上海香港麵家

营业中

休息中

🥇(推薦no. 1 ）粢飯必食雖說質素係差咗少少，但係都叫係香港數一數二好食嘅粢飯！餡料夠多，即叫即做，糯米飯熱到辣手！🥈(推薦 no.2 ）鹹豆漿榨菜、醬油、豆漿、蔥花、油條、原來仲有醋。第一次食到有咁多料嘅鹹豆漿，飲完一碗真係好滿足。好多人話粢飯好貴，老實講你望吓對面啲即搖台式飲品，一杯都要$3x，$27一個即製粢飯，這個價錢真的好合理呀。如果冬天食嘅話真係會暖到入心。豆漿略甜，平時飲開微甜嘅我會覺得豆漿糖分有點太多。

記得小時候家附近有家豆漿大王🥛，久不久就會吃個又飽又便宜的粢飯。多年沒吃，時至今天，原來已經比華御結還貴😅 ❤️ 粢飯 $27熱到辣手的感覺很令人懷念☺️煙韌的糯米內裏是🔥烤脆的油炸鬼，配鹹脆的炸菜和甜甜的肉鬆， 其實美味也可以很簡單！💓 ❤️ 鹹豆漿 $18豆香很濃💋每一口都有香蔥和榨菜，是一碗很頂肚子的熱湯，令人滿足。 ❤️ 豬扒擔擔麵 $58一口濃郁的花生醬般的湯底，配一口帶點少煙韌的麵，絕了！豬扒是有咖哩粉醃過的，雖然硬了點，但味道很不錯喔😊 一定會再來。

約左友人去淺水灣閒遊一下，喺渣甸街等小巴之前，就黎左同一條街既上海香港麵家預先買定兩個粢飯做輕食午餐。可能因為好多客人都會光顧粢飯既關係，店員都已經包定一啲現成係度，同埋都會keep住密密手喺度包，買完拎上手都仲係暖嘅。見到餡料都新鮮，雖然$27偏貴但都有所期待。去到沙灘急不及待開黎食左先，油炸鬼偏腍偏韌，略嫌肉鬆及菜甫落得唔夠多，但整體上係平衡嘅，唔會似其他店家一係偏小一係大得誇張，個米飯嘅量岩岩好可以又食到飯又食到餡。

聽過人地話呢間既粢飯好好食又知道得銅鑼灣一間店 同埋聽聞以前係開24小時 所以今日黎到即刻要試試佢今次試左既有1.粢飯2,豬扒菜飯3.豆漿第一次食咁好食既粢飯 仲可以加錢 要榨菜肉鬆但係我覺得唔需要加都已經好好食原本行街行到好肚餓 呢個粢飯簡直救左我一命試完佢地既粢飯之後 飲埋杯豆漿覺得好似仲係唔太夠考慮左一陣 決定試埋個豬扒菜飯但係個豬扒菜飯認真失望第一 個飯好濕立立 第二 菜飯應該係切左既菜撈埋喺裡面第三 豬扒真係好難食 明明係炸豬扒 但同飯一樣 都係濕既但呢間D菜真係塊塊都好大塊 所以三樣野加埋就證明真係難食 同埋覺得嘥左錢 寧願用錢買哂粢飯都冇咁嬲之後求其食左兩啖都唯有交比垃圾桶真係太難入口了最後建議:幫襯的話 都只係幫襯粢飯同豆漿就好了

呢間算是老字號的了，住港島的人都多數食過。豆漿同豬扒麵以前真係好正，而家普普通通，影個湯出黎好濃厚，飲落好似普通湯品。豬扒不過不失，豆漿就仲keep 到。多人嘅話招呼麻麻地，而家招呼都ok 嘅。

😋😋自問都幾鍾意食粢飯，經開銅鑼灣總愛幫襯下渣甸坊附近呢間粢飯豆漿。食咗好多年，鍾意佢嘅糯米唔會太濕，加埋炸菜、油炸鬼、豬肉鬆，足料好好味。近年有試過其他地方嘅粢飯，真係同佢冇得比，唔係糯米太淋就係唔足料。$27一個粢飯唔算平，但好味足料，食完一個再加碗豆腐已經好飽。呢間餐廳都屹立咗好多年，佢嘅粢飯豆漿好出名，碰上食飯時段都算幾多人，不過上菜速度快，所以都唔使等位，一個人趕時間嘅話食個快飯絕對係一個好選擇。

遠近馳名嘅粢飯... 吸引唔少人幫襯... 我都唔例外! 每次去開銅鑼灣都好想去買個返嚟食!🤤🤤🤤廿幾蚊個粢飯... 話貴唔貴... 話平唔平... 不過食一個其實都已經好飽肚! 呢度嘅粢飯軟糯美味... 糯米唔會過硬或者過黏... 而且餡料份量十足... 有油炸鬼、豬肉鬆同榨菜!👍👍👍 近門口位有個阿姐即場整... 所以每次買到嘅都係熱辣辣... 食落特別正!😋😋😋除咗推介粢飯... 生煎包同鍋貼都唔錯㗎... 不妨一試!

