不見不散 (已結業)

餐廳內有不少Mirror海報及小裝飾，適合鏡粉打卡。收銀處有兩隻不怕生的貓咪，引來不少食客上前拍照及逗貓。 隔壁有區內人氣甜品店「大飯堂」🍝 卡邦尼意粉 $75真身為白汁忌廉意粉而並非卡邦尼，這應該是香港不少cafe的通病，味道屬普通水平但分量充足*套餐連餐湯、餐包及飲品🐮 英式鹹牛脷飯配洋蔥汁 $75牛脷味道較清淡，並非期望中一般鹹牛脷的味道，約有10塊薄片。醬汁有黑椒、白汁、洋蔥汁等選擇，是次選擇的洋蔥汁味道極甜，沒有洋蔥的味道，比較像茄汁🥲*套餐連餐湯、餐包及飲品🥣 粟米忌廉湯 & 缺席的餐包是日餐湯為粟米忌廉湯，整碗湯一顆粟米都沒有，味道偏咸。由於主餐已進食到一半都還沒上餐包，詢問員店才知道今天沒麵包提供，雖然點餐app內有標明送完即止之類的字眼，但如店員可在點餐前提早告知沒有餐包供應會更好。🥤 凍朱古力 （跟餐轉飲+$5）普通凍朱古力，沒有特別好/壞🗒️ 總結餐廳位於洪水橋不接近西鐵站，如非愛貓之人或鏡粉，不建議刻意前往。✏️ 另收加一服務費

性價比不俗的街坊西餐店。來過兩次食lunch，獨沽一味叫牛扒餐🤣$60多有餐湯、主菜、飲品，味道正正常常，有時想鋸扒又沒什麼要求的話，我覺得可以！不過今次牛扒嘅黑椒汁同燒汁係同上次食唔同味，今次冇咁好食。另外餐牌上其他意粉/焗飯都係差唔多價錢，對我嚟講相對扒類吸引力冇咁大～weekend食late lunch呢度算係靜靜地嘅選擇。今次黎發現有店長貓！佢瞓係收銀枱好搞笑。p.s. 店內超多mirror，fans來應該會好開心。

聖誕節出咗去尖沙咀玩 咁夜諗住搵間餐廳食西餐 仲有一兩個細佬仔 諗住坐得鬆動啲 今晚同屋企人去咗呢度食晚餐 打電話嚟訂台 店員有禮 位置雖然係洪水橋 估計做街坊生意 估唔到啲嘢食水準有驚喜 個人覺得都高水準西餐 叫咗幾個Set都係水準之作 六個人食咗千二蚊 埋單仲有獎抽比細佬仔開心下 大人小朋友都好開心 住附近三個輕鐵站 都一定會再嚟 支持一下呢間西餐小店 不過小店無碌卡 只能比現金 八達通 支付寶 下次再食會帶現金 唔駛小店硬食支付寶手續費 良心餐廳

芝士菠菜餡介子雲吞配意式茄蓉（$72）凍檸茶（+$3）午餐除咗餐飲，仲有餐湯（粟米湯，如果濃啲會好飲啲）及餐包（蒜蓉包，香脆夠蒜味又有香草，好味道）。雲吞仔細細粒，但有成十幾廿粒。餡料微微咸香；餡皮有啲厚度，所以夠飽肚；茄蓉酸酸甜甜，夠哂開胃。焗黑松露龍利柳飯（$75）凍檸茶（+$3）即焗，需時約十數分鐘，焗得夠香（好怕焗飯是旦焗兩嘢就拎出嚟）。魚柳實肉，冇腥味冇雪味，但略嫌粉皮厚咗少少。黑松露醬加埋芝士，夠哂濃味，撈飯一流。餐廳樓底超高，空間感十足。店內大量 MIRROR  應援物，用餐當日啱啱仲有兒登仔poster派。

叫左2個餐等左20分鐘都冇野來，見後面枱剛叫完野就有野到.就問2個 職員，問完冇咩反應就行開左。等多一陣見係冇野食又唔見佢地幫我睇下，就再追問有冇幫我落單，原來就冇。

洪水橋只有好少餐廳選擇，比我誤打誤撞搵到呢間cafe💛價錢便宜但食物質素高水準。最好食係雞扒，即使係外賣，個雞扒皮都仲脆卜卜，肉質嫩得黎多汁👍🏻👍🏻豬扒都係味道醃得岩岩好，肉質唔會鞋口😆每個飯仲配流心蛋，會唔小心食曬成兜飯😹另外$40仲有包飲品，基本上我每次只會飲齋啡，因為夠濃味同順口。只要我唔想煮，佢一定係第一選擇。

今日lunch經開洪水橋，就來試下呢間西餐廳。好鍾意個店舖名（不見不散）☺️❤️西冷牛扒蛋天使麵 配 熱檸茶塊西冷扒都好大塊，意粉份量都多，加埋隻蛋，食完係超飽👍🏻👍🏻 如果白汁唔夠，可以再加。呢點我覺得好體貼❤️❤️ 重點係價錢唔貴，下次會再來👍🏻😋

