上海美食之家

营业中

休息中

上海菜選擇多的是，價錢亦有平有貴，而依間上海餐館位於土瓜灣區內，雖然只係做附近街坊生意，但食得出佢既用心烹調，價錢平之餘，份量又夠多，餐館裝修平實卻多份人情味，味道不比有名既上海菜館差<<上海排骨菜飯>>排骨夠哂大塊厚切分成五件，成塊金黃色，入口粉薄皮脆啖啖肉，出奇地食落完全唔覺油，菜飯口感軟熟，每粒飯都夾住菜粒，咁就唔洗怕只食肉無菜食啦<<酸辣湯>>勁大碗又夠哂足料，已經夠四個人飲，重酸辣味勁開胃，飲左一碗已經勁飽食物份量多兼平靚正，良心小店，超推介啊

食開個間粉麵店差哂，老公一話係土瓜灣食，搞到即刻要上黎揾新食點！見到呢間評語都算唔錯，加埋張豆沙窩貼相，即刻話要黎試下一坐落，我對眼剩係見到擔擔抄手麵擔擔麵同抄手都係我至愛，唔洗諗啦，一上台，即試！好特別既擔擔醬味好夠花生醬味得黎唔會好漏！抄手都好滑，仲大大粒肉連啲麵質都好好味！老公諗食咩諗左好耐，仲諗住叫飯，點知我個麵一到，佢試左粒抄手同一啖麵，即刻叫左碗擔擔雲吞麵要講一講佢個擔擔雲吞麵雲吞當然係唔夠抄手滑，不過唔知廚房係咪整錯左酸辣雲吞麵，之後倒左個湯底，就禁換返擔擔就算，佢個湯底明顯同我差好遠，有陣酸辣湯味，如果係我當然會接受唔到啦，不過我老公話都ok接受到喎大好人佢仲叫左小龍包，新鮮蒸出黎，熱辣辣唔好睇佢影相個皮好似好厚禁，食落一啲都唔覺得厚，禁當然你要親熱食啦個醋都唔會話太酸，好食既！最後要講個豆沙窩餅我都係睇到相，為左佢黎，老公一坐落就叫，不過甜品既野，當然要最後食啦，我同老公講，話後叫，驚禁早叫，一早黎左會凍左唔好食，落單既店員聽到，話可以後上睇住廚房真係係我地食哂之後即刻整熱辣辣仲超多豆沙，個餅仲有陣粟米片既香味，好似食再粟米片禁，超正環境方面~呢啲細門面既店，坐位略厭

今日收左工係附近食晚飯，見到呢一間小店就入來試試。叫左酸辣湯雲呑面同豆漿，酸辣湯好足料，有豬紅木耳 豆腐 豬肉 豬皮 荀等等， 酸度辣度都夠 ，只係啲荀有啲渣。另外有四舊雲吞 皮好似厚左啲 但都好味 豆漿味道都好好。呢到小店生意，d野唔貴。另外見到隔離台台都叫小籠包，一個人怕食唔曬無叫，如果下次有女朋友陪我食都想試下。

基本上高山劇場個邊，除左茶記之外都冇咩好食，經過見到有上海菜又可以試下。樸實的上海菜，價格相當經濟實惠，坐着都有好多街坊幫襯。點心鍋貼($22)，皮太厚，肉餡少，可以再好食些，唔夠新鮮，似放左好耐。瓷飯($17)個樣ok，肉鬆炸菜都算多，但係飯身太乾和偏硬，非常一般。都係食炒野好些，老干媽炒飯($40) 送豆漿，鑊氣夠，炒飯十分美味，好香口，老干媽唔會太辣，拌菜有菜脯和蛋一齊食，唔錯。豆漿都ok，唔會太甜。豆沙窩餅($32)即整，熱哄哄的，可以稍稍等2mins先食，皮會脆些。紅豆餡充足，皮夠薄，值得推介。

留意一下，先發覺原來短短一條馬頭圍，已經有三間擔擔麵嘅餐廳，不過因為起地鐵，無咗一間。哩間上海美食之家，雖然鋪頭細細，睇下個餐牌，提供嘅菜式都唔算少。睇睇個餐牌，又有一種咩都想試，但肚腩容量有限。首先試下個擔擔麵先，叫咗客豬扒擔擔麵，習慣試試湯底先，湯麵非常濃郁，好過未執果間，再留意下塊豬扒，𠵱？除咗將原有塊炸豬扒切件之后，零零舍舍多出一小件？好明顯，廚房覺得塊炸豬扒細咗少少，補多一細件！哩點真係囉哂分！炸豬扒外層炸醬都算脆，豬扒都叫做厚身，唔似d連所快餐店薄依依。麵條偏冧但唔算燦，岩我胃口。再試試獅子頭客飯，豬肉入口即溶，味道唔會太淡，唔錯。好想試下佢地嘅小籠包，可惜肚腩空間有限，下次試完再寫食評。

