三葉屋

营业中

休息中

First time here and saw quite many order takeouts. I had their noodles lunch set with bonito sashimi! You get to choose your choice of noodles here! I had the cold soba and it came in an appropriate portion. Everything was delicious, will definitely come back!

有一段時間冇嚟炮台山，今日同友人突改變主意，再訪此處覓食。第一次嚟三葉屋，剛好週末放工時間，嚟到已經冇位，等咗兩張枱先至可以入座。幾鍾意呢到嘅昏黃燈光，頗有日本居酒屋嘅感覺。同友人各自點了兩個午市麵食：照燒牛舌冷蕎麥麵自家製嘅蕎麥麵果然不同凡響，蕎麥嘅香氣十足，冇坊間其他蕎麥麵咁順滑，口感較粗，頗有特色，牛舌相對比較普通。厚切他他醬日式炸雞配冷烏冬 炸雞，四件大大嚿，應該俾即叫即炸，食落十分嫩滑。自家製嘅烏冬，友人覺得過分煙韌，可能係凍食嘅關係。

Lunch time嚟到三葉屋，人唔算好多，店面少少，但係如果想午餐時段嚟，都可能要排一排。上網睇話老闆係據講日本人，朝朝晨咁早起身打烏冬同蕎麥麵食咗碗蔬菜烏冬，烏冬係手打嘅，煙韌度適中，唔會太遠，而且咬落好彈牙

窮遊香港-北角良心日式自家製蕎麥麵烏冬 繼續講北角 呢間都幾出名 見到新聞老闆特地去日本學師 真係比到我少少去左日本嘅感覺 幾多人排隊 keep住有3-5個人係門口等緊我大概等左15分鐘 店內外都仲有小量文宣 競選海報 門口有蘋果睇.是日2個人 環境空間好舒服 因為疫情關係 即使你一個人去 都可以坐四人卡位 見到店員會為每張枱用酒精消毒 所以入座嗰時會有酒精味 感覺衛生乾淨既（‼️2個人張台都闊落 4個人就偏迫啦）（‼️餐牌睇圖）.黎得呢間 梗係叫自家製蕎麥麵/烏冬⭐️照燒牛舌冷蕎麥麵$72⭐️炸蝦野菜天婦羅冷烏冬$72😎第一次食蕎麥麵 做唔到比較😋但加埋冷麵堅魚汁 係幾好食 ‼️仲要低卡路里 重點👍🏻冷烏冬 口感明顯比其他店煙韌🤔燒牛舌 預期會係爽口 但口感比較似牛腩 好食 但我鐘意爽口既口感多啲👍🏻天婦羅高質🔥好似去左日本咁 天婦羅汁有加蘿蔔蓉👍🏻蝦夠大隻 每件天婦羅都皮薄 唔會骨肉分離🤔如果青豆變冬菇 會開心好多👍🏻慢慢影完相都仲係好熱 脆身 加分.埋單果時仲要免+1 （好過某d舖頭收防疫費12%）整體高質 啱晒返唔到鄉下（日本旅行）嘅朋友.#三葉屋 (北角)地址：北角炮台山宏安道18號

今日嚟到炮台山搵餐晏食，喺炮台山經過見到呢間小店就俾佢嘅門口吸引咗，好有日本小食店嘅感覺👍🏻👍🏻而而家因為疫情關係，三葉屋為咗鼓勵外賣推出左優惠外賣自取八折，好抵食😍😍叫咗他他醬炸雞飯 $54 （折後）飯喺用日本米，加埋飯素，有黎左日本既感覺😍😍而當然成個餐嘅重點係舊炸雞啦，舊雞皮脆但又唔會太厚粉，雞肉好大舊好有肉汁，好食👍🏻👍🏻而雞又好多舊，好夠料，食完好飽，而另外他他像有好大盒，完全唔慳住咁，值得一讚❗️❗️另外仲附送左一杯麵豉湯😍😍整體來講好高質，位置偏僻所以唔係太多人識食，但三葉屋係你不容錯過嘅選擇

