影片
招牌菜
食记 (20)
好多人一讲去西贡食海鲜都只谂起乜记乜记但我绝对想推介多一间选择比大家呢间系有质素价钱亦一D都唔"拿利"但有辣有唔辣，呢到座坐得唔太舒服就真既我地一行12人，有大有细，咁热天气梗系坐埋边果张大枱啦好 唔讲咁多 立即介绍下我食左D咩椒盐鲍鱼 - 唔系到到都肯咁样整清蒸就腍D，咁整就烟韧D蒜蓉粉丝蒸蛏子王我一向好钟意食蛏子，呢到当然做到我心水啦好爽好甜花尾趸两食 - 头腩用炆既方式鱼身就起片炒球啖啖肉 最钟意椒盐濑尿虾 - 劲大只，大到可以一开三又系啖啖肉，佢个火候岩岩好唔会炸到D肉实哂我最期待既画面出现喇芝士焗澳洲龙虾 炒饭底佢调既芝士汁好值得赞，唔系太咸又好重芝士味龙虾新鲜真系唔同D 肉都弹牙D配炒饭底仲正过伊面底避风塘炒蟹由于个个都食到半饱，所以对呢个蟹无咩欲望最后埋单六千几 12个人食 呢个价钱真系抵到笑
继续阅读
入西贡行下食海鲜,世兴个阿姐好落力咁推介我地试下，又话比九折…坐低后发觉中计,人客少，龙虾伊面又无味得D壳,完全唔系果回事,算!见老婆大人想食，就帮衬你一次! 差过自己煮，份量又少。 炒菜又无得拣要咩菜…蒸鱼同蒸扇贝又老又鞋…过晒火!
继续阅读
谂住入西贡行下食海鲜，于洪记，全记，同世兴考虑中。世兴个阿姐好落力咁推介我地试下，又话比九折…坐低后发觉中伏了… 人客少，龙虾伊面又话可以免费转芝士，但坐低后职员话芝士要加$20 顶呀！完全唔系果回事!坐低前问佢加个炒蚬或者炒圣子例牌要几十蚊，坐低后话要$128…梗系唔叫啦！算!见老婆大人想食，就帮衬你一次!灼虾，差过自己喺街市买，份量又少。炒菜又无得拣要咩菜…蒸鱼同蒸扇贝又老又鞋…过晒火!! 到埋单，真系无九折!!呢间野中伏一次就够!永不帮衬!
继续阅读
活动完左之后就落左去西贡食海鲜,一行落左已经有2间人走黎兜售,依间有1男1女,男既拖左部份朋友去睇海鲜,话送饭送汤之后又选D大D海鲜既俾我地食,女既留底继续SALE,仲好大声咁话一定好食,唔好食唔收你钱。我地坐出边..有飞飞野,不过坐得出边都预左..本身打算叫400几蚊既4人餐.(我地5人),之后佢话有个海鲜餐..见同个4人餐只系多左款龙虾伊面..咁就选左。黎左个系老板/全场最大既人黎同我地落单,我地讲得混乱左,条友明显不满.仲瞄黎瞄去..汤:好细兜..节瓜猪骨..好似茶记个D例汤.饮唔饮都冇咩所谓.清蒸海虾:食落唔新鲜,自己系街市买个D仲好味.芝士龙虾伊面:芝士味唔浓.佢个质感好似芝士糊沟左好多粉咁..龙虾发育不浪,冇肉食.伊面好淋..其实煮得好唔好食都系其次,主要系:汁入边有好多碎龙虾壳。即系你一食D伊面就会俾D款吉到..要食得好小心,由其系俾小朋友食时。仲有一定唔可以拿黎捞饭!!同系竹园食个D真系冇得比。椒盐鲜鱿:依个比出边食开个D好食,唔厚粉.鲜鱿有口感。不过份量相对少。蒜茸粉丝蒸元贝:佢个餐得4个,因为我地多左个人,要加钱加多1个..$25@个蒜茸粉丝几好味,好味过个元贝..而个元贝就好似香口胶..豉椒炒圣子:条友话话圣子王我地食,会多D好味D..上左碟一睇,你D配菜仲多过D圣子,而D圣子同鱿鱼冇分别同样都似好好赵好韧...菜:依个送既,不过算系咁多样入边最好味既一样..啤酒:青岛33@支..食水好深最后有生果,橙..我宁愿食D酸死既橙都唔想食D冇味既橙 宁愿食D贵到呕既海鲜都唔想食依D揾笨既海鲜。
继续阅读
寻日同朋友去完半月湾, 出黎西贡谂住食海鲜点知鬼掩眼入左世兴叫左个二人餐, $288, 可以拣四款海鲜, 送一碟菜同生果点知第一碟蛏子黎到已心知不妙, 极为细碟佢将蛏子肉切碎左, 蛏子壳伴底蛏子壳得两只, 睇番蛏子肉份量应该真系得两只蛏子...即系每人分得一只之后黎左椒盐濑尿虾, total 得四只中型 size o既濑尿虾每人分到两只蒜茸蒸扇贝, total 两只中型 size 扇贝每人分到一只, 朋友话唔多新鲜最后黎埋只蟹, size 偏细都算喇蟹膏唔知点解得番半边痴住o系蟹盖, 另外半边不知所踪 问男职员点解冇左半边膏, 点知佢话:1. 果块系蟹皮, 唔系蟹膏 (但后来我地食左, 确实系蟹膏)2. 拆只蟹果阵已经系咁, 系会得一边有果块"蟹皮"恕小妹见识少, 乜真系有蟹会得一边系有膏, 另一边冇膏??我就问职员:"即系你话只蟹天生得一边有果旧野(佢所谓o既"蟹皮", 实质为蟹膏)??"呢个时候有位事头婆好恶好大声咁问:"咁你想要有几多边有呀?!!"ok~ 这就是服务态度!我地唔系想要有十万九千七旧蟹膏, 但求系完整冇甩漏但佢咁o既态度, 嗌黎都冇结果, 所以无谓拗最后食完渣渣临俾钱走, 免得谷气总括呢一餐, 每人$16X (因为另加白饭同茶钱)每人食左:蛏子 一只濑尿虾 两只扇贝 一只蟹 半只菜 半碟白饭 一碗橙 半个可能用呢个价钱平时o系市区食到咁o既份量都算 ok但o系西贡黎讲, 呢间世兴真系好唔抵食佢咁样做生意法, 个个黎到食过一次之后真系唔会有第二次仲要周围咁多其他食肆同佢竞争, 可以生存到今日真系一个谜我同朋友食完呢餐完全唔饱, 仲要一肚气, 有强烈被呃的感觉大家去西贡食海鲜, 如果想去呢间世兴, 敬请三思, 唔好贪平若然自问食量好细, 唔怕海鲜唔新鲜, 可以一试
继续阅读