三田製麵所 (金朝陽中心二期 - Midtown)

营业中

休息中

本來想去耀華街搵嘢食，點知發現耀華街已經唔似以前咁熱鬧，好多吉舖，真係冇心機搵食。跟住行多陣，行到去登龍街，再次燃點希望。因為呢度好多食肆，有競爭才有進步，於是搵咗呢間拉麵店，食咗一碗好好味嘅沾麵，麵質彈牙， 沾麵汁都好濃味，下午茶只收$79 ，好抵，服務亦都非常好，值得一試。

好耐無食沾麵所以來了😁餐牌選擇唔多,唔辣嘅我就揀返濃厚豚骨魚介沾麵 , 麵就揀中 size 份量,同“凍麵”因為口感會煙韌D😆湯味濃郁味道剛好,湯裡面仲有少少豚肉,和佢嘅自家製粗麵沾著吃真係好好味😋叉燒得一塊不是太夠喉下次可以追加😆配料同半熟玉子都好吃 😋朋友試了限定的山椒拉麵,佢覺得食落係辣椒麻麻的感覺,不過也愈食愈辣要飲水解一解辣😆但係好食嘅😜P.S.午餐時也不會多人,所以上菜也快,服務員也Ok😊如果餐牌有多啲選擇更好😆

一個好的沾麵湯底係致勝關鍵，而三田制麵就做到了！見到本店限定的山椒沾麵，二話不說order ！1️⃣落單時選擇麵的份量：小中大同一價錢；2️⃣麵的溫度：熱 /凍沾麵屬粗身，十分掛湯，湯底中亦奉上2粒大叉燒。此湯底十分驚喜，山椒味重，辣度亦十分刺激，適合嗜辣食客。唯原塊叉燒只有一塊， 覺得唔夠喉！當然糖心蛋及旬亦是吃拉麵的伴菜之一。 另外叫了一個小食 ：胡椒風味炸雞翼雞翼新鮮熱辣，漲卜卜！呢個是意料之外的好吃！

lunch本身想試嗰間太多人咁啱有同事未食過三田帶佢去試下沾麵👉🏼黃金牛肉沾麵見到佢係期間限定又唔係好想食叉燒就試下呢個。一食啲牛肉。。。。。。吉野家牛肉丼嚟嘅喂🤣🤣🤣洋蔥同牛肉完全exactly吉野家嗰隻味豚骨魚介沾麵汁一如既往高水準夠濃又夠香唔會食完好口渴隻溏心蛋撈麵都好好味麵嘅份量女仔揀中size 350g都差唔多彈牙同埋都同汁match嘅～📍三田製麵所 (金朝陽中心二期 - Midtown)銅鑼灣登龍街1-29號金朝陽中心二期 - Midtown地舖服務：👍🏻👍🏻👍🏻👍🏻環境：👍🏻👍🏻👍🏻👍🏻食物：👍🏻👍🏻👍🏻👍🏻✨️可以試下其他款式嘅沾麵，黃金牛肉嘅除非你好中意吉野家，我唔特別推薦😂

最近和朋友一起去了跑馬地運動場🏃‍♀️🏃‍♂️跑了幾圈，原本計劃去銅鑼灣的Mother of Pizza🍕補充返啲消耗😋，但係我們9點半左右去到門口，已經看到他們正在洗緊廚房，pizza爐都收左。所以我們決定轉戰登龍街搵野食。🤔去到登龍街，我們發現唔少餐廳都開始收鋪/已經收左。好彩見到"三田製麵所"🍜仲有人食緊野，問一問員工幾點收鋪，向就收鋪之前都俾我地入去食埋飯。我地快快手手落左order, 我叫左一碗"中size的半熟蛋拉麵"。叉燒😋的味道很好，口感鮮嫩不乾柴。半熟蛋有流心效果😋，但湯底有點不夠熱。另外員工的親切友善服務🤗俾我地食完拉麵後都無趕我地走，這點十分值得稱讚！

