔會好易散曬送飯一流👍🏼《炒鮮魷》鮮魷唔會炒都過曬火食落易咬又有鮮味同埋d 菇同絲瓜 係好夾再加上有小小辣味配埋一齊 更帶出鮮味😉總括 兩碟小碟都比預期中好食好多👍🏼食得出 小菜有獲氣廚房有用心煮👍🏼👍🏼同埋食物既份量都合理不過飯比較硬身可能無禁易消化值得再食👍🏼