上品火鍋料理

营业中

休息中

依家火鍋店開到周街都係，想打邊爐真係行到邊度都有得食但又唔係間間都掂架啵...有時都會中下伏...今日我又同個老友約埋打邊爐，今晚想試下小店，揀揀下就揀左上品火鍋餐廳環境有少少中國風，空間感足夠，唔洗逼住咁坐，幾好上品火鍋係單點式既，價錢中等，食物內容豐富，好多野食揀除左火鍋料之外，刺身同小食好似都幾受歡迎，見到隔離枱叫左個刺身拼盤同幾款小食坐低研究左一陣，終於決定到食咩好我地叫左一份上品牛肉拼盤、麻辣湯底、龍蝦刺身、鱔片、炸魚皮、水餃皇等等...小食就叫左脆皮牛腩同脆皮芝士蝦丸食物質素幾高~超出我預期特別係牛肉拼盤，每個部位都好好食，亦都帶有唔同既質感麻辣湯底都好惹味，唔會辣到食唔到個種龍蝦刺身都好新鮮爽甜，正!而其他火鍋料都同樣好出色，基本上無中過伏小食都好唔錯~脆皮牛腩唔會令肉質變un，仲係咁鮮嫩易入口，脆卜卜既牛腩真係好少有得食~幾新奇脆皮芝士蝦丸就簡直正中我下懷，本人係超級鐘意食芝士蝦丸同煎炸野，呢個小菜簡直係為我而設咁蝦丸入面既芝士非常濃郁，同蝦丸好夾，加上香脆外層，我真係搵唔到有咩位係有得輸正到我想order多一碟自私食添呀!!!

放工後跟幾位朋友來到天后由於7點前已到，所以有空位，好快可以坐下有1位朋友唔想淨係食打邊爐所以都點咗D小食椒鹽九肚魚 - 夠香口口水雞 - 個汁好惹味呀脆炸豆腐 - 最好食係佢，真係內軟外脆湯底點了麻辣鍋打邊爐唔食辣總係覺得唔過癮要咗小辣，咁樣就唔怕蓋過咗海鮮嘅原味啦點了海鮮拼盤有蝦、蠔、蟹、魚等等樣樣有 唔洗煩全部都新鮮，都好難唔好食啦點咗黑毛豬被唔食牛嘅朋友其他人就食個牛肉拼盤大推呢個有6-7款唔同部位再點咗少少其他配料已經好飽除開每人都係$3xx又有海鮮又有咁多牛肉真係抵食

秋風起又到打邊爐嘅季節🍲圍住個爐暖笠笠既感覺真係好爽🔥今次來到天后呢間火鍋店，一入到去覺得真係好大😲兩個人食坐個張檯大到坐六個人都得😂真係未試過打邊爐坐得咁舒服🤣不過服務就真係一般，唔知係咪因爲唔夠人手呢🤔〰️手卷炸腐皮（半份） $34四川粉皮（半份）$29竹蔗茅根 （酌）$42自製鮮四寶丸 （半份）$48西生菜 （半份）$19油麥菜 （半份）$24炸魚皮 （半份）$29清熱芫茜皮蛋湯 $98雪花肥牛肉 $98稻庭烏冬（半份） $29其實半份比我地想像中大份好多😱所以如果2-3個人去食既話小編建議叫半份就夠了👍我地叫咗個芫荽皮蛋湯，個湯底好足料，入面有好多菇同豆腐，啲豆腐仲好滑😋小編好欣賞佢個響鈴係自製新鮮炸，好少見到火鍋店會自己炸，佢仲跟埋會甜酸醬唔駛淥就咁食都得👍另外佢地既四寶丸都係自製的，好彈牙，唔好見佢半份得四粒好少其實好大粒，我地將啲丸一分為二之後先同平時正常既丸size一樣😂另外個竹蔗茅根入面真係有埋條竹蔗，貨真價實🤪至於其他料都正正常常，係上面幾樣特別啲🤣👍

