三葉屋

营业中

休息中

一到已點了半枝清酒，唔叫侍應都唔給冰筒，扣分。叫了客串燒三串併盤，有兩串都係雞肉(失望)。另外叫了一客刺身3款併盤，沒有冰座住，溫度唔係凍，差不多就是室溫……不會再光顧！

今日同同事lunch唔係太餓所以冇揀平時會食既飯餐，食左魚生soba，就失望左少少 😢 吞拿魚切得厚但係明顯唔夠新鮮，soba都麻麻地夠凍，但整體還可以，係覺得唔值$98。12點半到都冇晒咖喱😢 即刻少左好多選擇。好就好在坐得幾舒服。

今日午飯時間經過炮台山，喺內地街搵到呢間日本小店。叫左客牛舌飯定食，有四大件，好靚仔，外層好香，有微燒口感，牛舌厚身軟淋，少少調味反而更突顯食材原味。底層配左椰菜絲，平衡番油膩感，好味！

之前已經睇過網上介紹，一直想試，但冇機會，終於15號有時間去咗食lunch😋嗰日我帶埋婆婆去食，老闆好體貼，見到有長者，即安排卡位畀我哋👍🏼我哋點咗兩個餐，牛舌熱烏冬同沖繩炸豬扒冷蕎麥麵。牛舌熱烏冬:烏冬食得出係自家制但唔夠彈牙，湯底ok，唔會太淡。牛舌好香，夠入味亦夠燜，啱晒老人家食。不過得三舊，小咗啲。如果你係喜歡食爽口嘅牛舌，呢個煮法可能唔啱你。沖繩炸豬扒冷蕎麥麵:蕎麥麵本身冇特別驚喜，不過個汁就唔錯，掛喺麵上面唔太鹹，加埋wasabi落個汁到幾開胃。個豬扒要重點推介！算係我食過咁多間入面比較top嗰幾間。塊豬扒都幾大塊，炸到金黄色，賣相唔錯，已加分！咬開食到豬肉香味，再加上有汁淺出，真係好juicy!雖然舊豬扒入邊係有啲肥肉，但亦令到成舊豬扒好滑。老闆話啲豬扒係日本豬，難怪咁好味！😍整體嚟講唔錯，我會再去。大食嘅朋友可能會嫌份量細，唔夠食！今次影得一幅影下次會影多啲！

三葉屋係朋友介紹我去食,食過一次已經覺得好正,係會再翻去嘅地方嗰日我夜晚去食,其實我諗晏就去食應該都幾多人,我見隔離都幾多商廈嗰日我同男朋友嗌左shabu shabu同炸雞冷蕎麥面,下面係一開始黎嘅前菜,幾開胃,男朋友好鐘意食叫已經攞多碟,佢都肯俾以下係跟shabu shabu黎嘅sauce個蔬菜籃都好多種類其實個shabu shabu有得揀跟豬肉🐷定牛肉🐂,豬肉價錢就平d,好似120蚊,佢嘅suggestion lee個係一人前,佢仲跟埋烏冬喎,咁嘅份量一人前真係好抵要提提佢啲烏冬同蕎麥面, 好似話師傅係喺日本學嘅,自己整嘅,絕不馬虎我嘅炸雞🐔冷蕎麥面,d炸雞🐥都好大件,有4件,熱lart lart,岩岩炸起咁,仲要食落唔係好多面粉嘅感覺值得一提係𥚃面d staff真係好好禮貌,又主動換碗,堪茶,有日本人服務嘅感覺👍👍

最鐘意就係捐窿捐山罅發掘小店美食熱辣辣既天氣最岩就係食啲涼浸浸既食物平時食得多手打烏冬手工蕎麥麵就真係少食北角呢間日式小店主打手工烏冬同蕎麥麵夏天食就岩哂本來主角係蕎麥麵但一上枱已經比個炸豬扒吸引住心諗洗唔洗咁大呀冇講笑真係成個手掌咁大豬扒用左沖繩產豬 非常厚身當你以為會好厚粉但食落去竟然啖啖肉而且好酥脆 肉質好腍身 正到呢配搭既手工蕎麥麵食落非常清爽麵質彈牙 較有韌度 唔會痴埋一舊放落蕎麥麵汁一齊食涼浸浸好有夏天既感覺🎐係有水準既

