上海名居

营业中

休息中

味道3分黑醋排骨($68)3分- 黑醋吾夠酸，偏咸- 排骨口感比較有質感，有肉味- 分量都算可以- 隔水蒸雞套餐($68+5)2分-雖然話系隔水蒸，好似蒸得比較老，但好在雞算有雞味，吾韌吾鞋-加$5蚊試埋個咸肉菜飯，飯都濕濕地，但無乜菜味，但只有幾粒微型咸肉，一d咸肉味都無，加$5蚊真系無下次。環境(4分)-裝修都算有特色,有個小庭系室內都比較少見衛生(4分)-清潔檯面都噴清潔劑-餐具感覺乾淨-服務(4分)- 人手充足，服務到位，上菜算快。抵食(3分)客飯包豆漿和茶錢，豆漿偏甜，茶味一般啦，

第一次在這裡食晚飯。有朋友話呢間不錯！所以便試試晚飯。我們見到隔離枱有好多人食一個「麻醬」類的食物。於是我們又自己分開餐牌看看是什麼原來是一個中腐皮捲成好似鮮竹卷樣式的東西，應該屬於冷盤吧，內裏有木耳絲蘿蔔絲都是齋來的。食落幾清新。還不錯呀😀幾好食😋至於生煎包。底部煎得香脆。不過，豬肉不算太多肉汁。。。比想像中💭有點落差。一般吧。之後到一個好似炸豆腐的菜式。本身豆腐好滑。ok! 可是，外面炸的脆漿，感覺同豆腐又有點不太襯。。。口感。。又。。。不過，不算差，但，又並非好食。。

帶咗BB去愉景新城參加比賽，我哋一行六個大人兩個BB，要搵間餐廳有大枱又唔迫，適合小朋友坐，其實多唔多選擇我哋就揀咗上海名居，見到佢啲枱都夠大張👍🏻辣子肥腸豬腸洗得好乾淨，炸得酥脆，麻辣惹味，推介古早京燒羊腩羊腩唔騷，肉質軟嫩，配埋三款唔同嘅醬（甜醬，腐乳，薄荷醬）啖啖都有驚喜，推介小籠包外皮夠薄，煙靭唔易穿，湯汁鮮甜，推介排骨擔擔麵排骨肉質較硬，相對其他菜式比較失色，但擔擔面湯底濃郁，食得出有花生醬味，擔擔麵俾排骨出色另外有食生煎包，鍋貼，春卷，酸辣湯麵等等，味道正常唔多講解啦整體環境食物都出色，會安排再返嚟❤️

之前同家人去過食晚飯幾好食，今日行過見到有下午茶套餐，見到餐牌幾平，就入去試吓，點知有啲失望 價錢上可以話好抵！五十幾蚊包埋麵+點心，麵既份量都比得夠多，但味道麻麻。叫左個鍋貼，入面竟然五熟，肉係紅紅地，個蔥花薄餅非常厚，又五脆，又五夠蔥味，完全五得。小籠包算ok ，多湯 不過無味 入面嘅肉偏小。總括嚟講，環境同服務都唔差，但食物質素需要改善一下（特別係點心）。

今日同屋企人去行宜家傢俬 去咗愉景新城搵嘢食見到上海名居 因為上次食過幾好食 所以今次決定再黎食 七點幾黎到竟然無等位 入面好多空台 有啲驚訝 之前一向都好多人等 今日竟然無乜人吾知係米轉左廚師 啲野食真係差左好多 吾怪得靜左甘多 之前好食既野都無得食番 短期內應該吾會再幫襯！

最近食左間不錯既上海菜~上海名居🤩除左有多款上海菜 呢度最大既特色係可以每人自選茶葉包 再擺落獨有既茶壺 一邊品茶 一邊食好西😋個人極推薦擔擔麵同小籠包!! 擔擔麵唔算太辣 越食越開胃口 小籠包有好多湯汁 點少少醋已經好正✌🏻花雕醉雞份量都唔少 入味而雞肉嫩滑 酒香肉嫩黑醋排骨用上鎮江醋 同樣係酸酸甜甜好開胃口😍加上菠蘿🍍洋蔥🧅 香濃味醇狗不理烤餅包住濃郁既湯汁 外皮煎得勁香脆 肉餡豐富 熱辣辣好好食下次黎一定會試埋生煎包!!

