世華餐廳

营业中

休息中

出到黎諗住是但叫個扒食下，叫左個鐵板西冷牛扒餐5成熟，上到黎全熟都算，明顯一食落去係乸󠄁到勁犀利，仲要好鹹，大家自問個腎頂到可以試下，個黑椒汁完全又係死鹹又無黑椒味，強烈唔推介

該店只重視大陸人及游客 對侍本人服務態度十分差劣 例如問幾時有下午茶 有關人員只會冷淡及不回應屑神情回應 對客人一些尊重 客人來是要吃東西及享受合理服務 不是要受氣 加上食物質素差 食碗麵都有膠片碎簡直令人噁心 我不建議大家光顧 令自己身心及錢身有所損失

下午茶時間去，餐廳唔算太多人，叫左個星洲炒米。都等左十至十五分鐘，都大碟算係多蝦，另外就有芽菜，蛋同肉，但佢哋唔係用叉燒炒⋯係啲肥豬肉，仲要好似啲頭頭尾尾唔要嘅就掉落去炒🥲味道唔係話難食，但8成都係肥豬肉，有肉嘅就碎濕濕一兩粒，係連肉絲都稱唔上🥲

世華 世話です傳統的中式餐廳食西餐，呢一間想試好耐，但係一直沒有機會，終於夜晚嚟到其實唔太肚餓第一下入去食咗個鐵板雜扒，最好味的竟然係呢一杯薄荷賓治，不是好多地方有呢一種傳統飲品，而且也會替你林執完沒有很熱，但係亦都有服務。臨收工時候來的所以窗邊位置都無咩人，望到尖沙咀的街景實在太幸福了。好易搵在iSquare對面#世華餐廳 #西餐美食 #hkfoodie #foodie #foodkol #foodie@hk #foodie

喺尖沙咀想食雞扒代替豬扒牛扒來減脂是一件非常困難的事情。進入世華後，點餐的過程卻不是那麼順利，我跟男店長下單， 我點了三次都點不對，這讓我感到有些不悅。我點了一份香煎雞扒走汁飯凍檸茶走甜，但是卻來了薯菜不是飯。雖然味道一般般，但是兩塊雞扒的份量足夠，可以讓我填補一些蛋白質。總的來說，這家傳統港式餐廳還有一些需要改善的地方，尤其是服務員的點餐效率。但如果你是來食雞扒， 我推薦呢度。 因為好少地方會提供雙塊的。

勸喻大家千祈唔好食平時食嘢好難食到寫食評，今次第一次寫等野食慢，唔好食，每份野食得一半基本- 辣雞飯得雞骨同雞頸，好似啲人食雞煲食淨攞出來個啲- 吉列豬扒唔熟，仲紅- 火屎多嗰啲米- 牛脷有毛- 男侍應態度惡劣 有啲呃人$60蚊一個餐 點都應該唔會比依啲野食掛

尖沙嘴崇光百貨 Closing Super Sales！我也來逛逛，看會不會淘到好東東！10分鐘就有收穫，休閒斜孭袋，last stock，開心！還收穫了一大堆護膚品，豐收！Shopping消耗體力，有點餓！在附近找吃的，Sogo斜對面有很多餐廳，今次walk in世華餐廳，原來下午茶時段已經開始了。是日下午餐，包括以下的：#焗豬扒飯：即叫即焗，要等25分鐘，豬扒juicy有肉汁，配蕃茄、洋蔥、粟米粒，好味！#熱鴛鴦：咖啡、紅茶、淡奶的比例，很合我的口味，質感滑，very nice！尖沙嘴性價比很高的懷舊餐廳！

好舊式的餐廳，似旺角花園餐廳、佐敦馬華餐廳類。食物種類多，水平一般，熱的。座位舒適，尤其近窗的，真的很好坐。店員殷勤，傾下計，上菜快。一分錢一分貨。在Iquare旁地段，七、八十元，有寛大的座位，又有街景，有飯有湯有飲品，可以推介。

經過尖沙咀必吃世華餐廳，因為佢哋牛扒幾好食丶由唔貴，但今日真係失望，我要求牛扒薯菜，冇薯條🍟，同個男人職員講知道我想改張單又扮睇唔到即刻走開，同返幫我落單女職員講返，你張單打錯咗，叫佢俾返薯條我，大家應該都清楚結果是什麼🤔扮聽唔到🧏‍♀️沒有幫我跟返😡