一坐低就放低左一人一碟醃製牛蒡，酸酸地好開胃。午餐冇乜人排隊，都坐得幾舒服。午餐餐牌一邊飯一邊面。香蔥吞拿魚飯睇個樣真係好麻麻，仲要成個盤上碟時空盪盪，冇人地食麵個盤咁靚🤣 不過味道真係好唔錯。首次，個豉油唔濃味，落落吞拿魚蓉唔會搶左陣鮮味，吞拿魚份量都唔錯。啲飯真係日本米既質地，完全唔會食到口wer wer，一啖魚飯放入口係刺激味蕾既享受。刺身蕎麥麵我就冇試，但朋友話唔算好食，其實個刺身睇個樣就麻麻，不過我冇試就唔comment 啦。

一直住係呢區 都無留意過呢間係內街既小店兩個女仔點左1個冷烏冬同五個小食share (由於太肚餓緣故無全部影相😅)Highlights of the meal: 烏冬十分彈牙😋唐揚炸雞勁juicy薯餅三兄弟(粟米,咖喱,紫薯)好足料,超香口🤤燒多春魚好原汁原味,味道調較得岩岩好P.S. 炸雞同薯餅個底好似某日式炸物餐廳 有切絲椰菜墊底😍店員好有禮貌，全程坐左個半鐘已經過來斟茶三次😬十分滿意既一餐 繼續支持小店

手工烏冬就食得多，手工蕎麥麵係香港就好似少D，所以今次去試一試！ 炮台山山宏安道個條術不嬲食市林立～雖然鋪頭小小，但十分整齊十分整潔～ 晚上七點幾去既時候，好彩未多人，好快就入坐～ 係厚切沖繩豬扒同炸蝦野菜天婦羅之中，選擇了炸蝦野菜天婦羅同手工蕎麥麵！ 凍冰的冷麵汁，竹席上的蕎麥麵，黃金色的天婦羅整齊地放在我面前～ 天婦羅的外皮十分薄脆，毫無油膩感，虎蝦大隻又彈牙，一口接一口 日本南瓜、車厘茄及四季豆等蔬菜仍保留水份，十分清爽！ 小店還有日式串燒，當然要叫串黎食下～ 外脆內軟的牛舌，品質真的十分好！加上檸檬汁，牛肉的油脂帶點酸咪咪的滋味～在我口中散開 期待下一次食咩好啦！

天時暑熱就會諗起黎呢間餐廳食凍蕎麥麵。一坐低就會送上熱茶同前菜。前菜每隔一段時間就會轉。今日前菜係牛蒡。下面仲有一塊蒟蒻。味道甜甜地。叫左炸雞凍蕎麥麵。仲可以揀熱蕎麥麵冷熱烏冬或飯。蕎麥麵係自家製。口感爽口分明。唔會糊左一團。配埋冷麵汁十分解熱。炸雞即叫即做。有4大件。炸皮薄。做得出色。用上雞上脾肉。十分嫩滑。咬開入面好多汁。調味岩岩好。配埋個酸酸甜甜沙律醬十分開胃。另外一提。侍應服務主動。會密密自動加茶。不過一定要齊人先可以入座。

今日同同事嚟到「三葉屋」，鋪頭細細，店裡擺咗唔少日式酒瓶，又有中式揮春，幾特別。我見隔離檯炸雞大大隻，所以我都嗌咗份「他他醬日式炸雞飯」。先講炸雞，份量大，啖啖肉，雞肉剛剛炸起，皮脆肉嫩，但味道就好淡，要靠點他他醬同檸檬汁調味。白飯加日式醬油，味道唔寡。價格方面略高，呢個餐$72，得餐茶同前菜奄瓜，略嫌不足，區內午餐界乎$50-$60，但他他醬同大隻隻日式炸雞嘅組合喺區內唔常見，有佢獨有之處。環境方面，鋪位細細，檯與檯之間距離好近，但坐得算唔差。總括而言，價格略高，但有獨特菜式值得一試。