唔知大家有冇去抽YELL CARD呢🎴?而小編已經抽咗一排卡，抽咗大約十幾張，超鍾意入面既設計😍。小編咁啱住既附近有一間餐廳都有YELL CARD機可以畀朋友去抽😻，而且餐廳環境寬敞又舒適😊，而且除咗西式菜式之外，仲有中式同日式😳，小編除咗抽YELL CARD之餘，都試下呢間小店食物質素啦🥰。✦✦✦✦✦✦✦✦✦✦✦✦✦✦🎈L10. 茄汁海鮮炒意粉 $48小編朝早第一餐已經係食午餐🍽，食茄汁點都比較開胃🍅，酸酸甜甜既醬汁。而餐廳用既蕃茄汁並唔係用罐頭，係用番茄肉慢慢熬製💦，海鮮都算足料，有蜆肉，墨魚肉較多🌰，而且意粉既份量比想像中多，畀出面餐廳都多0.5倍，意粉既硬度唔係太硬，非常適合作為醒胃既一餐。✦✦✦✦✦✦✦✦✦✦✦✦✦✦小編呢一刻先知原來呢到附近都有間西式餐廳，真係意料唔到🤯。入面既環境好舒適，設有好多模型擺設，仲有一部夾公仔機添✨，喺度食飯之餘仲可以欣賞一下餐廳所有既裝潢、擺設同娛樂👀。雖然位置唔太容易搵得到，但住喺附近既居民嘗試過第一次之後，就會知道餐廳既性價比其實係相當之高😚，小編自今次既初體驗亦都對餐廳的印象有特別既深刻🤝。✦✦✦✦✦✦✦✦✦✦✦✦✦✦

由於病毒🦠係6點後會出現而家唯有食外賣啦！好在附近有間黃店餐廳可以買外賣順便支持下💪🏼-菠菜煙三文魚意粉🍝 $82推介望落綠色既意粉已經知道個菠菜好足料😍菠菜汁整到好creamy😋😋菠菜配煙三文魚真係絕配！-脆皮咸豬手配薯菜 $178豬手皮脆肉嫩真係脆卜卜層皮😋豬手亦好大舊兩個人share都得呀！加埋燒汁更加惹味😋😋😋唔鐘意食薯菜既人可以加$12 轉意粉/飯😉-所有晚餐都配蒜蓉包🥖是日餐湯🥣同餐飲☕️真係好抵食嫁！

第一次幫襯 食物以西式為主 欣賞它有素菜 選擇亦算多 味道還可以但分量偏少 價錢略貴 一個焗飯要68元但不是很足分量 只是碟子小 服務員禮貌不好 全店只有兩位服務員 雖然是黃店但不會再幫襯了！

洪水橋呢個小社區近年不斷發展 高樓大廈同人都多左 行過見到呢間不見不散 特別多人排隊 所以決定入去試下～ 佢午餐有set 有蘑菇湯、蒜蓉包同飲品 價錢合理👍🏻 落完order 好快就送上蘑菇忌廉湯同蒜蓉包 湯不是太濃味 但蒜蓉包就好香脆熱辣辣👍🏻 叫左茄汁海鮮意粉 睇落都幾多海鮮 不過覺得茄味唔夠濃 如果可以落埋茄肉會更高層次同口感～ 不過佢都有幾多紅椒黃椒搭夠都唔錯👍🏻👍🏻 我自己再加左小小辣椒仔 更加好味🤩 最後仲配埋餐飲凍檸茶 呢個午餐份量唔算好多但都算唔錯😊

其實上星期六已經食過一次，當時叫咗兩份扒，一份五成，一份七成，而兩份扒嘅出餐時間相隔好耐，而且七成熟竟然生過五成熟，仲出晒血水，結果又要等佢煎過先有得食。另一重點係食物唔熱，湯、意粉、扒都唔熱，唯一好食嘅就係蒜蓉包。後來我喺社交平台向店家反映，佢都講咗原因同承認出錯，所以我認為要俾多次機會佢。事隔一星期，今次一家三口去食，我照舊食牛扒，老公叫咗肉醬意粉，一齊share俾大小姐就啱啱好。蒜蓉包仍然係出色，今日餐湯係蘑菇湯，好香，可惜飲落比較淡同好稀，稍為遜色。食品全部熱辣辣上枱，老公話肉醬意粉好好味，連奶茶都好得，可以再encore 。我食完份扒，個湯都仲係熱，勁！感謝店主pm我講返原因，人總有出錯嘅，最緊要肯承認同改善，值得讚賞！全靠店主，我先無錯過一間咁好嘅餐廳，食到咁滿意嘅西餐，連老公都滿意先係最難得！

今日晚餐叫左碟墨魚汁海鮮意粉，成碟意粉得一小粒魷魚同青椒，原來咁就叫海鮮。。意粉又好咸 ，好難食！忌廉餐湯仲差過罐頭湯。。餐廳裡面堆放大量雜物，感覺很不良好！我同朋友食左一半就無食了，食吾落！以後不會再來！我很少寫食評，但我忍吾住要寫，去快餐店吃的質素還好食過呢間！

平時係openrice見到有呢間野，但一直都吾覺佢嘅存在，因為通常只行馬會果邊都未轉過入去果個位，今日終於搵到佢了，同朋友一人叫了一個午餐，抵食，午餐包熱飲、湯、蒜蓉法包，雞扒做到外脆內軟值得一讚，味道都很好，我口味重白汁就略為淡咗啲，碟飯貌相都很好👍🏻，有下次

餐廳環境寬敞舒適，服務質素好，食物質量有水準， 價錢相宜。 推介焗黑松露龍脷柳飯， 黑松露獨特香味+龍脷柳不太軟很搭配。另外招牌流心芝士漢堡包配薯條, 其流心芝士配juicy 不硬牛肉漢堡+脆香薯條很正。 我最喜歡吃嘅脆皮鹹豬手配薯菜， 豬手外脆內軟又有咬勁，薯條好似薯角咁大條很惹味。還有卡邦尼意粉也是招牌菜，意粉不太淋煙肉很香。十安士牛肉眼扒配薯菜，特級牛肉，其肉眼扒保持肉汁。套餐全部配南瓜湯，蒜蓉包和熱飲， 南瓜湯充滿南瓜香味+忌廉, 蒜蓉包好香蒜蓉味又很脆口。非常值得推介。