小店主打蕎麥麵同烏冬,都係店主自家製造嘅,店主仲專登去咗日本學師,每朝生鮮製造,可惜蕎麥麵賣晒得返烏冬.只好下次再試.第一次係香港食撈烏冬,感覺好新鮮好入味,滿滿的蕃茄味,好正,啱晒夏天食配菜叫咗牛舌,有口感,煮得岩岩好.炸蝦天婦羅-返焗少少淋,相信即食會正好多沖繩豬扒-炸豬扒返到屋企焗返熱佢食依然好正,一定要配埋個醬汁食炸雞翼-無咩特別另外有配埋麵豉湯,不過有少少鹹💛三葉屋炮台山宏安道18號威德閣地下8號舖

店舖有嚴守社交距離guideline因此少左一半枱做生意兩個人去食都等大左半個鐘左右先有位但係絕對等得值兩個人叫左兩個麵餐同一個小食包個小小前菜當日係好燜既白蘿蔔 酸酸甜甜幾開胃先講小食 我地叫左炸雞一戨五舊大大舊 仲超級熱即炸超讚配有沙律醬食落勁有罪惡感兩個麵餐分別揀左炸豬扒同埋牛舌炸豬扒超級大塊本來已經話個炸雞好大對比之下 塊豬扒係極大！兩者都係新鮮熱辣炸好好滿足牛舌一碟四塊厚切食落啖啖肉燒得岩岩好又唔會難咬～凍蕎麥麵好解熱個麵汁落哂wasabi同洋蔥就岩岩好唔太鹹～整體炸物出息

夏天熱辣辣梗係食冷麵最好💛依間良心小店每日都會新鮮製作麵條，標明係用日本麵粉同徹底過濾嘅水源，同日本人一樣對料理同食物質素嘅要求都好高。午餐時段嘅餐牌係揀一種日式料理再自選配搭冷／熱麵食或者飯（飯係用日本國產米！）。蕎麥麵係用蕎麥粉無添加嘅十割蕎麥，所以口感同味道都非常出色。特別係凍食嘅蕎麥麵同烏冬，煙韌彈牙又有咬口，係日本嘅味道～炸蝦野菜天婦羅外層脆卜卜，炸漿唔厚食落都唔油膩；第一次食天婦羅車厘茄，外面酥脆入面爆汁口感好得意。日式炸豬扒肉質軟腍又厚切，肥瘦適中，麵衣包裹得好好唔會分離。不過今次炸得有少許燶，唔係就perfect喇！

專誠去北角諗住試下佢地自家制嘅蕎麥麵但係好可惜 我哋好晏先到 搞到蕎麥麵賣曬唯有食烏冬啦😭😭😭我哋叫咗兩個set加刺身拼盤一個係炸豬扒冷烏冬一個係牛舌冷烏冬價錢合理 一啲都唔貴炸豬扒正常發揮啦 冇咩好特別 不過就夠大份 大過我隻手掌 食到我地好飽個牛舌好厚切好淋😍咬落去啲汗係會'必'出嚟而啲烏冬就好煙韌但係我哋覺得最好味嘅係鰹魚刺身 好新鮮唔識點形容 但十分推介！！店員係咁過黎幫我地添水👍🏻好好今次食唔到蕎麥麵 下次一定要早啲去食到！

2020年6月5日。晴。炮台山。放工唔想返屋企食，一個人就係食黃店唔使排隊嘅好時機！呢間想試好耐，上次想食佢咁啱冇開門呢日再嚟雖然有開門，但係原來啲枱畀人book晒獨食有着數，店員問可唔可以7點半時交枱嗰陣先6點，緊係冇問題喇～主食menu有兩版，有麵～亦有飯～煮物唔記得咗係蘿蔔定係冬瓜，總之煮得好入味～半烤鰹魚刺身配冷烏冬，$98半烤鰹魚刺身個樣睇落有啲似漬物，比平時嘅刺身深色啲味道就同平時刺身冇乜大分別，食落口感軟糯，味道鮮美～唔會有漬物嘅調味，所以係得個樣似～冷烏冬亦值得一讚，非常煙韌彈牙，好好味～埋單$100鬆啲，價錢合理

