世記上海麵店

营业中

休息中

繼續街市尋寶，食完一輪甜野，梗係要食鹹嘢先真正滿足飽肚啦！🤟🏻🤟🏻世記嘅豬扒都係雜誌所講必食推介之一😎雖然場內有兩間食店都賣炸豬排，但眼見世記係坐滿人嘅！第一次山長水遠一場黎到，膚淺嘅我哋就見到邊間人多就食邊間😈一個豬排一個雞翼happy share，兩個人食最幸福莫過於此😻兩樣馳名野都可以試盡佢嘛😎食完之後，個人比較喜愛炸豬排！炸漿唔會過厚，雖然唔係新鮮即炸，但依然鬆脆雞翼就普通，果然都係豬排岀色！

係自修室溫溫下書，突然好肚餓搵下周圍有ｄ咩好食，見到網上推介左呢間世記上海麵店，地址又咁岩係自修室樓既下大埔墟熟食中心，所以諗都唔諗都去左，坐低嗌左佢個招牌，性價比極高既炸豬排麵，麵彈牙，炸豬排又爽又脆，非常值得一試。

難得早來到街市覓食, 當然不能放過吃馳名豬扒麵的機會.果然早來不用等半小時才可以開動, 甫坐下不久, 人潮便湧來了, 心裡暗自歡喜早過他們到來.今早有些餓的關係, 點了雲吞豬扒粗麵. 大約等了十分鐘, 我的午餐炸好送到了, 豬扒粉不太厚, 只是邊位有一些肥,不過也沒關係, 咬走肥肥的部份便可以了, 畢竟豬扒炸後不乾, 它也有功勞吧. 菜肉雲吞有4粒, 還有附送一條菜, 可以平衡一下只吃肉的邪惡感.好吃的食物瞬間便清碟清碗了.

假日黎到大埔街市熟食中心，一心諗住食東記既豬排面，可惜黎到已經準備關門！傷心💔可能今日係節日老闆早啲關門比員工做節，唯有去格黎果間世記食啦！平時食開都係豬排，點知話已經賣晒😫唯有食雞翼同雲吞啦！想食米線，點知又賣晒了！睇黎佢今日啲生意都幾好😑今次買外賣，因為又冇位同唔想等，不過最後都要等成3，4個字先有！拿拿臨試下先，雞翼熱辣辣新鮮炸起有少少辣唔算太厚粉！而雲吞就冇東記咁好味，辣椒油都冇咩特別！

在大埔街市附近工作，同同事上去街市覓食，見到呢間坐住好多人，12點幾，就坐淨得返幾個位，相反其他舖頭大部分都沒人。坐落的環境一般啦，始終係街市，要同人搭枱。坐低見好多人食豬扒，我同同事又想食但又怕熱氣，於是每人叫左個雲呑麵，再share個豬扒。估唔到個雲呑幾好食，如果自己叫一個，只係28蚊，就已經有8粒雲呑！性價比高！ 另外一個雙併，有4粒雲呑同一塊豬扒，只係36佢個豬扒熱辣辣，脆卜卜雲呑好足料連菜心都新鮮好食！

今早出九龍攞文件，返到大埔時看看錶，可以吃埋午飯才回公司，於是心思思走咗去大埔墟街市熟食中心搵美食，步行過去五分鐘路程，雖然都差不多坐滿人，但搵一個位亦尚算可以的。今次要吃的是世記出名的豬扒，因為上次在蘇記吃麵的時候，看到很多人都吃隔離世記的豬扒麵，所以今次就來試一試。等了超過二十分鐘，一碟剛炸好、香噴噴又金黃色的豬扒先上枱，斬成小件的豬扒，份量非常足，鬆化香脆的外皮，肉質不會太乾，咬落還有肉汁，味道剛好，不太鹹，無論是淨食或放湯跟河粉一起吃，都係咁好味，河粉幼滑，湯底雖然清淡，但整體質素仍高，值得一試。

大埔墟熟食街市二樓太多好嘢食啦！識食一定要食世記嘅豬扒河粉， 食得小辣嘅朋友一定要加辣肉醬！ 另外， 炸雞翼都好正🤤 間嘢無嘢飲， 隔離檔嘅姐姐會走過嚟問你想唔想飲嘢。

大埔朋友介紹了一家麵檔始我，嘴饞的我經常周圍試新野，今天就來到這家世記上海麵。聽說這家的炸豬扒很好吃，於是點了豬扒上海麵。麵的湯底尚算清甜，味精不算多。個人很喜歡上海麵的麵質，爽口彈牙，而且亦有上海麵的偏粗，吃起來雪雪聲，令人滿足過癮。豬扒不得了，大大件很足料，最重要是鬆化，入口後肉質即時溶化。炸粉亦薄身，吃下去不會成口粉，表皮香脆，裡面熱騰騰且軟熟，沒有一絲油益味，相信不是用萬年油。唯一的缺點是，可能店家想專注造麵，世記沒有飲品提供，想飲就要光顧隔離鋪。很多人會看輕街市的熟食市場，但其實是卧虎藏龍，比起很多上海鋪，這家店的上海麵可是更令人深刻呢！