由於我朋友特別沉迷於上品啲湯底，次次講親打邊爐都話要嚟呢間，次次都要叫日式海帶鮮螺頭鍋。佢話呢個湯底第二度無，每當我建議佢試下其他火鍋店，佢都表示好抗拒。雖然我對佢中意果隻湯底麻麻，但我地可以叫雙拼湯底，同埋我都幾鐘意佢啲刺身，因為佢地自設魚池，保持到新鮮度。仲有每次必叫嘅牛肉拼盤，雪花靚又新鮮。食物方面保障到質素之餘價格都經常會有優惠，特別係生日會有折扣！所以逢親佢生日我地都會嚟食。我地真係都算係上品嘅忠實Fans啦。

去到餐廳已經差唔多9點，仍然係好多食客~睇黎餐廳都幾受歡迎餐廳裝修幾特別，好有古色古香既味道座位寬敞坐得舒服今次點左四川麻辣鍋，因為朋友俾隔離食客個陣麻辣香味吸引左另外仲叫左活魚刺身、牛肉拼盤、海蝦滑、花雕醉雞件等等...活魚刺身真係好生猛，上枱個時個咀仲郁緊...刺身入口幾鮮甜，薄薄一片點Wasabi豉油食都幾正，份量好多麻辣鍋底夠哂辣...我地唔想食到太熱氣，所以只係叫左中辣，辣度啱啱好牛肉拼盤就真係超級推介啦~~一個拼盤有七款唔同既牛肉，每一款都咁好食特別係邊爪位同埋牛柳粒，牛柳粒唔會un同鞋口，反而幾軟淋海蝦滑用既蝦肉好新鮮，好彈牙，真係好食到想order多一碟花雕醉雞件都係意想不到咁好食，雞件應該係用新鮮雞，肉質滑得黎好有雞鮮味，花雕味唔會太搶，反而增加左香味

鮮花係指排盤嘅花，雪花係指牛肉嘅雪花紋。排盤排得靚，肉質又靚，呢餐打邊爐就當然食得心情靚啦。聚會揀打邊爐就最開心啦，人多可以揀多啲配料啊嘛。一向打邊爐我都唔太在意啲擺盤，但今次呢間餐廳啲排盤又幾吸引我嘅注意喔。啲海鮮擺盤幾靚，有啲鮮花陪襯睇落都好似新鮮啲。另一個吸引我注意嘅係牛肉拼盤啲雪花，一睇就知好食果種。我地叫嘅鴛鴦湯底，鮮茄薯仔牛粒鍋拼秘製馬來沙爹鍋，我就中意鮮茄多啲，番茄味幾濃郁，但又唔會太鹹，唔錯。一齊都叫咗十幾樣嘢，打邊爐啲配料都唔錯，無出現唔新鮮嘅情況，質量都算中上。仲叫咗一款小食：四川口水雞，味道都唔錯，啲雞幾嫩滑，醬汁惹味香辣。

今年父親節父親要求打邊爐，上網搜尋有活魚供應的火鍋店，當中有間【上品火鍋料理】在Openrice 上有抵食優惠卷而且父親節都可以用，就這樣決定book呢間。點知今年父親節剛好撞上6.12反送中遊，天后地鐵站封左唯有從炮台山站步行到天后，路上全部都是黑衣人，場面令人感動。不知道是否受遊行影響，當晚雖然是父親節，但未有full house。 【上品火鍋料理】地方大佔了兩間地鋪。火鍋的調味料 ($20/位) 選擇多，有豉油、麻油、紅醋、辣椒油、沙爹醬和麻醬、生蒜、薑蓉、芫茜……等。火鍋料豐富廿款湯底，有花膠魚翅鍋、咸菜豬肚、冬陰功、烏雞鍋……等。 湯底松茸雞鍋$208，即場在Openrice 買優惠券 $128，叫份海鮮拼盤後湯底再減$88……即是最後$44，抵！這個 【松茸雞鍋】超足料，有半隻雞及大量松茸。 此湯清潤美味，用料豐富，營養豐富具有滋補效果。 姬松茸菌蓋嫩菌柄脆，味純鮮香。放入火鍋配料前當然要飲碗松茸雞湯，每人飲左兩碗而且又食雞肉，平靚正！！今晚父親節豐富些於是叫海鮮，選擇多而且價格合理。叫海鮮拼盤後可以半價點這海鮮餐牌上的食物【海鮮拼盤連湯底 $488】 這個海鮮拼盤超豐富有