突然好想食菜飯，便到上海之家。大約10分鐘左右就有了，附送豆腐。菜飯唔算多油，而且滿多菜的，炸豬扒炸得香脆忍不住多吃了。份量滿多，相信男人也能飽肚的。大部份客飯大約$40左右，物有所值。

是日晚餐試食小店, 沒有寬敞地方, 沒有豪華裝修, 沒有一流服務態度...但有街坊街里既人情味!來幫趁既都係街坊多, 來! 食食食...叫左兩個客飯, 有一碟小菜, 一碗白飯及一杯豆漿.豆漿 - 唔太甜, 淡淡地~~OK!唐醋魚塊$40 - 吾太酸, 魚肉比較淋, 一夾易散! 味道唔錯!回窩肉$32 - 汁濃但唔咸, 豬肉薄切唔更! 好味四川紅油抄手$28 - 皮薄肉汁多, 辣汁好香但唔太辣! 正~~整體唔錯! 味道香濃但唔過火~會再來試其他野~~~希望依類小店唔會越做越小啦~~

居於何文田已接近三年。每當朝早要在此區找早餐吃時小弟就頭都大埋，原因是可供的選擇實在不太多 --- 商場內大部份都是些連鎖食肆，吃多一兩次很快便會生厭。至於街市內是有一兩檔食店的，特別是其中一間賣上海包點的，差不多隔天小弟就會來自動報到，買好幾個我最愛的牛肉煎包及窩貼來祭五臟廟....但在年多前，忽然有一天看見小舖下了閘，原來老闆決定不幹了.....此刻忽地有一個睛天霹靂的感覺，唉....又少了一個地方買早餐食啦....最近小友轉了新的學習環境，也就多了時間出沒於土記區內。話說某天走進一所上海菜店子，赫然發現老闆很面熟.....原來從前在街市的舊相識，在這裡重張旗鼓了....我舊日最愛的包點，又可再細味重溫啦....老闆似乎已不太認得我了....不打緊，最重要是有得吃便可以....參詳了一下餐牌，食物的種類比從前多了一倍也不止。這也十分正常的，店子比從前大得多，光是看廚房便知。老闆當然可以盡展所長，製作更多東西給顧客....很可惜的，現在老闆好像不做牛肉包了。此時唯有點多一兩隻窩貼來吃....咬一口，舊時的味道全回來了。皮仍然是偏厚；肉仍是甚鮮而蠻多汁；底部仍是脆脆的。每只都斤兩十足吃

由何文田街市小鋪，搬到土瓜灣開鋪，味道水準繼續保持。從前冇咁多款選擇，今日多左勁多。1. 酸辣湯: 料足大碗2. 鍋貼: 皮薄餡靚，肉汁豐富，皮底脆3. 醉雞: 抵食，大大份雞，酒味入晒雞肉，肉滑4. 小籠飽: 從前肉汁唔多，而家係非常好味總而言之，食物抵食好食唔在講，其實講到尾，就係食左老闆同老闆娘幾年親手做既食物既我，可以同佢地聚聚舊。小店經營很困難，靠大家多多支持啦。

返家前去了車站附近的一間上海菜的食店吃晚飯，店鋪的裝潢都比較簡約，座位都不算多，只坐到十幾人，光顧的客人大多是附近的住客，也有自取外賣的服務。 店子地方雖然細，但好光鮮企理，也好有親民的感覺，食物方面主要都是一些上海的點心、包點、炒粉麵之類，也有一些客飯、湯類、涼菜類及小菜等等.....價錢當然都好平民價，都好合理。獨自一人來到，今次都不想食得太多，先來點了一杯凍豆漿、一籠罐湯小籠包及一碟生煎鍋貼。 凍豆漿$7 及 罐湯小籠包$30豆漿的豆味相當濃郁，飲到最尾都飲到豆渣，冰涼可口，甜度適中。一籠小籠包一共有6粒，即叫即蒸大約都等了15分鐘， 小籠包的皮比較乾了一些，吃下去有少少硬不過幸好的夠皮薄，而且內裡都好有湯汁，湯汁都好熱辣辣，肉味鮮甜，夾起都沒有穿底，都算不錯的。 生煎鍋貼$20(4隻)生煎鍋貼都好大隻，煎香了的餃皮底咬下香脆又不會好油膩，煎得金黃色澤，賣相而吸引，內餡主要都是椰菜及豬肉，富有肉汁而且餃皮不厚，真是好食又飽肚。平民食堂的地方環境的裝潢當然不及一些商場的食肆那麼華麗，但仍有一些家庭式的感覺，好親民，而且食物水準不會太差，不過不失都好抵食。