大埔一向美食多，提起大埔，點可以唔提街市內的熟食中心。雖然環境一般般，勝在咩都有得食，食上海麵，一係東記，一係世記，兩兄弟邊間有位就去邊間啦~中午人頭湧湧，等左三個字先有位坐，今日點左豬扒河粉食。先講個粉，雖然湯底一般般，但河粉有別於一般牛雜魚蛋粉，佢算係較幼身，入口時特別爽滑彈牙，浸湯耐左都唔會變散。至於豬扒就認真無得頂，份量比一般多。雖然味道偏鹹，但炸粉薄身，十分香口。豬扒大大塊，啖啖肉，肉汁豐富。世記上海麵，經過大埔真係必食推介，豬扒係即炸，不過等侯時間較長，趕時間的話可能要諗諗。

好耐無食世記既豬扒雲吞了...🤤🤤🤤今日突然好想好想食...就來左大埔既大埔熟食街市到食lu....👏👏👏如常一樣咁多人🤤因爲太好味了不過就算多人但都唔慢架好快就食得唔會好慢先有野食👍🏻👍🏻👍🏻👍🏻今日叫左豬扒雲吞同以前一樣，咁好食，好香脆既豬扒雲吞皮薄料多🤤🤤🤤我仲去左隔離買燒賣食tim正ah。。。。👏👏👏👏👏👍🏻👍🏻👍🏻👍🏻👍🏻

第一次係街市買外賣🤤🤤🤤 research咗好耐最終揀咗呢間 就如各位所講咁好食 凍咗都一樣咁正正正 等耐咗都係值得價錢不太高 有水準嘅店鋪一定會再幫襯 🙌🙌🙌

黎到大埔梗係要去下個熟食市場啦，而其中一樣最出名嘅就係豬扒麵啦。之前食過東記，所以今次就行入小小試下世記啦！ 其實都係得豬扒麵同雞翼麵，不過可以揀唔同配料同埋麵底，有炸菜肉絲、雪菜肉絲、竹筍肉絲、菜肉雲吞同炸醬揀，所以炸醬豬扒麵同豬扒麵都係$36，而我就揀左炸醬豬扒幼麵啦！ 首先佢嘅幼麵係鹼水麵，開頭我都覺得呢個配搭好似有啲奇怪，但係食落又發覺幾夾喎！同埋右面相比起其他面好似米線河粉等冇咁飽肚！佢嘅炸醬有少少鹹入邊有肉碎同埋菜莆， 食落其實都幾多惹味，個人覺得唔駛再落辣椒油， 而佢個湯底係清清地嘅同埋附送兩條菜。雞翼幾大舊同埋幾多肉食晒四隻我諗會幾飽，相比起豬扒就炸粉比較厚。 呢碗麵＄36個人覺得幾抵，咁嘅質素都算係唔錯。

忍！忍！忍！忍！忍！忍！。。嗚呀～夜麻麻先嚟肚餓😭。。又好彩夠夜，乜鬼都休店大吉...如果唔係就大鑊鳥～。。但呢個時候就係「相機食先」 嘅好處...無得食，loop吓電話嘅相都好呀...。。呢間豬扒麵店堅正呀！大大塊豬扒好juicy，外皮酥脆，肉質係爽嘅😋😋😋齋食會覺得鹹咗d...好在有跟麵一碗...麵條可選粗或幼，眼見大部人都揀粗麵，所以跟風...但衰貪心，order咗榨菜肉絲麵...d餸多到呢～哈...好回味呀！不過下次想order淨麵多d，因為豬扒已經好夠味～。。總消費: $30鳴呀～見到又想食....。。忍！忍！忍！忍！忍！忍！

嚟大埔除咗踩單車梗係要嚟試下 大埔墟街市 嘅炸豬扒粗麵佢地既炸豬扒 係即叫即整上枱嘅時候 你仲feel到 嗰件豬扒係 啱啱炸起食落去嘅時候 彈牙 有口感你仲可以配埋雲吞 及 竹筍再加埋杯大可樂簡直食過返尋味

大埔一提起街市熟食中心食上海麵大家都應該知道會有兩間選擇東記同世記當然街市環境就不會有美麗的裝修啦係勝在夠好食！今次是第二次食喇個人喜歡食世記出名的炸豬扒粗麵無論係麵還是豬扒都特別好食！因正值食午飯的時間人頭湧湧的而世記炸豬扒麵只供應熟食坐位亦有限於是坐左係蘇記叫飲品熱鴛鴦都是一般大排擋質素冇特別世記炸豬扒粗麵$36等左約10分鐘即炸熱辣辣豬扒麵送到先講個麵先有別於一般大排麵選用了上海粗麵據稱是浸過梘水的粗麵所以入口時特別滑的的確爽滑彈牙同時不會太腍入口具有煙煙韌韌的感覺伴麵的菜亦可口而湯底就一般水準而豬扒炸粉好薄肉身腍不會太肥調味亦剛好，份量算多加上新鮮炸起世記炸豬扒絕對係誠意推介！不容錯過的好店！