近排公事好忙，時常喺公司OT到好夜，夜麻麻又肚餓，同事話不如食埋飯先返屋企。但係夜晚10點幾，好多餐廳都已經閂咗門，都唔知食乜好，落街周圍望，睇下有冇嘢食。行行下見到有間餐廳仲開門，就係上品火鍋，平時公司附近有好多餐廳選擇，所以未有機會喺度打邊爐，原來好夜先閂門，咁就入去試下啦。冬瓜豬骨湯底，見到係奶白色，已經知道係正宗豬骨湯，味道濃郁，未打邊爐就飲咗1碗。炸魚皮食得出係新鮮，好鬆脆，又無隔夜油味，咁大碟算係好抵食。牛肉夠淋，油花分佈平均，淥到7成啱啱好。牛味稍稍不足，不過脂肪搭救，口感頗佳。仲叫咗幾款其他配料，不過夜晚又唔食得太多野，都係想有得坐下，食飽先返屋企。

今日同表哥打邊爐吹下水~我地兩個最鐘意去D散叫又高質既餐廳打邊爐架啦搵下搵下就搵到上品火鍋啦今晚點左一份刺身拼盤 ($488) 仲送一個火鍋湯底俾你~呢款刺身拼盤內容都幾豐富~有北寄貝、鮮帶子、象拔蚌、甜蝦、鮑魚、三文魚同埋泰式生蝦撈唔係講笑，刺身質素好過我預期喎！帶子唔係薄薄一片，都算有少少厚，食落好鮮甜！三文魚夠哂肥美新鮮夠凍！鮑魚就有三隻，每隻開兩邊，估唔到又幾爽口喎~不過最好笑都係個泰式生蝦撈, 醬汁夠哂惹味同埋夠辣！我同表哥都好鐘意！蝦又大大隻！湯底就揀左鮮茄薯仔牛粒鍋~茄味濃郁，配牛肉真係天生一對~同埋湯底有大量秀珍菇同蕃茄，可以慳返唔叫蔬菜雖然鍋底有牛粒，但都叫左一份安格斯肥牛~雪花紋幾靚，放入湯底滾佢十秒左右就食得~真係好食到只溶係口另外仲叫左流沙汁釀墨魚丸、貢丸、豬粉腸、鬼馬油條同埋烏冬墨魚丸彈牙可口，入面既流沙餡令成粒墨魚丸加唔少分~豬粉腸處理得幾好~無臭味最後落個烏冬做結尾，真係超正！

最近差唔多次次都食飯食到鬧曬交..鬼叫呢度冇限時，食幾耐講幾耐都得咩...湯底選擇好多，當然要揀特別啲㗎啦，無經其他人同意下就揀咗杏汁白肺湯～因為聽阿媽講豬肺係好難洗所以決定出街先食。一嚟到成個鍋都係白雪雪，試咗一啖之後，唔...好似可以濃啲杏汁味，再厚身啲，不過算啦好難得先有得飲所以都接受。牛係必食，一致決定食手切安格斯肥牛，鮮紅色夠新鮮有牛味，輕輕淥一淥就已經好快熟，肉質夠嫩滑肥瘦均勻，真係要搶食先得～鮮制四寶丸好食！有牛丸豬肉丸蝦丸墨魚丸，我嘅至愛都係蝦丸，因為好爽口彈牙，而且自己屋企打邊爐一定唔會有～皇帝菜一碟唔算好多不過$55質素係條條菜都好新鮮！Anyway,成餐飯最唔滿意就係停止唔到朋友叫雞子嘅慾望...可能佢睇咗OpenRice見到啲雞子粉紅色脹卜卜大大粒就好想食.....我一粒都無食過...好彩啲微絲血管唔係好明顯姐..如果唔係成餐飯唔洗食...呢度仲有象拔蚌、龍蝦刺身，不過真係太貴食唔起，有機會要叫多啲人一齊食先得！因為見到隔離枱嗰啲真係好新鮮、好特別！

