三葉屋

营业中

休息中

難得無帶飯，同同事出去食lunch, 所以食好d呢間野幾年前食過一次，宜家試下其他野我叫左吞拿魚蓉飯吞拿魚幾新鮮，睇落好細碗但其實會食得飽你的我同事叫左吉列豬扒soba塊豬扒超級大塊普通女仔一定食唔晒，不過佢有左，所以先搞得掂Overall不過不失，不過價錢偏貴間唔中一次ok

2021.04.06 三葉屋我嗌左豬軟骨蕎麥面。嗌完冇耐就拎左碟菠蘿，酸酸甜甜，開胃口。豬軟骨好入味，甜甜地，蕎麥麵聽講自製，係幾好既。對面個個食牛肉飯，個飯聽講好味，係牛肉太少，味道普通。

The displays showed this restaurant supported unrests. Ordered squid tempura rice while I cannot believe the rice was from Japan because it was not even better than those sold in Parknshop. Drink and sake were not served until we almost finished and thought of our orders. There’s no reason to return.

平時好少行入宏安道，今次家人建議試試新，走到其中一家小店——三葉屋。店子是日式裝修，一坐下，即送上麥茶。餐牌上有飯有烏冬，也有蕎麥麵。我選了豬軟骨配烏冬。上菜等了一會，不是很快。豬軟骨樣子一般，外貌不是特別吸引，但入口鬆軟，十分有驚喜。無論是肉的部分式軟骨部分，都輕易咬斷，味道有點像鎮江骨，有點甜有點酸醋味。烏冬是扁麵模樣，咬落煙un彈牙，配上海帶湯，味道剛好。服務也不錯，不時主動加茶。值得再食。

晚市:藍鯨刺身冷蕎麥＄128；鹽燒牛舌飯＄78前菜：蓮藕爽口，酸酸，很開胃藍鯨唔算肥，但食落非常新鮮蕎麥麵非常驚喜，未食過咁彈牙煙韌，冷食蕎麥汁配有Wasabi 同薑末，絕配原來烏冬和蕎麥是自家製的，難怪美味如此！鹽燒牛舌，不！得！了！外面充滿碳燒香調味非常好，質地淋滑，百吃不厭雖說是日本米，但感覺內裡水份不夠飽滿金山寺味噌燒茄子 $58甜味噌味濃，配上嫩茄子的鮮甜，好味！店內環境就像日本的家庭小店與你簡單晚餐，足夠幸福

三葉屋照燒牛舌冷烏冬他他醬日式炸雞配冷蕎麥麵價錢💲: $72/ $68好味程度😋: 4.3/5服務🍴: 3.5/5環境🗾: 3.5/5性價比🥢: 3.7/5回頭率😚: 3.7/5-三葉屋係一間日式小店，主打食烏冬同蕎麥麵💛 佢地仲有好多餸揀，但我今次就係沖住牛舌來既😝 我係牛舌控呀🥰-照燒牛舌有4舊，份量就唔太多架啦，不過都夠既。係真係好食！牛舌好腍，係梅一梅都可以咬開個啲，啲肉比較一絲絲，就唔係啲韌的牛舌，好似牛腩咁🤪 外皮炭燒到小小脆，充滿油脂香，好幸福😍 冷烏冬係比較扁身同幼既，但出奇地韌，超有咬口！沾埋鰹魚汁同小小葱+ wasabi，係一個好出色的烏冬。-另一個叫左他他醬日式炸雞配冷蕎麥麵。炸雞對比下超抵食，因為係3大舊。粉漿有小小厚，不過佢啲油好新，炸出來顏色淺啲，食得安心啲😂 外皮小小乾，個入面係超juicy，仲出晒煙😌 點啲他他醬同榨啲檸檬汁，感覺清新啲。蕎麥麵比起烏冬就普通左D，不過都煮得啱啱好既🧐 但如果來食我都堆介呢2個餸同冷烏冬，真係好似去左轉日本咁😋

🔹照燒牛舌冷蕎麥麵💰$72👅🌕🌕🌕🌕🌑8/10睇menu 掙扎左好耐，最尾揀左食牛舌，完全無後悔，因為超好食！有4塊厚牛舌，好腍，完全唔韌，仲要燒到外皮微微脆，而且都好有牛嘅油脂香，超正🥰 相比之下，個蕎麥麵我就冇食得出有咩特別，但連埋麵汁食都幾好食👍🏻🔙回頭指數: 8/10🔅仲有豬扒同炸雞想試🤤⚖️人均消費: 70-100💁🏻服務費: Lunch🈚️ 👀到訪時間&人流: 限堂食平日午市 1點左右就坐滿✍🏻訂位留枱: ✅建議 🉑電話🛵外賣途徑: 自取/某外賣APP

呢條街出名多嘢食，見呢間舖頭嘅午餐價錢都幾親民所以入嚟試吓！估唔到非常有驚喜！我哋叫咗餐廳最出名嘅炸豬扒飯同日式唐揚炸雞配冷烏冬炸豬扒呢間餐廳嘅炸豬扒選用日本豚肉，以低溫油炸，封存厚切豬扒美味，每塊炸豬扒的色澤非常均勻，入口超級超級軟熟而且多汁，簡直係咁多年來香港食過最好食嘅炸豬扒！日式唐揚炸雞。呢間餐廳嘅傳統日式的炸雞，勝在大大件件，而且啖啖雞肉，相比其他餐廳的炸雞，份量較大！以多種調味料秒製的炸漿令炸雞的表面香脆，而且感覺都唔熱氣。炸雞同時會配搭秘製他他醬，醬汁唔夠可以叫佢哋再加！酸酸地給他他醬汁都係呢個炸雞嘅精髓，減少了油膩感。午餐價錢合理，冷烏冬都幾彈牙，可以試吓

呢間炮台山少店門口唔係好明顯，啲窗好暗。一開始以為冇開門。但係喺出邊見到個lunch menu好似唔錯，就膽粗粗推門入去試吓。見出面凍冰冰，所以一入到去侍應就好快比一杯熱茶。非常之貼心。我今次就叫咗一個天婦羅配熱烏冬。天婦羅略嫌太油，但係就熱辣辣，冇油味。佢哋有炸蝦，炸南瓜，炸青豆。最特別係有一個炸蕃茄。薄薄既脆漿加埋酸甜既番茄🍅，係一個唔錯嘅配搭。至於烏冬就冇乜特別。$72一個lunch set就唔算太貴，值得推介!

