上海上海

营业中

休息中

講真粉嶺真係無咩好食，尤其係無上海野食！好彩最近開咗間「上海上海」，又坐得舒服，太好啦，又多個地方選擇！我最鍾意食濃味野，佢嘅濃油赤醬菜式就岩晒我！除此之外，佢啲菜飯都好吸引呀，所以今次試吓菜飯！《梅菜扣肉菜飯》 男人的浪漫！扣肉好白軟入味，脂肪同肉相間，唔會成舊都係肥膏，梅菜又香，撈飯一流！ 菜飯都好唔錯，菜多又有油香～ 《麻婆豆腐菜飯》呢個辣辣哋幾開胃，豆腐同肉碎都係撈飯好正！ 下次試吓佢嘅濃油赤醬菜式先！

新開張阿媽話想試，咪試下食完唔會再去，要食上海菜去粉嶺中心湘川滬落單後即上菜，超快小籠包質素，同公仔點心一樣，唔係自家整，肉無鮮味鍋貼，只是煎餃，仲要勁細隻，肉無鮮味酸辣湯有怪味

#上海上海今次講嘅係位於粉嶺食滬菜嘅上海上海💕原來呢間舖頭係新開嘅 店員服務態度都好好☺️Menu種類都幾多✨雪菜肉絲拉麵 $62💰（7.5/10）呢個雪菜肉絲拉麵大大碗份量十足🤤食晒一個絕對會飽🤤雪菜份量好多 好香 而肉絲都唔會好乾😋配埋拉麵呢個配搭幾岀色‼️鎮江排骨餐 $63💰 （7.5/10）送到上枱面覺得好香🤩排骨份量都幾多✨而且佈滿醬汁 食落去唔會好乾☺️呢個套餐係會配一份主食 小編揀佐蘇式拉麵🍜拉麵大大碗而且一啲都唔淡反而幾濃味咸道適中 配埋麵食會幾夾‼️‼️睇到呢度 快啲約埋朋友一齊去‼️‼️推薦指數🌟 7.5 / 10 🌟📍#巨B覓食粉嶺上海上海 (粉嶺)⚜️粉嶺粉嶺車站路18號粉嶺名都商場2樓53&57號舖

上海嘢其實幾啱我胃口😃所以今日見完客同同事係附近食左間上海嘢，又幾唔錯，價錢公道，食物都幾好👍🏻食物款式種類都幾多，基本嘢例如小籠包、酸辣湯、擔擔面、鎮江骨、雲吞等都有，我同同事就叫咗套餐嚟食😎上海排骨菜飯+回鍋肉+生煎包🙈估唔到個回鍋肉咁出色麵，而且回鍋肉鋪滿成碗麵，辣得來勁惹味，越食越上癮😚跟住個上海排骨菜飯都唔錯，排骨啖啖肉，點埋醋汁食真係一流❤️生煎包一咬就爆汁好Juicy，入邊豬肉調味都好正🙈如果有朋友經過都可以一試😘

最近試左間新開張嘅上海餐廳。點嘅幾道菜都唔錯，有賣相之餘，味道都唔錯，而且價錢超抵，大部份唔洗$50就食到份主食。無去過上海唔肯定算唔算正宗，但味道幾啱我口味。一行4人，每人都叫左款主食，有清淡有濃味嘅，每樣都試啲。值得一提嘅係，尼間嘅排骨粗炒同其他上海餐廳有少少唔同，之前食開都係無乜肉，尼間好多肉，仲要都幾大塊，亦唔會太油。仲有江南菜飯套餐系列，有個前菜或者湯，仲有杯飲品。叫左款推介嘅鎮江排骨配酸辣湯，微酸都幾開胃。

途經粉嶺見到新開左間上海餐廳🙈見到啲嘢食都幾吸引，價錢又好優惠，於是入去一試👍🏻有幾唔錯，性價比好高！環境都幾好，坐得幾舒服，餐牌上都有好多選擇🤩最後決定食上海排骨蔥油菜飯😋豬扒大大嚿，調味相當唔錯，最鍾意配埋啲蔥油一齊食😳菜飯都唔錯食吓食吓又想食酸辣湯，於是就叫多個酸辣湯雲吞食🥴入邊嘅配料都幾多，木耳，筍絲，冬菇片、豆腐絲，真材實料，酸辣味好好味🤤雲吞又足料，個餡好紮實，食得好飽😎

咁啱撞正喺粉嶺做嘢，同同事誤打誤撞搵到呢間上海菜，門面睇落幾有特色，就試吓佢啦～🌟蟹粉蟹肉豆腐煲蟹粉蟹肉豆腐煲‼️估唔到呢個份量咁多，真係嚇親，味道同埋調味剛剛好，唔會過鹹。入面嘅豆腐都好滑嫩，撈飯食真係一流！每啖都會食到蟹粉蟹肉，幾正喎！🌟手拍青瓜‼️午餐嘅配菜揀咗手拍青瓜，味道好清爽，作為開胃小菜真係一流！🌟梅菜扣肉菜飯‼️同事叫個梅菜扣肉飯賣相都好吸引，而且份量足，扣肉煮到好軟腍，都唔錯喎！

