三餐四季

营业中

休息中

經常覺得上水區無乜好嘢食，今日約咗幾個朋友食早餐🍳竟然發現新驚喜😍咁多早餐的選擇⋯⋯咁多配搭的美昧⋯⋯咁多⋯⋯咁多⋯⋯咁多⋯⋯的驚喜😍😍😍好多時我食嘢都會睇OpenRice朋友介紹來這裏吃見到在OP好多不好評….. 但我一入去未吃已經感覺是好評………由於店舖員工第一時間的招呼和禮貌，已經給我❤️第一個好印象，再食埋佢哋嘅食物，我就覺得very good👍👍👍👍👍我哋幾個人食早餐食一邊說笑＇又係到玩，員工都同我哋玩埋一齊🤣感覺好親切🥳🌹我哋幾個人都是點了這款早餐🍳，只是主菜不同😋🐷香煎豬扒沙律🥗…豬扒美味😋沙律更好味🥖🫔香腸配午餐肉…..煎得夠香😋🥞奶油脆豬仔包…..外脆內軟，非常好吃😋🥤凍檸茶早餐都有炸雞🍗髀食🥰朋友吃的主菜炸雞髀🍗勁吸引，下次一定要吃—————早餐豐富美味吃得開心🥳員工服務有禮其實開心🥳簡單就在我身邊食….拍…寫.. 已經成為我生活中的一部份鍾意食..鍾意拍.. 鍾意寫..留下美好回憶——————

$198 二人餐包兩個餸，兩個湯，一個菜，兩個白飯，兩個熱飲，仲想點？今日例湯係椰子豬骨湯，好清甜，非一般例湯交行貨。誠意之作 9/10。兩個餸，叫左黑椒薯仔牛柳粒和咕嚕斑塊。味道雖然未清得上係驚為天人，但夠鑊氣，以茶餐廳水準來說合格有餘 8/10菜叫左蕃茄蛋。蛋的份量係爆多。味道偏向清淡一點。香港大排檔的蕃茄蛋有部份係多落糖偏甜。口味上偏甜的當然會好吃一點，但淡口少甜的會更健康。個人偏向後者 9/10餐廳所處的街道人流較少。當晚餐廳的入座率遠低於一半。香港咁有誠意的茶餐廳真的越嚟越少了。希望餐廳生意興隆，長做長有啦

首先 個收銀無論係落單定係收錢嘅時候全程都係哭喪咁嘅樣我見間嘢冇人、諗住試吓個蕃茄蔥爆牛肉落單嗰陣時個職員同我講已經冇晒多士得返奶油包 (原本我係想叫多士 )咁我就問佢，咁冇得揀嘅情況係咪唔使加$3 因為嗰個奶油豬我覺得唔好食，而且又要加$3佢唔睬我，跟住我再問多次係咪得返呢一個包冇晒多士或者麵包揀，佢話係我話咁樣咪唔使另外+3問我，因為係你逼我要㗎嘛然後佢就幫我寫單跟住啲嘢食到嘅時候，係一個男人好似執完垃圾咁嘅樣過嚟放低啲嘢食嘅…然後嗰條腸同午餐肉好似炸咗10年咁樣大佬啊，我真係未想死住囉跟住啲餐具，每張枱都係得一隻叉然後個櫃桶係好污糟㗎我朋友之後先嚟 佢就嗌嗰個炒麵 佢話咸到爆炸佢話一食就好似落咗成樽鹽去煮咁黐孖筋，我成碗嘢唔咸 不過都難食到嘔，我真係食到一半，就放棄咗重點係佢初頭嗰餐所謂嗰個奶油豬，最後佢竟然寫我唔要包嘩咁cheap嘅做生意我真係第一次見首先你可以同我講你都想屈我加$3要嗰個包但係唔好幫我作，話我唔想食唔要囉我都係睇返張單先，見到佢咁樣寫衰到咁樣嘅態度，我真係第一次見終於明白間間咁多人，點解佢可以冇人幫襯不過唔緊要啦，應該好快會執㗎喇#有啲鬥氣人士可以去試吓親自感