今日表哥過咗嚟，講到明想食海鮮！但無講明要食海鮮火鍋定刺身，於是我就帶佢嚟試勻曬！海鮮拼盤，刺身拼盤各叫一個！我地仲加咗碟肥牛。刺身拼盤有：北寄貝，鮮帶子，象拔蚌，甜蝦，鮑魚，三文魚，泰式海蝦款款都新鮮、靚、正！只不過有一點唔好，就係食唔夠喉啊！（不過老實講分量都幾足嘅！）我自己特別中意食象拔蚌，鮑魚，八爪魚這幾款，就係中意果種爽口，煙韌的口感。慢慢在咀嚼中甜味開始散發出來……正啊！而表哥就比較中意食三文魚啦，油脂香味重，肉質肥美鮮甜。海鮮拼盤有：活海魚，海蝦，聖子，蠔，花甲，蟹。湯底叫咗清湯同清熱芫茜皮蛋湯，食海鮮叫清湯好啲，咁唔會太重味，掩蓋了食材本身的鮮味。同表哥都好耐無見啦，咁係要啤一啤佢，暢聊一宵啦！叫咗兩樣小食：辣酒海螺，椒鹽鱔片。辣嘢，煎炸嘢送酒最啱噶啦！有時去酒吧飲嘢都無咩小食揀，係食嘅地方就唔同，特別係呢間，小食都幾多選擇。

一開始我地係唸住叫清湯嘅，不過唔知點解一到夏天就好想食辣嘢。而且好多配料一擺落麻辣湯底隻味即刻提鮮咗！真係辣得嚟好惹味！於是我地就決定叫四川麻辣湯底配清湯鴛鴦鍋。點解我地要揀呢間，打邊爐其實周圍都有……因為好難搵到一間刺身同火鍋都好食嘅餐廳。今次因為火鍋配料叫得多，刺身就叫咗兩款。兩款味道鮮甜，口感彈牙爽口。三兩下就一掃而空，讓人回味無窮。鬼馬油條，呢個我地都唔敢擺落麻辣湯底，驚油炸鬼索曬啲辣汁……所以都係擺落清湯，食落都唔錯，口感香滑酥軟。上品牛肉拼盤，共7款不同的牛肉部位。一次過食曬唔同部位好正，牛味濃郁，肉質嫩滑。新鮮牛柏葉：哇，呢個一定要擺落麻辣湯底，食落鮮辣又脆爽！好正！鮮製四寶丸：我最中意就係食手打丸。好彈牙又鮮美，加埋啲醬汁食真係好享受！日本蟹柳：每次打邊爐必叫。仲叫咗脆骨腩，黃喉，四川粉皮……食完雖然嘴唇變咗孖潤腸，不過為咗美食我願意短暫犧牲我嘅外貌。今日真係感受了多方面嘅鮮味，首先係麻辣湯底嘅果種麻辣鮮香，再嚟就係刺身嘅鮮美，仲有牛肉嘅果種鮮嫩。雖然這裡價錢不能算得上抵食，但勝在食物質素唔錯，所以大家都願意食貴啲。最緊要都係食得滿足啊嘛！