樓上舖，全層有街景的開洋的餐廳，坐位不會窄，午餐時段仍找到位。午餐包餐湯與飲品中湯沒什麼料，沒味精，紅湯亦是，料不多，味略淡。「梅菜扣肉飯」$56 梅菜多肉多汁，五花腩不太肥，也算入味，梅菜仍有梅菜味，油少一點與淡口一點會更好。「吉列魚柳拼牛脷 +燒汁」$61牛脷正常，吉列魚如兩片牛脷大小.....細件，友人已 o嘴，與下午茶的大細差不多，不夠飽，沙律雖份量夠吃，但一點新鮮青菜都沒有。友人以後不會再點他。「焗芝士海鮮飯」$65裡面有魷魚，魚塊，蟹柳，蝦，飯也炒了底，只是白汁不夠香，飯頗多，整體合格。其實，這裡食物味道中規中舉，不挑剔的可選這裡，可慢食慢飲。

今天午飯點了肉絲炒麵, 豉椒牛河 ,好好味, 羅宋湯好好味, 好耐未食過咁好味嘅無宋湯, 肯定會再返嚟幫襯, 價錢合理,午市唔多人,炒出來的豉椒牛河和肉絲炒麵都唔多油, 今日食得好開心

同朋友到尖沙咀感受氣氛，行到八點左右就開始揾食。因為係聖誕節，就鎖定去有鐵板扒餐嘅餐廳。行行下先倒呢間餐都幾多選擇，就上咗去試下。餐廳明顯唔夠侍應，舉咗手示意都要成兩三分鐘先有人應。我叫咗鐵板燒汁西冷(七成熟)、羅宋湯同凍檸茶。朋友就叫咗鐵板黑椒汁羊架、羅宋湯同熱檸水。先嚟餐包同湯。餐包暖暖地，好軟熟；羅宋湯好濃，都有幾多菜，但係就無碎牛肉嘅。上菜速度比預期快，湯都未飲完就送到。醬汁自己倒，但係塊鐵板一啲都唔熱，醬汁淋落去一啲聲氣都無。我塊西冷幾乎全熟，不過總好過係生嘅。牛肉味唔係好濃，但好彩亦唔覺有梳打味，塊扒有啲咬口，質地幾好。朋友嘅羊架就有啲驚喜，兩邊煎到好脆，但中間又有好多肉汁，兼且有羊味。雖然我塊西冷麻麻，但喺尖沙咀，又係假期，每人都只係食咗$160，而且又無人催你交枱，我覺得都算係咁。

上星期喺尖沙咀見到世華,諗起佢未搬之前啲咖哩好入味好香,尤其是最鍾意食佢哋嘅咖哩牛脷飯,牛脷有大片又厚,咖哩又香, 於是即刻上去幫襯. 點知只係得兩個字“失望”,咖哩好似水咁,啲牛痢切到細細塊碎上,又乾又黑. 凍奶茶又冇味,雖然價錢唔係貴,但係真係好難想像咁難食. 美味嘅世華咖哩已經消失咗喇.

本身喺isquare 返工，行過對面世華叫個下午茶粟米雞絲飯，一來等左十分鐘個飯先嚟， 嚟到見到已經知中伏，d 汁睇落好杰， 好似薯蓉咁，一食落口第一啖已經成個飯唔想食，d 雞好明顯係喺佢d 海南雞度搣d 雞c 出嚟，最終食咗兩啖飲埋杯奶茶就走咗,最尾行咗去隔離jollibee 食炸雞好過， 我好肯定我求其煮都好食過佢，我咁大個人未食過d 咁難食嘅飯，連一間普通茶記都不如，利申本人對食已經唔算好有要求，但係都食唔落。我發誓以後都唔會食哩間野。

_____好味指數：🌟🌟🌟抵食指數：🤑🤑🤑尖沙咀食飯時間多人大家都知嘅，見到好多樓下餐廳都排晒人龍，喺出面熱辣辣咁等位真係唔係辦法。呢間餐廳喺iSquare對面，而且係樓上餐廳，店內環境簡潔空間夠大，一般唔駛等幾耐就可以入座，就算要等起碼都係喺冷氣地方等✅鴛鴦扒飯好正常嘅扒，不過不失，啲肉就有少少似平時BBQ買個種，只係換咗做煎。肉質結實有少少韌，不過無傷大雅。始終揀得呢度重視嘅都係佢嘅環境，而且佢仲有卡位可以望風景，當你望住街邊都係人你就會覺得其實呢度都幾唔錯