趕緊6點前怱怱的衝入餐廳，點了一個豆漿一個粢飯，仲提供鹹豆漿嘅餐廳係呢啲比較舊式嘅上海老店先會有，自己鍾意鹹就將加油炸鬼，今日嘅quota唔夠，只可以食粢飯😂佢哋嘅吃飯係即刻包，所以呢上手都係熱辣辣，佢哋都有提供甜嘅粢飯，呢樣我就冇試過啦，反而咸粢飯，新鮮熱辣嘅關係點都係咁好食嘅，雖然油炸鬼唔算好趣，但係中間嘅肉鬆同埋榨菜可以彌補到佢嘅口感，糯米飯亦都唔會過眼，整體嚟講喺香港食到呢個質素都算唔錯

🚦上海香港麵家（銅鑼灣）🍙粢飯🍙$267/10【味道普通】每次經過都會有一條隊排，終於忍唔住食返一次😚食落就正常發揮，入面係肉鬆、油炸鬼、榨菜🌱都足料因為係即叫即整，所以我就同佢講要少飯🍚見到有啲人會想要多肉鬆，佢都有求必應👍呢個就係即叫即整嘅好處😛以$26來講，其實啲料有啲少，係港島價🤣整體7/101️⃣有啲貴，但係可以一試，不過就唔係好明點解會有人排隊🏃‍♀️其實可能只係普通lunch time，大家就快快手手買返個返去公司食😗食落就正正常常一個粢飯🤣2️⃣見到入面仲有好多唔同嘅上海麵食，鍾意上海菜嘅人一定要去試下😋3️⃣環境就一般，衛生情況都普通，因為見到食材都係冇冚蓋，例如油炸鬼都冇包實，所以大家可能要注意下❗️

早排同事喺第二度買咗個粢飯俾我..完全唔得..🥲就令我諗起銅鑼灣呢一間粢飯..好耐冇食..今日喺銅鑼灣特登都買來食..行入去就見到員工喺度包緊粢飯..$27一個..雖然真係唔係平..但味道真係好好味..見到佢即時包嘅…攞上手仲暖粒粒..食落好足料..榨菜 肉鬆 油炸鬼👍🏻整得最好係佢糯米飯嘅口感..返到公司同同事分咗一半..佢都大讚好味..好多年冇食過..食落味道依然係好味..會再返嚟食👍🏻

上海香港麵家🥛📍 銅鑼灣渣甸街29號地下▃▃▃▃▃▃▃▃▃▃▃▃▃▃▃▃▃▃▃▃ 以前係銅鑼灣返工果陣，都已經好鐘意去呢間食早餐😂，事關佢地個粢飯真係好足料， 味道又唔差，最重要係唔貴，好岩做早餐😆🌟粢飯 $26糯米飯包住油炸鬼、肉鬆、炸菜，配料份量岩岩好，唔會太少，而味道都唔錯，我都鐘意食呢個😌🌟凍豆漿 $10好香豆味，甜味岩岩好。鋪頭仲有咸豆漿，但個人比較鐘意甜味多d ~整體推介指數：❤️❤️❤️❤️🤍▃▃▃▃▃▃▃▃▃▃▃▃▃▃▃▃▃▃▃▃

經過上海香港麵家， 即興入去食宵夜。 位於銅鑼灣渣甸街， 這條街有很多不同的餐廳， 而上海香港麵家絕對是老字號的食店🥰。 最掛住這裏的粢飯和熱豆漿。宵夜有酸辣湯雲吞麵$60、粢飯$26、 凍豆漿$10、熱豆漿$10。 ▫️凍豆漿&熱豆漿🥛 ～ 粢飯和豆漿， 兩者是絕配， 這裏的豆漿香濃好味，冬天飲熱豆漿就更佳。 ▫️粢飯🌯 ～ 口感紮紮實實，有肉鬆、榨菜和油炸鬼， 這個黃金組合，配上熱騰騰的溫度，非常滿足。 ▫️酸辣湯雲吞麵🍜 ～ 酸辣湯的酸度和辣度都剛剛好， 麵條是上海幼麵，非常掛湯， 另外還有四隻大大粒的雲吞， 配上非常豐富的湯料， 好滋味。 喜歡這間老字號食店，食物保持水準👍🏻。

之前銅鑼灣返工，一定嚟食栥飯當午餐，今日經過銅鑼灣香港麵家，一定要再幫襯！栥飯貴咗一蚊 （$26），但回憶嘅味道唔可以用錢衡量，見住呀姐大熱天時都用雙手製作熱辣辣嘅栥飯，非常感受到即叫即整嘅手工味道！叫姐姐切開兩半比我同男友食～今次試覺得味道好似咸左少少😅😅😅😅😅😅😅😅😅 但都仍然啖啖好足料，雖然$26蚊唔太平，但每次食完都會想再食多次🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️

昨天行過見到現想吃生煎包，於是行入去沒有人正在排隊等外賣的時段，很有禮貌問正在收銀的阿姐要兩個生煎包，竟然佢一句都不應我，完全當聽唔到，沒有反應。跟着我再問一句有沒有生煎包，他才說要1份四個，沒有二個。跟着我便問他為何之前他完全當我沒有存在那樣，不去回答我的問題。跟着他便很凶狠的告訴我，他正在忙收銀中，我說我問他的時候，他完全沒有客人在等着收錢的。以後都不會再光顧這間店了，因為他的服務及食物質素非常之差，那些食物真是不能入口的，從來沒吃過如此惡劣質素的上海歺。

衛生麻麻，餐牌上有芝麻粒，張枱未抺好，有肉碎。首先上的係餸加湯。回鍋肉包硬豆腐，椰菜同碎片回鍋豬肉，唔係好多。個湯好味，係上湯咸黃豆湯。之後比左兩碗飯，笑左，係咪驚我唔夠飽。菜飯唔係青綠色嘅菜，係林林地，飯有少少油嘅。不過不失，食得飽，唔係特別出色。好多人叫粢飯，下次要黎試下。