.愉景新城開咗間聽聞唔錯嘅上海嘢「上海名居」，幾鍾意食上海嘢嘅我當然要試下！餐廳好有空間感，坐得舒服！menu 都有好多菜式揀，主菜、前菜、小食等，好多都好吸引！！！🍭爆汁生煎包🍭上海小籠包🍭衢州粉干🍭黑醋排骨🍭麻醬腐皮卷佢地啲菜式都好大份下，特別係衢州粉干同麻醬腐皮卷係超過2人份量！最推介係上海小籠包同埋黑醋排骨，小籠包係爆汁架！真係要小心咁食！而且肉餡好多～ 黑醋排骨外脆內軟，醬汁好味！

一坐低就可以揀茶，有胎菊、普洱、鐵觀音，比較少見嘅有茉莉龍井同人蔘烏龍，每人一壺茶，所以可以揀唔同茶，啱晒唔同人嘅需要👍🏻前菜葱油海蜇既開胃又爽口，淡淡麻油香，調味恰到好處。$88 黎講呢個份量，雖然好食，但係貴左小小。反而紅油炒手 $38 又好抵食，有6隻，皮薄餡靚，啖啖肉，紅油撈埋蒜蓉又香又滑，推介！小籠包$42四隻，超多湯汁，肉餡又鮮甜，非常高質，大推！酸菜炒腩肉 $88 酸菜同腩肉片味道好夾，仲有少少露筍，酸中帶辣，又幾香口，餸飯一流！乾煸四季豆 $82 鑊氣ok! 四季豆爽脆入味，又一餸飯小菜。最後以高力豆沙作結，唔係好甜，ok喎！下次想試酒釀丸子☺️❤️

今日去咗荃灣愉景新城睇新年熊貓展。睇完後就想食返餐中國菜，經過一間叫「上海名居」嘅餐廳。餐廳採用懷舊復古嘅中式裝修，令人感覺好舒服。一坐低，服務員就殷勤地奉上幾款不同嘅茶包俾我哋選擇，每位客人都有一個獨立茶壺，可以泡自己喜愛嘅茶。椰子竹笙雲吞雞燉湯呢個湯可以話用料十足，椰子味超濃郁，感覺完全沒有落味精，雖然只係二人份量，每人都有成兩、三碗。松子菊花黃魚魚嘅外層炸得香口，但內裏魚肉依然幼嫩，沾上酸酸甜甜嘅糖醋汁，用來送飯真係一流，配菜還有清甜嘅菠蘿，青椒，蝦仁和松子，味道和營養同樣豐富。狗不理烤餅外層烤得脆口，內裏豬肉餡料味道濃郁，一口咬落去肉汁四濺，一碟有三隻，真係唔夠喉。

行完愉景又同謙謙周圍搵野食，見到原來有間上海名居，見好耐冇飲酸辣湯就入左去食了。💟 麻醬腐皮卷 ～ 腐皮卷不嬲比我感覺都係好熱氣，但呢到用麻醬來做出涼拌菜式又幾驚喜喎， 加上腐皮卷包左好多蔬菜個卷好爽口上面d 麻醬好加分。💟 紅油抄手 ～ 落單時有得自選口味，我點了微辣，感覺唔錯唔會太刺激，甜辣的感覺皮薄餡靚。💟 大排三絲冷麵 ～ 大排原來係豬扒，豬扒夠入味又夠腍， 青瓜絲雞蛋絲甜絲拌勻一齊食好滋味呢到d 冷麵謙謙好鍾意。💟 酸辣湯拉麵 ～ 我最愛的酸辣湯，入口夠哂酸和辣， 拉麵質感幼滑用來掛湯好掂， 如果個湯份量再多 d 就仲更加吸引。💟 紅糖流心糍粑 ～ 食完d辣野，緊係要食返d甜野來平衡返，呢個紅糖糍粑絕對滿足到，煙韌的口感中間爆紅糖醬，令人會追住食。

前排同屋企人去左愉景新城食上海野，呢間餐廳裝修得幾靚，又有卡位坐，一坐低就有人拎住一盤茶葉問我地要咩茶，一人一包，我揀左人蔘烏龍，入口好甘，茶味濃郁順喉，而且沖左好多次水，啲茶葉仍然有味！屋企人都話呢度啲茶吾錯，茶錢$12位。紅油抄手 $3抄手吾辣，系表面既生蒜令到抄手有少少辣既感覺。狗不理 $42比較少見既狗不理，屋企人話好耐無食所以叫左一份。狗不理既外皮煎過，入面既餡以豬肉同韮菜為主，一咬開就有少少肉汁，幾好食！黑醋排骨 $88呢個黑醋排骨做得幾好，酸度適中，排骨肉質幾軟嫩，而且啲肉吾肥膩，仲加左啲菠蘿去炒。帶子粒粒炒飯 $88用帶子同臘腸去炒，味道不錯，而且份量十足，3-4碗飯左右。高力豆沙 $48紅豆餡，味道吾會好甜，紅豆沙蓉味幾出，略嫌個皮實左少少。新年就到，呢度仲有賀年糕點！