上海上海 (粉嶺)粉嶺粉嶺車站路18號粉嶺名都商場2樓53&57號舖粉嶺新開嘅上海嘢格局有啲似上海婆婆、上海姥姥但應該唔係連鎖嘢，不過個名必定有上海兩隻字，叫做上海上海，嘢食份量都唔錯，set lunch都多嘢揀午餐set lunch 有回鍋肉、咕嚕肉、水煮牛肉配埋飯同埋一碟青瓜，一人份量盤上，飯同送分開，所以可以share另外甜品仲有奶黃流心南瓜丸，唔會好油侍應非常有禮貌，餐廳新開乾淨企理，經過可以一試

上海上海地址：粉嶺粉嶺車站路18號粉嶺名都商場2樓53&57號舖首先係「嫰雞煨麵」，啖啖滑嫩嘅嫰雞肉配上彈牙的麵條，湯汁濃郁鮮甜，一碗食落去真係好過癮！🍜😋接著係「生煎鍋貼」，外脆內軟嘅鍋貼，一口咬落去，肉汁四溢，香脆多汁，真係停唔到口！🥟🔥最後係「擔擔麵」，辣味濃郁，麵條Q彈爽滑，加上香氣撲鼻嘅麻辣醬，一碗下肚，嘴唇都會感受到火辣的刺激！🌶🍜

Last week I visited a friend in Fanling and had a quick lunch together at Shanghai Shanghai.Tried some of the Shanghai cuisine staples from their lunch menu including Pan-fried Beef Buns, Shanghai Pork Chop and Twice Cooked Pork. Guests could choose from plain rice, vegetable rice, and various kinds of noodles to go with the set. I especially liked the pan-fried buns which were crunchy on the outside and soft and tender inside.Also ordered Sichuan Boiled Beef and Sweet and Sour Pork to share. Th

屋企人話粉嶺名都開左間上海菜，星日就去試下叫左5樣野：小籠包鍋貼酸辣湯雲吞四川擔擔麵臭豆腐好少會寫食評，但今次真係唔寫唔得！呢間餐廳伏伏伏賣明超市買啲街邊貨返黎煮熟就扮正宗上海菜，好過份！以上叫既5樣野無一樣係得既，酸辣湯一落完單即上，超快，不過雲吞我肯定係買急凍既，粒雲吞底仲有個包裝圓模。鍋貼只係普通餃子，擔擔麵底好差，臭豆腐出黎係黑色好油，小籠包亦係超市貨。求其超市買啲急凍食材返黎煮就收60幾蚊碟？唔好當啲客傻啦好無？生意只會初頭有唔信你會有回客囉…提醒大家千祈唔好上當我 就 一 定 唔 會 再 幫 襯！！！！！

今日行過粉嶺火車站，打算食上海嘢，見到名叫上海上海的店鋪，心諗可以得償所願。兩人坐低後，order了一份梅菜扣肉酸辣湯麵底上，排骨上海粗炒，一客小籠包。坐低時已經有心理準備，預製菜不要要求太高。但出來的水準真的不合口味。梅菜扣肉酸辣湯麵 ~ 梅菜扣肉味道還可以，但不夠熱。酸辣湯麵 ~ 酸辣湯不夠熱，麵就太淋，兩者加起來像漿糊一樣，吃了半碗食唔落了。排骨上海粗炒 ~ 排骨很乾似放左好耐，而炒麵就不夠熱。小籠包 ~ 因為漏單，所以冇嚟，幸好…………經過今次經驗，預製菜的店鋪真的不敢再光顧了

星期日來到粉嶺，上海；上海，食上海嘢，服務員有效率有禮貌，梅菜扣肉究熱好食👍，酸辣擔擔麵麵質太腍，麻麻哋，個湯好大生粉味，有點失望，手拍小黃瓜加上麻油沒有落醋都好食，等咗好耐嘅口豬扒粗炒豬扒入味夠厚，但係唔會韌，我食粗炒應該公司預制斷開冇彈性，凍冰冰口感好奇怪，豆漿OK，不過座位有點定篋，客人出入有點尷尬，可以俾多一次機會，希望下次試佢食其他食物會OK，但這樣的價格，比另外一家上海X X連鎖店的食品其實差不多

唔知道係米因為冇加一，所以幾個侍應嘅服務態度都不太好，問左一句，已經唔多耐煩。安排入座都有點混亂，有d人無㩒飛就咁衝入去，佢又照安排佢入座，雖然都好快有位，但對於排前面㩒左飛既人就唔太好囉。叫咗兩個煨麵，都偏鹹，而且啲麵都淋晒，結埋一嚿嚿，亦得好少舊肉。蘿蔔絲酥餅賣相衰過酒樓，味道是OK的。芋泥丸我以為係有芋泥係入面，但原來入面個餡只有奶黃，可能芋泥係搓咗落個皮度吧，所以無咩芋頭味，但外皮炸得幾脆。價錢唔係話特別平，所以應該唔會再幫襯。

諗住新開試一試叫咗個前菜牛腱 食落太硬 一般酸辣湯勁重味精 一般小籠包應該唔係自家製 食落去好似普通超級市場買到上海粗炒味道一般普通茶餐廳貨色 無論味道色澤都似去咗一間茶餐廳風味重點嚟……辣子雞不是辣子雞 似某某大型鬍鬚叔叔雞粒加辣椒炒埋一碟 從未食過辣子雞冇雞骨 全部都係炸粉包住啲雞 似係急凍雞粒 食落口感硬繃繃 無味 只係隱約食到味精嘅味道 最後品嚐所有菜式門口都是味精好想飲杯水解口渴但發現水面係有層油 水杯裏面油琳琳 不是正宗上海嘢 似食上海嘢嘅茶餐廳食完返去勁口乾 返到屋企飲咗兩大杯水