世一古井燒鵝

营业中

休息中

叫佢加 側側膊 最後都冇加到食燒味飯點可以冇薑蓉蔥油 失望 失去競爭能力 已經唔係第一次 盡量俾機會佢 冇可取之處 凍檸茶又唔夠凍 如果你話薑蓉要加錢 冇所謂 但係$62個飯俾返少少良心

買燒鵝過中秋，兩個人用所以買份燒鵝下庄，成合只係脾位正常，下面所有鵝件得皮同肥膏搵片肉睇下都無，幾個月前第一次去食有位數面哥哥仔介紹話燒鵝好正當時6人叫咗半隻真係唔錯哥哥仔好介紹又好人。今次特登返食結果啲份量失望味道可以嘅，其實嚟間嘢都扁貴，真係無下次啦！下次唔駛特登入嚟買喇。

我地叫左燒鵝拼叉燒飯外賣點知一打開 見到啲叉燒全部都係肥肉 同商家講 佢話唔想要咁肥 下次要叫瘦叉 但問題係就算我地無叫瘦叉 有幾多人係會食成舊都係肥肉既叉燒？外賣飯份量係好多 但燒鵝同叉燒份量其實好少燒鵝既肉都係得層皮 但皮下既肉得好少其實六十幾蚊又唔包野飲 咁既質素真係好唔得 下次唔會再叫😡

正如標題「唔怪得咁串叫世一」，真係抵佢串得起👍唔怪得佢開咗之後另一間燒味會執笠，因為食完真係返唔到轉頭😹第一先講價錢抵食，而家物價指數咁高，我自己覺得佢哋已經唔算收得貴；第二，佢哋杯檸檬茶真係比其他茶餐廳好飲，為咗佢杯茶嚟都抵；第三，我嚟堂食偷睇👀過佢哋廚房，真係有大爐自己焗燒味，食落去唔似係叫貨工場送燒味嚟，不過就算叫貨叫得咁好食都抵佢勁；第四，叉燒好食，比一般坊間叉燒林生唔乾，食過就知我講乜嘢；燒鵝都係，瘦啲嘅部位食落去都係唔柴👍唯一要彈嘅係如果嗌飯餐嘅叉燒比較碎，嗌一大碟嗰啲叉燒會更正，咁當然一分錢一分貨我明嘅。佢呢間嘢已經好食過大集團嘅燒味，我仲見過一個疑似老細嘅人出嚟收銀，都係非常有禮貌嘅男人，入得廚房做都仲唔粗聲粗氣都算係咁👍樓面嘅兩個姐姐都幾好禮貌🥰不過就衛生可以再有進步空間，上次去嘅時候見到枱面唔知係咪抹得唔乾淨，可能有糖水嘅味道，吸引左都幾多烏蠅喺度嬲嚟嬲去，所以我鍾意外賣多個堂食🫤 暫時食過最好食嘅燒味，希望佢哋繼續努力，喺而家咁嘅經濟環境下好好生存💪🏻加油💪🏻

昨晚同老公途經石門搵食，見到世一啲燒鵝幾靚，咁一於入去幫襯下，老公就叫咗燒鵝飯 ，我就叫四寶飯， 雖然係碟頭飯，但係份量十足， 每件肉都大大舊， 叉燒唔肥但都唔硬，油雞好滑 ，仲送例湯， 奶茶都香濃順口！ 一啲都唔鞋口，價錢亦不貴60-65蚊一碟， 可惜忘記影相 ，食完真係飽到上心口。職員更加親切有禮笑容可掬，雖然我係最後一台客走，有啲阻住佢哋收拾清潔收工， 但亦沒有黑我面，不停叫我慢慢食唔使急， 喺香港好耐冇見過咁親切嘅店舖， 所以真係值得一讚。

Lunch 時間都幾多人，排左一陣隊就入到去啦，叫咗個碟頭「四寶飯」叉燒肥瘦比例平均，鹹甜適中，隻雞夠滑🫶🏻另外仲有紅腸鹹蛋，飯夠多，一個女仔🧍‍♀️食唔哂，例湯夠火候，整返嚟講唔錯😉 📍 世一古井燒鵝 📍地址: 沙田石門安群街1號京瑞廣場2期地下G18號舖