今日黑馬馬同夜馬馬本來想食麵尊但無因為無位就去咗三田，試咗佢地經典嘅二人套餐，價格為$288要再加一成服務費。依嗰套餐包含了日式例牌嘅前菜到主食再到炸物，以下有哂每一道嘅評價歡迎大家參考下。前菜：毛豆🐎🐎🐎 (3/5)作為開胃菜，毛豆算是相當普通，無咩驚喜。就口感適中，算係一個輕鬆開胃嘅前菜，但如果你期待些新意或特別的調味，就可能會讓你略感失望。主食：濃香豚骨魚介沾麵🐎🐎🐎🐎🐎 (5/5)這道沾麵是今晚的明星，特別推薦。麵條Q彈，每根都煮到恰到好處，搭配那濃郁的豚骨魚介湯底，香氣撲鼻，真係一種魚香味蕾的盛宴，未食過咁有魚香嘅湯濃湯。每一淡都令人難忘，完美展現了日式料理可以達到既精緻與深度。辛辣三田特製拉麵🐎🐎 (2/5)上面沾麵越有幾精緻幾深度就更顯得個拉麵好普通！。湯底雖然標榜辛辣，但味道平平且不具特色，麵條的加點更是讓人後悔，因為它並沒有增加任何風味，反而讓整體感受更為疲軟。炸物：吉列炸蠔 (2件)🐎🐎🐎 (3/5)使用了廣島蠔的吉列炸蠔表現普通，蠔肉質量不錯但炸製技術未能完全展現其鮮味，整體來說頗為一般。日式炸薯餅北海道牛肉味🐎🐎🐎🐎🐎 (5/5)炸薯餅則是另一個亮點，北海道牛肉

每日要諗食乜，真係好煩呀😂😂去到銅鑼灣，有一間舖頭我會encore ，就係呢間三田製麵所。叫咗個魚介沾麵+好鹹超重口味就係我要食沾麵嘅精髓溏心蛋又香又滑叉燒夠嫩炸雞就係純雞味😂😂炸粉好薄可能係佢唯一優點😂呢間係我暫時覺得最好食嘅沾麵，去銅鑼灣我一定會食今次帶埋同事一齊黎，佢第一次食都覺得唔錯，可能佢都係重口味人士😂沾麵大中細份量係同價，唔洗浪費食物 有加一🤔算係正常拉麵價錢？齋食麵都夠飽下次黎再試下其他味道先～

🚶‍♂️ While strolling through Causeway Bay, we stumbled upon several ramen shops and decided to try one that caught our eye. Although it didn't quite live up to the exceptional standards of ramen in Japan or other renowned establishments, it still provided us with a satisfying meal packed with flavors.

擺喺我面前嘅係一碗金獎豚骨魚介沾麵，魚介湯頭香噴噴，濃郁到讓人一啖就記得住。沾湯熱辣辣，拌埋啲有嚼勁嘅中粗麵條，辣辣地、嘟嘟細嘅辛香味，仲有我個至愛半熟蛋，啲蛋黄流心得嚟又唔會太發膩，天啊，真係幾正！🍜邊食沾麵邊嚟啲小食，炸豬扒呢，外脆內軟，唔係嗰種會咬到下巴脫臼嘅硬淨，微酸嘅沙律醬同豬扒鮮味互相襯托，坦白講，真係食得停唔到口。至於另一碗三田特製拉麵，個湯底靚嘢，唔係好深但足夠回甘，麵條雖然唔及沾麵咁有韌勁，但佢啲幼麵掛汁一流，每啖嘆落都心滿意足。最後，當然要嚟啲薯條拼個被明太子沙律醬攪和嘅紅白混醬，酸酸甜甜，有種唔知嘅新奇味道。我呢次幫襯，可以話係色香味俱佳，地道香港口味，跟份量都令人滿足。下次再試試其他款，一試難忘嘅三田製麵所，推介比每一個愛好日式麵食嘅您！👍🍟🎉

今日想食日本沾麵，出咗銅鑼灣試試呢間三田製麵所，之前都見到呢間好多人排隊，今日經過竟然冇乜人排隊👍叫咗個濃厚海老沾麵，呢個沾麵汁好濃香，味道好夠又唔會過咸岩岩好。濃厚海老沾麵

➲ 銅鑼灣 三田製麵所➳ 濃香豚骨魚介沾麵 ⁽⁴/¹⁰⁾有分熱同凍沾麵汁，叫熱嘅都唔太熱，豚骨味無乜，好一般，沾麵反而好少少，煙靭有咬口。➳ 三田特製拉麵 ⁽⁴/¹⁰⁾有出煙，但食落又唔係太熱，湯底唔太驚艷，叉燒有啲韌，筍太軟唔爽口，有啲鹼水味。⤵ @mitaseimenjo_hk銅鑼灣登龍街1-29號金朝陽中心2期Midtown地舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic #foodblog #foodblogger #foodreview #香港美食 #香港食評 #銅鑼灣美食 #沾麵 #拉麵 #三田製麵所

