上海弄堂菜肉餛飩 (已結業)

為了慶祝朋友工作last day，大家選擇了主角喜歡的上海菜晚膳。我早前曾在上海弄堂的其他分店吃過午餐，但晚餐還是第一次，朋友選址在灣仔天樂里。這間店舖的地方也算大，內裡裝潢設計跟其他分店大同小異，牆壁上掛滿了昔日舊上海的畫照，枱與枱之間也有足夠距離空間，由於中央樓底特別高，感覺更舒適。因朋友已跟同事吃了一頓豐富的farewell lunch，本來最大胃口的他表示只可吃些小食，故我們要了散點。家鄕燻魚（$68）：這道前菜是大家最喜愛的，每次必選，味道濃而不膩。香菇烤麩（$60）：健康食材，配有烤麩、香菇、雲耳、金針，口感豐富，味道清甜，我特別喜歡。菜肉雲吞（$48/8只）是招牌菜式，皮薄而餡料充足，咬落軟熟多汁。香煎鮮肉餃子（$38）：餡料混合了豬肉、洋蔥、薑蓉，調較味道濃郁，皮脆肉嫩。上海小籠包（$38/4只）是上海小菜不可缺少的點心，咬落包滿免治豬肉和湯汁的小籠包，鮮味多汁，即叫即蒸，我們還要了兩籠呢。自家腌製的鹹肉炒津白（$80），看賣相原以為很肥膩，但食落鹹香味濃，味道不錯。

一個美好的周日，行完銅鑼灣之後，由於前幾天都食西餐，忽然想轉下囗味，一於決定食上海野先。左想右想，想起了之前做暑期工食過的上海餐館，餐館氣氛不錯，有背景音樂，座位又好坐，店員服務也好不停加茶。今次我們點了兩個午餐，有飯，有餃子又有主菜。餃子十分足料，皮不是太厚，適合港人囗味，菜飯很香，最重要不太油，份量十足，朋友點了一個魚塊甜酸味道剛好，很適合送飯，所有野都夠熱，有水準，下次一定再來試試其他美食先。

剛過去既星期六下午，同娘親去書展，決定左先去食飯，我地係利景酒店落車，過條馬路就尼到上海弄堂。呢個時間人唔太多，坐得好舒服，我地叫左午市套餐既排骨擔擔麵，紅油抄手，另外加左個豆沙鍋餅。枱面已經放左豆瓣醬同醋，唔洗特登再佢拎。裝修風格好清新，一邊掛左幾幅舊相同海報，一邊就係一大幅既舊黃埔外灘既畫作。樓底之高仲可以掛盞古色古香既吊燈，睇得出花左唔少心思。凍豆漿黃金排骨擔擔麵，擔擔麵有得揀大/中/小辣，我地揀左小辣，但食食吓都幾辣架，黃金排骨炸得幾好食，唔會太油同熱氣。紅油抄手，紅油偏向酸辣，餡料唔會死實，咬落去好爽!食到禁上下，就叫上甜品，員工即刻幫我地收左枱面既食器/墊枱紙，幫我地抹完枱之後，擺返新碟同叉，好貼心既服務。豆沙鍋餅，紅豆餡非常足料，餅皮都煎得岩岩好。

下雨的星期天打算出去睇套戲， 睇戲前梗係要醫咗個肚先啦。 今日突然好想吃上海嘢食，尤其是上海菜肉餛飩和燻魚。 在附近天樂里有間上海弄堂菜肉餛飩，雖然落著大雨但係 都差不多坐滿， 這間上海食館佈置 好有上海味道擺滿上海懷舊相片， 枱與枱之間都寬敞舒適。 這裏的麻辣花生前菜非常之惹味香脆，好食到唔停得口， 今次order咗菜肉雲吞，至愛燻魚， 小籠包，牛展湯麵再來一個蒸銀絲卷。這個燻魚做得非常之出色， 喜歡佢係熱辣辣配埋juicy醬汁好滋味小籠包熱辣辣， 入邊充滿湯水牛展湯麵， 牛展做得好鬆軟唔會韌湯麵麵質彈牙。菜肉雲吞喜歡它蔬菜多肉少，好健康蒸銀絲卷都唔錯， 熱辣辣蒸出嚟，撕開入面有一條條絲， 銀絲卷鬆軟有咬口。 今個午餐非常滿足,食飽飽在步行到time square睇戲，充實的下雨星期天

