影片
港铁大围站 B 出口, 步行约5分钟
继续阅读
电话号码
36282692
营业时间
今日营业
10:00 - 22:30
星期一至日
10:00 - 22:30
以上资料只供参考，请与餐厅确认详情
今次我出去同屋企人食飯，同佢地食，最好就梗係中菜啦，始終老一輩都鐘意食呢類野食，我地就去左大圍既圍方入面食，呢個商場好新，呢間餐廳都一樣好新又靚😁餐廳坐位環境好舒服，比起一般酒樓更高級，員工態度都好友善，我帶埋BB去，都有問我地要唔要BB櫈，又同我地講邊個位係風口，等我地安頓好BB唔好吹親，好抵讚👍🏻2人套餐（原價$888）優惠價（$638）我地3個人食，但見到呢個2人餐勁豐富，我地先叫左個2人餐再另外叫碟菜就fit曬😛涼拌海蜇前菜可以揀皮蛋或者海蜇，我地揀左海蜇，佢比較大條，幾爽又彈牙😉花旗參燉竹絲雞湯呢個餐有個燉湯飲，夠足料同入味🫕豉汁蒸爽鱔魚可以揀斑頭腩煲或者蒸鱔，我地揀左蒸鱔，d鱔大大件好肥美，個豉汁又夠入味🐟芋頭油鴨臘味煲呢個煲真係出色，佢個汁係d溶左既芋頭汁，當然唔少得就係芋頭件，煲得夠淋，臘味放入去又唔會太膩，份量又多，用黎撈飯勁好食😍脆皮妙齡乳鴿乳鴿名乎其實，夠脆皮，而且肉質好嫩😋魚湯鮮腐竹菜苗浸魚腐（$158）我地另外再叫左碟菜，菜苗可以自己揀菜，我地揀左白菜仔，d菜幾新鮮，腐竹同魚腐吸曬個湯，好正🥬芝麻卷芝麻卷係餐包埋既甜品，芝麻味香濃，味道唔會太甜，唔錯☺️紅豆沙甜品除左送芝麻卷，仲有紅豆沙，質素比一般酒樓送既好😙呢個2人餐我覺得3個人食都夠，除左湯同飯唔夠分之外，食物質素都好好，而且坐得舒服，我屋企人都食得好滿意👏🏻
继续阅读
上陽樓取名靈感自皇帝御膳房，淡綠色為主調，帶一股高雅的氣息。樓底極高，清麗、簡樸的壁畫，令人想起清明上河圖。寬敞沙發座椅，增添了空間的柔和感，風雅脫俗，擺碟優雅別緻，佳餚令人胃口大開。兩人套餐 優惠價$638涼拌海蜇海蜇質感爽口、帶嚼勁，搭配酸醋醬汁，口感滑嫩而鮮味，加上清新的青瓜粒，喚醒味蕾。花旗參燉竹絲雞湯熱湯清徹味濃，用料十足，竹絲雞燉至綿軟、鮮嫩，花旗參的香氣，溫暖人心。湯頭鮮甜，加上鮮味的元貝，養顏又滋補。豉汁蒸爽鱔蒸鱔肉質札實、富彈性，豉汁的鹹香完美滲透其中，讓人欲罷不能。肥美肉厚，十分惹味。芋頭油鴨臘味煲香噴噴的油鴨煲，飄來香氣，油鴨與臘味的香氣交融，色香味俱全。以芋頭來燜臘鴨，芋頭可以吸收臘鴨的鹹香味道，油鴨香氣四溢，芋頭綿軟細滑，加上椰汁調味，送飯一流，暖笠笠的感覺。脆皮妙齡乳鴿乳鴿新鮮香炸，外皮金黃微脆，內裡肉嫰多汁，豐潤的肉汁散發，令人回味。甜甜蜜蜜震騰騰的杞子桂花糕，口感Q彈，淡淡桂花清香，口感清爽冰涼。椰汁喳咋入口香甜、綿密，啖啖粉綿的紅腰豆、紅花豆、綠豆，椰味濃厚誘人，完成豐富的一餐。
继续阅读
這間中菜館位於大圍的圍方，取名自唐朝皇帝御膳房，主打精緻巧手粵菜結合傳統及新派元素，提供上佳的中菜體驗，一試難忘。店內環境寬敞舒適，裝潢氣派、奢華又典雅，適合約會或多人聚會。蜜脆銀雪魚 - $128金黃酥脆的炸衣薄而不膩，採用優質的銀鱈魚，結實的魚肉雪白含有豐富的魚脂，香氣四溢，還有適量的蜜汁解膩。黑松露醬明蝦球 - $248多隻去殼去腸的鮮蝦仁爽滑彈牙，還有脆嫩的蘆筍粒好鮮甜，帶有陣陣松露的飄香。低溫慢煮欖香一字排骨 - $188一字排骨先採用低溫慢煮，保留最大程度的肉汁，肉質變得極軟腍嫩滑，連著骨的肉味特別香濃，脂肪分佈適中，陣陣欖角的鹹香帶絲絲甜味。鹹魚雞粒豆腐煲 - $188熱呼呼的沙煲保持溫度，一粒粒嫩滑的豆腐有著香濃的醬汁，又有一塊塊雞肉嫩滑多汁，適量的鹹魚帶陣陣鹹鮮味。 冰凍椰香露 - $38帶有顆粒感的椰汁糖水質地濃稠，更有一絲絲爽滑的鮮椰子肉，充滿濃厚的椰子清甜。鮮芒果楊枝甘露 - $38一粒粒新鮮的芒果肉香甜多汁，又有清爽的葡萄柚，酸酸甜甜很輕怡。
继续阅读
今日同朋友去大圍食下午茶！我們去了圍方商場"上陽樓"裝修精緻，地方闊落。在門口有大大個75折的優惠牌！🤣😂好抵我們點了散座茶位費（毎位）$20.0前菜及上陽黄椒醬（毎份）$28午市$88餐（小份）糯米飯好香臘味香，糯米飯甘香軟糯。沙律脆皮奶香香脆脆的外皮，夾住奶香濃郁的奶醬。彩虹蝦餃$60.0好靚！😍😍三色皮上加上金粉，高貴又好味。蟹籽燒賣$58蟹子好大粒，內面蝦好爽口彈牙！鮮蝦菠菜餃$58👍🏻👍🏻👍🏻👍🏻👍🏻超推介，飽滿的內容，有大大隻蝦，菠菜，肉。好滿足好好味！香煎狗不理包$52不錯魚肚棉花雞$60雞好滑，魚肚好好味！蜜汁叉燒腸粉$58腸粉好滑好好味！紫米脆網蝦腸$68外皮紫米腸粉，內面炸米網包住蝦肉。層次豐富。
继续阅读
朋友新居入伙，選擇了最近圍方的中餐廳用膳。上陽樓是主打精緻粵菜，午市的點心也很吸引。內裡好大又寬躺，裝潢高貴優雅，感覺舒適。七味脆豆腐 $68上檯已傳來陣陣香味，炸得金黃色，賣相吸引。炸豆腐如骰仔般大小，一口一粒，香脆微辣的外皮，內裡是嫩滑豆腐，又有芝麻香。鳳梨咕嚕肉 $148賣相色彩繽紛，咕嚕肉脆皮及啖啖肉，鳳梨有陣香味，酸甜好夾。鮮露筍帶子珊瑚蚌 $248巨型帶子相當搶眼，大粒口感豐富，鮮露筍爽口鮮甜，珊瑚蚌大隻爽口。
继续阅读
您可能会有兴趣的...