影片
以上资料只供参考，请与餐厅确认详情
今日经过一间好多人排队嘅小店，见到咁多人排队，心谂应该唔错，于是跟住排队试吓。我叫咗个粟米汤饺同生煎包，结果两样嘢都令我大失所望。首先，粟米汤饺个皮劲厚，汤底味道奇怪，酸酸地，完全唔知系咩味，食落去真系有啲难顶。而生煎包个皮同样厚到离谱，完全冇咩口感可言，馅料亦都唔够香，整体水准真系令人失望。更令人无奈嘅系，收钱𠮶位阿姐态度极差，语气躁底，完全冇礼貌。排咗咁耐队，最后竟然叫我哋去第二度等，指示又唔清晰，搞到人好混乱。俾钱买嘢仲要受气，真系买难受。其实呢间嘢又唔系特别平，食物水准又差，服务态度更加系扣分。总结嚟讲，真系唔值得特登去试，悭返啲时间、金钱同个胃好过。
继续阅读
今次体验系深水埗店，店舖格局长长窄窄，在街的转角位，一间少店分三个位排队，分别售卖，店家出名的生煎包，汤包点心同饭面，因为在街不方便食三个生煎包，第一次只能试食，出名的名叫三津汤包，招牌都写三津汤包，食一个仲想食，买一个承惠6蚊，size 比较传统茶楼叉烧包细，又比生煎包大少少。开始分享试食，第一口，里面肉汁味浓，包面唔干，唔黐口喉，软熟，但没有爆汁，第二啖，继续肉包味，第三啖就食完，但最后一啖有汁，真系有点Juice 同满意，有D 似生煎包有汁咁，但依个包个汁偏浓同咸。
继续阅读
好耐都无食, 见佢有早餐套餐, 所以先去买个外卖 (之前试过觉得唔好食, 又唔抵).. 原来都系唔抵. 要个早餐 B. 热豆浆. 点解豆浆唔满 ? 如果以哩个价钱, 唔值. 唯一好食系只蛋.
继续阅读
想写食评好耐了……虽然唔系成日帮衬，但是由去年一开舖到现在嘅感想可以做少少总结。说实话，这个舖位已经转过好几手了，得知即将有新食店再开张，当初系几有期待。记得开张嘅第一日，大锣大鼓，甚至有舞狮，场面实在夸张，还有免费试食汤包一个。可惜雷声大雨点小，试食嘅第一刻已决定以后不会帮衬买汤包。原因很简单，就是汤包里根本冇汤汁！有冇试过其他舖头嘅汤包？就系有试过，人哋卖成10几蚊一只，但系真系明码实价地有汤汁有质素，食完仲想再食。三津汤包啲包竟然冇汤汁，我完全无法理解点解可以这样命名？还是有欺骗成份？不过，佢还有卖点心、蒸饭等，这些都不过不失，价钱算系实惠。我见最多人买嘅就系茶叶蛋，小笼包、粟米等都抵食。其他就不予置评。最后，曾经有一段好短嘅时间发现突然之间有卖两𩠌饭，但这个时期真系短到唔知有冇一个月就突然间又冇得卖。简直不伦不类，唔知佢嘅定位系乜嘢，好似好随意地变更。至于服务方面，有时觉得佢哋都几乱，效率麻麻哋，不过我觉得最紧要都系啲食物质素，呢样如果都唔达标，其他唔使讲。讲真，卖包嘅舖头唔少，例如包点先生、唐记包点等，质素都优胜，希望三津汤包努力少少，起码符合自己嘅招牌，卖啲有汤汁嘅汤包。唔该晒！
继续阅读
买过2次，每次都夜晚11点几买，食物还可以，女员工态度差比面色人睇，睇佢个款，好似系店舖管理人员，加上排队唔知佢想点，明明排紧队，另外有客冇排队，比人插队！真系冇下次，附近冇嘢食都唔会买！
继续阅读
您可能会有兴趣的...