影片
以上资料只供参考，请与餐厅确认详情
呢间餐厅一直好受欢迎因为CP值超高‼️主打嘅怀旧港式风味而家已经比较少揾到🪭其中又混合左D马来风味既元素🇲🇾 平民嘅口味但系唔平凡值得一试呢❤️⭐️ 香煎脆边蛋肉饼饭 🥩可算系呢间餐厅嘅名物🥹 肉饼煎得香脆加上金黄既脆边蛋🍳 猪油配上酱油捞饭系我传统但邪恶既美味😈拌上蛋汁有种温暖嘅童年回忆感🤡⭐️ 滑蛋叉烧饭 🥓滑蛋同叉烧虽然看似简单但系感觉好Homey🏠 叉烧嘅咸香配上葱花嘅点缀🌿捞饭系满满既滋味⭐️ 鲜虾胡椒汤 🦐自家制嘅胡椒汤底加上蒜粒好有地道新加坡感觉🇸🇬 胡椒味香浓但系唔呛喉🌶️大虾用料新鲜带鲜甜⭐️ 香茅鸡扒 🍗鸡扒煎得香脆又嫩滑🐔迫出金黄嘅油香连皮都食埋💛⭐️ 蛋炒猪肠粉 🐷已经好少食到咁怀旧嘅小食😋 简单既材料配上蛋香系平凡既美味😙⭐️ 咖央多士 🍞多士烘得香脆🥰 半溶嘅牛油配上带椰香嘅咖央🧈冰火既感觉混合在一齐好有南洋风味🧊喺香港嚟讲系数一数二高质嘅咖央多不夸张🏝️
继续阅读
之前系大坑都曾经帮衬过两草，当时已经好喜欢，但毕竟个位置对于本人来说都比较远，所以一直都没有再去。刚巧要去尖沙咀，发现原来两草系尖沙咀都有分店，今次就同老公去食个午饭。 见到两草的餐牌，已经每款都好想order，看似好简单好平民既料理，但其实越简单就越难煮得好食。舖头都几早就开工，有时间可以过嚟食个早餐，不过原来早餐只系尖沙咀分店有供应，其他分店系冇嘅。香煎脆边蛋肉饼饭 – 见到只脆边蛋个流心蛋黄摇动中，已经心心眼，然后蛋浆流进白饭里，再配上煎到外脆内软既肉饼，每一啖都好正。好欣赏可以将最平凡的食材混在一起，但可以煮出咁好食的一碗饭。叉烧猪油捞面 (麻辣) – 捞面可以有豉油味或麻辣味选择，今次我地就拣左麻辣味。每一口面都食到麻辣的香气，辣度适中，面条爽口，还有叉烧肥瘦恰当。忍唔住要另加一碟猪油渣，好邪恶，与麻辣面一同食，真系好好味。柠檬薏米水 & 樽仔咖啡 – 柠檬薏米水，酸酸甜甜，又解渴，感觉健康d，唔怕肥。另外也有樽仔咖啡和樽仔奶茶，两款都可以拣原味，又或者好似我咁系拣斑兰味咖啡，味道特别，很不错。
继续阅读
「两草」一直都系想试之选，今日行过见人流唔多，决定一试！铺头满满怀旧情怀，超有Feel !小笼包胡椒汤第一次小笼包浸汤食，胡椒味刚刚好，唔会死辣味，试一啖就会想keep 住饮佢。feel到天气再冻d的话，暖心暖胃感觉应该会更加分。小笼包方面，肉感足够，肉汁配搭胡椒汤令成件事又辣又甜，值得一试。蛋炒猪肠粉开头以为好细份，食落原来越食越有。蛋香之余，每条肠粉都炒得好均匀，好干身。整体调味不错，食完唔会觉得好咸好口渴。樽仔奶茶作为餐厅自制既樽仔奶茶，对比出面周围有得卖既几款樽仔奶茶，绝对唔失礼。唔算太甜，茶味都足够，食野同时有得叹好饮既奶茶，非常满足。