當談到日本料理，拉麵無疑是一道令人垂涎的美食。今天我要為您評論的是玉子拉麵和牛肉沾麵。首先，我要說的是玉子拉麵。這道拉麵以柔軟滑嫩的玉子蛋為特色，搭配著經典的豬骨湯底和彈牙的拉麵麵條。這碗玉子拉麵絕對是一道讓人回味無窮的美食。玉子蛋本身非常入味，蛋黃濃郁柔滑，口感非常順滑。與豬骨湯底的結合，玉子拉麵的口味更加豐富，帶有濃郁的豬骨風味，滋味令人難以忘懷。接下來，讓我們評論一下牛肉沾麵。牛肉沾麵是一道非常受歡迎的日本料理，以切成薄片的嫩牛肉為主角。通常，這道沾麵會附上一碗熱騰騰的湯汁，您可以將牛肉浸泡在湯汁中，讓它變得更加美味。牛肉的質地非常嫩滑，入口即化。湯汁則有著濃郁的醬油風味，帶有微妙的甜味和咸味的平衡。這碗牛肉沾麵中的麵條彈牙有嚼勁，能夠完美融合湯汁和牛肉的口感，絕對令人欲罷不能。總的來說，日式玉子拉麵和牛肉沾麵都是令人垂涎的美食，每一口都能夠帶給您舌尖上的享受。

早前去咗銅鑼灣店食，入去有個職員已經黑晒面同我講話依邊，而且啲麵好快凍，因為室內太大冷氣，令成食物質素下升🥲好失望，因為第一次食依間店，聽講話好味，所以先黎試吓

10/2公眾假期遊客多， 忽然想食沾麵，都有啲驚多人。嚟咗呢間三田製麵所完全唔使等位直接入。 之前睇食評有人介紹蝦湯沾麵所以先諗住嚟試， 點知應該係期間限定注定無緣。 咁我就點咗個豚骨魚介湯沾麵，中量。 被安排到單邊坐門口位 ，有蚊滋枱上行來行去。落單，店員一副唔想做咁嘅樣， 落完單先發現原來有熱面提供， 叫返住五步之內嘅店員，佢無反應扮聽唔到， 因為都想食熱麵，所以我堅持再嗌佢， 佢望都冇望我落完單就話咁“你係咪要”，我應咗話係。 入正題，唔使三分鐘碗麵就到咗， 碗魚介沾麵汁係熱嘅，亦都好濃鬱，濃得嚟唔鹹， 可惜嘅係個面浸咗落去，第一啖食落去，嘩，暖嘅？ 開頭以為係個沾麵汁唔夠熱，但後來發現係個麵本身只係室溫（ 本人特登有用嘴唇去試麵溫）。 到底呢個就係所謂嘅熱麵定係店員畀咗凍麵我呢， 呢個就不得而知。 面質還可以，但未稱得上煙韌q彈 。再嚟就係舊肉，冇味嘅，一嚿白肉切開上碗， 我都冇食曬，半個糖心蛋味道ok,有味也流心。食完後都不想久留，埋單，嘩，仲收加一，唔係far😅,總之感覺唔良好， 如無意外冇下次。

事緣之前喺尖沙咀分店食過正正常常，諗唔到食咩好又食下啦，點知中咗個大伏😩叫咗半熟蛋拉麵，湯係正常溫度，麵質係硬到似過咗幾下水就撈上來，我以為自己揀咗硬度，但其實都冇得揀同冇要求過，咁算啦，諗住比佢浸軟小小再食🙁之後再食叉燒，佢地舊叉燒先係精粹，無諗過比$90幾蚊去食舊可能煲湯豬肉都‘淋’過佢既肉，又嚡又硬又冇肉味，其實我已經冇要求你地好多，我只係想食碗正正常常嘅麵，你話拉麵可能再浸一浸冇咁硬身再食都算，但叉燒係入貨應該都改變唔大啦？🥺🥺🥺第一次嬲到要寫出來 希望大家喺銅鑼灣諗食咩之前，對面有譚仔，食完應該無咁嬲，感覺無咁唔抵😖