本身想去附近餐廳，但排晒長龍，而我哋需要地方歇一歇同傾吓偈，於是入咗呢間餐廳。喺OpenRice見到評語一半，本身冇乜期望。我叫咗個常餐，叫咗雞湯底同埋轉出前一丁。冇諗過個出前一丁竟然整得咁好食！湯底有雞湯味，保留返出前一丁味粉嘅味，但應該冇晒包到晒落去。出前一丁軟硬適中，配合咪有雞湯味嘅湯底，真係一流！好難得遇到一間餐廳嘅常餐餐麵整得好食。有機會嚟呢頭，會再食呢間。另外我嗰餐嘅炸雞皮都好好食，肉質鮮嫩，雞皮炸得脆口！只係凍檸水味道一半，叫咗少甜但冇少甜。

【北區】【三餐四季】尋日講話屯門區好耐冇寫，其實北區都係，我近排啲時間實在唔容許我好似以前咁周圍流離浪蕩。唔知幾時可以「正常」返，不過有機會就盡做住先。好似今次我就入到上水，食一間之前入過去但無奈最後食唔成嘅餐廳。嗰次係入到去坐低咗但係臨時有急事要走先，呢啲茶記就好難係因為貴到食唔起而敗走啦。不過我呢輪去完美國都「元氣大傷」，要儲吓錢先得，預告定嚟緊嘅用餐體驗都會係去啲比較平民路線嘅餐廳，希望各位讀者見諒。咁我去到就叫咗個 $68 嘅「全日早餐」，主菜揀「嫩滑炸雞髀」，全日早餐嚟講好少咁配，味道正常。另外嘅薯餅、煙肉、蘑菇片、牛油粟米、茄汁豆、鮮奶炒蛋都比較一般，個蘑菇仲要苦嘅，加 $3 嘅「奶油脆豬」就幾好。餐飲我要咗凍飲，加 $3，係一杯幾平庸吓嘅「凍奶茶」，咁樣夾埋就 $74，都唔平，不過我知佢都幾花時間整。而一份餐我好難出 post 所以侷住喺有限嘅時間之下再去多次，今次食「全日常餐」，按主食係乜嚟決定價錢。我叫 $52 嘅「招牌牛腩」，正常合理味道，配嘅「米粉」就唔錯，湯底係清忌廉雞湯都正常。配菜鮮奶炒蛋 okay，而有得配紫菜係幾特別，不過味道正常。加 $2 轉奶醬多係好食

食食吓雪菜肉絲螺絲粉，成條雞翼骨仲有啲雞肉碎喺裏面，同個阿姐講，佢話平時係用雞腳煲個湯底，再追問佢點解係條雞翼骨唔係雞腳，佢又冇解釋點解，又冇處理就咁行開咗，完全當無事發生，仲要之後走去同廚房佬講，話自己都唔知點同客解釋，個廚房佬仲講笑話隻雞翼喺非洲飛入去個湯度喎…以後都唔會再幫襯，都奉勸去食嘅朋友，唔好嗌有湯底嘅野🤷

用心製件的食物，價錢又平，好抵食，下次一定要再來。炸雞髀炸得好脆，肉質又唔韌，應該唔係翻炸。而且又夠入味，味道適中。奶油豬塗了很多牛油及煉奶，絕不吝嗇或馬虎。多士烘得脆脆的。

三餐四季本身諗住食附近果間米線，一如往常勁多人喎，就行過黎呢邊，睇個名仲以為係食齋架添。 出面門面幾乾淨舒服。——————-薯仔雞飯 🥔🥔🐥味道一般，當普通兩餸飯質素，非常家常便飯既感覺，無乜特別，而且個汁有啲稀。飲品叫左杯兒童鴛鴦（阿華田+好立克）都幾有趣♥️♥️♥️♥️朋友叫左焗飯，有燶邊，味道可接受😂😂😂😂份量可以多少少😂就咁睇覺得餐牌果啲幾有心機， 但整體食物質素可以再努力💪🏻💪🏻