係石門食午餐，見到餐廳入面差唔多滿座，所以入去試下。午餐價錢係正常價，不過冇飲品；想食燒鵝，就要再俾貴啲。- 叉燒 * 燒腩仔飯雙拼飯，賣相幾吸引，份量唔少，味道就正正常常。叉燒有少少燶邊，不過比較瘦，唔夠肥。燒腩仔層皮都脆，正常水準。- 叉燒瀨粉如果唔想食飯，可以揀瀨粉或者米粉，唔使加錢。叉燒分開上，唔會浸住，不過都係比較瘦。午餐有例湯送，不過想飲野，就要另外加錢。餐牌幾靚，係古代既大門，有古色古香既感覺。

噚日（8-2-2024 Thu）女同事SL話因出咗bonus，出去食飯慶祝，我哋就係咁搵係咁諗食乜，決定食COTI，但我去錯咗第一期，返嚟第二期搵到又啱啱冇位。咁落地下，走聚友小廚?唔使等位。男同事PH話唔好，SL就話呢間啦。我哋嚟到係冇人等位，重可以自己揀位坐，坐低後，未睇menu，老闆即推介乳豬，話啱啱燒好，可以揀瘦乳豬。咁SL要$95.00嘅乳豬油雞少飯，PH要$100.00嘅乳豬燒鵝飯，我要$95.00嘅瘦乳豬叉燒飯，全部都只要例湯唔要嘢飲。3碗例湯到嚟，好熱嘅，見到有紅蘿蔔同豬肉，呢個味道清甜，唔油膩，OK嘅。4分然後3個飯都到嚟，兩個同事嘅乳豬都係瘦，但我嘅就肥，老闆重走嚟同我講瘦呢，得一，兩件肥啫，我揭開睇，唔係喎，舊舊都只係肥冇肉。一食，乳豬皮係脆，但只係肥油，唔啱我囉，而且佢只係室溫。0.5分叉燒就半肥瘦，口感鬆軟唔嚡，甜味算適中，算幾好食。4.5分飯都正常嘅，豉油落得夠，OK嘅。5分但燒味飯配甜酸菜唔係新鮮油菜，都幾奇怪。我問同事覺得點?佢哋都話同太興價錢一樣但唔好食，PH話燒鵝唔得，佢哋都話唔會再嚟。

今日試咗外賣燒鵝髀瀨粉，平時一碗實在太貴，今次試用外賣平台用優惠嘗試叫一碗來試試，雖然打開隻燒鵝髀係斬好晒，賣相來講唔係好吸引，但味道係好味嘅，佢唔肥唔係好油，整體食完都會有陣燒鵝嘅味道停留係度嘅，不過價錢嚟講如果無優惠的話，老實講未去到必試類別，之後有機會再試其他。

石門又突然出現好多新食店呀，又有空間俾到我，慢慢慢慢去試試試試試。這次選中的，是一個自稱 "世一" 的食店，名叫《世一古井燒鵝》。英文亦叫 Top One Roasted Duck。講到自已咁勁，梗係要試一下啦。而我就分了兩日，食左兩種配搭不相同既燒味飯。一入來，同同區的另一家燒臘店一樣，會有一碗例湯送給你。兩次來，都是不用款式例湯的。而且都飲得出是少油，冇味精的家常湯水，這一點，令我感覺到不錯。既然是一間燒鵝餐廳，第一次來，當然要食鵝。所以，我點了一份叉鵝飯。叉燒，吃得出並不是梅頭肉，但好在係夠諗，食落又有幾分的肥肉。而燒鵝，是夠皮脆肉嫩的，雖不算是最 top ，但也是夠肉，夠味道的。改日來的一次，我不吃燒鵝了，決定要一份叉燒燻蹄飯。叉燒，可以說是又甜又脆。雖然真的不是梅頭肉，但其口感同味道，都令我滿意。而燻蹄，也是味道好，肉質爽脆既佳作。這兒的燒味套餐，係有湯，也有飲品的。伴餐，我通常都係要一杯港式奶茶。這一杯尚算合格的奶茶，濃度是十足的，但唔知點解，飲落好鞋口。我放一包糖，味道依然好苦，未是好滿意。好食既，但說是 "世一" 就一定不是了。而且，他們的擺碟法，是燒味還燒味，飯還飯，