🥢🍲夏天最啱出街打邊爐🤤 放到成枱都係食材就好滿足🤩 用book枱仲有discount! 6:30或之前的時間 最少有7折！用餐時間係2小時 waiter唔會因爲用app訂而怠慢你 超級熱情介紹又主動斟茶/fill野飲/收碟/換新碗 仲提我地仲有25分鐘 如果無野要加 幫我地埋咗張單先 ensure有折 都有可能趕住翻枱🤣豉油配料有9款 任加 落完單 食物好快就舖到成枱都係 每樣的分量都啱啱好 唔太多 我地6個人 美中不足係個電爐對水好敏感 一有水就自動熄火 搞到爐滾要等耐啲湯底都好足料 鴛鴦鍋 叫咗豬骨湯有齊鳳爪豬骨 另外嘅湯底係螺頭海鮮有滿滿的菇同海帶🤤7折後 $1500, 6位 減咗500 算係幾抵食

半年前同個客黎食過飯，食物質素好唔錯，一直都好想帶朋友黎黎試下，今日終於有時間黎啦我哋點咗左鴛鴦湯底，揀咗冬瓜豬骨瑤柱同埋蕃茄湯底侍應就推介我哋叫海鮮拼盤 ($488)，入面包含六種海鮮！見到差唔多枱枱都有，加上有咁多款海鮮，一於叫一個試試佢先！另外仲叫咗手切肥牛、海蝦滑、鬼馬油條、同埋響鈴蕃茄湯底內含唔少嘅牛肉粒，蕃茄味超濃郁，唔食得辣而唔想太清淡嘅好選擇冬瓜豬骨瑤柱湯底就最適合用嚟食海鮮，咁就唔怕因為湯底太濃而令海鮮無哂鮮味，鍋底都有唔少嘅瑤柱，冬瓜同粟米都好好食，仲有秀珍菇，可以慳返唔洗另外叫蔬菜食之後侍應就送咗海鮮拼盤黎啦，果然係好推介！海鮮望落好新鮮靚仔，一定唔會係雪藏貨或者死咗好耐嘅貨海鮮拼盤包括有活海魚、海蝦、大蟶子、珍珠蠔、花甲同埋蟹一隻真係聽落都覺得好豐富特別推介大蟶子！真係好大隻，完全無沙，食落爽口鮮甜，同我係流浮山食嘅一樣咁正呀！不過就滾佢一分鐘左右就夠啦，千其唔可以滾太耐會變老活海魚滾過之後仍然保留到鮮味，啖啖肉完全無骨，對於鐘意食魚但唔識吐骨嘅我黎講真係勁滿意！手切肥牛佈滿肥美嘅雪花紋，真係未食都流哂口水放入蕃茄鍋個邊煮，牛肉切得厚薄適中，唔洗十秒就食得。入口

以前一大班兄弟聚會都會選擇係上品，不過而家大家返工又有女女陪，同兄弟出去嘅機會都少咗好多。今日難得大家又聚在一起，梗係老地方見啦！食過好多次，都無影過呢度啲環境。其實呢度環境都幾中國風，幾有FEEL。特別係啲燈，紅噹噹，幾喜慶。最適合就係一大班人打完波去食。我地都叫咗幾多嘢，又火鍋，又刺身。我地一致都覺得呢度啲食材好新鮮，刺身好鮮甜爽口，真係好正！鮑魚鮮甜又咬口，真係好想一個人食曬佢，不過我驚比人打，所以我要克制下我對鮑魚的喜愛。一邊打邊爐食刺身一邊高談闊論，真係好享受！我地都叫咗好幾款牛肉，牛肉拼盤有好幾款牛肉，包括頂級本地鮮肥牛，牛柳粒，雪花肥牛，安格斯肥牛，牛胸尖等。我地驚唔夠食，於是又叫多碟牛。費事大家食唔飽啦。我地都叫咗好多嘢食，佢呢度選擇都幾多下，不過我地就少叫蔬菜類的食物，因為覺得係出面食菜好唔抵，叫咗好多肉類，丸類。後尾掛住吹水和食嘢都無影到啦。普遍嚟講，嘢食分量都幾多，最重要係都好新鮮。環境又唔錯，又離地鐵站近。如果再聚，我唸我地都係會揀呢度。希望可以繼續保持質素。