工廈飯堂質素 感覺求其是但煮 價格貴過大家樂大快活 但係份量較少 炒粉面飯鑊氣火候嚴重不足 廚房煮野非常行貨 其中餐牌既小菜秘制咖哩完全極度不建議 因為完全伏 以為好歹都落鑊炒下 結果同自家咖哩汁一樣冇分別 走油炸豬扒加咖哩汁加未熟洋蔥同青椒 係中式咖喱款但係唔炒。。。自家製咖哩什扒都係工廈劣質平價咖喱飯 一句又貴又少 只係唔難食 人地工廈仲會有杯熱飲 佢加錢先有 炒貴刁冇鑊氣用工廈咖哩炒河粉完全唔好食 總結 今次點左 午餐炒貴刁 （差）小菜咖哩豬扒（劣） 自家制咖哩什扒（劣） 羊腩飯（常） 午飯 237 蚊 四個都食唔飽 極失望

咁多人話唔好食既？我自己次次經過三餐四季都乜人，反而隔離就好多人等啦，晚市都輕易入到去前身係舊式茶餐廳，即係好似隔離發記果種六七十年代feel咁，而家裝修左，變咗鵝黃色，開頭以為係新派餐廳點知又唔完全係餐廳有全日西式既早餐，叫做幾驚喜，因為我都好中意食大雜燴，但係夜晚肚餓都想有啖飯落肚，所以叫左套飯：一個餸加一個飯加熱飲我八點左右坐低，五個餐已經賣淨兩個，試唔到我最想食既炒豆角，只好食豆腐牛腩。上菜速度快，味道方面都幾好味，餸好多，煎豆腐夠林，牛腩唔會難咬，都幾唔錯。對面朋友叫左菜心炒牛肉，菜心新鮮，牛肉都係唔會難咬而且夠新鮮。合格有餘喎一個餐先62蚊，我覺得都可以架啦

岩岩開果排見到好似都多人，知道係轉新野，都想塊試下，點知係一試中伏。1. 早餐閒閒地都要四十幾，份量唔係特別多，同根本唔好食，完全唔值呢個價，行多幾步比佢平比佢好食既都有唔少。2. 到拎餐具，放哂係個膠既小櫃入面，個櫃輕唔係好坐力，一拉就拉埋個小膠櫃，點知入面既野重輕，嘩原來係膠既，重要軟軟地果款，好似兒童餐具果款呢，切開塊雞扒都唔係好夠硬掙，切都嬲嬲地，唔係掛大佬，玩咩？3. 入面既人態度唔好其他人都分享過，唔洗多講。不論顏色，只論質素，三個字：唔推薦！

平日會食好西嘅我，今日假期不用返工出去食，想食返一啲地道清清地嘅嘢啦，依家就去咗上水嘅餐廳店名叫做三餐四季食咗川味米線餐廳同埋沙嗲肥牛炆伊麵。米線無辣度揀，所以不太辣，辣度仲少過某間出名米線嘅小辣度，有啲不夠喉；炆伊麵都幾好食，味道足夠但感覺有少少肥膩，但整體上都係好食嘅，餐廳環境整潔，侍應亦都好有禮貌。佢原來都有早餐食嘅， 有我最鍾意嘅脆豬包啊🥰

店舖外觀光猛，舒服。感覺良好，但一進入餐廳，餐廳職員態度極差。叫嘢食，不可同飲品分開叫，係為方便佢哋落單。講到啲嘢食，同出邊叫啲兩送飯，冇乜特別。啲白飯質素，真係同出邊啲兩送飯冇分別。諗住可以坐得舒服啲。啲嘢食都係其次。最差係啲職員態度不知所謂。

龍琛路落車，本來想行去廣城牛肉通，心知有排等位。經過三餐四季，裝修光猛企理，原來早餐都有薑絲牛肉仲可以揀福麵。連埋3.6炒滑蛋，餐肉/火腿等，厚多士加熱飲才$35，抵食之選!

聽聞餐廳OK，今早就去早餐，店內探熱器冇反應員工未有作出協助，即時話如果你是發燒亦可以幫襯，裝修環境比較簡陋，店內姐姐手持手機落單但需時，發覺她操作並不暢順，五香肉丁麵很鹹，多士很硬，應該是隔了多夜的麵包！炒蛋唯獨是炒尚算OK，價錢$35！平時幫襯王牌餐廳，他的鮑魚火腿絲米粉冇得輸，記得要加辣椒油，皇牌餐廳多士很鬆化柔軟，價錢$34 只不過他們的侍應比較串一些！平心而論環境、食物質素我覺得皇牌餐廳成一籌！總結不會再幫襯三餐四季！他們要改善的地方太多了！