食物唔掂又吝嗇，唔會有下次。話說今日想斬料返屋企加餸，想去呢間試下，就去買左半斤燻蹄。咁我屋企人食燻蹄中意點好多燻蹄汁（醋），所以我係其他地方買燻蹄都會拎多個燻蹄汁，今次都唔例外啦，點知個侍應話要收兩蚊⋯下？咁都收兩蚊？會唔會姑寒左d呀？同大陸個個因為客人加醬料加得多而打人既老闆一樣咁姑寒，算～兩蚊咪比你當貼士囉。點知返到屋企發現，D燻蹄係冰既，唔係凍⋯係冰，上面真係有冰/霜，仲係凍到分唔開個隻。咁都開飯喇，係要等d燻蹄自然解凍？定要我蒸返熱佢食熱燻蹄呀？

俾招牌個世一名吸引左入去。位置不多，大概十張枱，八成滿，繁忙時間要同陌生人面對面搭枱，冷氣都夠。紙本Menu，人手落單，態度都幾好。$60 1 個燒鵝飯，今時今日真係絕對唔算貴，仲要包例湯，凍飲加$5，都算合理。不過如果鵝脾要$110，有點兒貴。今次先試basic 燒鵝飯，上菜十分快。飯多，有配紙，燒鵝可謂正正常常，但又真係食吾出有乜特別，只係不過不失。完全唔明白點解自稱世－，令客人期望過高，或者關鍵在鵝脾？

見到開新舖有燒鵝食就滿心期待睇睇會唔會好食過附近某間嘅燒鵝，見到價錢相對高$4，雖然唔包嘢飲，不過都諗住份量或者味道會更好。點知好失望貴又貴過人地，$60喎！點解份量可以少得咁可憐，最嬲係全部俾肥膏我！幾乎冇肉食！得兩三舊係背脊！啱啱送嚟我面前真係呆咗，問侍應點解咁多肥膏，佢話係咁樣，🉐️！食一次咁多唔會再返嚟！個麵底又細份，唔知嘅話以為已經食咗一半先上嚟！湯底好淡味，我係女仔，平時都係點餐都係要求少飯，體重唔過44kg，連我都食唔夠飽，街坊要睇路了。

第一次叫外賣app,老婆話叫個燒鵝食，但沒有沙田一，只有呢間新野，見有75折外賣app 又有首次叫減50就試試佢既上莊，點知鵝肉係鬆的，鵝皮係無脂肪的，仲有一大舊鵝頸，味道連街坊酒樓燒味鋪都不如，一邊食一邊覺得像食湯渣一樣，世一難食非你莫屬 😫

依間餐廳新開張無耐係石門少有選擇既燒味店以燒鵝做賣點 今次食當然必叫‼️🥢 燒鵝燒腩仔雙拼飯 💰$60🥢 油雞叉燒雙拼飯 💰$55外賣有連碗湯，湯既味道非常清淡整個外賣既包裝好值得讚👍🏻首先食物擺放得幾靚仔 又有啲酸菜 係少有燒味店會有配菜不過酸菜味道偏酸外賣盒同餐具都係厚實啲嗰種所以外賣拎到返屋企都無漏汁之類講返雙拼飯既味道🔅燒鵝既肉唔實，無乜肥膏，肉亦唔多🔅燒腩仔少鹹，皮少脆🔅油雞肉韌，份量多🔅叉燒味道最差，切到一片片，唔係一嚿嚿，無燶邊，食落似日本拉麵嗰啲叉燒係偏韌啲嗰種🔅飯淋得濟，外賣返到屋企食就更加一pat pat整體嚟講，試一次就夠