薏米水（暖饮）最啱而家湿重季节👍🏻👍🏻麻辣叉烧猪油捞面叉烧肥瘦适中，虽然话系猪油捞面，但系唔会觉得个面好漏，而且一d油益味都冇。反而麻辣味就好出，岩哂好辣人士，越食越辣，但系又会令人想继续食落去。如果唔怕辣既人真系可以试下香煎脆边蛋肉饼饭 饭一到已经闻到好香既煎蛋味，唔识点用文字去形容，简单一句就系好经典既碟头饭豉油味，充满回忆。肉饼都唔野少，微微煎香左，口感十足。 大推！讲明两草野，性价比高，平民之选！
继续阅读
今日放工之后，约埋朋友去尖沙咀食饭，真系好开心！我地拣咗一间马来西亚Crossover港式餐厅，听闻佢哋嘅餐牌选择多，价钱又唔贵，于是就迫不及待想试下。。一入到餐厅，就感受到一种轻松嘅氛围，装潢简约但又有啲特色，适合同朋友聚餐。餐牌上真系有好多选择，从马来西亚嘅经典菜式到港式嘅怀旧美食，令人眼花撩乱。。我地首先点咗香煎脆边蛋肉饼饭，呢个系佢哋嘅招牌之一。肉饼煎得金黄香脆，搭配上面𠮶只脆边蛋，真系一流！饭粒吸收咗肉饼嘅鲜味，每一口都好满足。接住就系叉烧猪油捞面，加咗脆边蛋，捞面有两种口味可以拣，我选咗豉油味。豉油味捞面滑溜又有咸香，配上脆边蛋，简直完美！。然后我地试咗蛋炒猪肠粉，呢个真系一个惊喜！肠粉滑溜，蛋香四溢，搭配上少少酱油，味道真系好正。再加埋咖央多士，甜甜地，啖啖都系满满嘅椰浆香，食完真系心情好好。。饮品方面，我地选咗冻柠檬薏米水，清新又解渴，特别系今天天气有啲热，饮一口真系好舒服。。所有食物都大约$40-$50，真系好平民，食得咁开心，唔使担心荷包。食完之后，大家都觉得呢间餐厅真系值得再来，因为唔单止食物好味，环境又舒适，最紧要系价钱实在。
继续阅读
今日同朋友去咗尖沙咀棉登径嘅「两草」食饭，呢间平民食堂虽然地方唔大，但胜在够地道，而且价钱亲民，绝对系打工仔同学生嘅福音！叉烧猪油捞面（$45）我哋点咗几样招牌菜，首先系 叉烧猪油捞面，一上枱已经闻到好香嘅猪油味，面条弹牙，叉烧肥瘦适中，捞埋猪油真系好邪恶但好满足！香煎脆边蛋肉饼饭（$42）跟住系香煎脆边蛋肉饼饭，个蛋煎得啱啱好，蛋黄流心，肉饼煎到外脆内嫩，送饭一流！咖央多士（$25）另外仲试咗咖央多士，多士烘得脆卜卜，入面嘅咖央酱香甜唔腻，好食到停唔到口。蛋炒猪肠粉（$27）最后仲有蛋炒猪肠粉，肠粉炒得够镬气，蛋香十足，简单但好味。柠檬薏米水（热）（$25）、樽仔奶茶（$25）、无糖可乐（樽）（$12）饮品方面，我哋叫咗柠檬薏米水（热）同，樽仔奶茶同樽装无糖可乐，柠檬薏米水清热解腻，奶茶茶味浓郁。总括嚟讲，「两草」嘅食物质素唔错，价钱合理，而且选择多样，绝对系平民美食嘅好选择。如果你喺尖沙咀想揾间平靓正嘅餐厅，不妨试吓「两草」！而餐厅营业时间系早上8点半至晚上9点半，建议避开繁忙时间去，唔使等位等咁耐！
继续阅读
您可能会有兴趣的...