上海名居坐落於荃灣愉景新城，店內環境雅緻，古色古香，讓人彷彿置身於江南水鄉。木質桌椅搭配精緻餐具，營造出濃郁的中式氛圍，服務人員熱情周到，為用餐增添不少愉悦。黑醋排骨，排骨酥軟入味，酸甜適中，洋葱與菠蘿的加入，使口感層次豐富，酸甜與清香交織，令人回味。紅油抄手，皮薄餡嫩，紅油香辣卻不燥，湯汁濃郁，每一口都滿是鮮香。上湯小籠包，皮薄如蟬翼，湯汁充盈，輕輕咬一口，鮮美的湯汁瞬間在口中爆開，肉餡緊實，滋味十足。燜肉湯拉麵，麪條勁道，湯頭醇厚，燜肉軟糯，吸飽了湯汁精華。梅菜吸足了肉汁，扣肉肥而不膩，二者搭配相得益彰，菜心清脆爽口，為整道菜增添一抹清新。甜品高力豆沙，豆沙細膩綿密，甜度適中，入口即化，為這頓豐盛的餐食畫上完美句號。

每次經過愉景新城都會被典雅古代宮庭風裝潢的上海菜館吸引 今晚就帶媽咪一嚐滬菜 ，餐廳坐位寬闊，環境給人一種穿越於中國古代的感覺打開餐牌發現很多上海經典菜色及南北點心🔺茗茶 $12/位店員端上胎菊、鐵觀音、人蔘烏龍、茉莉龍井及普洱等精美茶包供客人挑選，每人可以按自己喜好放進小茶壺沖泡，胎菊清香撲鼻，茶香揮之不去🔺花膠螺頭干貝雲吞燉雞湯 $92小燉盅是二人份量每盅材料豐富，有瘦肉、花膠、螺頭、雞腳、雲吞、干貝等，雲吞皮薄餡靚湯頭充滿濃郁芳香的雞湯味 螺頭清甜，令人飲了滋補養顏🤍🔺炒鱔糊 $148媽媽很欣賞這道經典滬菜鱔糊份量好多，肥美爽彈，醬汁調得香濃惹味，喜好問題我走了韮黃，配埋銀芽去炒，配飯一流🍚🔺上湯小籠包 $45店家招牌之一的小籠包✨小籠包皮厚度剛好，內餡是滿滿的肉 肉感十足，咬開濃濃的湯汁流出 薄薄的皮包裹住，沾醋一起吃更滋味٩(´ε｀*) ۶ 🔺水晶馬蹄糕 $48一籠有四件，葉子既形狀更具特色🍁晶瑩剔透夾雜馬蹄粒香甜爽滑，甜而不膩

於愉景新城很少有上海菜餐廳，這間真係開業不久，每次經過見到常滿座，相信質素唔錯😳今日放早就早啲嚟試吓！🥢食物帶子粒粒炒飯 $88炒飯鑊氣十足，飯粒粒分明，加了臘腸令飯更香，帶子令口感更加提升👍🏻過橋金湯翡翠苗 $88天氣咁凍，飲碗熱辣辣湯就至啱啦😋有好多菜苗及金菇，輕輕一燙就可以吃，暖胃之選👍🏼狗不理餅（8隻） $42外皮帶點香脆，豬肉韭菜餡料十足，還有香濃湯汁，小心燙口🤭紅油抄手 $38紅油抄手外皮非常滑溜，辣度適中，不吃得辣都可以試試！桂花酒釀湯圓（4粒） $36湯圓軟糯，內裏是香濃味的芝麻餡，浸在陣陣桂花香的酒釀，小小甜而不膩🩷茶茗$10/位 可自選茶包，個人比較愛茉莉龍珠

星期六睇完早場都只是10:30am, 行過來看到大大個餐牌在門口，點心早餐，來個遲來的早餐，就當午餐算吧！在門口看了好一陣子，都看不見店名，反正首次到來是但啦！入去研究下先。細心看門口的大餐牌才知道這店是吃上海菜的。一坐低店員拎了盆茶包以供選擇，以$12位茶錢，包裝精美，筆者最後選了胎菊，精美的茶壺，自我感覺良好，胎菊打開份量充足，可以慢慢嘆，一讚。每張枱都有一大壺滾水，綠色的大水壺水夠熱，相當唔錯。筆者點了假日早餐優惠套餐:點心+蒸雞$48~點心選擇了义燒腸粉~以這個價錢，一支公嚟飲茶相當化算，腸粉皮略嫌太厚，义燒帶甜。北菇蒸雞飯~雞和雞質感太腍。潮州粉果$16.8此乃是早晨優惠點心，餡料味道唔錯，略嫌皮太厚。嚟潮州粉果時，問店員攞辣椒油，先來了一碟豆瓣醬，筆者以為他們沒有辣椒油提供，到最後店員也替我在㕑房找到，細心行為，值得一讚。筆者由於差不多十一點先來到，眼見店員開始準備下午繁忙時段，原來中午時段茶壺大不同，有趣。整體來說:店員態度有禮，夠細心，筆者在吃完一個套餐之後，久久仍未有另一點心到來，由於是當位店員落單的，她主動留意到作跟進，值得讚賞。這店可能是主打上海菜，所以早點的廣東