今日下午去銅鑼灣開會，在天樂里見到上海弄堂菜肉餛飩，聽聞裝潢好靚，所以去品嚐一下。裝潢真心靚，有上海灘色彩。樓頂吊燈最有特色，有歐陸味道。食店午餐有很多選擇，價錢相宜，在這地段我覺得物超所值。當中我點了菜肉餛飩、醉雞、小籠包和熱豆漿。菜肉餛飩餡料的蔬菜爽口，餛飩皮厚薄適中。醉雞花雕香氣撲鼻，非常吸引。小籠包餡料肉汁豐富，即叫即蒸，熱辣辣上枱，美味可口。豆漿水準奇高，豆味香濃，相信用了大量的豆來磨，而且沒大量溝水，表現非常出眾。食店服務殷勤，有問必答，對顧客笑容滿面。食店整體表現優異。

之前見呢間食上海野嘅餐廳有我中意食嘅黃魚麵 咁岩喺附近做野就黎食午市時間我大約13:45入座人流不多 簡單望望餐牌就嗌得叫左雪菜黃魚燴麵 飲品侍應話今日只得一款咸檸檬蜜糖咁係無得揀嘅情況下我只可以選擇凍定熱先上杯飲品 飲左一啖覺得好奇怪忍唔住問多次侍應到底呢杯係咩(以為自己聽錯....)總之成件事又咸仲帶少少苦然後又甜搞到我都好亂 所以放棄左無飲落去然後到碗麵黎 成碗麵得3片黃魚仲要好細片....湯底雖然顏色偏奶色 但無乜魚味麵底好大 但麵對我黎講過淋我食哂d魚 放低半碗麵就嗌埋單~咁樣一餐收我76蚊 真係唔太抵食我離開個刻好似唔知食過d乜咁...好想即刻搵其他野食填補下心靈

外出用膳已經很久沒有吃過中菜，想起吃過的上海菜餚，於是是夜走到灣仔分店回味一下。餐廳環境充滿懷舊風味，舒適的氣氛與環境，配上懷舊金曲，有那麼一刻彷如置身舊時上海餐廳呢。菜肉餛飩 (8隻) ($48)每隻餛飩都包足料，皮薄餡靚，小棠菜和豬肉平均，吃得實在滋味！小籠包 (4隻) ($38)最怕一拿起就爆開的小籠包，幸好這籠沒有，做到皮薄多汁，大膽把整粒放進口裏，湯汁溢出，很鮮甜！肉質鮮美，頓時覺得只有4隻實在不夠喉了～花雕醉雞菜飯 ($68)喜歡帶有酒香味，特別惹味可口，醉雞肉質嫩滑得很，絕不肥膩，單看照片已經令人回味～加上菜飯一大碗，絕對可以填飽肚子了。紅燒肉百頁結菜飯 ($68)紅燒肉肉質肥美可口，而百頁結煮得軟腍不爛，醬油更豐富味道，簡直送飯一流！豆沙鍋餅 ($40)與另一分店的鍋餅相比，今次的鍋餅餅身比較不扁平，餅皮稍為油了點，然而餡料爆滿，甜而不膩，非常香口。

星期六中午同女友去灣仔食午餐，經佢推介後去咗上海弄堂菜肉餛飩，因為女友係常客 對呢間店嘅食物讚不絕口，而且上海菜係我鍾意嘅菜式之一。店鋪門外門內都好有上海菜館風貌，環境舒適。我對餐牌嘅各種食物都好有興趣，可惜得兩個人。花雕醉雞(涼菜)配擔擔麵，雞肉肉質結實，好香酒味，絕對係必點之一。擔擔麵麵質爽口，每啖都食到香濃嘅花生醬味。獅子頭配菜飯，兩大嚿肉丸口感鬆化，肉汁鮮甜好足料，菜飯有咬口唔會太油膩夠清淡 。黎都上海菜館當然要試下小籠包，皮薄餡足肉汁好鮮甜，上枱後好快已經食曬。炸銀絲卷，外皮很香口，口感十足，配上煉奶更加滋味。豆沙鍋餅外層做得脆口，餡料好足，味道唔會太甜。飲品方面，叫咗杯香濃既熱豆漿同特飲熱蜂蜜咸檸檬水，味道令人開胃。

我就想问上海菜怎么可能有担担面这个鬼东西？！ 担担面明明是四川菜！ 菜式都不甜 难吃死了 馄饨皮一看就是香港本地做的 不正宗~ 另外，作为主打上海菜的店 不卖冷馄饨冷面你好意思叫上海菜？