天氣咁凍食熱蕎麥面好幸福🥰下午茶set但我當lunch 食都好夠飽🙈$48真係好抵食！！！雖然係間唔係眼嘅小店，但豬軟骨好有驚喜！未至於煮到入口即化，但腍得黎仲有少少軟骨咬口我反而幾鍾意🥰我覺得佢嘅質地甚至可以媲美附近一間幾出名嘅咖哩豬軟骨🙈調味方面唔係好識形容，佢唔剩係咸仲有啲微酸，加上火炙得好香🤩好豐富惟一美中不足係有啲唔夠熱☹️蕎麥麵麵質合格，唔會過糊，但唔算有蕎麥香。湯底清得黎咸度啱啱好🤩連鳴門卷都係彈牙🤩總括黎講好滿意，服務方面店員都會主動加玄米茶👍已經係咁推薦比friend🤣

配料＆麵可以from menu mix and match🥰✨炸蝦野菜天婦羅冷蕎麥麵 💰78💫評分: 8.7/10📝天婦羅好高質🥰好似去左日本🇯🇵咁, 外層影完相都脆卜卜炸漿唔厚食落唔油膩😍自家制嘅蕎麥麵好解熱, 個汁落wasabi同洋蔥好fresh😍✨炸雞熱烏冬 💰78💫評分:8.5/10📝炸雞即刻炸配沙律醬勁有罪惡感, 烏冬就好煙韌🤣𝕄𝕚𝕥𝕤𝕦𝕓𝕒𝕪𝕒 三葉屋📍北角炮台山宏安道18號威徳閣地下8號舖(炮台山🚇A出口行4分鐘就到)💫評分: 8.6/10💬唔會好嘈, 可以同朋友傾計, 兩個人坐卡位好舒服😍, staff好好會不斷refill茶~ 性價比高會encore~

本身係諗住食半島冰室，點知去到冇開門。咁就周圍再搵睇吓有咩食，其實佢同一排都有幾間食肆，但其他唔太特別，咁就揀咗佢。Search左OpenRice知佢出名蕎麥麵，咁就一定要試。雖然天氣有啲凍，但都揀咗冷蕎麥麵。唔係太想食肉，所以就揀咗天婦羅。佢一開始就上咗碟前菜，應該係醃漬茄子。酸酸地幾開胃算唔錯。上菜都算快，先食天婦羅，um.....一般啦，唔特別出色，佢係唔脆嗰隻，入口嗰陣已經有啲淋。不過隻蝦食得出都新鮮嘅。到食主角蕎麥麵，個質感有少少似去返日本嘅感覺，蕎麥味唔太重呢度扣分，但個質感唔錯唔粉幾煙韌，算係香港食到唔差嘅。另外個冷麵汁都真係幾唔錯，平時其他日本餐廳食冷麵嘅汁都比較稀，佢係有少少杰身嘅，所以好能夠掛到喺麵，連埋麵一齊食好夠味，亦都唔係死鹹，個汁真係值得一讚。疫情期間，睇得出佢衛生都做足。佢唔會坐滿人，亦都清潔好張枱先比下一位客人。

今日嚟到位於北角內街嘅三葉屋，三葉屋係區內都算有名氣，今日就嚟到同大家食❗️❗️三葉屋係食日式便當，依加疫情期間仲係外賣自取有折，好抵食😍😍醬燒豬軟骨飯 $68豬軟骨好冧，醬燒又好入味，好香，好食❗️❗️❗️❗️❗️❗️燒牛舌撈烏冬 $72牛舌好厚😍😍又入味，好好食！而另外撈烏冬都好值得大家試下，撈烏冬可以選擇要咖哩汁定紫蘇汁，今次要左咖哩汁，咖哩汁好香，烏冬又滑又QQ，好味道❗️❗️整體來講好出色，有機會要黎食下❗️❗️

照燒牛舌蕎麥面set $78 .估唔到哩條間既日本野都係同聲同氣😝.本身諗住食pause it諗諗下就過左對面望下 點知就見到有間貼住d野吸引左我入去😆.晚市都幾多人 都係要等位 不過我早去 就唔使等 裡面d set都幾平 聽講d麵同烏冬都係真日本人整架🤗 .燒牛舌好正 又炭燒過既香味 雖然得3舊 但3舊都啖啖肉 蕎麥面都好彈牙好正😆 佢仲有個冷湯浸黎食 正正 不過我唔記得影.他他醬炸雞配烏冬 $78 .哩個set都唔錯 炸雞份量唔少💛又炸得香脆之餘有肉汁 唔會太乾.烏冬就有少少粗身 個人覺得硬左少少咁 蕎麥麵岩我口味d 但哩間真心推薦 唔貴又味道又好 唔使含住淚咁支持 又同聲同氣

好好味嘅北角內街小店，日式料理好好味，飯係日本米。今日食左日式雞肉飯，醬汁好味!地方坐得舒服，位與位相隔距寬敞而且午餐價格非常合理，CP值高，店員態度良好，會再次光臨。