唔記得咗影食物相 點左兩款晚餐，有意外驚喜。不遜色於出面中等以上既日本餐廳。第一樣： 照燒牛舌　+自家製蕎麥麵牛舌厚切 而且燒得香口，帶點牛本身既油香，有少少似食緊和牛口感（我唔確定係咪每個部位口感是否一致）第二樣： 炸蝦雜菜天婦羅🍤+自家製蕎麥麵天婦羅（炸蝦，車厘茄，枝豆各2，冬菇，南瓜各1）本人認為價錢合理 炸蝦亦食得出係新鮮蝦，天婦羅各方面亦夠脆身不油膩提提大家，佢蕎麥麵係同一般既唔同，聽講係店家自製，真係比出面爽口彈牙，記得要試啊～

睇到報紙介紹呢間野, 話佢d蕎麥麵好食. 咁岩女朋友又鐘意食. 咁就黎試下個晚市set叫左牛脷+凍蕎麥麵set dinner報紙話d蕎麥麵係老闆親自今日手工限量出品, 唔識分好唔好食. 總之我就清哂, 一條麵都無剩. 重點黎啦, 驚喜之處居然嚮d牛脷度!!!!?D牛脷就好食到飛起. 好食到我決定要即刻上openrice話比大家聽佢d牛脷有幾好食. 簡直係牛脷中既極品. 個口感直頭係普通牛同和牛既分別!Highly recommend

罷左好幾次市既小黃店💛我哋本身嗰日係想幫襯附近一間告急嘅小黃店㗎 但係太多人排隊 佢截左龍 所以我哋就嚟咗呢一間度食☺️佢都幾好食 所有野都做得唔錯 幾有驚喜keke·炸蝦野菜天婦羅 $78因為我見到OpenRice啲相好似好吸引 所以就算我唔食得蝦我都嗌咗🤣🤣佢個蕎麥麵係自己手打嘅 我覺得口感都唔錯 至於佢個天婦羅係新鮮即炸既😍我自己幾欣賞佢個番茄同埋冬菇 呢兩個都係超級Juicy 不過佢個南瓜就好似煮得唔夠淋咁 所以爭少少 至於個🦐我朋友話個質感都ok既 不過就無咩蝦味🤭🤭·酢味增燒豬軟骨飯$78呢一個真係超級驚喜😍😍佢係有四大舊豬軟骨 每一舊都超級淋 而且佢個軟骨位做得超好 係真係好似jelly咁樣 又唔會太油膩 我自己覺得呢個真係非常之出色🤤🤤可惜我冇影到相俾大家睇😭強烈推介呢個啊🤤·📍北角炮台山宏安道18號威徳閣地下8號舖

每次番工都係一個機會去支持一下呢區既小店💪🏽😠好耐無黎三葉屋喇~~今次我地喺平日lunch hour(~12:45pm)黎到已經無位喇不過等左大約5分鐘就有位😀對上次黎到前菜係胡麻醬粟米粒🌽今次係牛蒡潰😉 相比下養生d 酸咪咪 好開胃啊!主食方面 我地分別叫左💁🏽‍♀️照燒牛舌 配熱蕎麥麵($72)牛舌好厚身 肉質軟稔 少食牛既我都覺得幾正😋酢味噌燒豬軟骨 配熱蕎麥麵($68)上次幫襯個陣老闆叫我地下次黎要試呢個😆所以今次就嗌左呢個😛豬軟骨都一樣軟稔👍🏽 因為用燒既煮法處理 所以肉同肥膏好分明 肥膏被燒到啫喱狀質地😈 四件真係夠哂數🤣 他他醬日式炸雞飯($68)每次黎呢度咁岩都會有同事點呢個 每次上菜個陣我地都會「嘩」一聲 因為炸雞好大舊🤩外脆內嫩 炸漿又唔厚👍🏽🌟店員都幾密地斟熱茶🍵加上午市唔洗加一 我一定會拉埋同事再去幫襯架☺️

叫咗個自家製蕎麥面配沖繩炸豬扒 下午時間但鋪頭都幾多人 前菜有粟米胡麻醬沙律 豬扒非常巨型 炸得啱啱好 不過就有小小肥膏蕎麥面好食 不過見好多人都係食緊熱嘅湯烏冬同蕎麥面 下次再試吓