今日揸車經過炮台山，聽講有一間日本餐廳食蕎麥麵好出名，諗住去試下，但去到個店員好吋，態度惡劣，我本想坐近門口位，放便睇車啫，怕抄牌丫嘛，但佢諸多留難，偏要我坐離門口最遠位置，玩我咩？叫我點睇車？結果叫我坐餐廳門外，熱到死點食得落？我後來決定入番餐廳坐，但極速食完閃人，這間店冇下次再幫襯！我不嬲都吾鍾意寫食評，嫌麻煩，但這間店實在太差了

週末的晚餐在炮台山尋找餐廳，兜兜轉轉到三葉屋，鋪面唔太起眼，入面左右兩排檯凳，是一間小店。鋪頭最出名應該係烏冬, 蕎麥麵。我選了沖繩吉列豬扒烏冬，豬扒份量很大！很厚身，頗嫩，肉味香。但我就真係食唔晒，朋友都要幫手食。豬扒底襯有椰菜斯，醃菜等。味道就一般。烏冬都算煙靭。朋友叫左半烤鰹魚刺身配烏冬，轉左唐辛子烏冬，要加10蚊。黎到唔係個湯有辣味，係烏冬既麵團本身加左唐辛子。都幾特別，加10蚊抵唔抵就見仁見智啦。

爭啲因為呢間鋪頭我同我男朋友又反面啊😑本身佢問我想食咩，問我食唔食烏冬/蕎麥面之類嘅嘢，嗰一刻其實我係想食意粉或者串燒，佢再次重複問我食烏冬或者蕎麥面好唔好，我心唸咁即係你好明顯想食啦，明明我之前都講咗我想食啲咩，咁你又再問我究竟想點呢？就係因為咁樣成程車都冇講嘢直至去到三葉屋? 去到之後先我覺得好似有啲怪錯左佢！因為第一個感覺我覺得佢又求其帶我去一啲普通嘅日本野食啲好普通嘅烏冬同冷麵 ，所以有啲唔開心 😫！不過之後就有啲內疚自己成日都咁衝動 ！門面係一間小小嘅日式鋪頭賣嘅原來係主打自家製烏冬同蕎麥面，地方少少亦都無特別安排要做what in客，係咁啱有位先有得坐咋！店員好親切㗎又有禮貌 ，先試佢哋嘅烏冬先叫咗個日式豬扒熱烏冬 ，另外加咗幾樣小食：包括串燒牛脷、黑糖手羽、三色薯餅仲有燒年糕。後來先發覺我哋叫得太多啦，冇諗到佢個日式豬扒咁大塊，有啲嚇親，不過大得來佢又揸炸得好有肉汁喎，雖然邊位都有啲肥，一個人點食得晒呢？牛舌呢⋯⋯我就覺得有陣騒味 ，同我平時食嗰啲串燒有啲唔同 ，不過唔可以話佢唔好味 ！相信鍾意食牛脷嘅人應該會幾鍾意（包括我男朋友 ）跟住係三色薯餅，因為我哋冇諗過塊豬扒係

早前見傳媒報道呢間炮台山小店😲知道店主曾經在日本工作時老闆教他如何製作蕎麥麵，回港後並且開設了餐廳，於是特登過黎，1830到達鋪頭，店員詢問完有無book位後隨即安排入座！翻開餐牌點了兩客晚市麵食😊半烤鰹魚刺身配冷蕎麥麵🐟小碟上有蘿蔔蓉，建議加入在蕎麥麵汁，至於葱花同wasabi ，可按個人口味而決定。麵口感彈牙、具靭性，吃得出蕎麥香但是份量不是很多。鰹魚刺身好新鮮，將邊位烤過層次豐富咗，肉質鮮甜😋燒鹽糀味噌漬牛肉配冷蕎麥麵🐮牛肉幾juice，嫌略為有啲鹹餐廳設有卡位供三五知己暢飲，總大約20-25個座位而且坐無虛席，小插曲係點餐時原想點熱蕎麥麵，店員有禮推介凍食味道更佳，如喉嚨不適才點熱食及切忌加入蘿蔔蓉。