中世紀武器咖啡屋 (已結業)

價錢貴到痴線，未試過cafe貴到咁唔會理，一個人無幾百蚊唔洗埋單。食物選擇本身就好少。黎到一睇個份量好細，完全唔夠飽。但味道就好普通，完全唔值得宜個價錢。未試過打食評，但對宜間cafe真係好反感，令我要打第一篇，永不幫襯。

一入到去啲劍勁過引，直頭勁真實！全部都打造得好細緻，好欣賞！別具一番特色！今日叫左幾樣野share，黑松露忌廉意粉，幾夠creamy，一食落去成口都充滿住黑松露既味道，唔會偷工減料既感覺！另外嗌左個白酒煮青口，好香個青口，有種驚喜既感覺！杯凍朱古力個賣相好好，唔會太甜亦夠滑。會再帶朋友上黎睇劍，有機會都想訂翻把！正！

朋友介紹，咪上去試下，叫左意粉，沙律，牛扒，咖啡，花茶，但食落意粉硬而無味，沙津的三文魚太咸，牛扒跟本唔值2百幾蚊價錢🙈，而且裝修又普通，價值根本唔值果個價錢，下不為例😤

叫左個白酒海鮮意粉同份牛扒意粉幾惹味調味適中，個意粉又唔會好淋，有反啲咬口，唔似出面煮到淋哂冇咬口。牛扒個肉質唔差，都幾嫩口，咬落去有肉汁爆出黎，cafe黎講出品算唔錯！至於飲品冇咩特別既地方！整體黎講不過不失啦，水準比預期想像中好，cafe仔算係咁啦！不過上得黎，我相信都係對啲劍有興趣既，啲野都幾特別！見到啲劍個啲都好花心機，值得欣賞！我見到都想買番把！但可以改善既地方係佢既裝修，啲椅子坐到個人好唔舒服！

牛扒意粉 叫6成熟 俾3成熟 翻煮 牛扒一半7成一半3成。即係有一半唔食得。 伴碟蕃茄連個定都唔切 成個上。加個少少沙津菜三文魚意粉 漏俾三文魚。意味味道可以接受，正常味道。但收$148意粉$238牛扒價錢來說，即係好似去左士多食鮑魚咁。 分量奇少 服務態度一個還可以另一個奇差。 冇服務還要收加一服務費。 不知道服務左去邊度，寧願自己去捧餐，自助拿餐具。難以想像。唯一可取 味道正常環境可以話說好舊好舊，乾淨程度還可以吧。 燈光又青又暗，陰森來形容。

Menu選擇太少, 兩個人食我叫左個煙三文魚沙津,肉眼牛扒, 蜆肉意粉, 一杯朱古力埋單已經要$5xx 煙三文魚沙津得一片三文魚係面會唔會太少啊？而個底就有羅馬生菜同翡翠苗加上日式芝麻醬成個menu最貴既肉眼牛扒就煎到好似柴皮咁, 同埋個扒好似無處理過咁, 又無味又鞋同埋好難咬, 好似食緊湯渣咁首先個蜆肉意粉黎到既時閒, 我好記得我有問一問個侍應呢個係咩意粉？好彩佢答我係蜆肉意粉因為我以為係柳松菇意粉啊, 睇表面一粒蜆肉都見唔到(入面係有幾粒既), 同埋點解會咁乾身既呢？其次個份量超細, 細到好似兒童餐咁, 意粉太硬唔知係佢未煮夠定係個意粉本身質素差成個意粉都炒到好多油, 而個味道就好似食緊茶餐廳既黑椒XX炒意粉抱歉並無影到其他食物既相, 如有懷疑不要懷疑, 請挑戰！

忙了工作個多月，終於第一次來新舖食野。雖然之前老闆搵我幫手上載了一些資料上來，但今日可以試新野-牛扒飯。個牛扒醃得入味，肉質唔錯。在新舖無咗套餐，但跟飯飲品有半價，都唔錯，點了往日飲開的藍苺提子汁，味道依舊夠新鮮，但今次竟然用隻型爆黑騎士杯上，勁。新舖比舊舖真係寬敞好多

今日俾衰仔放飛機，唯有一支公食飯係旺角平時去女人街食得太多，原本見到串燒咖啡個易拉架想去幫襯......但一入到去成棟都係CAFE....最後上咗18樓....一望入去，好暗....中世紀氣氛?原來係因為個燈罩遮光....原本想食雞扒飯，但老闆話剛剛至醃未入味，佢建議鰻魚飯鰻魚本身都好夠味，老闆話唔夠味可加汁.....食飯期間，聽到磨野聲，之後就聞到一陣咖咖的香味，咖啡始終都係即磨好試過有幾間樓上CAFE，90幾蚊俾杯三合一....咩料呀！不過由於怕飲完瞓唔到，所以飲蘋果汁....個杯真係好型睇返個餐牌，佢地飲品真係唔多，不過都夠....總好過以前皆屋，大部份都係人造色素同糖精....

一班人去試新咖啡店，咖啡味道淡，奶昔好像水一般，意粉士多啤梨汁好怪，職員唔識溝通而且有個職員抱住BB。店內只有一個賣點，就是很多武器！講真，一杯咖啡六十幾蚊難飲過星巴克，而且此店沒有甜品！女性朋友就有點失望！會考慮以後不去！