同媽媽去呢間滴滴色色既餐廳食晚餐，擔擔面對我嚟講好唔錯。擔擔麵啲湯都幾有味，冇乜花生，夾埋大大份花雕醉雞髀一set，味道都ok嘅，70幾蚊。雪菜大湯黃魚都大大份，只係98蚊。有啲似住家飯啲湯，好飲但可能有啲啲味精（我媽講嘅）。一人套餐，98蚊，入面有回鍋肉，發揮正常。送雲吞四隻，大大隻，發揮ok。整體嚟講，雖然呢一度麻雀雖小，但整得幾靚，坐得都算舒服，好鍾意呢一度嘅掛畫，灰調上海灘油畫非常有品味。

未論食物質素，只看環境，這店已經算是物有所值。下午非繁忙時間到來，只有一枱客人，更添幾分庸懶氣氛。放眼四周，盡是老上海風情。從昔日上海的舊照片、美女圖、玄關的屛風、吊燈，到圓拱形的天花，都營造出復古典雅的風味。再論食物，今次點了排骨套餐，加酸辣湯及熱豆漿。排骨乾身爽脆，酸辣湯足料味道好，豆漿鲜味順滑，雖說不上是頂级質素，但已經遠遠較其他不正宗的街坊小店好上百倍，加上價錢非常合理，絕對可以下次再來。

弄堂，即橫街窄巷的意思。昔日的香港，灣仔天樂里也是一條窄窄的里，不過今時今日，已經是車水馬龍，人來車往的大馬路，坐落這兒的上海菜餐館，以弄堂命名，可發思古之幽情，更添繁華之昌盛。 菜肉餛飩，不愧為招牌菜，大大粒的菜肉餛飩有4隻，內餡非常飽滿，配上豉油清湯底，濃淡適中，加埋蔥花好夾。.炸春卷，入面包住椰菜絲、豬肉絲、冬菇等食材，炸得香脆可口，蘸上香醋更惹味。 雪菜黃魚煨麵，黃魚有一點點腥，但魚味濃郁又起埋骨，放湯連幼身麵條同吃，好有上海風味。上海炒年糕，有肉絲伴碟，不是太辣，唔食辣都一定食到，年糕有嚼勁，煙靭彈牙。 豆漿，順滑潤喉，豆味香濃。值得一提，這裡門面優雅脫俗，半落地大玻璃窗望到繁華街景。古色古香的天花大吊燈，周邊還以同一系列的壁燈襯托，古色古香又倍添矜貴。 

父親節想同爸爸食餐中菜，係op見到呢間上海弄堂評價好高，就諗住一試，果然名不虛傳裝修好有氣派，特別鐘意天花盞大燈，好懷舊既感覺鎮江肴肉 （$76）係個好好既前菜，點埋醋更好食！賽磅蟹 （$96）蛋白好嫩滑，仲食到條條蟹肉，撈埋個蛋黃一齊食更好味，係一個好好既送飯菜！砂窩雲吞雞 （$98）特別鐘意佢啲雞係斬咗件，食起上嚟放便好多，雲吞好足料，肉菜比例好好，有肉既鮮甜又有菜既爽脆爸爸對這餐飯得滿意唷下次會再嚟！

身為一個上海人偶然都會掛住一啲家鄉菜💓🤤收工近近地嚟咗呢一間食，店舖光猛又乾淨企理，其中嘅設計都有好多老上海嘅元素，冇辦法啦鬼叫我係一個懷舊控🤣上海菜入邊我自己最鍾意就係＂菜肉雲吞＂欣賞佢多菜少肉嘅餡料，而且個皮超薄😋＄48就有八粒！抵食！連佢個湯底都幾好飲😝＂辣子雞丁＂雖然印象中唔係上海菜，不過味道確實有驚喜，雞肉經過油炸配上醬汁非常入味，而且又微微麻辣好開胃，青椒同紅椒都係好新鮮入口爽甜！識得食甜品一定揀＂豆沙鍋餅＂入面嘅豆沙蓉好多😍而且唔會太甜，出面外皮鬆脆👍🏻 本來仲想試埋佢嘅小黃魚😣無奈今日得兩個人，唯有等下次叫多啲人一齊食多幾款😋✌🏻

响灣仔區黎講，算係一間比較是正又唔係價錢貴嘅餐廳。晚上九點半去到，幾乎包場，服務都好好。花生$10，茶$3醉雞同菜飯，菜飯幾出色，醉雞都唔錯有濃濃的上海味招牌菜肉雲吞，係出色嘅小籠包，味道適中，湯汁幾多小籠包係大概九點九前仲有，後尾有枱客遲我十五分鐘叫都無曬。如果單叫醉雞飯大約$75蚊，佢啲套餐算係幾抵食，大約九十蚊巿主餐，有小食，小籠包就另外叫嘅。小籠包價錢就普通價三十幾蚊四個，食完都好滿足！！